Skip to main content

သီဟ

ကွန်မင့်တခုရတယ်။ အသံထွက်က မနုတ်င်္သီဟ လို့ထွက်တော့ ကျနော်သိနေတဲ့စာလုံးပေါင်းက မနုဿီ ဟ။ မသေချာ။ ကိုယ်ပဲမှားသလား။

သီဟ = ခြင်္သေ့၊ သိဟ်ရာသီ။

Leo: The Lion (July 23-Aug 22) ခြင်္သေ့ (သိဟ်ရာသီ)

မနုဿီဟ နှင့် မနုသီဟ

ကွန်မင့်တခုရတယ်။ လူခြင်္သေ့ = မနုဿ+ သီဟ= မနုဿီဟ၊ ကျနော်ထင်တာပါလို့ရေးတယ်။

အရှင်ဗုဒ္ဓသိဿရေးတာက မနုဿီဟသတ္တဝါဆန်းကြီးဇာတ်ကြောင်းရေးတယ်။ နေဝင်းမြင့်ကလည်း မနုဿီဟ ဝတ္ထုတိုများရေးတယ်။ စောမုံညင်းကလည်း မနုဿီဟလို့ရေးတယ်။ KML DICTIONARY မှာလည်း မနုဿီဟလို့ပါတယ်။ အွန်လိုင်းသတ်ပုံကျမ်းမှာလည်း မနုဿီဟလို့ပါတယ်။

အရှင်သုဇနာစာရ (တက္ကသိုလ်စာသင်သား)၊ သာသနာ့တက္ကသီလဓမ္မာစရိယ B.A BUDDHISM မဟာဓမ္မာစရိယကျမ်းပြု ကိုယ်တော်က မြန်မာ့စွယ်စုံကျမ်း အတွဲ (၈) ကိုကိုးကားပြီး မနုသီဟလို့ရေးတယ်။

ဦးဟုတ်စိန်ပြုစုတဲ့ ပါဠိ-မြန်မာအဘိဓါန်မှာတော့

ခြင်္သေ့ = သီဟ၊

ခြင်္သေ့ခံသောပလ္လင် = သီဟာသနလို့ပါတယ်။

ဘုရားရှေ့မှ ခြင်္သေ့ကြီး

ဘုရားရှေ့မှ၊ လည်ဆံဖွ၍

ခေါင်းကြွ ရင်မောက်၊ အမြီးမြှောက်လျက်

ဟောက်တော့မည့်ပုံ၊ ခုန်တော့မည့်လား

မာန်ဝံ့ကြွားသည်

အုတ်သားခြင်္သေ့ ခန့်ပါပေ့။

တနေ့ခါတွင်၊ သူ့ကျောပြင်ထက်

ကျေးငှက်စွန့်ထား၊ ညောင်စေ့များသည်

အုတ်သားကိုဖေါက်၊ အပင်ပေါက်ခဲ့

ဟိန်းဟောက်မာန်ချီ၊ ခြင်္သေ့သည်ကား

မထီမာန်တက်မြဲပါကို။ (မောင်စွမ်းရည်)

တစ်နေ့ခါတွင် မဟုတ်။ အဆိုပါခြင်္သေ့ ကနေ့ထိရှိတယ်။ ခြင်္သေ့နောက်လိုက် တစ်သတ်ပုံသမားတွေက ငြင်းလိုကြရင် ဆရာမောင်စွမ်းရည် ရန်ကုန်မှာရှိနေပါတယ်။

ဒေါက်တာတင့်ဆွေ

၂၇-၁၁-၂၀၁၉

Comments

Post a Comment

Popular posts from this blog

ဒါပေမဲ့

  ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...
Post a Comment
Read more

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ
Post a Comment
Read more

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ
Post a Comment
Read more