Maturity ရင့်ကျက်မှု

ကနေ့ ကျန်းမာရေးမေးခွန်းတွေ အတော်များတယ်။ အီးမေးလ်နဲ့ရော၊ ဖေ့စ်ဘွတ် ပေ့ချ် မက်ဆေ့ချ်ကရော၊ ဖေ့စ်ဘွတ်ချတ်ကနေရော မေးကြတယ်။ ဘယ်နှစ်ယောက်လဲ ပြန်ရေတွက်ဘို့ အချိန်ကြာမယ်။ မေးတာတွေကလဲ စုံလှတယ်။ သားသမီးရချင်သူက ၃ ယောက်အနည်းဆုံးရှိမယ်။ ကိုယ်ဝန်မလိုခင်သူကလဲ ၃ ယောက်လောက်။ ယောက်ျားအားနည်းတာက ၂-၃ ယောက်၊ သားအိမ်ကင်ဆာကာကွယ်နည်း၊ နှလုံးသွေးကြောရောဂါ၊ ဘေလုံး ထုတ်ထားရသူ စသဖြင့် မေးကြပါတယ်။ မေးခွန်းမေးနည်းစည်းကမ်း ပို့ပေးရတာက ၄ ယောက်လောက်။ အတော်များများက မေးနည်းစည်းကမ်းအတိုင်းဖြစ်လို့ ဖြေရတဲ့သူမှာသက်သာတယ်။ ရေးထားပြီးသားစာတွေ ပြန်ပို့ပေးရတာမို့လဲ အချိန်မကုန်လှပါ။

လူ့သဘာဝဆိုတာ အဲလိုပဲ။ အမျိုးတူတာတွေ စုပုံလာတတ်တယ်။ နိုင်ငံရေးသတင်းပူတွေ ဆုံကျတတ်တယ်။ ကျန်းမာရေးအရေးပေါ်တွေ ပေါ်တတ်တယ်။ ပေါက်ကွဲမှုတွေလဲ စုလာတတ်တယ်။ သာယာနာပျော်ဘွယ်တွေလဲ ဆက်တိုက်လာတတ်ပါတယ်။

ကိုယ့်မှာ အကျသဘော၊ အနုတ်သဘောဖြစ်နေတဲ့အခါ စိတ်အားတင်းရမယ်။ ပျော်စရာမှာလဲ မလွန်ကဲသင့်ပါ။ ဒါမှသာ နာစရာကြုံရင် သက်လုံကောင်းမယ်။ အဲတာဟာ တည်ငြိမ်မှုရအောင်ကြိုးစားနည်းဖြစ်တယ်။

လောကဓံဆိုတာ ဆင်းရဲတာ၊ ကဲ့ရဲ့ခံရတာ၊ အခြံအရံနည်းတာ၊ လာဘ်လာဘရှားပါးတာတွေချည်းမဟုတ်ပါ။ ချမ်းသာတာ၊ ချီးမွမ်းတာ၊ ခြွေအရံများတာ၊ လာဘ်ပေါတာတွေလဲပါတယ်။ ဒီလေးစုံအကုန်လုံးမှာ တည်ငြိမ်အောင် ကြိုးစားနေကြရတယ်။ လူတိုင်းမှာ အချိန်တိုင်းရဘို့ဆိုတာ လွန်မြောက်သူမဖြစ်သေးသ၍ မဖြစ်နိုင်ဘူး။ ဒါကြောင့် တည်ငြိမ်ပြီး ရင့်ကျက်မှုကိုသာ အချိန်တိုင်း (မိနစ်တိုင်း၊ စက္ကန့်တိုင်း) မှာ ကြိုးစားကြရတယ်။

စိတ်ပညာမှာ Maturity ရင်ကျက်မှုဆိုတာ မွေးရာပါမဟုတ်၊ လေ့လာသင်ယူရတယ်လို့ဆိုပါတယ်။ ဖြစ်လာ၊ တွေ့လာတာကို ဆီလျှော်အောင် တုန့်ပြန်နိုင်စွမ်းလို့ အဓိပ္ပါယ်ဖွင့်တယ်။ ကာလံဒေသံကိုလဲကြည့်ရတယ်။ ရည်ရွယ်ချက်၊ ဦးတည်ရာ၊ မှန်ကန်မှုတွေနဲ့အတူ အဓိပ္ပါယ်ရှိနေရမယ်။ ရင်ကျက်မှုက အသက်အရွယ်နဲ့ အချိုးကျချင်မှကျတယ်။ ငယ်ရွယ်သူတွေလဲ သူတို့ထက် အသက်ကြီးသူတွေထက် ရင့်ကျက်တည်ငြိမ်နိုင်ကြပါတယ်။

ဒေါက်တာတင့်ဆွေ

၇-၁-၂၀၁၅

Comments

ပဲ နဲ့ ဘဲ ဋီကာ

၁။ ပဲမှန်သမျှ ဘဲလား ဆရာခင်ဗျ အငြင်းအနေနဲ့မှ ဘဲ သုံးရတာလားဗျ ခွဲခြားမသိလို့ပါဆရာ ၂။ ဆရာခင်ဗျာ 'ပန်းပန်လျက်ပဲ' မှားတယ်ဆိုတော့ ပဲနဲ့ဘဲ အသုံးလေးရှင်းပြစေလိုပါတယ်ခင်ဗျာ ၃။ ပဲ နဲ့ ဘဲ သုံးတာ ပုံထဲကအတိုင်း မှန်လား မှားလား ဆိုတာ သိချင်ပါတယ် ဆရာ။ ၄။ ချောင်းအစွယ်လား ချောင်းအဆွယ်လားဆရာ မူကွဲတွေကလည်း ကွဲဘဲကွဲနိုင်လွန်း ၅။ မနက်စာ စားပဲဖြစ်ဖြစ် အဆာပြေလေးဖဲဖြစ်ဖြစ် - ဖဲဆိုတာ ဖဲရိုက်တာ။ ၆။ အထင်ကရအစားအစာ တစ်ခုဖဲလေနော် - တခုပဲ (ဘဲ) လေနော်လို့ ရေးရ။ ‘တစ်ခု’ ဆိုရင် မျိုမကျတဲ့အစားအစာ။ ဖဲဆိုတာ ဖဲရိုက်တာ။ ၇။ ငါပဲလုပ်မယ်လားဗျ ပဲ လား ဘဲ လား ဇဝေဇဝါဗျ ၈။ ပဲနဲ့ဘဲကို အမြဲမှားပါတယ် ဒါပဲလို့ပြောယင် အမှားပါလားရှင် - ပန်းပန်လျက်ပဲ မှားတယ်။ ဆိတ်အုပ်ကဗျာ။ - သူငယ်ချင်းလို့ပဲ ဆက်၍ခေါ်မည်ခိုင် မှားတယ်။ သူငယ်ချင်းလို့ပဲ ဆက်၍ခေါ်မည် ဆိတ်မ။ ဗေဒါလမ်း ညိုပြာပြာ လတာပြင်ခြေရင်း လှိုင်းတက်ရာ ဗေဒါတက်၊ လှိုင်းသက်ရာဆင်း။ ဆင်းရလဲ မသက်သာ အုန်းလက်ကြွေရေပေါလော၊ မျောစုန်လို့လာ အဆင်းနဲ့အလာ၊ ဗေဒါမ အထွေး အုန်းလက်ကြွေ သူ့နံဘေး၊ ဆောင့်ခဲ့ရသေး။ ဆောင့်ခဲ့လဲ မသက်သာ နောက်တချီ ဒီတလုံးက၊ ဖုံးလိုက်ပြန်ပါ မြုပ်လေပေါ့ ပေါ်မလာ၊ မဗေဒါအလှ တလံကွာ လှ

ရှေးရေစက်

ရေး - ရွှေတိုင်ညွန့် ဆို - ဝင်းဦး + မာမာအေး လူမြင်ရင် ချစ်ချင်ဖွယ် ရူပါရုံ ချောလှတယ် သဘောကောင်းတဲ့ သူကလေးရယ် အတူဆုံဖို့ နဖူးစာရေးတယ် ယုံကြည်ဖွယ် မာယာနှောကာ ပြောတတ်တဲ့သက်လှယ်ရယ် နောင်ခါဝယ် မေရှင်ကလေးကို အရေးမစိုက်မှာ အလွန်စိုးတယ် ချစ်မှာလားကွယ် မေတ္တာထားတယ် ရှေးရေစက် ကံဆုံတယ် တူနှစ်သွယ် ဆုံဆည်းရတယ် ချစ်စရာကောင်းသူကလေးရယ် မောင့်စိတ်ထဲမှာ စွဲလန်းတယ် အဟုတ်ကိုပြောတာလားကွယ် လိမ်ဉာဏ်တွေပိုတယ် ကရုဏာထားတာ အဟုတ်ပါပဲ မေတ္တာထားတယ် တကယ့်ကိုပဲ မင်းအလိုရှိရင်မောင့်အသည်း ခွဲကာပေးမယ် တွေ့ရင်တော့ဖြင့် လွမ်းအောင်ချွဲ နောက်ကွယ်ကျရင်မေ့မှာပဲ အသည်းမှာစွဲတဲ့ ပျိုမေရှင်ကို အလိုလိုက်ရလိမ့်မယ် တူမောင်မယ် မေတ္တာအကြောင်းနဲ့ ပေါင်းဖို့ရာ ဆုတောင်းမယ် ခင်နဲ့မောင် သစ္စာထား သိကြားနတ်တွေ အကုန်သိတယ် တူမောင်မယ် မေတ္တာအကြောင်းနဲ့ ပေါင်းဖို့ရာ ဆုတောင်းမယ် ခင်နဲ့မောင် သစ္စာထား သိကြားနတ်တွေ အကုန်သိတယ် ချစ်တဲ့သူရယ် ကြိုက်တဲ့သူရယ် ရာသက်ပန်ရွယ်ကိုးလို့သာ အရိုးကျအောင် ပေါင်းပါ့မယ် စိုးရိမ်ဖွယ် စိုးရိမ်ဖွယ် ယောက်ျားများဟာ ဖောက်ပြားလွယ် တကယ်ကြောက်အားပိုတယ် ယုံဘူး ယုံဘူး ချစ်ဦးပျိုသက်လှယ် လူမြင်ရင် ချစ်ချင်ဖွယ် ရူပါရုံ

ယတိဘေဒ ခေါ် မြန်မာစာရေးနည်း

ကျွန်တော် ညက အိပ်မက် မက်ပါတယ်။ ဆောင်းအိပ်မက်က အကျအန။ နေ့ခင်းတုန်းက မိတ်ဆွေတဦးကနေ ဆရာ မြန်မာစာ ပန်ကျူယေးရှင်းအကြောင်း ကျမ်းတစောင်ရေးပါလားတဲ့။ ဟာ - ရာရာစစ၊ ကျွန်တော်က မြန်မာစာကို ဆရာလုပ်နိုင်တဲ့အထိ မတတ်ကျွမ်းပါ။ ဒါပေမဲ့ အိပ်မက်ထဲမှာ ကျမ်းတစောင် ရေးခဲ့တယ်။ မြန်မာစာရေးနည်းထဲက ယတိဘေဒ။ လက်ထဲမှာ လယ်တီဆရာတော်ဦးကေလာသ (လယ်တီဒီပနီကို ရေးသားတော်၏မူတဲ့ လယ်တီဆရာတော်ကြီး မဟုတ်ပါ) ရေးတဲ့ ယတိဘေဒ ခေါ် မြန်မာစာရေးနည်း “ပီဒီအက်ဖ်” ဖိုင်ကို ရှေးစာကဗျာများနေရာကနေ ရထားတယ်။ ကျေးဇူး။ ယတိ (၁) = ရပ်ခြင်း။ ရပ်တန့်ခြင်း။ ချုပ်တည်းခြင်း။ စောင့်စည်းခြင်း။ ယတိ (၂) = ရဟန်း။ မြန်မာလိုမှာ ယတိပြတ်လို့ ရှိတယ်။ တစုံတခုကို တိတိကျကျ ဆုံးဖြတ်တာမျိုး။ သတ်မှတ်တာမျိူး။ ပိုင်းခြားလိုက်တာမျိုး။ မြန်မာစာရေးသားနည်းမှာ ယတိဆိုတာ စားလုံးတခုနဲ့တခု၊ စကားစုတခုနဲ့တခုကို ပိုင်းခြားခြင်း ဖြစ်ပါတယ်။ အလွယ်ဆုံးနဲ့ အများဆုံးက ပုဒ်ထီးနဲ့ ပုဒ်မ။ ကွန်ပြူတာစာရိုက်နည်းမပေါ်ခင် လက်နှိပ်စက်ရိုက်နည်းမှာ စနစ်တကျသင်ကြရပါတယ်။ ပုဒ်ထီး၊ ပုဒ်မ မဟုတ်ဘဲ တကွက်ခြာ ရိုက်ရတာလည်းရှိတယ်။ အခုခေတ်မှာတော့ “စပေ့စ်ဘား” ခေါ်တယ်။ တကွက် ဆိုတာ နှစ်ကွက် သုံးကွက် မဟုတ်ရပါ။ စာ

တို့စာ တို့စကား တို့တိုင်းပြည်

Search This Blog