တို့စာ တို့စကား တို့တိုင်းပြည်

ရထား ဆိုက်ရောက်တာလား ရထားစိုက်ရောက်လား ဆရာ ဆိုက် ဆိုက် = ဆက်စပ်ထိတွေ့သည်။ ရတုအလိုက်၊ ခက်ချင်းဆိုက်၍၊ အကိုက်ငုံဖူး။  ကလေးခေါင်းဆိုက်ပြီ ဆိုက်ကပ် ဆိုက်ကို ဆိုက်ကိုပက်  ဆိုက်ခေါင် ဆိုက်ဆိုက်မြိုက်မြိုက် ဆိုက်မြေပုံ ရထားဆိုက် သင်္ဘောဆိုက် စိုက် စိုက် = အစေ့အဥစသည်ကို ပေါက်လာအောင်မြေကြီးတွင် ချမြှုပ်သည်။ လယ်မြေကောင်း၌၊ ကောက်မျိုးစိုက်မူ၊ အကိုက်ပေါက်လျှင်၊ အပင်ရှည်သွယ်။  စပါးငှက်ပျောပင်စိုက် မိလိုက်ဘရုံးအခြေစိုက်တည်နေရာများပါ စပါးစိုက် စိုက်စိုက်မတ်မတ် စိုက်နည်းစနစ်များ  စိုက်ပျိုး စိုက်ပျိုးရေး စိုက်လိုက်မတ်တတ် ဓါတ်အပ်စိုက်ကုသနည်း ရုံးအခြေစိုက်တည်နေရာများ သစ်ပင်စိုက်ပါ အထပ်ထပ်စိုက် အပ်စိုက်ကုသနည်း အရင်းစိုက်ထုတ် အိတ်စိုက်ကုန်ကျစရိတ် အရင်းမစိုက် လှေထိုးလိုက် ဒေါက်တာတင့်ဆွေ

ကောဏာဂုံ မြတ်စွာဘုရား ဂုံ = ထိုင်းတရုတ်အုပ်စုဝင်ဘာသာစကားတမျိုးကိုပြောသောမြန်မာ တိုင်းရင်းသားရှမ်းလူမျိုးတမျိုး။ ကျိုင်းတုံဒေသတွင်နေထိုင်သည်။ ဂုံလူမျိုးတို့နေရာကျိုင်းတုံဟူသောခေမာဝရတိုင်း။  ဂုံခါးပင် ဂုံစက္ကူ ဂုံညင်းထိုးမယ် သီချင်း ဂုံညင်းပင် ဂုံညင်းသီး ဂုံညှင်းဆိပ်ကျေးရွာ၊ သရက်ချောင်းမြို့နယ်၊  ဂုံညှင်းဆိပ်ရွာ၊ မြင်းမူမြို့နယ်၊ ဂုံပင် ဂုံမင်းပင် ဂုံရှမ်းလူမျိုး  ဂုံလျှော်ကြိုး ဒဂုံတက္ကသိုလ် ဒဂုံမြို့နယ် ဒဂုန်ခင်ခင်လေး ဒဂုန်တာရာ နှမ်းကြတ်ပင်အခေါက်နှင့်လုပ်သောစက္ကူကိုဂုံစက္ကူလို့ခေါ်ကြသည်။  ရွှေတဂုံဘုရား သရဏံဂုံ (သရဏဂုံ) ဂုံညင်းထိုးမယ် (ဆို - ဝင်းဦး။ ရေး - ရွှေပြည်အေး) https://www.youtube.com/watch?v=yQaYU-cCZnY Dr. တင့်ဆွေ

ပြည်တွင်းဆောင်းပါးပေါင်းချုပ် (ဒဂုန်ခင်ခင်လေး) ၁၉၇၅ ခုနှစ်က အရေးအသား။ ပုံအတွက် ကျေးဇူး။ Dr. တင့်ဆွေ

မည်စည်အရိပ် တိတ်တိတ်ဆိတ်နဲ့ ချွေးသိပ် နွမ်းလျ ပန်းသမျှပြေ။ ပုံနဲ့အတူ တင်ထားတာဖြစ်ပါတယ်။ မည်ဆည်ပင်နဲ့ မယ်ဆယ်ပင်လို့ ရေးနေကြတယ်။ မည်စည်ပင် = မယ်ဇယ်ပင်။ မြန်မာနိုင်ငံအထက်ပိုင်းတွင် ပေါက်ရောက်လေ့ရှိသည့် အပွင့်ကို စားသုံးရပြီး အစေ့မှ အဆီထုတ်ယူရရှိသည့် ရွက်အုပ်ပင်စောက်ကြီးတမျိုး။ မယ်ဇယ်ပင် = မည်စည်ပင်။ ပုံအတွက် ကျေးဇူး။ ဒေါက်တာတင့်ဆွေ

ကလေးကို သန်ချဆေးတိုက်နေစဉ် လူကြီးကို သံစူးသည်။ ကျားလာသဖြင့် အလန့်တကြားဖြစ်ကုန်သည်။ ကျာပွတ်နှင့်ကစားနေတာ ကြာပြီ။ ချင်းအမျိုးသားအသီချင်းဆိုခြင်းနဲ့ အဆုံးသတ်မည်။ စည်းနဲ့ဝါး မေ့နေသဖြင့် ကားတစီးနဲ့ ပြန်ယူရသည်။ စပါးပုတ်အနီးမှာ ပဲပုပ်တောင်းထားသည်။ စားနေကျဆိုင်ကို သွားစားကြမယ်။ ဆာနေသလား အစားအစာတွေ ရှိပါသည်။ ဇာတ်စင်သည် ဆင်လောက်မြင့်၏။ တန်းတူရည်တူရှိကြောင်း မှတ်တမ်းတင်ပါ။ ပင်လယ်ကမ်းစပ်များတွင် တနေ့လျှင် တချို့နေရာမှာ ၂ ခါ တချို့နေရာမှာ ၁ ခါ ဒီရေတက်တတ်သည်။ ပစ်ခတ်သူကို အပြစ်ပေးရမည်။ ပပ်ကြာက် ပတ်ပတ်လည်မှာ မြက်ပေါက်နေသည်။ ပွဲတက်ဝတ်စုံကို ကျကျနနဝတ်တတ်ရဲ့လား။ ပျံထွက်သွားတဲ့ငှက်တွေ ပြန်လာပြီ။ ပျားတုပ်ခံရတဲ့နေရာ အခုတော့ ပြားချပ်သွားပါပြီ။ ပျိုမြစ်တဲ့အရွယ်မှာ ရည်ရွယ်ချက်တွေ ပြိုလဲမသွားစေနဲ့။ ကြိုးစားပမ်းစားလုပ်ရသဖြင့် ပင်ပန်းသွားပြီ။ မကျန်းမာသူသည် ကြမ်းပေါ်မှာအိပ်နေ၏။ မိခင်သည် စာဖတ်နေရင်း ကလေးကို ဖက်ထားသည်။ မိုးမစဲသေး ဆဲရေးသံကြားရတာ မကောင်းပါ မှိုင်းစွဲနေသည့်မှန်အိမ်ကို ဆွဲလာခဲ့သည်။ ယက်ကန်ယက်ကန်ဖြစ်နေတာ ရက်တွေမကြာသေးပါ။ ခြူလုံးဆွဲထားသည့်နွားအနီးမှာ သစ်သီချူနေသည်။ ပြန့်ပြောတဲ့အခင်းပေါ်မှာ ပျံ့မွှေးတဲ့ပန်း

ကွန်မင့်တခု = ဆရာတင့်ဆွေဆီကနေ မြန်မာစာသင်ချင်ပါတယ် ဆရာတော့ မလုပ်တတ်ပါ။ တိုင်းပြည်တိုင်းမှာ အသက်မွေးမှုအရ ဆရာအလုပ် လုပ်ကြသူတွေ အလွန်များပါတယ်။ ကျွန်တော်က ပြည်တွင်းမှာ ဆရာမလုပ်ခဲ့ဘူးပါ။ ယူအက်စ်အေကိုရောက်မှ မြန်မာဘာသာပြန်ဆရာ ၆ နှစ် ကြာလုပ်ဘူးတယ်။ မြန်မာလိုလည်းသိပြီး၊ အင်္ဂလိပ်လိုလည်း အတန်အသင့်သိလို့ ဆရာအလုပ်ရတာ။ မြန်မာစာအကြောင်း တိုတိုထွာထွာ ရေးနေတာ ၁၀ နှစ်လောက်ရှိလာပြီ။  ကျွန်တော့အရေးအသားက ဆရာလုပ်သလို မဟုတ်တာကို နည်းနည်းပါးပါး ဖတ်ဘူးသူတွေက သိကြပါလိမ့်မယ်။ ဒီလိုရေးတာ မမှန်ပါ။ အဲဒါ မှားနေတယ်။ ဒီလိုက အမှန်။ ဟောဒါတွေက မူကွဲ။ ဘယ်တုန်းက၊ ဘယ်ထဲမှာ၊ ဘယ်ဆရာတော်တွေ၊ ဘယ်ပုဂ္ဂိုလ်တွေက ဘယ်လိုရေးပါကြောင်း သက်သေခံတွေနဲ့ တင်ပြပါတယ်။ • အစိမ်းရောင် အမှန်ခြစ်၊ အနီရောင် အမှားခြစ်နဲ့ ပြသခြင်း အလျဉ်းမရှိပါ။ • ဒီအတိုင်းသာ လိုက်ရေးကြပါလို့လည်း နိဂုံးမှာမပါ။ • သတိပေးချက်နဲ့သာ တင်ပြပါတယ်။ • ကျောင်းတွေမှာ သတ်ပုံမှန်နဲ့ သင်ရင် အလုပ်ထိခိုက်နိုင်တယ်။ • ကျောင်းတွေမှာ သတ်ပုံမှန်နဲ့ ဖြေရင် စာမေးပွဲ ကျနိုင်တယ်။ • ဘဏ်တွေမှာ ငွေသွင်း ငွေထုတ် လုပ်မရနိုင်။ • စာအုပ်ထုတ်ချင်ရင် သတ်ပုံမှန်နေတာကို မှားအောင်ပြင်ထုတ်ပေးခြင်းခံရနို

မဲဇာတောင်ခြေဘွဲ့ ပတ်ပျိုးနဲ့ မတူပါ။ (၁) မဲဇာတောင်ခြေ၊ စီးတွေတွေတည့်၊ မြစ်ရေဝန်းလည်၊ မြိုင်တောစည်က၊ ရွေပြည်ကိုသာ၊ တရှာတော့မိ၊  မိုးရှိရှိလျှင်၊ သီရိကျက်သရေ၊ တက်ဖြိုးစေသား၊ အောင်မြေကြော့ကြော့၊ ကုန်းမော့မော့နှင့်၊  ဘိုးတော့်ကောင်းမှု၊ တည်ထားပြုသည်၊ ဇဗ္ဗူ့ဆီမီး၊ ခြောက်ရောင်ညီးမျှ၊ ဂူကြီးသခင်၊ ရွှေလင်းပင်နှင့်၊ ရွှေခြင်္သေ့မွေ၊ စရွေ့ရေသော်၊ ရွှေစေတီကြီး၊  အသီးသီးတည့်၊ ပိတ်ဆီးချယ်သန်း၊ လျှပ်ရောင်တန်းမျှ၊  ရွှေနန်းရွှေဘုံ၊ အလုံးစုံကို၊ အာရုံမျက်မြင်၊  ဖူးမြော်ချင်၍၊  သည်တွင်ရွှေမြို့၊  သည်သို့စေတီ၊  သည်ဆီရွှေနန်း၊  ဖြောင့်တန်းတော့မည်၊ စိတ်ကရည်သည်။ ရွှေပြည်ဌာနဝေးသော်ကြောင့်။ (၂) သဲသာသောင်မြေ၊  မြစ်ကမ်းခြေလည်း၊  အကြေတပြင်၊  တို့အောက်ခွင်ဝယ်၊ ရေရှင်ပတ်ဝန်း၊ ပျော်ဘွယ်ထွန်းလိမ့်၊ တကျွန်းလောက်ပင်၊ ဝေးမည်ထင်ခဲ့၊ စီးသွင်ညိုရစ်၊ မဲဇာမြစ်လည်း၊ ထစ်ထစ်ထွန်းဘိ၊ ချုံအတိနှင့်၊ တောကြီး့ဆိတ်ညံ၊ ဆီးကျံကျံဝယ်၊ ဓူဝံမပေါ်၊ မမျှော်ပါရ၊ နေကိုတလည်း၊ ဘယ်ကရှေ့နောက်၊ဘယ်တောင်မြောက်ဟု၊ တွေးထောက်မမှန်၊ ဖန်ဖန်အံ့သြ၊ ကြံတိုင်းမောစွ၊ ဘယ်တောဘယ်မြိုင်၊ မသိနိုင်ခဲ့၊  မခိုင်စိတ်ဝမ်း၊  နေ့တိုင်းလွမ်းရှင့်၊  ကင်းစမ်းတောင်က၊  လေဦးစ

ဆရာမြသန်းတင့်ရဲ့ တကြိမ်တခါမှ မထွက်ဖူးသေးတဲ့ စာအုပ်တအုပ်လို့ပဲ ဒီတခါလည်း ဆိုရဦးတော့မယ်။  မြစ်ပေါင်းတထောင် တောင်ပေါင်းတသောင်းကို ဖြတ်ရဘိသကဲ့သို့ ကြမ်းတမ်းသော ခဲခက်သော နီစွေးသော တရုတ်ပြည်သစ် တည်ထောင်ခန်းကို  အချက်အလက်ပြည့်လျှမ်းတဲ့ သမိုင်းစာအုပ်ကဲ့သို့တမျိုး၊ လူ့စရိုက်လူ့သဘော လူ့မနော သရုပ်ဖော် ဝတ္ထုလိုတသွယ် မပျင်းစတမ်း ဖတ်ရမည့် စာအုပ်ကြီး။  မော်စီတုန်းနဲ့ လျူရှောက်ချီ ဆိုတဲ့ တရုတ်ပြည်ရဲ့ ထိပ်တန်းခေါင်းဆောင်နှစ်ဦးကြားက လှုပ်ရှား ထန်ပြင်းတဲ့ ပဋိပက္ခ။  မာ့က်စ်ဝါဒအလံနီကို အခေါင်အဖျားထိဝှေ့ယှမ်းလိုသူနဲ့ ကွန်ဖြူးရှပ်ကိုးကွယ်မှု ကျောင်းဆောင်ထဲ ငုပ်လျှိုး ကွယ်ပုန်းနေချင်သူတွေရဲ့ ယုံကြည်ချက်ဆိုင်ရာ လွန်ဆွဲပွဲ။  လမ်းစဉ်နှစ်ရပ်ရဲ့ တိုက်ပွဲ။ အရှေ့လေနဲ့ အနောက်လေ အားပြိုင်မှု။  ရှေ့သို့ခုန်ပျံကျော်လွှားရေးသမားတွေနဲ့ သမိုင်းနောက်မြီးဆွဲ လူထုလမ်းစဉ်သွေဖီသူတွေရဲ့ သဘောတရားရေး လေဆင်နှာမောင်း။  ဌာနချုပ်ကို အမြောက်နဲ့ ထုချင်သူနဲ့ အစဉ်အလာစာအုပ်ကြီးသမားတွေကြားက  သည်းထန်တဲ့ နိုင်ငံရေး မိုးသက်မုန်တိုင်း။  ၁၉၇၅ - ယဉ်ကျေးမှုတော်လှန်ရေးပေါ်ပေါက်စေတဲ့ အကြောင်းဗျုပ္ပတ်ကို ၁၉၄၉- မော်စီတုန်းတရုတ်ပြည် သစ် တည်ထောင်ခန်းကနေ

သန်ကောင်ကျော်တော့ နှစ်ပတ်လည်ပို့စ်တွေ ပေါ်လာတယ်။ အမှန်က ရေးထားတာ ၁၀ နှစ်ရှိပြီ။ ကျွန်တော်တို့လူမျိုးက ညီတဲ့နေရာမှာ အင်မတန်ညီကြတယ်။ အမိန့်တော်မှန်သမျှ ကြိုက်ကြိုက်မကြိုက်ကြိုက်၊ မှန်မှန်မှားမှား လိုက်တာကြတယ်။ ဒီအလေ့အကျင့်ကို  ငြိမ်ဝပ်ပိပြားရေးခေတ်ကနေစတယ်။ အင်္ဂလိပ်စာသုံးသူတိုင်းကနေ ကျွန်တော်တို့တိုင်းပြည်ကို Burma နဲ့ လူမျိုးကို Burmese လို့ ပေါင်းခဲ့ကြတာ လွတ်လပ်တဲ့ နိုင်ငံမဖြစ်ခင်ကတည်းကပါ။ နိုင်ငံအသက် (၄၀) ကျော်၊ ၁၉၈၉ မှာတော့ နာမည်ပြောင်း ကင်ပွန်းတပ်တယ်။ မျက်နှာလုပ်နိုင်ငံတွေနဲ့ လူတွေက အရင်လိုက်ပြောင်းခေါ်ကြတယ်။ ဘယ်လိုအသံထွက်ရမှန်းမသိသူကများတယ်။ အိန္ဒိယ-အင်္ဂလိပ်သတင်းစာတွေက နိုင်ငံကို Myanmar လို့ ပေါင်းပြီး၊ လူမျိုးကို Myanmerese လို့ ပေါင်းတယ်။ တရုတ်-အင်္ဂလိပ်သတင်းစာက ဦးသိန်းစိန်ကို Wu Dengsheng လို့ ပေါင်းတယ်။  အင်္ဂလိပ်ဆီကနေ အင်္ဂလိပ်စာသင်ခဲ့ရတဲ့ အိန္ဒိယတွေရော တရုပ်တွေပါ သူ့တို့အကြိုက်သူတို့ရေးတာ ပြောစရာမရှိပါ။ အင်္ဂလိပ်ဆီကနေပဲ အင်္ဂလိပ်စာသင်ခဲ့ရတဲ့ ကျွန်တော်တို့လူမျိုးတွေက အင်္ဂလိပ်စာအစစ်ကိုသာ ယူသင့်ကြပါတယ်။ အင်္ဂလိပ်စာတတ်တဲ့ ဘယ်သူကမှ Myanmar ကို မြန်မာလို့ မထွက်တတ်ပါ။ My နဲ့ စပေါ

- ချဥ်ရည်ချက်သောက်တာ၊ ​တခြားနေရာမှာလည်းသုံးတဲ့ မွှေးပြီး တို့စားလို့လည်းရတဲ့ အရွက်ရဲ့ ရေးနည်းအမှန်ကို သိချင်ပါတယ်ဆရာရှင် သူ့ကို (စမိတ်)လို့တော့အသံထွက်တယ် စံမြိတ် ဆံမြိတ် စမိတ် ဘယ်ကအမှန်လဲ သိချင်ပါတယ်ရှင့် - ဆရာ့အစား ဖြေပေးလိုက်ပါ့မယ် စိတ်မရှိပါနဲ့ သတ်ပုံအမှန်က စမြိတ်ပါ။ - Bouquet Dill (Anethum graveolens) စမြိတ်နံနံပင် 1. ဝမ်းဆက် ၃ ကိုက် ၁ထွှာ အင်္ကျီအတွက် အမိတ်(အမြိတ်)လေး တမိတ် (တမြိတ်)ပါ ပါတယ် ၀မ်းဆက် တစ်စုံ(တစုံ) 29,500/- 2. ဆီချက်ခေါက်ဆွဲရပါပြီ တည်ထားတဲ့ ကြက်ပြုတ်ရည်ကို ဆားအချိုမှုန့်ထည့်ပြီး အရသာ မြည်းကြည့်ပါ အနေတော်ဆိုရင် ဟင်းချိုပန်းကန်လုံးထဲ လောင်းထည့်ပြီး ကြက်သွန်မိတ် (ကြက်သွန်မြိတ်) လှီးထားတာဖြူးထည့်ပါ 3. ခေါက်ဆွဲထည့်ပါ၊ ကြက်သားမျှင်ထည့်ပါ၊ ကြက်အခွံဆီ၊ ကြက်သွန်ဖြူဆီချက်၊ ကြက်သားမှူန့်၊ ပဲငံပြာရည်အကြည်၊ ငရုတ်ကောင်းမှုန့်၊ ကြက်သွန်မိတ် (ကြက်သွန်မြိတ်)၊ ကြက်သားမှုန့် ၁ဇွန့်ထည့်ပြီး မွှေလိုက်ပါ မိတ် မိတ်ကပ် မိတ်ကျွမ်းဝင် မိတ်ဆွေ မိတ္တူကူး မိတ်တူနံတူ မိတ်ပေါက် မိတ်လင်စုံ(မင်္ဂလသုတ်) မိတ်သဟာယ မိတ်သင်္ဂဟ မြိတ် ကြက်သွန်မြိတ် စမြိတ်နံနံ စမြိတ်ပင် မြိတ်စို့ဆံထုံး မြိတ်ဆံ မြိတ်ဆွဲသရက် မ

ကျွန်တော် သူငယ်တန်းတက်တော့ ၁၉၅၄-၅၅ ခုနှစ်။ ဆယ်တန်းရောက်တော့ ၁၉၆၄-၆၅ ခုနှစ်။ အခုဆို နှစ်တွေ ကြာလှပြီ။ ကျောင်းမှာသင်ပေးတဲ့ ဘာသာရပ်တွေက ဟိုအရင်ကအတိုင်း။ မြန်မာစာ၊ အင်္ဂလိပ်စာ၊ သင်္ချာ၊ ပထဝီ၊ သမိုင်း။ စိတ်ကြိုက်မြန်မာစာ၊ ပန်းချီ စသည်။ ဝိဇ္ဇာဘာသာတွဲနဲ့ သိပ္ပံဘာသာတွဲက ဆယ်တန်းလောက်ရောက်မှ ဖြစ်လာတယ်။ အိန္ဒိယမှာနေခဲ့ရစဉ်က မြန်မာပြည်က ကျောင်းတွေမှာ သင်ပေးတာနဲ့ မတူတာတွေ တွေ့ခဲ့ရတယ်။ ယူအက်စ်အေ ရောက်ပြန်တော့ အတော်ကို မတူတာတွေ တွေ့ရပြန်တယ်။ ယူအက်စ်အေကျောင်းများ Grade 5 ၅ တန်း 1. Art အနုပညာ  2. English Language Arts အင်္ဂလိပ်စာ  3. Health and Life Skills ကျန်းမာရေး4. Mathematics သင်္ချာ 5. Music ဂီတ 6. Physical Education အားကစား  7. Science and Social Studies သိပ္ပံ နှင့် ဆိုရှယ်ဘာသာရပ် 8. additional optional subjects အပိုဆောင်းဘာသာရပ် Social studies ဆိုရှယ်ဘာသာရပ် ထဲမှာ primarily history သမိုင်း၊ geography ပထဝီ၊ civics စီးဗစ်၊ economics စီးပွါးရေးနဲ့ sociology ဆိုရှယ်ဗေဒတွေပါတယ်။ Grade 10 Courses Summary ၁၀ တန်း 1. English Language Arts အင်္ဂလိပ်စာ၊ 2. Social Studies ဆိုရှယ်ဘာသာရပ် 3. Mathematics သင

မင်းနဲ့ငါ မင်းနှင့်ငါ ဘယ်ဟာအမှန်လဲဆရာ။ စကား နဲ့ စာ၊ စာ နှင့် စကား ဖြစ်ပါတယ်။ ကျွန်တော်တို့စာနဲ့စကားက အင်မတန်လေးနက် ကျယ်ပြန့် နက်နဲတယ်။ သေသေချာချာလေ့လာမှသာ သိနိုင်တယ်။ စာလုံးပေါင်းသတ်ပုံ၊ စကားပြော၊ စကားပြေအရေးအသား၊ စာကိုဖတ်ခြင်း၊ သီချင်းစာသား၊ သီချင်းဆို၊ သတင်းအရးနဲ့ သတင်းဖတ်ခြင်း၊ စကားပြောသလိုစာရေးနည်း၊ ဒေသဆိုင်ရာအသုံးများ၊ ဘာသာခြားကနေယူထားတဲ့စာလုံးတွေ၊ နည်းပညာအသုံးတွေ၊ ဘန်းစကား၊ ခေတ်စကား၊ မူကွဲ၊ မူလွဲ၊ မူမှား၊ အထက်အမိန့်အရ မှန်မှန်မှားမှား လိုက်နာကြရခြင်း စသဖြင့် ထပ်တူမကျတာတွေ ရှိတယ်။ နှင့် တုတ်နှင့် ရိုက်သည် လှည်းနှင့် သွားသည် သွားနှင့်ပြီ သူမလာသည်နှင့် ပြန်သွားသည် အပေါ်ထပ်နှင့် အောက်ထပ် ဇာတ်လမ်း မောင်ဘနှင့် မောင်လှ သွေးအုပ်စုနှင့် ကလေးအသားဝါခြင်း လူနှင့် အလုပ် နဲ့ နုန့်နဲ့သည် သွားနဲ့သည် သည်အဝတ်အစားနဲ့ လှသည် လှုပ်တိုင်းနဲ့သည် ထော့နဲ့ထော့နဲ့ သွားနေသည် ချည့်နဲ့နဲ့သာ ကျန်တော့သည် နှဲ့၍ နဲ့ နင့်နင့်သီးသီး သူနဲ့သာဆိုရင် နင်နဲ့ငါနဲ့ ခနဲ့ ချည်နဲ့ ချိနဲ့ စုန့်နဲ့ (ကနွဲ့ကရ) တိုင်နဲ့နေသည် လှုပ်တိုင်းနဲ့ သွားနဲ့နေသည် တောင်ကန် မြောက်ကန်နဲ့ ထော့နဲ့ထော့နဲ့ သွားနေသည် နုန့်နုန့်နဲ့နဲ့ တချို့က နက်ဆိုပ

ပုံပို့ပြီး တယောက်က ထောက်ပြပါတယ်။ အလုပ်မတတ်ဘူးဆိုရင် မလုပ်တတ်ဘူးဆိုရင်လို့ ရေးရ။ ကနေ့ခေတ် မြန်မာစာမှာ တ မှန်သမျှ အလွတ်မပေးဘဲ စသတ်ခြင်းနဲ့ မ နေရာကျအောင် မထားတတ်ခြင်းဆိုတဲ့ အလွဲတွေ ဖြစ်နေတယ်။ ပဲ နဲ့ ဘဲ ကိုလည်း လိင်ခွဲသလို လုပ်ထားသေးတယ်။ ကျန်တဲ့အမှားစာရင်းကလည်း တိုးများလာနေတယ်။ - ဆရာတော်ကြီးတပါး ဘွဲ့အမည်နဲ့ တရားစာတခု တွေ့တယ်။ ဝီရိယမလျှော့ပြစ်ပါနဲ့တဲ့။ ဝီရိယ လျှော့မပြစ်ပါနဲ့လို့ကသာ မှန်တယ်။  'မလျှော့' ကြီးသော် 'ဒေါ်လျှော့' ဖြစ်လာမည်။ - ငါးအသေးလေးတွေကို ဟင်းချက်တဲ့အခါ မကျေသွားစေဖို့ ကျေမသွားစေဖို့လို့ ရေးတာက ပိုမှန်တယ်။ မကျေသွားစေဖို့ဆိုရင် မကျေ (ဒေါ်ကျေ) လား စဉ်းစားမိစေနိုင်တယ်။ (မ) ကို နေရာအထားအသိုမှားတာတွေ မကြာခဏတွေ့ရတယ်။ - ဘန်ကောက်မှာဆေးကုသပြီး ရန်ကုန်မှာ အဆုတ်ကင်ဆာအတွက်ပြန်ပြချင်လို့ ဘယ်ဆရာဝန်နဲ့ပြသင့်ပါသလဲ တချို့ဆရာဝန်တွေက ဘန်ကောက်မှာပြထားရင် မကြည့်ပေးချင်ကြလို့ပါ အကြံဉာဏ်လေးပေးပါအုံးရှင့် ကြည့်မပေးချင်လို့ ရေးတာက ပိုမှန်တယ်။ မကြည့်ပေးချင်ဆိုတာ မကြည် လိုလို၊ မကြည့် လိုလို၊ ဒေါ်ကြည်လိုလို ထင်စေနိုင်ပါတယ်။ 'မ' ကို နေရာအထားလွဲပြီး ရေးတာတွေ နေ့တိုင်း တွေ့ရတယ်။ - အရ

ကျွန်တော် နေမကောင်းလို့မေးတာတွေကို ဖြေနေတာ ၁၀ နှစ်ကျာ်ပြီ။ ဖြေပါ - စာမေးပွဲမေးခွန်း။ ဖြေနော် - ကနွဲ့ကယအပြော။ ဖြေပါနော် - ခပ်ချွဲချွအဲပြော။ ဖြေမလား - ရိုးရိုးအမေး။ ဖြေလိုက် - အထက်ဆန်ဆန်အပြော။ မဖြေသေးဘူးလား - စိတ်တိုနေပြီ။ ဖြေတော့ - တိုက်တွန်းစကား။ သိရင်ဖြေပေးပါ - ဆရာဝန်ကို သိပ်မယုံ။ မဖြေရင် မသိသူဖြစ်မယ်။ ဖြေပေးရင်ကျေးဇူးတင်မိမှာဘဲ = ကျေးဇူးတင်ခံလိုက ဖြေပါလေ။ အဖြေ =အဖြေစာ၊ အဖြေစကား။ ဖြေမဆီ = လွမ်းစိတ်ကို ဖြေဖျောက်သော်လည်း မပြေနိုင်။ ဖြေသိမ့် - စိတ်ခံစားမှုတခုခုကို ပြေပျောက်အောင်အားထုတ်သည်။ ဖြေလျော့ခွေ - ရုပ်ရှင်။ ဖြေသော်လည်းမပြေ = မဲဇာရွှေလီ သီချင်း (ဖြေသော်လည်းမပြေ လက်ဝဲသုန္ဒရ တမ်းတစိတ်ဘဝင် ငယ်ပေါင်းသက်ဝေ၊ သူ့ကြင်ဆွေ ပြည်တော်ကိုသာစိတ်ထဲရော်ရမ်း မျှော်မှန်းကာသာနေ။) ကိုယ်သာချစ်စိတ် တိတ်တိတ်ရယ်ဖြေ - သီချင်း။ တရားနဲ့သာဖြေပါ - ဘာသာရေးအားပေးစကား။ ရသေ့စိတ်ဖြေ = ရရာနှင့် တင်းတိမ်အောင်ကြိုးစားသည်။ ဖြေဖျောက် = စိတ်တွင်နာကျင်ခံစားရသမျှကို ကွယ်ပမေ့ပျောက်အောင်နှလုံးသွင်းသည်။ စိတ်ကိုဖြေဖျောက်နိုင်သမျှ ဖြေဖျောက်ကြရ၏။  စာမေးပွဲဖြေ ပြေအောင်ဖြေ အမောဖြေ ဖြေကြား ဖြေချွတ် ဖြေဆည် ဖြေဖျော် ဖြေဖျောက် ဖြေဖျန် ဖ

အခြားတပါးတွေကို ကြံစည်စဉ်းစားယင်း အချိန်ကုန်နေတာကသာ များကြပါတယ်၊ တခါတရံလောက်ပဲ သိနိုင်ကြပါတယ်၊ ဒီလို သိပြန်တော့လည်း ခံစားမှု သဘောတရားအနေနဲ့ မသိကြ မထင်ကြ ပါဘူး၊ “ငါချမ်းသာနေတယ်၊ ငါကောင်းနေတယ်”လို ဒီလို အတ္တကောင်အနေနဲ့သာ ထင်မြင်စွဲလမ်းနေကြပါတယ်၊ ပြီးတော့ အသစ် အသစ်ဖြစ်ဖြစ်ပြီး တခဏချင်း ပျက်ပျက်သွားတဲ့အနေ၊ မမြဲတဲ့ အနေနဲ့လည်း မသိကြမထင်ကြပါဘူး၊ အယင်က ရှိနေတဲ့ ငါကဘဲ ယခု ချမ်းသာကောင်းစားနေတယ်လို ဒီလိုမြဲတဲ့အနေနဲ့သာ ထင်မြင်စွဲလမ်းနေကြတယ်။ ဒီတော့ ဒီလိုအသိဟာ အတ္တကောင် ငါကောင်လို ထင်နေတဲ့ မူလက အသိအစွဲနဲ့ အတူ တူဘဲ မဟုတ်လား၊ အတူတူဖြစ်နေတဲ့အတွက် အတ္တကောင် ငါကောင်လို ထင်နေတဲ့ မူလက အသိအစွဲကို မပယ်နိုင်တဲ့ပြင် သူက ထပ်ပြီးတော့တောင် ထောက်ခံချက် ပေးနေပါသေးတယ်၊ ဒါ့ကြောင့် ရှုမှတ်ခြင်း မရှိဘဲနဲ့ အလိုလိုသိနေတယ်ဆိုတဲ့ ဒီလို အလေ့ပေါက်အသိမျိုးဟာ ကမ္မဋ္ဌာန်းလဲ မဖြစ်ဘူး။ သတိပဋ္ဌာန် ဘာဝနာလဲ မဖြစ်ဘူး၊ ဒီလိုအသိမျိုးကို မြတ်စွာဘုရားက ရည်လည်း မရည်ရွယ်ပါဘူးတဲ့။ ဒါဖြင့် ဘယ်လိုအသိကို ရည်ရွယ်ပါသလဲလိုဆိုတော့ ကိုယ်ထဲ စိတ်ထဲမှာ ဖြစ်ပေါ်လာတဲ့ ချမ်းသာမှု ကောင်းစားမှု ကလေးတွေကို ဖြစ်ပေါ်တိုင်း ဖြစ်ပေါ်တိုင်း စူးစူးစိုက်စိုက် မပြ

၁။ မိုက်မလင်းနိုင်လို့  မြိုက်ခင်းညာဆီမှာ ခါတော်မီ သီမဝေ့နိုင်ဘု ဒီကွေ့တွင် နေ့ကုန်မျောပြန်ရ အတောဘယ်မသတ်နိုင်တဲ့  ရဟတ်ဗွေ။ ၂။ ငါးရပ်ကယ် စုံညီ ဒုလ္လဘီငယ် ကြုံမီ ခုခေတ် မြန်ခင်းဇမ္ဗူမှန်ကင်းငယ် ထူ လူ့ထက်လူ ဖြစ်ပါလျက် အနှစ်ကယ် မနွယ် အကာတောမှာ ဗျာမောကျယ်လို့ အကယ်ယောင်ယောင်  အမြင်မဖြောင့် အဉာဉ်ထောင့်  မှောင့်ထက် မှောင် သန်းကောင်လမိုက်  မိုးတိမ်မြှေးတဲ့ မီးသွေးတိုက်မှာ အလိုက်ကယ်ဘာသာ အမြင်မငွေ့ အထင်ရွေ့နှင့်သာ အလေ့ရှာလျက် အခါ နာရီ ရွေ့ရွေ့ငယ်ချီ တိထီ ဆန်း,ဆုတ် ရတု အစဉ် လုလု ငယ်နှင့် အတွင်ချုပ်လို့ သုတ်သုတ်ကယ် ရက်ရေ ဇရာလက်မှာ အသက်သာ ကြွေတော့တယ် အသေသတ် လက်မရွံ့ကို အသက်ခွန် ပဏ္ဏာသွင်းရန်ဖို့ ထမင်း အစာစုံနှင့် ခန္ဓာရုံမြုံပြတီးဆီက အငြီးဖြေကာ စောင့်ရှာကြ စိုးနှောင့် သင်္ချေ။ ။ ၃။ သို့ပါမူလဲ ပူနွယ် ဆွေးနွယ် အရေးကျယ်တွေကို အေးဖွယ်ထင်မှတ်၊  အစမမြင် ဘဝလျဉ် အစဉ်ငတ်ဟာမို့ မသတ်ကယ် အာသာ၊ အာရုံဓမ္မ ပြာပုံမွမှာ  ရသရှာလျက် ငါ တလူလူ ပမာမူ ရွာသူတို့ ဝက် အစာများထူ အသားလူ ဆူလေလေ ခက်ပါလျက် ရမက်ကယ် မာန်ဝင် သူ့အသင်းမှာ သူမင်းပဲ ထင်လိုက်လို့ ရွှင်နိုင်သမျှ ဝက်သဏ္ဌာန်လို အချက်မှန် ပေါ်မလင်းစေဖို့ ဖေါ်သင်းရွှေ မိတ်သင်

ကွန်မင့်တခု = ကလေးဘဝက အိမ်မှာ ရှိပါတယ်။ အင်္ဂလိပ်လိုမတတ်တော့မဘတ်ပါ။ နောက်တော့ ကျနော်တို့အိမ်ကနေ အဝေးမှာပညာသွားသင်ကြတော့ အိမ်ကစာအုပ်တွေ ပျောက်ကုန်တယ်။ မိတ်ဆွေတွေ အမျိုးတွေ လာကြငှားကြ ဘတ်ကြပါသည်။ ကျွန်းသေတ္တာ တလုံးအပြည့်ရှိပါသည်။ အကိုက ဝယ်စုပါသည်။ သူ့သူငယ်ငယ်ချင်းတွေက စာဘတ်တာဝါသနာပါကြပါသည်။ ယခင်ကတက္ကသိုလ်ကျောင်းသားအများစုက စာဘတ်ကြသည်။ စာအုပ်အငှားဆိုင်များလည်းပေါကြသည်။ယခုစာအုပ်အငှားဆိုင်လုပ်ငန်း လုံးဝ ပျောက်သွားပြီ။ စာပေလိုက်စားမှုနည်းသွားသည်။ မဂ္ဂဇင်းလောက သေသွားသည်။ ဝတ္ထုလောက သေသွားသည်။ စာရေးဆရာတွေကဗျာဆရာတွေထွန်းကားမှု မရှိတော့ပါ။ဒီတော့စာပေအရေးအသား ညံ့လာပါသည်။ အမှားတွေရေးလာကြလာသည်။ ဟုတ်။ ဆရာ့အကိုကြီးက ငယ်ငယ်လေးကတည်းက စာအုပ်တွေစုတယ်။ ဖတ်လည်း ဖတ်တယ်။ ၁၀-၁၅ ပြားတန် ဘားမားစတားကာတွန်းကနေ ဝတ္ထု၊ မဂ္ဂဇင်း၊ ၊ ဗေဒင်၊ လက္ခဏာ အစုံဘဲ။ အားလုံး သတ်ပုံမှန်တွေနဲ့။ ထင်းရှူးသေတ္တာနဲ့ ၄ လုံးအပြည့်။ နောက်တော့ ရွာစာကြည့်တိုက်ကို လှူတယ်။  ကျွန်တော့မှာ ပုလဲနေစဉ်က စာအုပ်စင်ရှိတယ်။ ၁၉၉၀ ရွေးကောက်ပွဲမှာ နိုင်လို့ ထွက်မပြေးရခင် စာအုပ်စင်ကို ဖျက်ခဲ့ရတယ်။ အမှန်က ဖျောက်ခဲ့ရတာ။ နယူးဒေလီကိုရောက်တော့ ရုံးခန်းထဲက စာအုပ်စ

'မဲ့' 'မည့်' 'မယ့်' ကို အရင်ကလည်း တင်ပြထားသေးတယ်။ “လွမ်းစာမှာပဲ ရရှိမယ့် ကျန်းမာခြင်း” အမည်နဲ့ အစားအသောက်တွေ ဖွယ်ဖွယ်ရာရာ တင်ထားတာ တွေ့ပါတယ်။ ကျေးဇူး။ ဒီစာအတွက် နမူနာအဖြစ်သုံးရလို့ ဆောရီး။ အခုတင်တဲ့စာကို ထောက်ပြရရင် - ‘လွမ်းစာမှာဘဲ’ နဲ့ ‘ရရှိမည့်’ လို့က စာအရေးအသားအရ မှန်တယ်။  စာကိုဖတ်တဲ့အခါ ‘လွမ်းစာမှာဘဲ’ နဲ့ ‘ရရှိမျိ’ လို့ အသံထွက်ရတယ်။ ‘မျိ’ လို့တော့ ရေးလို့ မသင့်ပါ။ ‘ရရှိမဲ့’ လို့ ရေးလည်း မမှားပါ။  ‘ပဲ’ နဲ့ ‘ဘဲ’ ကတော့ ခေတ်သစ် မြန်မာစာသင်ကြားနည်းထဲကို နောက်မှ ထည့်သွင်းလာတဲ့ “မ နောက် ဘဲ လိုက်” ဆိုတဲ့ ဖော်မြူလာအရ မှားနေကြတာဖြစ်ပါတယ်။  ဆရာဇော်ဂျီက “ပန်းပန်လျက်ဘဲ” လို့ ရေးထားတယ်။ တက္ကသိုလ်ဘုန်းနိုင်က “သူငယ်ချင်းလို့ဘဲ ဆက်၍ခေါ်မည်ခိုင်” လို့သာ ရေးပါတယ်။ တေဘုမ္မာ၊ အနိစ္စာ ဒုက္ခာ အနတ္တာ တရားမရလို့ များလှသံသရာ၊ ကာမောဃာ ဘဝေါဃာ ဒိဋ္ဌောဃာ၊ အဝိဇ္ဇောဃာ စိတ်မောဟာ မကင်းတာ အရင်းခံ သူတဏှာ၊ ဒိဋ္ဌိဉာဏ် ဝင်စားထင်မှား မြင်ငြားကြတာ၊ လူဘဲ နတ်ဘဲ မှတ်စွဲလို့သာ၊ မှားချက်အလွန်နာ၊ ငါ့သားငါ့မယား လင်သားဥစ္စာ၊ ငါ့ကိုယ်ငါ့ဟာ အစဉ်မကွာ သက္ကာယကြောင့် မာနတွေ ထောင်ကြတာ၊ ဝိပဿနာ ဝင်စားထင်လျား၊ မြင်င

ကွန်မင့်တခု = ဧ၊ ဂျွန်၊ စက်၊ နို သုံးဆယ်ဆို၊ ကျန်သောလ၊ သုံးဆယ့်တစ်၊ ဖေဖော်ဝါရီ၊ နှစ်ဆယ့်ရှစ်၊ ရက်ထပ်နှစ်မှာ၊ တစ်ရက်တိုး၊ ဖေဖော်ဝါရီ နှစ်ဆယ့်ကိုး။ ဧ၊ ဂျွန်၊ စက်၊ နို သုံးဆယ်ဆို၊ ဖေကို ၂၈။ ကျန်သောလမှာ ၃၁။ ဖေဖော်ဝါရီ ၂၈၊ ရက်ထပ်နှစ်မှာ တရက်တိုး၊ ဖေဖော်ဝါရီ ၂၉။ အဲဒီအချိန်ကာလမှာ တဝမ်းပူတွေကို မှန်အောင်ရေးပါတယ်။ ရက် ၃၀ မှာ စက်တင်ဘာ၊ ဧပြီ ဇွန် နှင့် နိုင်ဝင်ဘာ ကျန်သောလမှာ ၃၁၊ ဖေဖော်ဝါရီ ၂၈၊ ရက်ထပ်နှစ်မှာ တရက်တိုး ဖေဖော်ဝါရီ ၂၉။ အဲလို ကာရန်တွေနဲ့ မှတ်မိအောင်စာသင်တာတွေ မနည်းလှပါ။ တချို့ကို အခုတော့ မေ့ကုန်ပြီ။  လောင်း၊ နောင်၊ ဆင်၊ စဉ့်၊ မောင်၊ ဘိုး၊ ဘ၊ သာ၊ ပု၊ မင်း၊ သီ ကုန်းဘောင်မင်းဆက် ၁၁ ဆက်။ မင်းဖြူမှန်မှန်ပြော မင်းကွန်းခေါင်းလောင်း ကြေးပိဿာချိန် ရွှေလသာ ဝါဝါဝင်း ဖိုးဝင်း (ဖိုလ်ဝင်) ဘုရားပေါင်း လှည်းဝံရိုးသံ တညံညံ ပုဂံဘုရားပေါင်း။ အုတ်ကျစ်ကျော်အေး မန္တလေး အောင်ကျော်ချမ်းအေး မန္တလေး ဥသြအော်မည် ကုန်းဘောင်တည်။ ဦးကောင်းလိမ်ထုတ် မင်းဆက်ပြုတ်။ ယ္ခုအခါ ပုဂံကလှည်းတွေ တညံညံ မဟုတ်တော့၊ အသံပြောင်းကုန်ကြပေပြီ။ တနေ့တလံ ပုဂံဘယ်ပြေးကို စသတ်နဲ့ရေးနေကြတာ ရွှေဗမာတဲ့။ သတ်ပုံအနိစ္စ၊ စကားပုံအနိစ္စ။ ဒေါက်တာတင့်ဆွေ

တဗူး၊ တလုံးတို့ တကောင်တို့မှန်လား။ ငယ်ငယ်တုန်းမြန်မာစာဆရာ သင်ပေးတာက။ တစ်ဗူး၊ တစ်လုံး၊ တစ်ကောင် လို့ရေးရတယ် လို့ပဲသင်ပေးလို့ပါ။ ဟုတ်။ ကျွန်တော်ကတော့ ဆရာကို ကာမပြန်ပါ။ ၁။ ဗောတိ`တစ်´ထောင် ဗောတိ `တ´ထောင် ရေတွက်ရလို့ `စ´သတ်က ပိုမှန်ပါတယ်လို့ထင်မြင်မိပါတယ် မရေတွက်နိုင်ရင် `စ´သတ်ထည့်သုံးဖို့မလိုနိုင်ပါဘူးခင်ဗျ  ကိုယ့်ဖါသာ တယောက်တမျိုးစီ စဉ်းစားနိုင်ကြပါတယ်။ စဉ်းစားတာတွေကတလည်း တယောက်တည်းမှာ တခါတမျိုး ထွက်ကောင်း ထွက်နိုင်ကြတယ်။ ကျွန်တော်တော့ အထက်တန်းမြန်မာစာဆရာကို ကာမပြန်ပါ။ ၂။ သချာင်္နာမဝိသေသနမှန်သမျှ တစ်လို့ ပြောင်းသုံးတာ ပိုမမှန်ဘူးလား။ ကျတော် ကို ကျွန်တော်လို ပြောင်းခြင်းရဲ့ နောင်ကွယ်မှာ နာမ်နှိမ်တာ ဘာညာရှိနိုင်ပေမယ့် တ တွေကို တစ်ပြောင်းတာရဲ့ နောက်ကွယ်က နာမ်နှိမ်တာတွေ ဘာတွေမတွေ့မိသလို လော့ဂျစ်ကယ်လီး မှန်သလိုပါပဲ။ "၎င်း" ဆိုတာကိုလည်း အရင်ကသုံးပေမယ့် ခုမသုံးတော့ဘူး။ ကိုယ့်ဖါသာ တယောက်တမျိုးစီ စဉ်းစားနိုင်ကြပါတယ်။ စဉ်းစားတာတွေကတလည်း တယောက်တည်းမှာ တခါတမျိုး ထွက်ကောင်း ထွက်နိုင်ကြတယ်။ ကျွန်တော်တော့ အထက်တန်းမြန်မာစာဆရာကို ကာမပြန်ပါ။ ၎င်းကို သုံးနေကြပါတယ်။ ကီးဘုတ်မှာ ထည့်ပေးထားတယ်။ လည်းကေ

- ဗုဒ္ဓကရှင်းတယ်၊ - ဘုရားကပြတ်တယ်၊ - ဂေါတမက လိုက်လွှင့်တယ်၊ စတဲ့အရေးအသားတွေ - မသင့်လျှော်ပါခင်ဗျား၊  မသင့်လျော်ပါဘုရား။ ‘တ’ ရေးရေး ‘တစ်’ ရေးရေး ‘ပညတ်’ ဆိုတာလည်း သဘောမတူပါ။  အထက်ကစာကို ရေးချင်ရာရေးပြီး အောက်ကနေ 'ဗုဒ္ဓ' လို့တင်တာတွေလည်း တချို့က မှားနေတယ်။ ဗုဒ္ဓဘာသာအတွက်သာမက တခြားဘာသာတွေ ရေးကြတာကို အဲဒီဘာသာကို တတ်သိသူတွေက မှားတဲ့အကြောင်းတွေ ပြန်ပြောတာမျိုး ကြားရတယ်။ ကိုယ်မတတ်တာကို ဆရာ မလုပ်သင့်ကြပါ။  အထူးသဖြင့် ဘာသာတရားတွေကို မစော်ကားသင့်ကြပါ။ ဒေါက်တာတင့်ဆွေ

ပုံထဲကစာရော အောက်ပါအချက်အလက်တွေကိုပါ ကျွန်တော် မရေးပါ။ ကူးယူတင်ပြတာသာ ဖြစ်ပါတယ်။ (သီ တာ စိုး) ကျေးဇူး + ကွန်ဂရက်ကျူလေးရှင်း။ မိန်းကလေးတယောက်က မိမိချစ်ခင်နှစ်သက်နေတဲ့ ယောက်ျားလေးတယောက်ကို လေးနှစ်မှာတခါသာရှိတဲ့ ရက်ထပ်နှစ်ဖြစ်သော ဖေဖော်ဝါရီ(၂၉ )ရက်နေ့မှာ ချစ်ခွင့်၊ လက်ထပ်ခွင့်ကို တောင်းဆိုနိုင်ပါတယ်။ ဒီရက်ကို သတ်မှတ်ရခြင်းကတော့ လွန်ခဲ့သော(၅)ရာစုနှစ်လောက်က အိုင်ယာလန်နိုင်ငံရှိ St Bridget အမည်ရှိသောသီလရှင်က “ တချို့သောမိန်းကလေးများက သူတို့ချစ်တဲ့သူတွေ၊ချစ်ရေးဆိုမယ့်သူတွေ ချစ်ခွင့်၊ လက်ထပ်ခွင့်တောင်းမယ့်အချိန်ကို အချိန်အကြာကြီးစောင့်ဆိုင်းရတယ် ” ဆိုတာနဲ့ပတ်သက်လို့ တောင်းဆိုရာမှာ ထို အိုင်ယာလန်နိုင်ငံရှိဘုရင်ဖြစ်သူက လေးနှစ်မှာသာ တကြိမ်ကျရောက်သော ထိုနေ့တွင် မိန်းကလေးများက ကိုယ်ချစ်တဲ့သူကို လက်ထပ်ခွင့်တောင်းဆိုနိုင်တယ်လို့ သတ်မှတ်ပေးခဲ့တာဖြစ်ပါတယ်။  လက်ထပ်ခွင့်တောင်းတဲ့အချိန်မှာ ထိုခေတ်က အမျိူးသမီးများဟာ ဒူးကျပ်ဘောင်းဘီအပွ (သို့) ကြက်သွေးရောင်ကုတ်အကျီကို ၀တ်ဆင်လေ့ရှိတယ်လို့သိရပါတယ် ။ ။ ဒေါက်တာတင့်ဆွေ

ကွန်မင့်တခု = ကျွန်မတို့ရွာလည်း မီးလောင် ပြာကျနေပါပြီ။ ၈၈ ကတည်းက စခဲ့တဲ့ ဆရာတို့ အခုထိ အမေရိကန်ကနေ မှန်နေတုန်းဘဲလား အခု ပြန်လာပါလို့ ပြောချင်တာပါလား။ အဲလိုသာဆို မင်္ဂလာဒုံလေဆိပ်ကနေ နာရေးယပ်တောင်ကမ်းပေတော့။ - ဘယ်တော့ပြန်လာမှာလဲ။ - ပြန်မလာသေးဘူးလား။ - ပြန်မလာတော့ဘူးလား။ - လာလိုလျှင် အနီးလေး၊ မလာလိုလျှင် ခရီးဝေး။ အဲလိုကွန်မင့်တွေကို ၂၀၁၂ နောက်ပိုင်းမှာ အများကြီးရခဲ့ပါတယ်။ ပြည်ပမှာ ၂၇ နှစ်နဲ့ ၈ လကြာနေပြီးတော့ ၂၀၁၈ ခုနှစ် အေပြီလမှာ မွေးရပ်တိုင်းပြည်ကို အလည်ပြန်ပါတယ်။ တက်နေတာကလည်း ကိုယ့်အစိုးရ။ ဝန်ကြီးချုပ် အနည်းဆုံး ၃ ဦးနဲ့ကလည်း ညီအကိုလိုရင်းနှီးတယ်။ အဲဒါနဲ့ အလည်ပြန်မယ်လို့ ဆုံးဖြတ်ချက်ကို ချပါတယ်။ လွယ်လွယ်တော့ မဟုတ်ပါ။ ဒုတိယဦးကိုနီ ဖြစ်လေမလား။ ဖြစ်ရင်လည်း ချက်ချင်းသိစေအောင် ရန်ကုန်အခြေစိုက် ရင်းနှီးတဲ့ ရေဒီယိုမီဒီယာ ၃ ခုကို ကြိုတင် အသိပေးထားတယ်။ တလခွဲကောင်းကောင်းလောက်နေပြီး အသက်နဲ့ကိုယ်တွဲပြီး ယူအက်စ်အေကို ပြန်လာနိုင်ခဲ့ပါတယ်။ ရွာကျောင်းဆရာတော်ပေးတဲ့ မင်္ဂလသုတ်တော်တပိုဒ်ကို တိုင်းပြည်ကနေထွက်ပြေားရကတည်းက ရွတ်ခဲ့တဲ့ ကျေးဇူးဖြစ်တယ်။ ပြန်အဝင်မှာလည်း ရွတ်တယ်။ ၂၄ နှစ်အတွင်း နိုင်ငံရေးတာဝန်နဲ့ ဟိ

"နန်းမတော်မယ်နု နှင့် မန်ကျည်းရွက်နု" သာမန်အရပ်သူ 'မယ်နု' ကနေ ပြည့်ရှင်မင်းရဲ့ အချစ်တော် 'နန်းမတော်မယ်နု' ဖြစ်လာတော့ တန်ခိုးထက်လာပုံတွေထဲမှာ ပြောစမှတ်တခုလည်း ရှိတယ်။  တနိုင်ငံလုံး 'နု' ဆိုတဲ့ စကားလုံးကိုတောင် သုံးစွဲခွင့် မပြုဘူးလို့ဆိုပါတယ်။ မန်ကျည်းရွက်နုတာကို ခေါ်ရင်တောင်မှ မန်ကျည်းရွက် 'နုနုထွဋ်ထွဋ်' ဆိုတဲ့ စကားလုံးအစား မန်ကျည်းရွက် 'အိအိထွဋ်ထွဋ်' လို့သာ သုံးနှုံးရမယ် ဆိုသတဲ့။  ဒေါက်တာတင့်ဆွေ

မန်လည်ဆရာတော်ရဲ့ မဟာသုတကာရီမဃဒေဝလင်္ကာသစ်ကျမ်း - မကိုဋ်နဝရတ် ၊ ကျောက်စိန်ထွတ်ဖြင့် (အပိုဒ်-၁) - သုံးလူထွတ်ချာ ၊ စောမြတ်စွာလည်း (အပိုဒ်- ၈) - လောကသုံးဆိုင်၊ ထွတ်ဆုံးတိုင်၍ (အပိုဒ် -၁၂) - aခါင်ဆုံးမကိုဋ်၊ ထွတ်ဆုံးစိုက်သို့(အပိုဒ်- ၁၃) - သနင်းထွတ်ဖျား၊ တို့ဘုရားလျှင် (အပိုဒ်-၁၅) - သမ္ဗောဓိထွတ်၊ တုလွတ်ဂုဏ်တော် (အပိုဒ် - ၁၅) နတ်သျှင်နောင်ရတုပေါင်းချုပ် - သုံးတိုက်ပယ်မှောင်၊ ထွတ်ဘုန်းခေါင် - ဖြူညွန့်ရွက်ဆိုင် ၊ ပန်းရိပ်မြိုင်လျက် aရာက်တိုင်တိမ်ထွတ်၊ ပျံမတတ်တည့်။ - ခေါင်ထွတ်ဆက်ကာ ၊ မင်းတို့သာလျှင် ဆင်ရာမကိုဋ်၊ ရှင်တော်ရိုက်ဟု...။ - ချစ်ထွတ်တင်ထား ၊ သနားပါအောင် လက်ဆောင်အသက် ၊ နှင်းဆက်ချင်ချင် ဝါလုံးစင်သည်၊ လွမ်းအင်ကြီးပြန်ခဲ့တကား။ အရှင်မဟာရဋ္ဌသာရ၏ စတုဓမ္မသာရကိုးခန်းပျို့ - မြေမိုးရပ်သူ ၊ လူခပ်သိမ်းတို့ညွတ်တိမ်းပူဇော် ၊ ကျေးဇူးတော်လည်း နှိုင်းဘော်တုကျွန်း၊ မြင့်မိုရ်ထွန်းသို့ရဟန်းမျာ့ထွတ်၊ သုံးလူ့နတ်ကား။ (အပိုဒ်- ၁) - ဆွေရင်းခင်ပွန်း၊ ငယ်ကမှန်း၍ ရွှေနန်းထွတ်ခေါင်၊ စိုးချုပ်အောင်လျှင် ...။ (အပိုဒ်- ၇) - ရထားထက်က၊ ဆင်းသက်လျင်ပြင်း ပညောင်ရင်းသို့၊ ကပ်လျှင်းတုံလတ် ပုဏ္ဏားထွတ်ကား။ (အပိုဒ်- ၉) နဝဒေးက

အမျိုးသားတဦး အသာတကြည် တဖြည်းဖြည်း အခုတော့ - သူဌေးတဦး ကွယ်လွန်ပြီ။ အမျိုးသားတဦး မရှိတော့ပါ။ မြန်မာစာနှင့်အတူ ကောင်းရာ လားပါစေသတည်း။ ဒေါက်တာတင့်ဆွေ

ဆရာရှင့် ၁။ အုန်းကနဲ  နဲ့ အုန်းခနဲ   ၂။ ချက်ချင်း ‌ နဲ့ ချက်ခြင်း စာလုံးပေါင်းအမှန်လေး သိချင် လို့ပါ ဆရာရှင့် ကနဲ မြန်မာအဘိဓာန် အကျဉ်းချုပ် (၁၉၇၈) ကနဲ = ရုတ်ခြည်းဖြစ်ပျက်ခြင်းကို ညွှန်ပြသော စကားလုံး။ ဝါးကနဲ ရယ်ကြသည်။ မေမေ့အပြုံး တလိမ်နှစ်လိမ် မုံ့ကြိုးလိမ် မိုးကောင်းကင်က တိမ်။ မိုးတိမ်ကြားက ဖိုးလမင်း သာပါ့ ချက်ချင်း ခုချက်ချင်း။ တချုံနှစ်ချုံ ကလိမ်ချုံ မြရွက် စပယ်ရုံ။ မြစပယ်ကြားက စပယ်မင်း မွှေးပါ့ ချက်ချင်း ခုချက်ချင်း။ တခိုင်နှစ်ခိုင် အပြိုင်ပြိုင် မေ့သား ရွှေပန်းခိုင်။ ပန်းခိုင်ကြားက မွေးမိမင်း ပြုံးပါ ချက်ချင်း ခုချက်ချင်း။ (တင်မိုး) ဒေါက်တာတင့်ဆွေ

ရတနာကိုးမျိုးကို နဝရတ်လို့ရေးလား နတ်ဝရတ်လို့ရေးရတာလားခင်ဗျာ။ နဝရတ်ကိုးပါးဆိုသည်မှာ ကျောက်မျက်ရတနာ ကိုးမျိုးကို ခေါ်ဆိုသည်။ နဝရတ်ဟူသည် နဝရတနဟူသော ပါဠိမှလာ၍ ရတနာကိုးပါးဟု အနက်ရသည်။ နဝရတ်ကိုးပါး ချယ်ထားသော လက်စွပ်ကို နဝရတ်လက်စွပ် ဟုခေါ်သည်။ ကဝိလကဏာသတ်ပုံကျမ်းတွင် မျက်စုံလည်းသတ်၊ နဝရတ်၊ စီခတ်အမွန်းတင် ဟုတွေ့ရသည်။  နဝရတ်လက်စွပ်ကို ကျက်သရေမင်္ဂလာနှင့် ပြည့်စုံသည်ဟု ယုံကြည်၍ ဆင်ယင်လေ့ရှိသည်။ ရှေးပဝေသဏီကပင် ကျောက်မျက်များ၏ ထူးခြားသော တန်ခိုးများ ရှိသည်ဟု လူတို့ အယူရှိခဲ့ကြသည်။ နဝရတ်တွင် အပါအဝင် ကျောက်မျက်ရတနာ တပါးပါး၏ တန်ခိုးအာနိသင်မှာ အောက်ပါအတိုင်း ဖြစ်သည်ဟု ယူဆကြသည်။ ပတ္တမြား ဘုန်းတောက်၊ မြ ကျောက် အေးချမ်း စိန် စွမ်းဂုဏ်ရောင်၊ ကြောင် ကား သိဒ္ဓိ မဏိ နီလာ - မေတ္တာကဲချုပ်၊ ဂေါ်မိတ် ခွန်အား ဥဿဖယား ကျန်းမာ၊ သန္တာ ကြီးကဲ ပုလဲ ကျက်သရေ၊ ဂုဏ်ကိုးဝေသည် ကိုးထွေ နဝရတ် စွမ်းရည်တည်း။  ပုံအတွက် ကျေးဇူး။ ဒေါက်တာတင့်ဆွေ

ထမင်းဆီဆမ်း ဆားဖြူးစားခြင်းသည် အဆန်းမဟုတ်ပါ။ စမ်းပြီးစားကြည့် ကောင်းမှန်းသိပါမည်။ စမ်း နဲ့ ဆမ်း https://dr-tint-swe.blogspot.com/2022/05/blog-post_317.html စမ်း နဲ့ ဆမ်း မှားရေးသူတွေ များတယ် https://burmese-spelling.blogspot.com/2022/10/blog-post_937.html ကရိုးမက ဆန်း၍က နှပ်ပစ်ခံရ https://burmese-spelling.blogspot.com/2023/12/blog-post_28.html စန်း နဲ့ ဆန်း မှားနေသည် https://burmese-spelling.blogspot.com/2023/09/blog-post_97.html မြို့သူဆမ်းတော့တဇွန်း တောသူဆမ်းတော့ အိုးလုံးမှောက်” https://burmese-spelling.blogspot.com/2023/02/blog-post_985.html ဒေါက်တာတင့်ဆွေ

အသိတယောက်က တင်ထားတာ။  အဲလိုစာကို တင်တဲ့သူ အဆဲခံရနိုင်သည်။ မှားရေးသူတွေကိုတော့ သြဘာပေးကြမည်။ နဝတ လက်ထက် စာပေစိစစ်ရေးခေတ်မှာ တဝမ်းပူတွေကို စသတ်စေလုပ်တော့ ငြိမ်ဝပ်ပိပြားစွာ လိုက်နာ ရေးသားသူက များခဲ့သည်။  နဝတ ပြုတ်ကျရေးသာအရေးကြီးတယ်၊ သတ်ပုံကိုနောက်မှဟု သဘောထားခဲ့ကြသူတွေဖြစ်ပါသည်။ အခု အဲလိုရေးတာက တရားဝင်ဖြစ်တယ်လို့ ဘုန်းတော်ဘွဲ့တွေရေးနေသူတွေက နှယ်နှယ်ရရ မဟုတ်ကြပါ။ ရာထူး၊ ဘွဲ့ထူး၊ တာဝန်ထူးတွေ ရနေသူတွေဖြစ်ပါသည်။ ထိုသူတွေဟာ စောစောလိုပြောကြတဲ့ ပုဂ္ဂိုလ်တွေဖြစ်ပါသည်။ စစ်အုပ်စုခေတ်လွန်သော် "ထော်လှံယေးဂျီး ပီးB" လို့ရေးကြပါလိမ့်မည်။ ဒီဇိုင်းရေးဆွဲသူ ကန်တော့ + ဆောရီး။ အမှားဆိုတာ ပြင်လိုက်တာနဲ့ ချက်ချင်းမှန်သွားတယ်။ ဒေါက်တာတင့်ဆွေ

ပြည်ထောင်စုနေ့၊ ချင်းအမျိုးသားနေ့၊ မွန်အမျိုးသားနေ့တွေကို မတက်ရပါ။ ၁၉၉၁ ခုနှစ် ပြည်ထောင်စုနေ့ကို အိန္ဒိယနိုင်ငံ နယ်စပ်မြို့မှာ ကျောင်းသားတွေနဲ့အတူ စပြီးကျင်းပခဲ့ပါတယ်။ ၂၀၁၄ ခုနှစ်မှာတော့ နယူးဒေလီမြို့မှာ နောက်ဆုံးသောပြည်ထောင်စုနေ့ကို ဦးစီးပြီးကျင်းခဲ့ပါတယ်။ ယူအက်စ်အေရောက်တော့ ဖိတ်တဲ့ဆီကို တက်ဖြစ်ပါတယ်။ ဒီနှစ်တော့ မတက်ဖြစ်တော့ပါ။ ပြည်ထောင်စုနေ့၊ ချင်းအမျိုးသားနေ့၊ မွန်အမျိုးသားနေ့တွေကို မတက်ရခြင်းဟာ အဲဒီနေ့တွေရဲ့ ဂုဏ်ကို မငယ်စေပါ။ အခမ်းအနားတွေတက်၊ အားပေး၊ ပြောဟော၊ လက်ခုပ်တီးရတာလည်း ကောင်းပါတယ်။ ဒီနှစ်တော့ သုံးသပ်ဆင်ခြင်မိတယ်။ မြေပြင်အခြေအနေတွေ သိသိသာသာပြောင်းနေပြီ။ အရွယ်ငယ်သူတွေက ရှေ့မှာရောက်ရှိနေကြပြီ။ သူတို့ ကနေ့ ပြောဆို၊ ရေးသား၊ လုပ်ကိုင်နေကြတာတွေက ကျွန်တော်တို့ မြန်မာ့ ဒီမိုကရေစီရေးနဲ့ မတူတာတွေ ရှိလာတယ်။ ၁၉၈၈ တပါတီအာဏာရှင်အလိုမရှိ။ ဒီမိုကရေစီရရှိရေး။ ၁၉၉၀ နောက်ပိုင်း မြန်မာ့ဒီမိုကရေစီရေး။ အကြမ်းမဖက် အာဏာဖီဆန်ရေး။ သုံးပွင့်ဆိုင်တွေ့ဆုံဆွေးနွေးရေး။ စစ်မှန်သော ဒီမိုကရေစီ ဖက်ဒရယ်ပြည်ထောင်စု တည်ဆောက်ရေး။ ၂၀၂၄ မှာ အသံတချို့ တမျိုးတမည်တွေ ဖြစ်လာတယ်။ တချို့ကနေ ဒီမိုကရေစီဝေါဟာရ မမေ့ကြဘို့ ပြ

မေးတာတော့မဟုတ် ကဲ့ရဲ့ကြတာ။ အဲလိုငေါ့တာ တယောက်နှစ်ယောက်လည်း မကပါ။ မနေ့က ခင်မင်းရင်းနှီးတဲ့ မီဒီယာတခုက တယောက်နဲ့ စကားပြောကြတယ်။ ‘အော့်သ်ရက်ကော့’။ သတ်ပုံအကြောင်းပြောကြတာ။ အဲလိုမေးကြရင် ဆရာ့ကို ‘ဒီလစ်’ ဘွဲ့ ပေးသင့်ပြီထင်တယ်။ ဆရာစောကျောင်းကနေ အဲလို ပါရဂူဘွဲ့ သွားယူမယ်ဗျာ။ သိပ္ပံမောင်ဝ ရေးသမျှ မူရင်းစာတွေကတော သတ်ပုံမှန်တယ်။ ပြန်ထုတ်တွေကတော့ ဝိဇ္ဇာမောင်ပိန်ရေးတာတွေ။ ရွာကျက်သရေ https://dr-tint-swe.blogspot.com/2021/05/blog-post_5.html ဒေါက်တာတင့်ဆွေ

မရန်းသီး အရမ်းကြိုက်သလား။ မရန်းပင် မရန်းပြား  မရန်းစေ့ရောင် - ပြတဲဆရာဝန်က အရန်းတော်တဲ့ဆရာဝန်ပါ ပြန်ပြပါ သူပြောတဲ့အတိုင်း ဆေးကုသမှုခံယူမယ်ဆိုရင် ပိုကံကောင်းမှာပါ အရမ်းတော်လို့ ရေးရတယ်။ - ဆီမပါပြားမပါ အရန်းအရသာရှိတဲ့ငါးရခိုင်ချက်နည်းလေးတင်ပေးမယ်  အရမ်းအရသာရှိလို့ ရေးရတယ်။ - ကြွက်သားကိုက်ခဲနာကျင် ယောင်ယမ်း(ရောင်ရမ်း)ခြင်းများ သက်သာစေပါတယ် - ရန်း နဲ့ ရမ်းတွေ မှားနေကျလို့ ရှင်းပြပေးပါဆရာ - ဖက်ယမ်း၊ ဖက်ရမ်း ဘယ်ဟာမှန်လဲဆရာ။ (ဖက်ရမ်းက မှန်ပါတယ်။ ဖက်ယမ်း နမ်းရှုပ်သည်။ ဖက်ပြီး ဆွဲယမ်းတယ်လို့လည်းရတယ်။) - ဆရာရှင့် မရမ်းသီး မဟုတ်ဘဲ မရန်းသီးလို့ ရေးရမှာပေါ့နော် မရမ်း နဲ့ မရန်း မူကွဲ။ သတ်ပုံမှန်က မရန်း။ ဒါပေမဲ့ သိတဲ့သူ ရှားတယ်။ ခရမ်းသီး၊ ခရမ်းရောင်၊ မရန်းစေ့ရောင် မရန်းရောင်။  အရမ်းနဲ့ အလန်း ဘန်းစကားတွေကို ထည်လဲသုံးကြတယ်။ အရန်းဆိုရင် အိမ်လက်ရန်းဖြစ်သွားမယ်။ အလမ်းဆိုရင် နာရီနှိုးစက်။ သင်္ကန်းရန်းတာလည်း နသတ်နဲ့။ အရမ်းမိုက် အရမ်းကောင်း အရမ်းလွမ်း အရမ်းချစ် အရမ်းကြိုက် စာကို ထင်သလိုအရမ်းကာရောရေး။ ရန်း ကုလားနရန်း ခြံစောင့်ရန်း ခါးရန်းကြိုး ခါးရန်းသီး ခါးရန်းသီး (ယခင်အသုံး) ခေါင်ရန်းပန်း စက်နရန်း စတုရန်း ဆင

           မြင့်သည် မိုမောက်သည် ဟူသော အနက်ကို ဆောင်သဖြင့် "မြင့်မိုရ်" ဟု ရေးကြသည်။             "မြင်းမို" ဟု ရေးလျှင် "ဟောင်းမြင်း" ၊ "စမြင်း" ကဲ့သို့ "ကြာမြင့် ဟောင်းမြင်း၍ မြင့်သောတောင်" ဟု ဖော်။             "မြင့်မို" ရေးလျှင် "တခြားတောင်တို့ထက် အလွန်မြင့်မောက်သောတောင်" ဟု ဖော်။ (မြန်မာစာဩဝါဒါစရိယ ရဝေထွန်းဆရာတော်ကြီး) ရှေးစာကဗျာများ ဒေါက်တာတင့်ဆွေ

ကတက် ခံတက် မြန်မာအဘိဓာန် အကျဉ်းချုပ် (၁၉၇၈) မှာ ခံတက်။ ၂၀၂၂ ခုနှစ် ဒီဇင်္ဘာလထဲမှာ ခံတက်ချဉ်သုပ်စားကြသည်။ ကောင်းသည်။ တနေ့က ခံတက်ချဉ်တထုပ် လက်ဆောင် အိမ်တိုင်ရာရောက် ပေးတာရသည်။ ကျေးဇူး။ အရင်က မေးပါသည်။ ကျွန်တော်တို့စားနေတဲ့ ဂဒက်ချဉ် အသံထွက်၊ စာလုံးပေါင်းတော့ ကျွန်တော် သေချာမသိလို့ပါဆရာ၊ အခုဆရာပြောတဲ့ ခံတက်ရွက်ကို အချဉ်တည်ထားတာဖြစ်မယ်ထင်တယ်။ ကျွန်တော်လည်းတောသား။ တောစာသာစားပြီး တောအကြောင်းက သိပ်မသိ။ ညံ့ပါဘိ။ လိုက်ရှာပါတယ်။  ၁။ သူငယ်ချင်း အမျိုးသမီးဆရာဝန်တယောက်က သူငယ်ချင်းအမျိုးသမီးဆရာဝန်တင်ထားတာကို လှမ်းပြောပြတယ်။ သူငယ်ချင်းအမျိုးသားဆရာဝန်ကလည်း ပါသေးတာ။ ကတက်၊ အရပ်စကားမှာ ခတက်၊ ကတက်၊ ဂဒက်သံထွက်နေကြတယ်။ ကျေးဇူး။ ၂။ Crateva manga Family Capparaceae ခံတက်ပင်ပုံပါဆရာ ရွက်မွှာ (မြွှာ) ၃ ရွက်သာပါပါတယ်။ (Kothetnaing Kothetnaingoo) ကျေးဇူး။ ၃။ ဝီကီပီးဒီးယာမှာ ဆေးဘက်ဝင်ပုံပါရေးထားပြီး မြန်မာပြည်မှာ စားသုံးတာ မပါ။ ၄။ ခံတက် (သို့မဟုတ်) မြန်မာ့ထမင်းဝိုင်းထဲက ဆေးပင်၊ ခံတက်ပင်ကို ကုန်းခံတက်ပင်ဟူ၍လည်း ခေါ်ကြသည်။ ကျေးဇူး။ ၅။ ခံတက်ရွက်ကို ပုံမှန်အားဖြင့်ကတော့ အချဉ်တည်ပြီး တို့စားတာ၊ ခံတက်ချဉ်ကို ပါးပါးလှီးလိ