တို့စာ တို့စကား တို့တိုင်းပြည်

ကျွန်တော် မြန်မာစာနဲ့ဆိုင်တာလေးတွေရေးနေလို့ မကြာခဏပြောကြပါသည်။ ခဏခဏဝေဘန်ကြပါသည်။ တယောက်ပြီးတယောက် မျက်စိနောက်သည်ဟု ဆိုကြပါသည်။ တ နဲ့ တစ်ကို အတော်မျက်မုန်းကျိုးသူ များပါသည်။ တကယ်တော့ တ နဲ့ တစ် ထက် တခြားအမှားတွေထောက်ပြခင်းက ပိုများပါသည်။ ဆရာဝန်တန်မဲ့ ဆေးပညာမဟုတ်တောတွေ ရေးရကောင်းလားဟုလည်း အပြစ်တော် တင်သူတွေ မနည်းပါ။ ဆိုပါစို့ - လူကြီးမင်းဟာ မူလတန်းပြဆရာ သို့မဟုတ် ဆရာမ။ တနှစ်လာလည်း ကကြီး ခခွေး။ သင်ပုန်းကြီး။ ၁-၂-၃-၄ သင်ပေးရသည်မဟုတ်ပါလား။ နောက်တနှစ်မှာ ကျောင်းသားသစ်တွေကိုလည်း ကကြီး ခခွေး။ သင်ပုန်းကြီး။ ၁-၂-၃-၄ သင်ပေးရသည်မဟုတ်ပါလား။ ဖေ့စ်ဘွတ် ကျောင်းတော်ကြီးမှာ စာသင်နှစ်မရှိ။ ကျောင်းဖွင့်ချိန် ပိတ်ချိန်မရှိပါ။ တချို့က အခုမှ ပေါက်ချလာသည်။ စာလေး တပုဒ်စ နှစ်ပုဒ်စ ဖတ်ပြီး ကျောင်းအုပ်ကြီးသွားတိုင်သလို လုပ်ကြနေသည်။ ကျွန်တော့အဖြစ်က ကျောင်းဆရာ ဆရာမများထက် ခက်ပါသည်။ ကျောင်းမှန်မှန်တက် စာမခက်။ သူငယ်တန်းစာမကျေဘဲ စိတ်ကြိုက်မြန်မာစာ မမေးနဲ့။ ညတည လသာသာ မှန်အောင် မရေးတတ်ဘဲ ရသဆရာကြီး မလုပ်ချင်နဲ့။ လူကြီးမင်းအမည်နောက်မှာ မဟာဘွဲ့ပါနေလည်း တဦးကောင်း တယောက်ကောင်းကို မှန်အောင် မရေးတတ်တော့ရင် သင်ပုန်းကြီးစာ ပြန်ဖတ

ဇင်မာစတာ Ryokan ရိုကန် ဟာ တောင်ခြေမှာရှိတဲ့ အလွန်ရိုးရှင်းအေးချမ်းတဲ့ တဲငယ်လေးတလုံးထဲမှာ နေထိုင်ပါတယ်။ တနေ့တော့ သူခိုးတယောက် သူနေတဲ့တဲကို ရောက်လာတယ်။ ခိုးစရာတန်ဖိုးရှိပစ္စည်း တစုံတရာ ရှာမတွေ့ပါ။ သူခိုး လှည့်ပြန်တော့မယ်အလုပ် ဇင်မာစတာက သူခိုးကို ပြောလိုက်တယ်။ မင့်မှာ တခုခုခိုးယူဘို့ ခရီးအဝေးကြီးလာခဲ့ရမှာဘဲ။ လက်ချည်းဗလာ မပြန်နဲ့ကွာ။ ရောါ ငါဝတ်ထားတာတွေသာ မင်းသွားပေတော့။ သူခိုးလည်း ကြံရာမသိ ပေးတဲ့အဝတ်ကိုယူပြီး ထွက်ပြေးသွားပါတော့တယ်။ မာစတာမှာ ဝတ်စရာ မရှိတော့ပါ။  ညအချိန် ကောင်းကင်မှာ လသာနေတယ်။ မာစတာက လမင်းကိုမော့ကြည့်ပြီး ငါတယ်ညံ့တာဘဲ။ အလွန်လှပတဲ့ လမင်းသာခိုးသွားပေတော့လို့ မပြောလိုက်မိ။ ကျွန်တော့မှတ်ချက် - ဇင် စတိုရီတွေဟာ ပုံပြင်မှာပါသလို ဖြစ်ရပ်မှန်တွေ ဖြစ်ပါတယ်လို့ ယူဆလို့ မရပါ။  အစဉ်အလာ တရားဓမ္မ နည်းနာစံတွေနဲ့လည်း ထပ်တူမကျပါ။ ပုံပြင်တခု သို့မဟုတ် စာပိုဒ်လေးတခုအဆုံးမှာ နာကြားမိသူတိုင်း တစုံတခု ရကြပါလိမ့်မယ်။ ကိုယ်ရတဲ့ အသိအလင်းကို ကိုယ်တိုင်သာ ဆင်ခြင်ကြရပါတယ်။ တယောက်ယောက်ကနေ ရှင်းလင်းပြ တယ်ဆိုရင် အတည့်မဟုတ်နိုင်တော့ပါ။ တစုံတခု ရကြပါစေသတည်း။ ဒေါက်တာတင့်ဆွေ

(တက္ကသိုလ် အေးမောင်) အမိ တက္ကသိုလ်နယ်မြေကိုကွယ် ကျွန်တော် တခေါက် ရောက်တဲ့အခိုက်မှာ ငေးကြည့်မိတယ် ကိုယ်တယောက်တည်းသာကွယ် တက္ကသိုလ် အေးမောင်ခင်ဗျား အခုတော့ မြန်မာစာအုတ်ခုံလေးပါ ကျိုးသွားရှာပြီ။ ပုံအတွက် ဂီတအကြောင်း သောင်းပြောင်းထွေလာ ကျေးဇူး။ ဒေါက်တာတင့်ဆွေ

ဆရာ ထာပနာ ဌာပနာ ဘယ်ဟာအမှန်ပါလဲ သမီးရေးထားတာ မှန်ပါသလား ကိုဗစ်ကာလ ပုဂံမှာ ဌာပနာ အဖောက်ခံရတာ ဘယ်ဘုရားတွေလဲ ကမ္မဌာန်း (ကမ္မဋ္ဌာန်း) ကျန်းမာရေးဌာန ကိုယ်သဏ္ဌာန် ကုဋ္ဌနူနာ ဆဋ္ဌမ ဌာနချုပ် ဌာနစိတ် ဌာနန္တရ ဌာနပိုင်မင်း ဌာနမှူး ဌာနီ ဌာန်ကရိုဏ်းကျ ဌာန်ကုန် ဌာပနာ (ပါဠိ = ဌပန = ထားခြင်း) ဌာပနာတိုက် ဌီ (ဥပါဒ်၊ ဌီ၊ ဘင်) ဒိဋ္ဌ နေရာဌာန ပဋ္ဌာန်း ပဌမ (ပါဠိ) = တခုမြောက် ပဌမ (ပါဠိ) နဲ့ ပထမ (သက္ကတ) မူကွဲတွေဖြစ်တယ်။ နှစ်မျိုးလုံးမှန်တယ်။ ပဌာန်းပါဠိ ပထမ = (သကတ္တ ခေါ် သင်္သသကြိုက် ခေါ် ဆန်းစ်ခရင် ခေါ် သင်္သကရိုက်) = တခုမြောက် ပထမ = (သကတ္တ ခေါ် သင်္သသကြိုက် ခေါ် ဆန်းစ်ခရင် ခေါ် သင်္သကရိုက်) = တခုမြောက် ပြဌာန်း ပုံသဏ္ဌာန် မိုးလေဝဿဌာန (ယခင်သုံး) ရွှေမုဋ္ဌော ရာထူးဌာနန္တရ ဝတ်ဌာနာ သဏ္ဌာန် (ပုံပန်း၊ လုံးရပ်၊ အသွင်အပြင်) သန္တာကျောက်တန်း၊ သန္တာန် (အစဉ်အဆက်)၊ သန္ဓေကောင်း၊ သန္ဓေတားဆေး၊ သန္နိဋ္ဌာန်၊ သန္နိပတ်၊ သန္နိပါတ်နာ၊ သူဌေး (သူဋ္ဌေး) သူဌေးသူကြွယ်။ အဋ္ဌကထာ အဋ္ဌမ အဋ္ဌာရသအတတ် ဥက္ကဋ္ဌ ဥက္ကဋ္ဌ (ကဝိဓဇ သတ်ပုံကျမ်း) = လူကြီး။ ဥက္ကဋ္ဌ (ပါဠိ) = လွန်ကဲသည်။ လွန်မြတသည်။ ထူးမြတ်သည်။ ဒေါက်တာတင့်ဆွေ

ရခိုင်ရိုးမတောင်တန်းနဲ့ ဆက်နေတဲ့ ချင်းတောင်တန်း။ ချင်းတောင်တန်းနဲ့ ဆက်နေတာက ပုံတောင် ပုံညာ။ ကျွန်တော်သည် ၁၉၉၀ ခုနှစ်အကုန်မှာ ပုံတောင်ပုံညာကိုလည်းကောင်း၊ ချင်းတောင်တန်းကြီးကိုလည်းကောင်း ကျော်ဖြတ်ခဲ့ပါသည်။ နယ်လှည့်ခရီး သွားလာခြင်းတော့ မဟုတ်ပါ။ ထွက်ပြေးရတာ။ ရခိုင်ရိုးမကို ရောက်ဘူးပါ။ ရှမ်းကုန်ပြင်မြင့်ကိုလည်း မတက်ဘူးပါ။ ၂၀၁၈ ခုနှစ် အလည်ပြန်စဉ်က အလယ်ရိုးမကိုတော့ ကျော်ဖြတ်ခဲ့ပါသည်။ ထိုင်း-မြန်မာနယ်စပ်က တောင်ကုန်းတွေအနီးအနား အကြိမ်ကြိမ် စခန်းချဘူးပါသည်။ ပြည်ပနိုင်ငံရေး အနှစ်နှစ်ဆယ်အတွင်းမှာ၊ မြစ်နှစ်ဆယ်ဖြတ်ကျော် ကူးလူးသွားလာခဲ့ရပါသည်။ တောင်ငါးလုံးခို ရာဇဂြိုဟ်ကိုလည်း သုံးလေးခေါက် ရောက်ပါသည်။ ဟိမဝန္တာတောင်ခြေသို့လည်း လေးငါးခေါက် ရောက်ပါသည်။ ဂိဇ္ဈကုဋ်တောင်ခြေမှာရှိတဲ့ ဆရာဇီဝကလှူဒါန်းခဲ့တဲ့ သရက်ဥယျာဉ်ကိုလည်း ရောက်ပါသည်။ ဆုပန်လိုသည်မှာ ဆရာဇီဝကလို သမားတော်ကြီးဖြစ်ပါစေလို့ မဟုတ်ပါ။ မြန်မာပြည်မှာ ဇီဝကတွေ ပေါ်ထွန်းပါစေသတည်း။ ဒေါက်တာတင့်ဆွေ

မှတ်ချက်တခု = ကျွန်တော် ၆၀ ကျော် ဘွဲ့ရ`တ´ယောက်အနေနဲ့ခုချိန်မှာ သတ်ပုံအပြောင်းအလဲတွေကြောင့် စာ`တ´ကြောင်းရေးဘို့တောင်ခက်ပါတယ်၊၊ နေ့တဓူဝ၊ နိစ္စဓူဝ၊ ၄င်း ကို လည်းကောင်း၊ လေးနဲ့မျှား လေးနဲ့မြား၊ ကျမ္မာရေးကို ကျန်မာရေး၊ သေနတ်နဲ့ပြစ်၊ သေနတ်နဲပစ် စသဖြင့်အများကြီးပါဘဲ၊ ဘယ်ဟာအမှန်းလဲမ​သိတော့ပါဘူး၊ သိပ္ပံဘွဲ့ဆိုတော့ မြန်မာစာဘာသာရပ်ကို ဆယ်တန်းထိဘဲသင်ခဲ့ရပါတယ်။ခုခေတ်သတ်ပုံကို မှန်အောင်မရေးတတ်တော့ပါ။ ဟုတ်။ မရေးတတ်တော့ပါလို့ ဆိုသူတွေက ရေးတိုင်း သတိထားကြပါမယ်။ အများစုကတော့ ငါရေးတာအမှန်။ ဘယ်လိုရေးရေး ဘာဖြစ်သေးလဲသမားတွေ ပေါလာတယ်။ ကျမ္မာရေးနဲ့ ကျန်မာရေးကတော့ မူကွဲ။ ၂ မျိုးလုံး ရေးနိုင်ပါတယ်။ မူကွဲစာလုံးစာရင်း တင်ပြထားပါတယ်။ လေးနဲ့မြားက မှန်တယ်။ လူအမည်ကိုသာ ကြိုက်သလိုပေါင်းတယ်။ ဥပမာ ဒဂုန်ရွှေမျှား။  နေ့တဓူဝ၊ နိစ္စဓူဝ၊ ၄င်း၊ လည်းကောင်းတွေကိုလည်း တင်ပြထားပါတယ်။ ရှေးလို့ ခေတ်လို့ပြောတဲ့သူတွေကပြော။ အများစုကတော့ တက်နေတဲ့အစိုးရခိုင်းတာ တရားဝင်ဆိုပြီး မှန်မှန် မှားမှား လိုက်ရေးကြတယ်။ အစိုးရပြောင်းလို့ မိခင်ဘာသာစကား စာလုံးပေါင်းသတ်ပုံပြောင်းတာ တနိုင်ငံသာရှိတယ်။ ဒေါက်တာတင့်ဆွေ

(ခင်မောင်ကြီး) တက္ကသိုလ်မှာဝေတဲ့နှင်း နှင်းမှဟုတ်ရဲ့လား    နှင်းကလေးတွေမှ ဟုတ်ရဲ့လား သံသယတောအလယ် မောတယ်အချစ်ရယ်    ပန်းချီကဗျာထက်လှတဲ့ သီလာတက္ကရဲ့ ကျွန်းညိုမြဝယ်   မိုးမြေနိမ့်ယောင် မာယာဆောင်သို့ မြူ နှင်းတို့ဝေတဲ့ကာလ ချမ်းမြမြဟေမာန်ဝယ် လှပုံကလေးလည်းတမျိုးရယ် တစိမ့်စိမ့်လေးလည်းအေးတယ် တသိမ့်သိမ့်တွေးစရာလေးတွေ ရှိနေသည်မို့ တက္ကသိုလ်မှာဝေတဲ့နှင်းရယ်    နှင်းကလေးတွေမှဟုတ်ရဲ့လား   နှင်းကလေးတွေမှ ဟုတ်ပါရဲ့လားကွယ်    သံသယတောအလည် မောတယ်အချစ်ရယ်    ပန်းချီကဗျာထက်လှတဲ့ သီလာတက္ကရဲ့ကျွန်းညိုမြဝယ်   မိုးမြေနိမ့်ယောင် မာယာဆောင်သို့ မြူ နှင်းတို့ဝေတဲ့ကာလ ချမ်းမြမြဟေမာန်ဝယ် လှပုံကလေးလည်းတမျိုးရယ် တစိမ့်စိမ့်လေးလည်းအေးတယ် တသိမ့်သိမ့်တွေးစရာလေးတွေ ရှိနေသည်မို့ တက္ကသိုလ်မှာဝေတဲ့နှင်းရယ်    နှင်းကလေးတွေမှဟုတ်ရဲ့လား   နှင်းကလေးတွေမှ ဟုတ်ပါရဲ့လားကွယ်    ချစ်တဲ့သူရယ်    ဒီလိုရှုခင်း မြင်ရခြင်းကိုက ရွှင်ပြအားရလှပါတယ်    ကံ့ကော်မြိုင်တန်းအလယ်     မြောက်ပြန်လေကလေးတချက် ကသုတ်ကရက်တိုက်ခတ်သည့်အခါဝယ် ချစ်သူကိုယ်ရနံ့ မွှေးပျံ့ပျံ့ကို ပြန်လည်သတိရ အောက်မေ့လှတယ်    တနေ့တမျိုးတနေ့တမျိုး ပြောင်းလဲတက်တဲ့ စိတ်အစဉ်ကိုပင် နာ

အများကလဲ မက်မောကြလို့ အသည်းထဲမှာ တကယ်စွဲ ခေါင်းမှာလည်းဆင် ရင်မှာလည်းဆွဲ အမြတ်နိုးပါပဲ ဒါပေမယ့်လည်း မင်းဘဝခရီးတလျှောက် ကူထောက်သူက ဒီကျောက်ခဲ တကယ်ကြိုးစားမှာပင်မလွဲ ဂီတာအို ဂီတာအိုလေးတလက်ရယ် ရောက်လာတယ် အထီးကျန် ခရမ်းရောင်လှိုင်းတွေ အရိုင်းတွေ တနေရာသွား ရှိတယ် ရှိတယ် သွားတော့မယ် ကိုယ်တယောက်တည်း ဇော်ဝမ်း ကျောက်ခဲရဲ့ တခါကတဘဝ 1986 01 ကျောက်ခဲ 02 ဂီတာအို 03 အထီးကျန် 04 ချစ်လို့ပေါ့ကွယ် 05 ပြန်လာပါအချစ်ရေ 06 ပြက္ခဒိန်တွေကိုရွေ့ပစ်လိုက်ချင်တယ် 07 နှောင်းပြီ 11 စေလိုရာစေ 12 ငပလီမှာဆုံကြမယ် 13 မွှေးသောပန်းကလေး 14 သီချင်းဆိုလို့ချော့မယ် 15 ဘဝအို 16 ကျောက်ခဲ (Instrumentals) (ဂီတအကြောင်း သောင်းပြောင်းထွေလာ) ကျေးဇူး။ အခုခေတ်မှာတော့ သီချင်းစားထဲက တဝမ်းပူအားလုံးကို စသတ်ကြပါသတဲ့။ ကျောက်ခဲ မဝါးဘဲ မျိုချသလိုသာ ဆိုရပါလိမ့်မယ်။ ဒေါက်တာတင့်ဆွေ

ပဲခူးမြို့ ဈေးအသင်းကြီး တပဲတန်ဆောင်း အများကောင်းမှု ပဲခူးရွှေမော်ဓေါဘုရားတန်ဆောင်းကပါ။ ဆရာလိုအပ်ရင်အသုံးပြုလို့ရအောင်ပို့ပေးတာပါခင်ဗျာ။ ကျေးဇူး။ အဲဒီခေတ်က တပဲဟာ ခုခေတ် တရာ၊ တထောင်၊ တသိန်းကို စသတ်ရေးတာတွေထက် တန်ဖိုးရှိတယ်။ ပဲခူးမှာ တပဲကို မှန်အောင်ရေးတတ်သူနဲ့ ရေးရဲသူတွေ ရှိပါသေးသလား။ နေပြည်တော်မှာတော့ မရှိတော့ပါ။ ဒေါက်တာတင့်ဆွေ

တညလုံး မအိပ်ဘူးလား ဆရာ ကွန်မင့်ပြန်ရေးချိန် ဒီအရပ်မှာ ညနေ ၅ နာရီ ၄၇ မိနစ်ဖြစ်ပါသည်။ အခုစာတင်တော့ ည ၇ နာရီ ၃၇ မိနစ်။ ဖရင်းဟူသည် သူ့ကိုယ် မသိ။ ကိုယ့် သူမသိ။ လိုက်ခ် တွေလာတတ်သည်။ ကြိုက် မကြိုက် ပြောမရနိုင်။ လက်မထောင် အရုပ်တွေလည်း တွေ့ရတတ်သည်။ တပင်ရွှေထီး တပ်သားသစ်စုဆောင်းနည်းအရ လက်မထိပ်ကို အိပ်စိုက်ပြီး တူထုတာခံနိုင်တယ်လို့ပြောကြတာတော့ မဟုတ်တာ သိပါသည်။ ဒေါက်တာတင့်ဆွေ

တဘန်မှတ်ပေ၊ ထပ်ရွေ့ဖြေပိမ့် သံဝေ ရမှု၊ ရှေးကပြုသည် ရတု ဘိုးထိုက်၊ ဧကပိုဒ်ကို လိုက်ရွေ့ဖြေပေ၊ ဉာဏ်ကဝေတို့ ဖြစ်လေ ရှေးက၊ ကောသလ၏ သုပိန္နဇာတ်၊ အတ္ထုပ္ပါတ်နှင့် သတ္တဝါ ကြမ္မာ၊ သင်္ခါရတရား နွားလားရှေ့ဆောင်၊ ပမာမျှောင်၍ မင်းခေါင်ကိုသာ၊ ပြစ်ရှာဘန်ဘန် ဆိုပြန်ဘိသည်၊ ထိထိပါးပါး စကားဘောက်လဲ၊ ကိုယ်ကိုလွှဲလည်း မလွဲစသာ၊ ဤအရာမှာ ပမာထင်ထင်၊ ကဗျာတင်မူ ပေါက်ပင်ကိုင်းညိတ်၊ ဗျိုင်းနိမိတ်သို့ ဖိုလ်ဟိတ်စပ်ခါ၊ ဟတ်ရွေ့ရှာမူ သတ္တဝါဘူဇဂ၊ ချင့်မူလကို သိရသောနှယ်၊ မလွယ်ဖွယ်တည့် နွယ်မာလောညွန့်၊ ဆင်ခြေကွန့်လည်း မလွန့်စသာ၊ အကြောင်းမှာကား ငယ်စွာနုမျစ်၊ ကျလိုမျစ်သို့ မြေးမြစ်အလား၊ မင်းနှစ်ပါးတို့ တိုင်းကားနှင်းထပ်၊ ကိုယ်ကိုအပ်၍ ပညတ်စေကြောင်း၊ မှူးမတ်ပေါင်းအား ဆိုးကောင်းအရေး၊ လွှဲအပ်ပေးလျက် တရွေး တရတီ၊ တဗီဇနာ တမြူလွာမျှ၊ ရသာအထူး၊ ဂုဏ်ကျေးဇူးသည် မှူးမတ်ထံမှ၊ မခံရရှင့် သိင်္ဃတန်ဆောင်၊ ဘုန်းတော်မှောင်၍ ကုန်းဘောင်နေမီး၊ မထိန်ညီးက တိုင်းကြီးပြည်ကြီး၊ အချည်းနှီးတည့် ထီးသုဉ်း နန်းသုဉ်း၊  မြို့သုဉ်းသုည၊ သုဉ်းလုံးဝဖြင့် သုညရလဒ်၊ သုညခေတ်ဝယ် ဖြစ်လာရလေ၊ တို့တတွေသည် သေသော်မှတည့် သြော်…ကောင်း၏။   ။ (ဆီးဘန်နီဆရာတော်ကြီး) (မူကွဲများလည်း

(၁) ကုဋေ = ဆယ်သန်း။ ဇောတိကသူဌေး(သူဋ္ဌေး)၌ တနေ့လျှင် ဥစ္စာဘဏ္ဍာ တို့သည် ကုဋေကုဋေတက်သည်။ (ယုဒသန် မြမ္မာ-အင်္ဂလိတ် အဘိဓာန်) (၂) ဂဏန်းရေတွက်ပုံမှာ ခု၊ ဆယ်၊ ရာ၊ ထောင်၊ သိန်း၊ သန်း၊ ကုဋေ လို့ရှိတယ်။ ကုဋေအသုံးကို မြန်မာပြည်မှာ စာပေတွေထဲမှာသာ သုံးလေ့ရှိပါတယ်။ ယူအက်စ်အေကလည်း သန်းနဲ့ ဘီလီယန်ကိုသုံးတယ်။ အိန္ဒိယမှာတော့ ကုဋေစာလုံး အသုံးများတယ်။ (၃) ရှေးသရောအခါ ပြည်ဗာရာဝယ်၊ ကုဋေကြွယ်သား သူဋ္ဌေး(သူဌေး)အားလျှင်၊ သားတယောက်ဖြစ်၊ ချစ်၍တစေ အိမ်မှာနေ၍၊ စာပေမကျ မိဘစုတေ့၊ ခန္ဓာရွေ့သော်၊ အရှေ့အနောက် တောင်မြောက်ဘယ်မှာ မသိပါငြား၊ သူဋ္ဌေးသားသည် သိုထားမတတ် အရပ်ရပ်၌၊ နှံအပ်ဥစ္စာ ရှိသည့်ငှာကို၊ များစွာကျွန်ပေါင်း မကောင်းခိုးသူ ယူ၍ပြေးရှောင်း၊ အိမ်ကိုရောင်း၍၊ ထောင်းထောင်းကြေလျက် ခွက်လက်ဆွဲကာ တောင်းစားပါလည်း၊ နင်သာလူမိုက် ဒုစရိုက်ဟု ရိုက်ပုတ်လိုက်ကြ၊ ရွာမှထွက်လေ၊ တောမှာသေသည်၊ ကောင်သေဠင်းတ ကျ၏တည်း။     ။ (ဆားတုံ ဆရာတော်) (၄) တောကျောင်းပျော်မြန်း၊ ဤရဟန်းကို ဝတ်ပန်းပုဆိုး၊ လှူသည်ကျိုးကြောင့် ထက်မိုးဘုံမှာ၊ ဝတိံသာဝယ် စံကာတဆက်၊ နတ်ကသက်မှ အရိဋ္ဌတွင်၊ ဓနများစွာ ဥစ္စာရွှေငွေ၊ ကုဋေရှစ်ဆယ် ကြွယ်လတ်တုံပြီး၊ သူဌေးကြီး၏ သမီးဖြစ်ခ

(ဟဿရသ နိမိတ်ပုံ အဖွဲ့တချို့) => ပဉ္စပါပီ၏ မိဘများ ဆင်းရဲလို့- ဘယ်ကာလသား၊ ဘယ်ယောက်ျားမှ ရည်းစားဘို့ မမြင်၊ လင်ကံဘို့ မထွက် သူ့အသက်ကို၊ စက္ကဝါဠေ ခက်စရာတွေ စုသောကြောင့် အကုသိုလ်ကံ၊ မပုတို ကံငယ် မကြံနိုင်အောင်၊ တရွာလုံး ရှောင်ကြဉ်၍ ခေါင်ကကဲ အမွဲမှာ မပြောချင်အောင်မောသတဲ့ ဖွတ်ကျောမှာ ပြာခိုသည် စဖိုနှင့် အ်မ်ထောင်ဘက်ပါလို့… အိမ်ဝါးကလည်း ပရမ်းပတာ ဆင့်ဝါးများဟာလည်း ကျဲပါဘိချက် ကြိမ်ကွပ်က ပျက်သနှင့်… ဘုရားဘုရား အိမ်တိုင်များ မှာလည်း ပိုးစား၍ ယဲ့ယဲ့ တခြမ်းပဲ့ ကြက်ယက် ခေါင်ပျက်က မိုးယို ပြိုတော့မည့်ပုံ… => အတွေ့ထူး- လက်အတွေ့တွင်၊ ကြက်သေ့သေ၍ ရွှေနှလုံးငြိမ့်၊ ထောင်ကြောစိမ့်လျက် ဆလိမ့် ထိပ်ခွင်၊ လုံးကြီးတင်ကို မတွင် ထင်ရှား၊ တံခွန်လွှား၍ အောက်နားအမြစ်၊ ဘယ့်နှယ်များ ဖြစ်တယ်လို့… => တရားခံဖမ်းခန်း- မျင်နှာက မှုန်မှုန်၊ လက်လာက တုန်ရာတွင် သုန်သုန်ရိုက်ရိုက်၊ တောင်လေက တိုက်သနှင့် နှိုက်ထိုးသမျှ တင်းထိမ်ကလည်း  လှိုင်းထသောအခါ အပေါက်ဟာကို ရှာမတွေ့ မှိုင်မေ့မေ့ တေ့လွဲတေ့လွဲ ဆယ်ကိုးကြိမ်… (ရူပါမြင်ကာ စိတ်မပါ) ဖင့်နွဲ့ လေးကန်၊ ဘယ့်နှယ်များ ကြံကြသည် မြန်မြန်ရိုးရိုး၊ ထိုးလျှင်လည်း ထိုးကြပေါ့ ထိုးမိလျှင

တိမ်ခိုးမှ ဖျော်ဖျော်လေ၊ (ဖြော်ဖြော်လေ- မူကွဲ) ဖလ်နန်းစကြာ၊ ဝိသာခါနှင့် ယှဉ်လာပြိုင်ထွန်း၊ လပြည့်ဝန်းလည်း လေးကျွန်းလည်လှည့် ရွှေဘုန်းတော်ပြည့်လှသည် ကြည့်တိုင်းတော် ပါလို့လေး။ ။ စက်ဖော်ငယ်မှ ကွာဝေး၊ အခေါက်တရာ၊ ကတ္တီပါနှင့် ရတနာကျောက်စီ၊ မည်သရီကို လီလီထပ်ပုံ၊ တပိုင်းငယ်ခြုံ မလုံသေးလို့၊ ဧးလှသနော် လမြတ်ကယ်ဗြိစ္ဆာ၊ ဤအခါကို တံငါငါးမင်၊ ပိုက်ကြီးရှင်တို့ ဒေါင်ဒင်သံညောင်း၊ လှေငယ်လောင်းနှင့် မြစ်ကြောင်းမှာ ဆော်သည် နတ်ကျော်အောင် စည်တီးလို့ မကြီးငယ်ညှိုး။ ။ ကြောက်စိုးမှ လန့်ဖွယ်၊ ခဝဲရစ်ခွေ၊ ပြည်ပန်းရွှေနှင့် တောခြေတောင်ယံ၊ ပင်နန်းပျံမှာ လူဟန်နွဲ့ညိတ်၊ ကရဝိတ်လည်း ချစ်ရိပ်သွယ်လို့၊ ငယ်သံတွတ်တီး ဆီမီးက ထိန်၊ မြောက်လေက ကြိမ်သနှင့် တိမ်အဆာကျယ်၊ နှာမောင်းသွယ်လို့ ရွှေနွယ်လို ချီသည်၊ ကျီးအာနီ မျက်နှာလှကို ဓညပြည်ဧး။ ။ နာရီအန္တ၊ ဂဏန်းဆနှင့် ချမ်းစပြုတုန်း၊ တန်ဆောင်မုန်းကို ပတ်ကုံးဝန်းကျင်၊ ဇမ္ဗူပြင်မှာ ကြင်သူမရှိ၊ အသာမိတို့ ကယိကနွမ်း၊ မယ်နှင့်လွမ်းလို့ စက်ခန်းဘုံခွင်၊ ငိုလျက်သာ ဝင်လိမ့်မည် နှင်းရွှင်ရွှင် ဟေမန်မိုးက ဆော်နှိုးကြွေး။ ။ (မယ်ခ

တစ်ချက်လောက်(တချက်လောက်) မေးချင်လို့ပါရှင့် ကျော်မသွားကြပါနက်ရှင်(နဲ့ရှင့်) ပါးစပ်တွေ အရမ်းခါးနေတယ် ကျောက်ကပ်ဆေးနက်(ဆေးနဲ့) သအိမ်(သားအိမ်)ဆေးနက်(ဆေးနဲ့) သောက်နေရတယ် ကြားထဲမှာ ဖျားလို့ အပူကျဆေးတွေသောက်နေရတယ် အဲ့ကြောင့်ပါးစပ်ခါးတာလား သ်ပရစေ(သိပါရစေ) အရမ်းသိချင်နေလို့ပါ ပြောပေးကြပါရှင့် 1. ကျန်းမာရေးနှင့် ပတ်သက်လို့ ရေးရတယ်။ ပတ်သတ်တဲ့လို့ ရေးရတယ်။ 2. ကောင်လေးကချောရက်သားနက် = အသားမည်းနက်သောကောင်လေး 3. ခင်မောင်တိုးရဲ့ ပန်းချစ်သူသီချင်းကို ပျက်စေတဲ့ သီချင်းနောက်ခံစာသားများ 4. ဆရာ ကျမက မကွေးတိုင်းကပါဆရာ။ မဲ နဲ့ မည်း ကို ဘယ်လိုခွဲခြားသုံးလဲ သိချင်လို့ပါရှင့်။ 5. ဆရာ အမဲ၊ အမည်းလို့ ဆရာပြင်ထားတာတွေ့လိုက်တယ်။ သူက အရောင်ကို ကိုယ်စားပြု ပြောတာဆိုတော့ အမဲက အမှန်လား အမည်းက အမှန်လားခင်ဗျ။ 6. ဆရာခင်မျ ကျနော့် မိန်းမ နက် ( - ) မလို့ တားဆေးဘယ်လိုသောက်ရမလဲခင်မျ (ကန်တော့) 7. ဆရာခမျ ကျန်းမာရေးနက်ပတ်သတ်တာယဲ့အကြောင်းလေးမေးချင်လို့ပါခမျ 8. တခုလောက် မေးပ့(ပါ) ရစေရှင် ရင်သားကင်ဆာပါ သွေးစစ်ရင် CEA နက် (နဲ့) CA153 စစ်ရပါတယ် အ့ဒါ ဘာကိုစစ်တာပါလဲ သွေးအဖြေဘယ်လောက်ဆို ကောင်းပါသလဲ - တခုလောက်လို့ ရေးတာမှန်။ ကွန်ဂရက်ကျူလေ

(က) မြန်မာစာကို ဖေါ်မြူလာ ခေါ် ပုံသေနည်းတွေနဲ့သင်တာမှာ ကြီးမားတဲ့ ချွင်းချက်တွေရှိတယ်။ သိရသလောက် ဖေါ်မြူလာ ၅ ခုရှိတယ်။ ဖေါ်မြူလာ ၁ = ရေတွက်လို့ရရင် တစ် - မမှန်ပါ။ ပိုက်ဆံ တပြား၊ တကျပ်၊ တမတ်၊ တဆယ်၊ တရာတန်တွေ တရားဝင်ထုတ်ခဲ့တယ်။ ဖေါ်မြူလာ ၂ = ခငဂဒေပဝ မောက်ချပါ။  ခင်-ငူ-ဂေါ-ဒေါ-ပုံ-ဝ ဝိုက်ချမသုံးရလို့အထိကတော့ မှန်သေးတယ်။ ကျန်တာတွေကို မောက်ချနဲ့ မရေးရသလို ထင်ပြီး မှားနေကြတယ်။  - ကာတွန်း၊ သတင်းခေါင်းစဉ်နဲ့ ကျောက်ပြားစာတွေမှာ အဆင်သင့်တဲ့ ရေးချကို သုံးပါတယ်။ - အဲဒီ (၆) လုံးထဲမှာ (ဓ) မပါ။ နောက်ထုတ် သတ်ပုံစာအုပ်သစ်တွေမှာ (ဓာ) လို့သာရေးခိုင်းတယ်။ မမှန်ပါ။ ဓါတ်ပုံလို့ ရေးလည်း မှန်တယ်။ ဓါ နဲ့ ဓာ မူကွဲသာဖြစ်တယ်။ ဖေါ်မြူလာ ၃ = မ နောက် ဘဲ လိုက်။ မမှန်ပါ။ ပဲ နဲ့ ဘဲ ကို အဆင်သင့်သလိုသုံးနိုင်တယ်။  - ဘဲအုပ်မှာ တရာနှစ်ရာ၊ ဗေဒါက တပင်ထဲ အယက်အကန်ခံလို့ ဗေဒါပျံအံကိုခဲ၊ ပန်းပန်လျက်ဘဲ။ (ဇော်ဂျီ) - သူငယ်ချင်းလို့ဘဲ ဆက်၍ခေါ်မည် ခိုင် (တက္ကသိုလ်ဘုန်းနိုင်)။ ဖေါ်မြူလာ ဖေါ်မြူလာ ၄ = ကလေးဗူးမှုတ်တာကလွဲရင် ဘူး - မှားတယ်။ ဗူးဘုရား။ ဗူးသီး။ ဖေါ်မြူလာ ၅ = နှစ်မရှိတဲ့အတွက် တ နဲ့ရေး။ ဥပမာ တယူသန် ဘဲရှိတယ်။ နှစ်ယူသန် သုံးယူသန

နွဲ့နွဲ့စန်း၏ တပုဒ်တည်းသော ရောင်းတန်းဓာတ်ပြားသီချင်းမို့  မှတ်တမ်းတင်ကျန်ရှိစေလိုသော စေတနာသက်သက်ဖြင့် တင်ဆက်ပါသည်။ (ရေဒီယိုချိုတေးသံနားဆင်ကြမယ်) https://www.facebook.com/100086777673875/videos/860941365577997?idorvanity=1837266772968942 ပျို့မှတ်တမ်း ရေး - မြို့မငြိမ်း ဆို - နွဲ့နွဲ့စမ်း စက္ခုရူပေ အများနဲ့မတူပဲလေ မြင်မြင်ချင်းမျက်စိထဲမှာ စွဲလန်းအရိပ်ထင် သူ့ကိုအလွန်ပင်ခင်မင်မိတော့ပေ စက္ခုရူပေ အများနဲ့မတူပဲလေ မြင်မြင်ချင်းမျက်စိထဲမှာ စွဲလန်းအရိပ်ထင် သူ့ကိုအလွန်ပင်ခင်မင်မိတော့ပေ သူရော ကိုယ်ရော အကြည့်ချင်းဆုံကာနေ သူလဲချစ်မယ် ကိုယ်လဲချစ်မယ် သူလဲချစ်မှာဘဲလို့နေ အသည်းဝယ်မှတ်တမ်း ချစ်ခန်းတင်ကိုတင်မယ်လေ စက္ခုရူပေ အများနဲ့မတူပဲလေ မြင်မြင်ချင်းမျက်စိထဲမှာ စွဲလန်းအရိပ်ထင် သူ့ကိုအလွန်ပင်ခင်မင်မိတော့ပေ သူရော ကိုယ်ရော အကြည့်ချင်းဆုံကာနေ သူလဲချစ်မယ် ကိုယ်လဲချစ်မယ် သူလဲချစ်မှာဘဲလို့နေ အသည်းဝယ်မှတ်တမ်း ချစ်ခန်းတင်ကိုတင်မယ်လေ တဦးမေတ္တာတဦးမှာဆိုပေ သို့သော်လဲရှင်စောင့်စည်းတဲ့အနေ ရွှေရွှေငွေငွေပေးမရတဲ့မိန်းမဣန္ဒြေ တဦးမေတ္တာတဦးမှာဆိုပေ သို့သော်လဲရှင်စောင့်စည်းတဲ့အနေ ရွှေရွှေငွေငွေပေးမရတဲ့မိန်းမဣန္ဒြေ သူကတော့

တွက်ဆ တွက်ဆ၊ ညှိုးလလနှင့် ပျောင်းပြ ပျောင်းပြ၊ တတ,တလျှင် တည ချုပ်လေ တနေ ဝင်ပျောက်၊ တမိုးသောက်လည်း တတောက် ပတ်ပတ်၊ တတွတ်တွတ်ဖြင့် တဆွတ် တမ်းတမ်း၊ တသမ်းသမ်းနှင့် တနွမ်း ရိရိ၊ တဖိဖိလျှင် မချိနိုင်စွာ၊ ရှေးသံသာက လှူဒါရေစက်၊ စွန့်ဘက် တူစုံ မကြုံဘူး၍၊ ညှိုးမြေ့မြေ့ကို တွေ့ရရုံသာ၊ ဝေးလှစွာဟု ကြမ္မာရိုးတိုင်း၊ ချစ်ကြိုးဆိုင်းလျက် နောင်ကျိုင်း ရွယ်ပျို၊ ဝိဇ္ဇာဓိုရ်သို့ ကိုယ်ကို ပစ်လွှတ်၊ ပျံဘိတတ်၍ ရံပတ် မြားမြောင်၊ သောင်းခြောက်ထောင်တွင် ညာတောင် စိုးနေ၊ လှမြုတေနှင့် မကွေ သက်မျှ၊ ပျော်ပါရမူ ချစ်စ စုရုံး၊ ညာလက်ရုံးဖြင့် စက်အုံး ခံခံ ရှင်ပျံ နွဲ့ချော၊ လွမ်းချင်မောဟု သဘော ဆုယူ၊ ရွှေနန်းသူကြောင့် တရူ တရူ ဆာပူမှိုင်လျက်၊ တသက်သက်နှင့် ကျိန်းစက် မပျော်၊ မယ့်ဆီမြှော်၍ မူးမော် မူးမော်၊ တကြော်ကြော်ဖြင့် ခေါ်လည်း မကြား သွားလည်း မရောက်၊ လွမ်းပင်ပေါက်လျက် လွမ်းညှောက်လည်း မြင့်၊ လွမ်းဖူးဆင့်၍ လွမ်းပွင့် ကြွေ့ကြွေ့၊ ‌တဖွေ့ဖွေ့သည် ခြွေ၍ မကြွေ နိုင်တကား။ ။ (ပိုဒ်-၄၇) (ဦးထွန်းညို) ရှေးစာကဗျာများ ဒေါက်တာတင့်ဆွေ

ဟယ်လိုဝင်း နေ့မှာ ဆရာတင်မိုးကဗျာကို ပြန်တင်ပါတယ်။ တဲခေါင်မိုးပေါ် တချက်ချက်နဲ့ မိုးစက်နဲ့ ရွက်ခြောက်တွေ ညရဲ့ တစ္ဆေ။ မိုးလားလေ နွေလားလေ မပြေတဲ့ ချင်ခြင်း။ မီးတိုင်ကိုင်ကာ ကိုယ်တိုင်ထတော့ မနက်အရုဏ် မှုန်တပျမှာ ကျနေတဲ့ နှင်း။   ။ (တင်မိုး ၁-၇ -၁၉၇၀) နှင်းဆီပွင့်ပေါ် အိပ်ပျော်ခြင်း ကဗျာစာအုပ်ထဲကဖြစ်ပါတယ်။ (တစ်)ချက်ချက်နဲ့ မှုန်(တစ်)ပျလို့ ရေးကြတဲ့ မြန်မာစာတစ္ဆေ ခြောက်ခံရေသူတွေအတွက်။ ဒေါက်တာတင့်ဆွေ ၃၁-၁၀-၂၀၂၂

မိတ်ဆွေတယောက်က ကြက်သွန်ဖြူ အမွာကြီးသုံးမွာကို နေ့ခင်း တနေ့တကြိမ် ထမင်းစားတဲ့အခါ ရောစားဖို့ မှာပါတယ်ခင်ဗျ ကြက်သွန်ဖြူက ယောက်ျားလေးတေ (တွေ) အတွက်ကောင်းသလို သွေးလည်ပတ်မူလည်း ကောင်းပြီး သွေးခဲများကို ကြေနိုင်စေတဲ့လို့ ညွန်ပါတယ်ခင်ဗျ အစာကြေ လေကောင်းတယ်လို့ ညွန်ပါတယ်ခင်ဗျ အဒါနဲ့ ပက်သက်ပြီး ကျနော် သိချင်တာက ဘေးထွက်ဆိုးကျိုးနဲ့ ကောင်းကျိုး ပြီးတော့ စားသင့်မစားသင့် စားသင့်တဲ့အခါ ပမာဏ ပြီးတော့ အာနိသင်ပါ အဒါလေးကို ဖြေကြားပေးစေလိုပါတယ်။  လူတိုင်း နှစ်ပေါင်းများစွာ စားသောက်လာတဲ့အစားအစာတွေဟာ လူတွေနဲ့ သင့်တယ်လို့ ယေဘုယျ ပြောနိုင်တယ်။ Warfarin ခေါ် သွေးကျဲဆေးသောက်နေရသူတွေ vitamin K ဗီတာမင်ကေကို ပြောင်းလဲစေနိုင်လို့ အစိမ်းရင့်ရောင် အရွက်ဖါးဖါး ရှောင်ပါ။ Heart-Healthy DVT Diet နှလုံးရောဂါအတွက် ကောင်းစေနိုင်တဲ့ အစားအသောက်တွေ 1. Turmeric နနွင်း၊ 2. Ginger ဂျင်း၊ 3. Cayenne peppers ငရုတ်သီးစိမ်းတောင့်၊ 4. Vitamin E ဗီတာမင်အီး၊ 5. Garlic ကြက်သွန်ဖြူ၊ 6. Cassia cinnamon သစ်ကြံပိုး၊ 7. Ginkgo biloba 8. Grape seed extract စပျစ်စေ့၊ 9. Dong quai 10. Feverfew ကင်ဆာ နဲ့ အစားအစာ ဆက်စပ်တယ်လို့ ပြောသူတွေ မနည်းပါ။ အတ

မင်္ဂလာပါ ဆရာ။ ကားကို ဂိတ်သုံးပြီး ရထားကို ဘူတာသုံးတာလဲ သင်္ဘော လေယျာဥ်ပျံတွေကို ဘာလို့ ဆိပ်ကမ်း လေဆိပ်ဆိုပြီး ဆိပ်ကိုသုံးတာလဲ။ အားလုံးကို တခုထဲ ဂိတ်ဆိုဂိတ် ဆိပ်ဆို ဆိပ်ဘာလို့မသုံးတာပါလဲ။ ဝစ်ရှင်နရီ မှာ ဘူတာ = Hindu-guda ဘူတာလို့ ရေးထားပေမဲ့ မမှန်ဘူး ထင်ပါတယ်။ ရှာပါဦးမယ်။ မီးရထားဆိုက်ကပ်၊ ရပ်နား၊ ထွက်ခွာရာ အဆောက်အအုံ။ ဘူတာ။ ဂိတ် ကတော့ အင်္ဂလိပ်စာလုံးအသံထွက်ကို ယူတာဖြစ်ပါတယ်။ ဂိတ်‎ = gate; bus stop; bus terminal ကားဂိတ်  ဂိတ်  ဂိတ်ကြေး  ဂိတ်စ  ဂိတ်ဆုံး  ဂိတ်ထိုး  ဘတ်စကားဂိတ်  ဆိပ်‎ ဆိပ် ကတော့ မြန်မာစာလုံး။ wharf, dock, pier, jetty, port, terminal ဆိပ် = လှေ၊ သင်္ဘောစသည် ဆိုက်ကပ်ရပ်နားရာအရပ်။ ကူးတို့ဆိပ်၊ သင်္ဘာဆိပ်။ ဒေါက်တာတင့်ဆွေ

'ပဲ ပဲ' လို့အော်တာ 'ဆိတ်'။ ပြန်ထုတ်စာအုပ်က 'သူငယ်ချင်းလို့ပဲ' တဲ့။ 'သူငယ်ချင်းလို့ပဲ ဆက်၍ခေါ်မည် ဆိတ်မ'။ ဒေါက်တာတင့်ဆွေ

အိုးစည်ဗုံသံ၊ ခြိမ့်ခြိမ့်ညံ  ညီညီလေးတို့ တီးမှုတ်သံ။ ကိုယ်ဟန်နွဲ့လျ၊ ဆံမြိတ်ချ မမငယ်က ယဉ်အောင်က။ သီကြဆိုကြ၊ တေးကဗျာ သူငယ်ချင်းတို့ ဝိုင်းဖွဲ့ကာ။ ထပ်တရာ ပြန်ကာကြော့  တေးသံနော့နော့၊ လည်မော့မော့။ ။ (နုယဥ်၏ ထပ်တရာကလေးကဗျာများစာအုပ်မှ) မှတ်ချက် - - စားစရာ ထပ်တရာမုံ့၊ - ထပ်တရာပန်း၊  - အကြိမ်ထပ်တရာပြန်ကြော့။ - တကြော့နှစ်ကြော့ တေးကိုသီ ကဗျာ - တကျော့နှစ်ကျော့ ရုပ်ရှင် အဟောင်း - တကျော့နှစ်ကျော့ ရုပ်ရှင် အသစ် - မြန်မာ့ရုပ်ရှင်ရာပြည့်အထိမ်းအမှတ် တကျော့နှစ်ကျော့တေးကိုသီ - တကျော့နှစ်ကျော့ တေးကိုသီ သီချင်း http://www.gio.ee/watch?v=bkKqCtMMLgs ဒေါက်တာတင့်ဆွေ

၁။ ဆရာ ဘောက်ခါး က ဘာကိုဆိုလိုပါသလဲခင်ဗျာ ၂။ နှစ်​ယောက်သား ​ဘောက်ခါးစို့လား​မောင်ရယ် အဓိပ္ပါယ်​လေးသိပါရ​စေခင်ဗျ မြို့မငြိမ်းရေးပြီး လေဘာတီ မမြရင် ဆိုခဲ့တဲ့ နှစ်ယောက်ထဲ ဆိုတဲ့သီချင်းကို ဒေါ်မာမာအေး ဆိုထားတာ အားလုံးကြားဖူးကြမှာပါ။  အဲဒီသီချင်း ပထမပိုဒ် မှာ  "အာကာလွှာပုံပြုလို့ မေယု ကလောင်သဖွယ် သမုဒ်မင်ရေခြယ် ချစ်တာတွေ တွင်တွင်ပြော မောနိုင်ဘူးတဲ့မောင်ရယ် သူ့ခေတ်နဲ့တော့သူတွင်ကျယ် သူတို့ကိုလည်း ပြိုင်ဖို့ မလိုဘူးထင်တယ် နှလုံးသွေးအစစ်နဲ့ ချစ်တာတွေကိုမောင်ရယ် ရှင်နဲ့ နှစ်ယောက်ထဲကျမှ ရေးပြချင်ပါတယ်"  အဲဒီနေရာမှာ တချို့က "ရှင်နဲ့ နှစ်ယောက်ထဲကျမှ ပြောပြချင်ပါတယ်" လို့ အမှတ်တမဲ့ ဆိုတတ်ကြတယ်။  အာကာပြင်ကို စာလွှာ၊ မြင့်မိုတောင်ကို စုတ်တန်၊ သမုဒ္ဒရာကို မင် သဘောနဲ့ ချစ်တာတွေကို အားရပါးရ ရေးပြချင်တယ်လို့ ပြောတာမို့ "ရေးပြချင်ပါတယ်" ဆိုမှ မှန်ပါတယ်။ "ပြောပြချင်ပါတယ်" မဟုတ်ပါဘူး။ (လှဘူး) ဒေါက်တာလှဘူး ကျေးဇူး။ ဘောက်ခါးကိုလည်း ဖွင့်ဆိုချက်တခု ဖတ်ရဘူးတယ်။ ဒါပေမဲ့ ခုခေတ်ဆိုရင် ပြောပြတာကမှ တော်ဦးမယ်။ ရေးပြရင် စာလုံးပေါင်းသတ်ပုံတွေ မှန်အောင်ရေးတတ်သူက အလွန်ရှားပါးသွားပြီဆ

ပုံပို့ပေးသူ ကျေးဇူး တကျောင်းတရွာ - မထောင်းတာ၊ တရွာ နှစ်ကျောင်း - မထိုင်ကောင်း၊ သုံးကျောင်းတရွာ - ဝေးဝေးခွါ၊ သုံးရွာ တကျောင်း - အလွန်ကောင်း။ (ဆရာတော် ဘွဲ့အမည် မထင်ရှားလို့ အထင်နဲ့ မရေးတော့ပါ။) ပုံပို့ပေးသူ ကျေးဇူး။ ပုံထဲစာ ရေးသားသူ ကွန်ဂရက်ကျူလေးရှင်း။ ဒေါက်တာတင့်ဆွေ

၁။ အန္တရာယ် ပြန်ပြင်လိုက်ပါ့မယ်ဆရာ ကွန်မင့်ကို ဖျက်လိုက်မယ်။ ပြန်ပြင်မယ်ဆိုတော့မေ့သွားတယ် လက်ကချရေးမှဘဲ ၂။ ဆက်ဆံ ပြင်လိုက်ပါပြီ ၃။ ထောင်ဒဏ် နှစ်ရှည် လက်မထောင်အရုပ်။ ဒေါက်တာတင့်ဆွေ

(Zen Story ဇင်သင်ခန်းစာပုံပြင်) ဇင် မာစတာတယောက်သည် ညနေခင်းမှာ သူ့ခွေးလေးနဲ့ လမ်းလျှောက်ထွက်လေ့ရှိတယ်။ ခွေးကလေးက သူ့ရှေ့ကနေ ပြစ်လိုက်တဲ့တုတ်ကို ကောက်ယူပြီး အမြီးတနံ့နံ့နဲ့ ကောက်ယူပြီး သခင်ဆီပြန်လာလေ့ရှိတယ်။ တခါပြီး နောက်တခါ။ တနေ့တော့ သူ့ရဲ့ အတော်ဆုံးတပည့်တယောက်ကို သူနဲ့အတူလိုက်ခဲ့ဘို့ ခေါ်လိုက်တယ်။ သူ့တပည့်ဟာ ဗုဒ္ဓရဲ့ဓမ္မကို နက်နက်ရှိုင်းရှိုင်း နားလည်ဘို့ ခက်နေသေးသူဖြစ်တယ်။ ငါ့တပည့် စကားလုံးတွေဟာ လမ်းညွှန်မျှသာဖြစ်တယ်။ စကားလုံးတွေ အမှန်တရားရှာဖွေရေးမှာ ဘယ်တော့မှ အတားအဟန့်တွေ ဖြစ်မနေစေနဲ့။ ကဲ မင်းဒီမှာကြည့်။ ခွေးကို ခေါ်လိုက်တယ်။ လမင်းကို လက်ညှိုးထိုးပြီး ဟဲ့ခွေးငယ် ဟောဟိုက လမင်းကို ဖမ်းယူခဲ့စမ်း။ ငါတပည့် ခွေးက ဘယ်ကိုကြည့်နေသလဲ။ ခွေးက မာစကာရဲ့ လက်ညှိုးကို ကြည့်နေပါတယ်ဆရာ။ အေး အဲဒါဘဲကွ။ မင်းလည်း ငါခွေးလို မလုပ်နဲ့။ ညွှန်တဲ့လက်ညှိုးနဲ့ လက်ညှိုးညွှန်တဲ့အရာကို မရောထွေးနဲ့။ တို့ဗုဒ္ဓရဲ့ တရားဓမ္မ ဝေါဟာရတွေဟာ လမ်းညွှန်မျှသာဖြစ်တယ်။ လူတိုင်းဟာ အမှန်တရားရှာရေးမှာ သူတို့သိထား၊ ဖတ်တာ၊ နာကြားထားတဲ့ စကားလုံးဝေါဟာရတွေနဲ့ နပမ်းလုံးနေကြတယ်။ ဒေါက်တာတင့်ဆွေ

(လူထုဦးလှ) စာမျက်နှာ ၆၇ စောမြတ်သာလို့ခေါ်တဲ့ စော်ဘွားကြီးရဲ့သားတော်ဟာ ရုပ်ရည်ရူပကာ ချောမောပီး၊ ယောက်ျားပီသတဲ့အတွက် အမျိုးသမီးလောကမှာ ကျော်ကြားသူတဦးဘဲ။ ဒါကို မိဘတွေကမြင်တော့ သူတို့ရဲ့သားဟာ မတော်တာများနဲ့ အိမ်ထောက်ကျသွားယင် အကျိုးနဲ့ချေရဲ့လို့ စိုးရိမ်ပီး သင့်တော်တဲ့ အမျိုးသမီးတဦးဦးနဲ့ လက်ဆက်ပေးချင်တဲ့အကြောင်း သားကိုနားချတယ်။ အခုတော့ - ကျော်ကြားသူတဦးလည်း ကွယ်လွန်၊ အမျိုးသမီးတဦးလည်း သေဆုံးသွားပြီ။ အင်းလေးမှာ စာကိုမှန်အောင်ရေးတတ်သူတွေ နည်းနည်းပါးပါးရှိပါဦးမယ်။ နေပြည်တော်မှာတော့ မရှိတော့ပါ။ ဒေါက်တာတင့်ဆွေ

ချစ် ချစ်ကျွမ်းဝင် ချစ်ခင်ကြင်နာ ချစ်ချစ်ချုတ်ချုတ် ချစ်ချစ်တောက်ပူ ချစ်တီး (အိန္ဒိယတောင်ပိုင်းလူမျိုး) ချစ်ကြိုက် ချစ်ကြည်ရေး ချစ်သား ချစ်သမီး မျိုးချစ်စိတ် ဟင်းအိုး ချစ်သွားသည် ခြစ် ကုတ်ခြစ်သည် ဇွန်းခြစ်အုန်းသီး ထွန်ခြစ် မီးခြစ်ဆံ ခြစ်ခြစ်ကုတ်ကုတ် ခြစ်သား (လက်သမားသုံး) လက်နှင့်ရေးခြစ် သားအိမ်ခြစ်သည် အာခေါင်ခြစ်အော်သည် အုန်းခြစ် ရေခဲခြစ် ပုံအတွက် ကျေးဇူး။ ဒေါက်တာတင့်ဆွေ

"ရှင်နဲ့ နှစ်ယောက်ထဲကျမှ ရေးပြချင်ပါတယ်" မြို့မငြိမ်းရေးပြီး လေဘာတီ မမြရင် ဆိုခဲ့တဲ့ နှစ်ယောက်ထဲ ဆိုတဲ့သီချင်းကို ဒေါ်မာမာအေး ဆိုထားတာ အားလုံးကြားဖူးကြမှာပါ။  အဲဒီသီချင်း ပထမပိုဒ် မှာ  "အာကာလွှာပုံပြုလို့ မေယု ကလောင်သဖွယ် သမုဒ်မင်ရေခြယ် ချစ်တာတွေ တွင်တွင်ပြော မောနိုင်ဘူးတဲ့မောင်ရယ် သူ့ခေတ်နဲ့တော့သူတွင်ကျယ် သူတို့ကိုလည်း ပြိုင်ဖို့ မလိုဘူးထင်တယ် နှလုံးသွေးအစစ်နဲ့ ချစ်တာတွေကိုမောင်ရယ် ရှင်နဲ့ နှစ်ယောက်ထဲကျမှ ရေးပြချင်ပါတယ်"  အဲဒီနေရာမှာ တချို့က "ရှင်နဲ့ နှစ်ယောက်ထဲကျမှ ပြောပြချင်ပါတယ်" လို့ အမှတ်တမဲ့ ဆိုတတ်ကြတယ်။  အာကာပြင်ကို စာလွှာ၊ မြင့်မိုတောင်ကို စုတ်တန်၊ သမုဒ္ဒရာကို မင် သဘောနဲ့ ချစ်တာတွေကို အားရပါးရ ရေးပြချင်တယ်လို့ ပြောတာမို့ "ရေးပြချင်ပါတယ်" ဆိုမှ မှန်ပါတယ်။ "ပြောပြချင်ပါတယ်" မဟုတ်ပါဘူး။ (လှဘူး) ဒေါက်တာလှဘူး ကျေးဇူး။ ဘောက်ခါးကိုလည်း ဖွင့်ဆိုချက်တခု ဖတ်ရဘူးတယ်။ မြောက်အမေရိကတိုက်တခုလုံးသို့ အန္တရာယ်ကြီးသော မုန်တိုင်းကြီး အာတိတ်ဒေသက လာတယ်။ အာတိတ်ဒေသဆိုတာ မြောက်ဝင်ရိုးစွန်းနားမှာ။ မြန်မာပြည်မှာ မဟုတ်ပါ။ မြန်မာပြည်ထဲမှာ နှစ်ယောက်တည်းနေခ

၁။ ပညတ် အဟုတ်တကယ် ရှိသကဲ့သို့ လောကသင်္ကေတ အမှတ်ဖြင့် ခေါ်ဝေါ်ကြသော သဘောသည် ပညတ် ဖြစ်ပါတယ်။ လောကီနယ်မှာ လူမျိုးအလိုက် ဒေသအလိုက် ကာလအလိုက် အများသဘောတူ ခေါ်ဝေါ် သမုတ်ကြတဲ့ အမည် တွေသာ ဖြစ်ပါတယ်။ ပညတ် ဥပမာ လူ၊ ခွေး၊ ကြောင်၊ သစ်ပင်။ ပညတ် ခြောက်မျိုးရှိပါတယ်။ (၁) ဝိဇ္ဇမာနပညတ် (၂) အဝိဇ္ဇမာနပညတ် (၃) ဝိဇ္ဇမာနေန အဝိဇ္ဇမာနပညတ် (၄) အဝိဇ္ဇမာနေန ဝိဇ္ဇမာနပညတ် (၅) ဝိဇ္ဇမာနေန ဝိဇ္ဇမာနပညတ် (၆) အဝိဇ္ဇမာနေန အဝိဇ္ဇမာနပညတ် ၂။ ပရမတ် ပရမတ္ထ ဆိုသည်မှာ ပါဠိ စကားတည်း။ မြန်မာလို “မြတ်သောအနက်သဘော”ဟု ဆိုလိုသည်။ “မြတ်”ဆိုသည်မှာလည်း “မွန်မြတ်၊ မြင့်မြတ်၊ ကောင်းမြတ်”ဆိုသော အမြတ်မဟုတ်။ ပင်ကိုယ်သဘောအတိုင်း မဖောက်ပြန် မပြောင်းလဲပဲ ခိုင်မြဲတည့်မတ်သော အမြတ်တည်း။  ပရမ = မြတ်သော၊ အတ္ထ = အနက်သဘော။ ပရမတ္ထ = မြတ်သောအနက်သဘော။ ဤ ပရမတ္ထသဘောကို “ပရမတ်”ဟုလည်းခေါ်၏။ ထို ပရမတ္ထတရားကား စိတ်၊ စေတသိက်၊ ရုပ်၊ နိဗ္ဗာန် အားဖြင့် ၄ ပါးရှိသည်။ (မဟာဂန္ဓာရုံဆရာတော် အရှင်ဇနာကာဘိဝံသ ၏ ကိုယ်ကျင့်အဘိဓမ္မာကျမ်း) စေတသိက် သတ်ပုံကို မှားရေးတာတွေ မကြာခဏတွေ့ရတယ်။ ကသတ်နဲ့သာရေးရတယ်။ တသတ် မဟုတ်ပါ။ စေတသိက - စေတသိက် နမောတဿ နဲ့ စေတသိက် တို့ဟာ အခုထိတော့ ဖျက်ဆီးခ

(ဦးမြင့်ဆွေ) ၁၈၆။ သူငယ်တဦးနှင့် ဗုဒ္ဓါနုဿတိကမ္မဋ္ဌာန်း မဟာမြန်မာစာသစ်မှာ သူငယ်တဦး မရှိရှာတော့ပါ။ ကန်တော့။ ဒေါက်တာတင့်ဆွေ

(ဖျက်စု၊ ခက်စု၊ ခဲစု၊ မမြဲစု- သံပေါက်များ) => ဖ်က္စု-၂၀… ၁။ စေတီမှန်းထား၊ မြတ်ဘုရား  တည်ထားကောင်းလျက်၊ ညောင်ပင်ဖျက်သည်။ ။ ၂။ မြစ်မ,ရေနက်၊ သောင်ပြင်ဖျက်သည်။ ၃။ မင်းကောင်းပါလျက်၊ မင်းမြှောင်ဖျက်သည်။ ၄။ လက်ဆုံစား၊  မယားကောင်းလျက်၊ အပြောင်ဖျက်သည်။ ၅။ မောင်းသွင်းခု,နင်း၊ ရေလျင်သွင်း  ပျိုးခင်းကောင်းလျက်၊ မြောင်တောင်ဖျက်သည်။ ၆။ လက်ဆက်တံကူ၊ လှေမူခိုင်လျက်၊ မီးပိုးဖျက်သည်။ ၇။ လက်တီးကြမ်းပြင်၊  ဆင်ဝင်ကောင်းလျက်၊ ဝဲလင်းဖျက်သည်။ ၈။ ဣတ္ထိယမူ၊ ရူပါကောင်းလျက်၊ ဆံထုံးဖျက်သည်။ ၉။ ဓမ္မသတ်တရား၊ ရှိပါငြားလည်း  တိမ်းပါးငဲ့ကွက်၊ လက်ဆောင်ဖျက်သည်။ ၁၀။ ရဟန်းတရား၊ ကျင့်ပါငြားလည်း  တရားမဖက်၊ အစားဖျက်သည်။  တိမ်းပါးငဲ့ကွက်၊ လက်ဆောင်ဖျက်သည်။ (မူကွဲ) ၁၁။ သီလငါးပါး၊ ကျင့်သူအားကို  စီးပွါးရမက်၊ လောဘဖျက်သည်။ ။ ၁၂။ သုခမိန်ဟု၊ ကျော်ရှိန်နှံ့သိ ပညာရှိ  ကြီးဘိအမျက်၊ ဒေါသဖျက်သည်။ ။ ၁၃။ တိုင်နှင့်ကျီကျ၊ ထုပ်လျောက်စသည်  ခိုင်လှပါလျက်၊ ပေါင်းကွပ်ဖျက်သည်။ ။ ၁၄။ ပြည်ရွာတိုင်းကား၊ စည်ပင်ငြားလည်း  ခေါင်းပါးခေါင်လျက်၊ စပါးဖျက်သည်။ ။ ၁၅။ ပဉ္စင်တူရိယာ၊ နှဲခရာ  သာယာပေလျက်၊ လင်းကွင်းဖျက်သည်။ ။ ၁၆။ လက်သင်လှော်ကား၊ လှော်ပေငြားလည်း  အ

စုံစေ့ စုံစေ့၊ ကြံအောက်မေ့သော် မသွေ့ မျက်ရည်၊ ဆီးကာဆည်လည်း မတည် ဗျာပါ၊ ရှေးသောခါကား ထွတ်ချာ မှန်ကင်း၊ မယ့်ရှင်ရင်းက သက်နှင်း ရာဟု၊ မိမျက်ရှုနှင့် များထု ရံဝန်း၊ ပြဿဒ်နန်းထက် ဖက်ကျွန်မမျှ၊ ကြယ်ဘောင်လသို့ ထိန်းယ အုပ်ထွေ၊ စံပျော်ပေ၏ ပရမေထွတ်ကား၊ ခွာ၍သွားလည်း ရင်းသား ထိပ်ပန်း၊ မိကြငှာန်းနှင့် ညှိုမြန်းလျက်ပင်၊ နေမရွှင်လည်း စိတ်တွင် သံဝေ၊ တရားဖြေ၍ စောင့်နေ သီလ၊ အာစာရနှင့် နေ့ည မကွာ၊ နေတတ်ရှာ၏ ခုမှာသော်ကား၊ ငါမယ်ဘွားမူ တိမ်းပါး တိမ်းပါး၊ ကြူပံဖျားသို့ သားလည်း မမြင်၊ စိုးရိပ်ပြင်ခဲ့ မရွှင် မရွှင်၊ ရွှေနန်းခွင်ဝယ် လင်လည်း တကွဲ၊ ပစ်ပယ်ရှဲ၍ ဆကဲ ဆကဲ၊ ပမာစွဲသော် မိညဲ ပြာလတ်၊ ငှက်တောင်ကျွတ်သို့ တွေးချွတ် တွေးချွတ်၊ တဆွတ်ဆွတ်လျှင် သစ်လွတ် မျောက်တူ၊ သဘောယူရှင့် တရူ တရူ၊ လွမ်းရေးဟူလည်း နေပူ ဖယောင်း၊ မျဉ်းပျောင်း ရွှေကြာ၊ ရေမှ ကွာသို့ စိတ်မှာ စိတ်မှာ၊ ထောက်စာနာသော် ပမာ ထိုနည်း၊ တချက်တည်းသည် မယ်ချည်း မပျော်ပါအံ့နည်း။ ။ (ပိုဒ်-၃၈) ( ရှင်နန္ဒမဉ္ဇူ /စန္ဒမဉ္ဇူ) ရှေးစာကဗျာများ Picasso's Weeping Woman ဒေါက်တာတင့်ဆွ

ဤခရီး နီးသလား။ နီးသည်ဟုလည်းကောင်း၊ ဝေးသည်ဟုလည်းကောင်း ပြောဆိုကြပါမည်။ ခရီးသည်ရှည်သော် ထိုအဖြေနှစ်မျိုး ပြောကြမည်။ ခရီးသည်တိုသော်လည်း ထိုအဖြေနှစ်မျိုးပင် ပြောကြမည်။ လာလိုလျှင် အနီးလေး၊ မလာလိုလျှင် ခရီးဝေးဟုလည်း ပမာခိုင်းကြမည်။ နှိုင်းရအမှန် သီအိုရီကို ကိုးကားသူလည်းရှိပါမည်။ ကျွန်တော့အတွက်မှာမူ မြန်မာပြည်သည် ခရီးလည်းဝေး၊ အခြေအနေဆိုးရှိသေးသမျှ ရောက်နိုင်မည်မဟုတ်ပါ။ တမြို့တည်းမှာရှိတဲ့ ပန်းခြံကိုလည်း မသွားဖြစ်တာကြာပြီ။ ကျွန်ုပ်တို့အားလုံးသည် ရပ်မနေကြသော ခရီးသွားများအတူတူသာဖြစ်ကြသည်။ ဆက်မသွားလာတော့ခြင်းကို လွတ်မြောက်ခြင်းဟု ဆိုပါသည်။ မသွားရခြင်းသည် သွားလာရခြင်းအထက် အဆပေါင်းများစွာ ခက်ခဲပါသည်။  ဒေါက်တာတင့်ဆွေ