တို့စာ တို့စကား တို့တိုင်းပြည်

Posts

"အယူမှားလျှင်"

(မဃဒေဝ) လိပ်ခဲးပမာ၊ မြဲးမြံစွာလျက် သတ္တဝါတယောက်၊ ယူမှားမှောက်ကို သိန်းလောက်ဘုရား၊ လှန်သောအားဖြင့် ဟောကြားခြေချွတ်၊ ဖြေမလွှတ်ဘူး အကျွတ်မရ၊ နိယတဖြင့် ဝါဒအလို၊ မြေကြီးမျိုလည်း ယူကိုစွန့်ဘဲး၊ အကျင့်လွဲး၍့ ငရဲး ခံလိမ့်မည်သောကြောင့်။ ။ (ပိုဒ်- ၃၁၉) (မန်လည်ဆရာတော်ဘုရားကြီး) ဒေါက်တာတင့်ဆွေ

ရွှေလမ်းခရီး

ကွဲအက်သွားရင် ဖါထေးပြုပြင်ပါလေ။ အကွဲမရှိသယောင် မဆောင်ပါနဲ့။ (ဂျပန် ဒဿနိက) ကင်းဆူဂီ (Kintsugi) "ရွှေဖြင့် ဆက်ခြင်း" ဟု အဓိပ္ပာယ်ရသော ကင်းဆူဂီ (金継ぎ) သည် ဂျပန်တို့၏ ရိုးရာအနုပညာပုံစံနှင့် ဒဿနိက ဥပဒေသတခု ဖြစ်ပြီး၊ ပစ္စည်းတခု ကွဲအက်ပျက်စီးသွားခြင်းနှင့် ပြန်လည်ပြုပြင်ခြင်းတို့ကို ဖုံးကွယ်ထားရမည့် အရာတစ်ခုအနေဖြင့် မမြင်ဘဲ၊ ထိုပစ္စည်း၏ သမိုင်းကြောင်း တစိတ်တပိုင်းအနေဖြင့် ရှုမြင်ခံယူသော အလေ့အထပင် ဖြစ်သည်။ ဒေါက်တာတင့်ဆွေ

ခါတော်မီ ခါတော်မှီ ဧလမုံ့ ဧလမုန့်

မှတ်ရန် စံကိုက်စာလုံးပေါင်းအရ ခါတော်မီ လို့ရေးတာက မှန်ပါတယ်။ အရင်က ခါတော်မှီ အမည်ပါ ကုန်ပစ္စည်းတွေ ထုတ်ကြပါတယ်။ မုံရွာမှာလည်း ခါတော်မှီယပ်တောင်လုပ်ငန်းရှိတယ်။ ကုန်အမှတ်တံဆိပ်ဆိုတာ မှတ်ပုံတင်ထားရင် ပြောင်းကြလေ့ မရှိပါ။ ခါတော်မှီ နဲ့ ခါတော်မီ အသုံးများ "ခါတော်မှီ" နှင့် "ခါတော်မီ" ဟူသော အသုံးအနှုန်းနှစ်ခုစလုံးသည် မြန်မာစာပေတွင် အသုံးပြုလေ့ရှိသော်လည်း၊ မူရင်းအနက်အဓိပ္ပာယ်နှင့် ရည်ရွယ်ချက်မှာ အနည်းငယ် ကွဲပြားနိုင်ပါသည်။ ၁။ ခါတော်မှီ (မှီ - အမှီပြုခြင်း၊ အချိန်ကိုက်ဖြစ်ခြင်း) ဤအသုံးသည် "အချိန်အခါကို မှီအောင်ပြုခြင်း" သို့မဟုတ် "အချိန်ကိုက် ဖြစ်ပေါ်လာခြင်း" ဟူသော အဓိပ္ပာယ်ကို ဆောင်ပါသည်။ အနက်အဓိပ္ပာယ်: သတ်မှတ်ထားသော အချိန်ကာလ၊ ပွဲလမ်းသဘင် သို့မဟုတ် ရာသီဥတုကို အမှီပြု၍ ပေါ်ပေါက်လာခြင်း ဖြစ်သည်။ အသုံးအနှုန်း: "ခါတော်မှီ ပေါ်ဦးပေါ်ဖျား သီးနှံ"၊ "ခါတော်မှီ ထွက်ရှိသော မုန့်ပဲသရေစာ" စသည်ဖြင့် သုံးစွဲပါသည်။ ဝေါဟာရရင်းမြစ်: "မှီ" (To rely on / To be in time for) ဟူသော ကြိယာကို အခြေခံသဖြင့် အချိန်မီ ရောက်ရှိခြင်း သဘောကို ပိုမို ...

အမဲသားနှပ် သရက်သီးသနပ်

တင်ထားတာတခု = အမဲသားသနှပ် မှတ်ချက် 'သနပ်' နဲ့ 'နှပ်' မတူပါ။ တခြားစီ။ သနှပ်လည်း မမှန်။ သနပ်။ သနပ် − န / သနတ် / ၁၊ ဟင်းသီးဟင်းရွက်တို့ ကို ပြုတ်၍ ဆီ၊ နှမ်း၊ ကြက်သွန်ဖြူ စသည် သင့်ရာတို့နှင့် ရောကာ စီမံထားသော အချဉ်စားဖွယ်တမျိုး။ ၂၊ သရက်သီး၊ မရမ်းသီး စသည့် အသီးများကို ဆီ၊ မဆလာ ၊ ငရုတ်သီး၊ အစိမ်းမှုန့် စသည် တို့နှင့် ရောကာ အချဉ်တည်ထားသော စားဖွယ် တ မျိုး။ ကုလားတည်။ ဆီစိမ်သနပ်။ သနပ်¹− န / သနတ် / အရွက်ကို ဆေးပေါ့လိပ် လိပ်ရာတွင် ဖက်အဖြစ် အသုံးပြုရသော ပင်စောက်တမျိုး။ သနပ်²− န / သနတ် / ဖန်သော အရသာရှိသော အရွက်ကို ဟင်းချက်စားရသည့် ပင်စောက်တမျိုး။ သနပ်ခါး − န / သနခါး / ၁၊ မာကျောသော အသား၊ ဆူးပါသော အကိုင်းအခက်၊ စိမ်းဖျော့ဖျော့ရွက်မြွှာတို့ ရှိပြီး မွှေးသော အခေါက်ကို သွေးကာ မျက်နှာ ကိုယ်လက် စသည်တို့ တွင် လိမ်းကျံရသည့် အပင်တမျိုး။ ၂၊ ယင်းအပင်၏ အသားအခေါက်တို့ ကို သွေးရာမှ ရသော အနံ့ မွှေးသည့် အရည်ပျစ်။ (မြန်မာအမျိုးသမီးတို့ မျက်နှာတွင် လိမ်းကျံလေ့ရှိသည်။) သနပ်၃ - န / သနပ် / ဖန်သော အရသာရှိသော အရွက်နုကို ဟင်းချက်စားရသည့် ပင်စောက်တမျိုး။ သနပ်ချဉ် − န / သနတ်ချဉ် / ချဉ်ဖတ် − န ၊ လက်လုပ်ချဉ် −...

"ယသောဓရာ ငိုချင်း"

(ကန်တော့ခန်းပျို့) စုံစေ့ စုံစေ့၊ ကြံအောက်မေ့သော် မသွေ့ မျက်ရည်၊ ဆီးကာဆည်လည်း မတည် ဗျာပါ၊ ရှေးသောခါကား ထွတ်ချာ မှန်ကင်း၊ မယ့်ရှင်ရင်းက သက်နှင်း ရာဟု၊ မိမျက်ရှုနှင့် များထု ရံဝန်း၊ ပြဿဒ်နန်းထက် ဖက်ကျွန်မမျှ၊ ကြယ်ဘောင်လသို့ ထိန်းယ အုပ်ထွေ၊ စံပျော်ပေ၏ ပရမေထွတ်ကား၊ ခွာ၍သွားလည်း ရင်းသား ထိပ်ပန်း၊ မိကြငှာန်းနှင့် ညှိုမြန်းလျက်ပင်၊ နေမရွှင်လည်း စိတ်တွင် သံဝေ၊ တရားဖြေ၍ စောင့်နေ သီလ၊ အာစာရနှင့် နေ့ည မကွာ၊ နေတတ်ရှာ၏ ခုမှာသော်ကား၊ ငါမယ်ဘွားမူ တိမ်းပါး တိမ်းပါး၊ ကြူပံဖျားသို့ သားလည်း မမြင်၊ စိုးရိပ်ပြင်ခဲ့ မရွှင် မရွှင်၊ ရွှေနန်းခွင်ဝယ် လင်လည်း တကွဲ၊ ပစ်ပယ်ရှဲ၍ ဆကဲ ဆကဲ၊ ပမာစွဲသော် မိညဲ ပြာလတ်၊ ငှက်တောင်ကျွတ်သို့ တွေးချွတ် တွေးချွတ်၊ တဆွတ်ဆွတ်လျှင် သစ်လွတ် မျောက်တူ၊ သဘောယူရှင့် တရူ တရူ၊ လွမ်းရေးဟူလည်း နေပူ ဖယောင်း၊ မျဉ်းပျောင်း ရွှေကြာ၊ ရေမှ ကွာသို့ စိတ်မှာ စိတ်မှာ၊ ထောက်စာနာသော် ပမာ ထိုနည်း၊ တချက်တည်းသည် မယ်ချည်း မပျော်ပါအံ့နည်း။ ။ (ပိုဒ်-၃၈) (ရှင်နန္ဒမဉ္ဇူ /စန္ဒမဉ္ဇူ) ဒေါက်တာတင့်ဆွေ

Sweet, Soft and Spicy

ကျွန်တော်သည် ချိုသော၊ အိစက်သော၊ စပ်သောအရသာရှိသည့် စားစရာတွေကို နှစ်သက်ပါ၏။ အရွယ်ကြောင့် မာတာ၊ ကြွပ်တာတွေကို စားချင်သော်လည်း မစားနိုင်။ ထမင်းမစားခင် ဆီပါတဲ့ ဟင်းခွက်ကို အရင်ရှာရတယ်။ ဆီနဲ့ ဟင်းနှစ်ပါတာကို အရင် လူးရသေးတာ။ နောက်တော့ ချို၊ ချဉ်၊ စပ်၊ ငန်၊ ဖန်၊ ခါး။ အခါးမျိုးစုံ အကုန်စားပါတယ်။ ငရုတ်သီးဆိုရင်တော့ အမျိုးစုံ အစို၊ အခြောက်၊ အထောင်း ကောင်း။ ဒီနေ့ ဥပုသ်သည်တွေ ထမင်းစားကြတော့ ငရုတ်သီးမပါ။ ခြေသွက်တဲ့တယောက်က ကျောင်းမှာ ဦးဇင်း စိုက်ပေးထားတဲ့ ငရုတ်သီးစိမ်းပင်ကနေ ပြေးခူးပေး။ ကျေးဇူး။ စပ်တယ်။ တခြားသူတွေကလည်း အားပေးကြတယ်။ ချဉ်တာတော့ ကျွန်တော်က ရွေးစားပါတယ်။ နှမ်းဘတ်ချဉ်၊ မုန်ညင်းချဉ်၊ ပုစွန်ချဉ်၊ ချဉ်ရေ၊ အညာသရက်ချဉ်၊ ကုလားတည်သရက်ချဉ်။ ရေနွေးကြမ်းကတော့ ကျောင်းရောက်ကတည်းက တခွက်ပြီး တခွက်။ ဆရာတော်နဲ့ တူပြန်ရော။ အချိုပွဲထဲက ချိုပြီး၊ အိစက်တာ ရွေးစား။ သင်္ဘောသီးမှည့်၊ စထောဘယ်ရီ၊ ဖရဲသီး၊ ဒူးရင်းသီး၊ သရက်သီးမှည့်၊ တည်သီးမှည့်၊ ဆနွင်းမကင်း၊ ဘိန်းမုံ့ စသည်။ ဧလမုံ့ နဲ့ ထိုးမုံ့ကတော့ တခါတခါမှ ရတယ်။ မန္တလေးကို လွမ်းရပြန်ရော။ ဥပုသ်ကျောင်းပြန်ဖြစ်လို့ စားစရာတွေကို စုံအောင်မရေးတော့ပါ။ ဒေါက်တာတင့်ဆွေ...