တို့စာ တို့စကား တို့တိုင်းပြည်

တခြားတိုင်းပြည်တခုမှာ ဆယ်စုနှစ်ပေါင်းများစွာနေတဲ့ မိတ်ဆွေတဦးက ယနေ့ခေတ် မြန်မာစာအရေး အသုံး အမှားတွေအကြောင်း ရေးထာတယ်။ (က) အထပ် - အလွှာ တဲ့ (ခ) ရဟန်းမင်းကြီး ဒလိုင်လားမား - ဘုန်းတော်ကြီး ဒလိုင်လားမား တဲ့။ (ဂ) မိဖုယား - ဘုရင်မ တဲ့။ (ဃ) ကျောင်းသူ - ကျောင်းသမီး တဲ့ (င) မြို့တော်ဟောင်း - နန်းကျမြို့တော် တဲ့။ (စ) ဘာဂျာတံခါး - လိပ်ဆွဲတံခါး တဲ့။ (ဆ) အေးမျင့်၊ အောင်မျင့်၊ လှမျင့် တဲ့။ (ဇ) ကလေး - ခလေး တဲ့။ (ဈ) ဓါတ်ရထား - လျှပ်စစ်ရထား တဲ့။ (ည) ပြည့်တန်ဆာလုပ်ခိုင်းနေသောမိန်းမကြီး - အမျိုးသမီးများကို လိင်ပိုင်းဆိုင်ရာ ခေါင်းပုံဖြတ်သူအမျိုးသမီး တဲ့။ (ဋ) ဘုန်းကြီးလူထွက် - ဘုန်းကြီးဟောင်း တဲ့။ ကောက်ချက် မြန်မာပြည်ကနေ အိုးမကွာအိမ်မကွာနေကြသူတွေနဲ့ ပြည်ပထွက်နေရလည်း ၄-၅ နှစ်ထက် မကြာသေးသူတွေက မြန်မာစာ အရေး၊ အသုံး၊ အပြော၊ အသံထွက်တွေအတော်မှားနေကြပြီ။ ယနေ့ခေတ် မြန်စာပြဿနာဟာ တ နဲ့ တစ် သာမဟုတ်ပါခင်ဗျား။  ဒေါက်တာတင့်ဆွေ

“ကျမမှာ  ပိုပြီးကြီးမားတဲ့ ရည်မှန်းချက်တွေ ရှိသင့်ကောင်း ရှိမယ်၊  ဒါပေမဲ့ မရှိပါဘူး။  ဒီအကျော့မှာတော့  အလောတကြီးနဲ့ တောက်လျှောက် ဖိစီးပူပန်နေရခြင်းမျိုး မရှိဘဲနဲ့သာ  နေထိုင်သွားချင်ပါတော့တယ်။  အဲဒါက ကျွန်မအတွက် လုံလောက်တာထက်ကို ပိုများနေပါပြီ။” လူတိုင်းကိုယ်စီ  စိတ်ဖိအားကို ကျော်လွှားနိုင်ကြပါစေသတည်း။ ဒေါက်တာတင့်ဆွေ

(၁) Affordability – လူနေမှုစရိတ်နှင့် ဝယ်ယူစားသုံးနိုင်စွမ်း လူတဦး သို့မဟုတ် မိသားစုတစုသည် မိမိတို့ရရှိသော ဝင်ငွေဖြင့် နေ့စဉ်လိုအပ်သော ပစ္စည်းများနှင့် ဝန်ဆောင်မှုများကို လုံလောက်စွာ ဝယ်ယူသုံးစွဲနိုင်ခြင်း ရှိ၊ မရှိကို ဆိုလိုသည်။ မြန်မာနိုင်ငံ၏ လွန်ခဲ့သော ၁၀ နှစ် စီးပွားရေးအခြေအနေကို သုံးသပ်ရာတွင် Affordability သည် အလွန်အရေးကြီးသော အချက်တခု ဖြစ်သည်။ အဓိကပြဿနာမှာ ကုန်ဈေးနှုန်းများ တက်လာခြင်းတခုတည်း မဟုတ်ပါ။ ပြည်သူများ၏ ဝင်ငွေသည် ကုန်ဈေးနှုန်းတက်သည့်နှုန်းအတိုင်း လိုက်မတက်နိုင်ခြင်း ဖြစ်သည်။ ၁။ အဓိက လူနေမှုစရိတ်များ အိမ်ထောင်စုတစုအတွက် တတ်နိုင်၊ မတတ်နိုင်ကို အောက်ပါအချက်များဖြင့် တိုင်းတာနိုင်သည်။ ၁။ စားသောက်ကုန်နှင့် အခြေခံစားသောက်ကုန်များ (Food and groceries) ၂။ အိမ်ငှားခနှင့် အိမ်ရာစရိတ် (Housing and rent) ၃။ လျှပ်စစ်၊ ရေနှင့် လောင်စာဆီ (Electricity, water and fuel) ၄။ သွားလာရေးစရိတ် (Transportation) ၅။ ကျန်းမာရေးစရိတ်နှင့် ဆေးဝါးများ (Healthcare and medicines) ၆။ ပညာရေးစရိတ် (Education) ၇။ အဝတ်အထည်နှင့် အိမ်သုံးပစ္စည်းများ (Clothing and household necessities) ၂။ စားသောက်ကုန် ဝယ်ယူစား...

အင်ဥ ကို တချို့က အင်အု တဲ့။ အင်ဥ ကသာ မှန်ပါတယ်။ အင်ဥဆိုတာ အင်ပင်ကြီးတွေအောက်မှာ ရှာရတယ်။ အင်ပင်အမြစ်တွေနဲ့ ဆက်စပ်နေတဲ့ မှိုတမျိုး ဖြစ်ပါတယ်။ Singing Bird Black Mushroom Black Mushroom in Brine အင်ဥ နဲ့ မှိုနက် မတူပါ။ အနက်ရောင်မှို အမျိုးအစားများ (Common Types of Black Mushrooms) • ကြွက်နားရွက်မှို (Black Fungus / Wood Ear / Cloud Ear - Auricularia polytricha သို့မဟုတ် Auricularia cornea) - အာရှအစားအစာများ (စွပ်ပြုတ်၊ အကြော်အလှော်နှင့် အသုပ်များ) တွင် အသုံးများသည့် နားရွက်ပုံသဏ္ဌာန် သို့မဟုတ် လှိုင်းတွန့်ပုံရှိသော ဂျယ်လီကဲ့သို့ ပျော့ပျောင်းသည့် မှိုတမျိုးဖြစ်ပါသည်။ အရသာမှာ ပေါ့ပေါ့ပါးပါးနှင့် ပြင်းရှခြင်းမရှိဘဲ ၎င်း၏ ကျွတ်ဆတ်ဆတ်၊ အရိုးနုကဲ့သို့ ထုပ်ထုပ်ရွရွ သို့မဟုတ် ဂျယ်လီကဲ့သို့ အထိအတွေ့အရသာကြောင့် လူကြိုက်များပါသည်။ အခြောက်ခံထားသော မှိုများကို ရေစိမ်လိုက်ပါက သိသိသာသာ ပွတက်လာပါသည်။ • တရုတ်မှိုမည်း သို့မဟုတ် ရှီတာကီမှိုခြောက် (Chinese Black Mushrooms / Dried Shiitake) - အရောင်ရင့်ပြီး အသားထူသည့် မှိုပွင့်နှင့် အရိုးတံပါသော မှိုများမှာ အများအားဖြင့် ရှီတာကီမှိုခြောက်များကို ရေပြန်စိ...

“ ထူးချွန်ထက်မြက်သူ ( ပါရမီရှင် ) တဦးထံမှ ပ ဌ မဆုံးနှင့် နောက်ဆုံး တောင်းဆိုအပ်သော အရာမှာ အမှန်တရားကို ချစ်မြတ်နိုးခြင်းပင် ဖြစ်ပေသည်။” ဂျာမန်စာရေးဆရာနှင့် ကဗျာဆရာကြီး ဂျိုဟန် ဗုဖ်ဂန်း ဖွန် ဂိုးသယ် Johann Wolfgang von Goethe (28 August 1749 – 22 March 1832) ( ၁ ) Love နဲ့ Truth စာလုံးတွေကို ဘာသာပြန်ရာမှာ မတူကြပါ။ Love ချစ်၊ ချစ်ခြင်း၊ ချစ်မြတ်နိုးခြင်း၊ မေတ္တာ (၅၂၈၊ ၁၅၀၀) စသည်။ ( ၂) အင်္ဂလိပ်-မြန်မာ အဘိဓာန်မှာ - ချစ်ခြင်း၊ မေတ္တာ၊ အချစ်၊ ခုံမင်နှစ်သက်ခြင်း၊ ချစ်သူ၊ စွဲလမ်းခြင်း၊ ကြိုက်ခြင်း၊ သဘောကျသည်၊ ချစ်သည်၊ နှစ်သက်သည်၊ ဝါသနာပါသည်၊ သုည (တင်းနစ်)၊ မနောခွေ့သည်၊ ကိုယ်လက်နှီးနှောသည်၊ Love ယုဒသန် အင်္ဂလိတ် မြမ္မာအဘိဓာန်မှာ - ချစ်သည်၊ စုံမက်သည်၊ နှစ်သက်သည်၊ မြတ်နိုးသည်၊ ကြိုက်သည်၊ မေတ္တာ၊ ( ၃) Truth ကိုလည်း အမှန်၊ အမှန်တရား၊ သစ္စာ၊ သစ္စာစောင့်ခြင်း၊ သစ္စာရှိခြင်း စသသည်။ အင်္ဂလိပ်-မြန်မာ အဘိဓာန်မှာ - အမှန်၊ သစ္စာ၊ အမှန်တရား၊ အမှန်အားဖြင့်၊ စင်စစ်အားဖြင့်၊ တကယ်တော့၊ ရိုးရိုးသားသား၊ ယုဒသန် အင်္ဂလိတ် မြမ္မာအဘိဓာန်မှာ - သမ္မာ၊ သစ္စာ၊ ဟုတ်မှန်ခြင်း၊ ဧကန်အမှန်ဖြစ...

အလုပ်သ္မား လို့ရေးတာလေး ဘုံကထိန်ခင်းတဲ့ဘုန်းကြီးကျောင်းက အရေးအသားတခုတွေ့မိလိုက်တယ် အရင်က စာလုံးဆင့်ရေးနည်း ရှိခဲ့တယ်။ ကျမ္မာ ဆုမ္မ နတ်သ္မီး မင်းသ္မီး မြမ္မာ   မိမ္မ ယက္ကန်း ယ္ခင် ယ္ခု လ္ဘက် သားသ္မီးတစု သ္ခင် သ္မီး အလုပ်သ္မား အရင်ကလောက် မရေးကြတော့ပါ။ ရေးလည်း မမှားပါ။ တက္ကသိုလ်၊ နတ္တလင်း၊ နမ္မတူ၊ ပခုက္ကူ၊ မတ္တရာ၊ မိတ္ထိလာ (မိတ္ထီလာ)၊ မုတ္တမ၊ မုပ္ပလင်၊ မန္တလေး၊ လပွတ္တာ၊ သခွတ္တနယ်၊ သလ္လာဝတီ၊ သာဝတ္ထိ၊ သိန္နီမြို့၊ သရေခေတ္တရာ၊ ဟုမ္မလင်း၊ အာလ္လကပ္ပ၊ စေတုတ္တရာ၊ သေတ္တရာရွာ စတာတွေကိုတော့ မူရင်းစာလုံးပေါင်းကို မပြင်သင့်ပါ။ ဟောင်းတိုင်းလည်း မမှန်။ ဟောင်းတိုင်းလည်း မမှား။ သစ်တိုင်းလည်း ပိုမကောင်း။ သစ်တိုင်းလည်း မမှား။ ဒေါက်တာတင့်ဆွေ