မျက်နှာသိ ငါးပိမဝယ်ရ

ဆရာ မျက်နှသိ(မျက်နှာသိ) ငပိ(ငါးပိ)မဝယ်ရာ ဆိုတဲ့ စကားရဲ့အဓိပ္ပါယ်နဲ့ သူ့ရဲ့ အသုံးကို သိပါရစေ ခင်ဗျ။

(၁) မျက်နှာသိ ငါးပိမဝယ်ရ

မိမိနှင့်သိကျွမ်းသည်ဟု စိတ်ချပြီး ငါးပိဝယ်လျှင် စိတ်တိုင်းမကျသည့်အခါ ပြန်ပြောရန် အားနာရ သဖြင့် မဝယ်ပါလေနှင့်။ ထိုနည်းတူ မိမိနှင့် ခင်မင်ရင်းနှီးပြီးသူဟု ယုံကြည်စိတ်ချပြီး အလုပ်အတူတူ လုပ်ပါက စိတ်တိုင်းမကျသည့်အခါ မျက်နှာနာရသဖြင့် အတူတကွ ဖက်စပ်လုပ်ကိုင်ခြင်း မပြုပါလေနှင့်။

(၂) မျက်နှာသိငါးပိမဝယ်နဲ့

ခင်မင်သိကျွမ်းသော ငါးပိသည်ဆိုင်တွင် ငါးပိဝယ်သောအခါ ပစ္စည်းညံ့ရောနှောပေးမည်ဟု မထင် သဘောပိုက်ခါ ပို၍အညံ့ပို၍ရောနှောပေးပါက နောက်တကြိမ် ဝယ်ယူမည်မဟုတ်ဟု တွက်ဆကာ ဖောက်သည်ရအောင် ပစ္စည်းကောင်းကိုသာ ထုတ်ပေးတတ်သည်ဖြစ်၍ မျက်နှာသိဆိုင်တွင် ငါးပိမဝယ်ရာဟုဆိုလိုသည်။သိကျွမ်းသူများသည် တခါတရံတွင် သူစိမ်းထက်ပို၍ ကောက်ကျစ်လှည့်ဖျားတတ်သိအခါတွင် သုံးနှုန်းသည်။

(၃) အလွန်ရင်းနှီးသူ၊ မိတ်ဆွေသူငယ်ချင်း သို့မဟုတ် မျက်နှာသိသူနှင့် ငွေကြေး၊ ကုန်သွယ်ရေး ဆက်ဆံမှုများ ပြုလုပ်ရာတွင်

ဈေးနှုန်းကိစ္စ

အရည်အသွေးကိစ္စ

ချေးငှားခြင်း၊ အကြွေးကိစ္စ

တို့ကြောင့် စိတ်မကောင်းစရာများ ဖြစ်ပေါ်နိုင်သဖြင့် ရင်းနှီးမှု ပျက်စီးနိုင်ကြောင်း သတိပေးသည့် စကားပုံဖြစ်သည်။

အဓိကအကြောင်းအရာမှာ —

ရင်းနှီးမှုနှင့် ငွေကြေးရေးရာ မပေါင်းသင့်ခြင်း။

အင်္ဂလိပ်နှိုင်းယှဉ်ချက်

“Never mix business with friendship.”

“Good fences make good neighbors.” (သဘောတရားဆင်တူ)

ယဉ်ကျေးမှုအမြင်

မြန်မာလူမှုဘဝတွင် မျက်နှာ၊ အားနာမှု၊ သဘောထားချိုသာမှုတို့ အရေးကြီးသောကြောင့် ရင်းနှီးသူနှင့် စီးပွားရေးလုပ်ရာတွင် ပဋိပက္ခ ဖြစ်နိုင်ခြေ မြင့်မားသည်ကို သတိပေးထားခြင်း ဖြစ်သည်။

ဒေါက်တာတင့်ဆွေ