ငါသည် သင်နှင့်အတူ နေလိုသည်။
ဤနေရာ၌ ထိုင်၍
ကော်ဖီကို မွှေနေကာ
ပြတင်းပေါက်အပြင်၌ နှင်းပွင့်များ ပျော့ပျောင်းစွာ ကျဆင်းနေသည်ကို ကြည့်ရင်း
အလင်းရောင်သည် မည်းညိုသွားသည်ကို ကြည့်လိုသည်။
အချိန်၏ အဓိပ္ပါယ်ကို
နားလည်ဆုပ်ကိုင်ရခြင်းသည် အလွန်ခက်ခဲသည်။
ငါ့ဘဝ၏ များစွာသော အပိုင်းသည်
စာအုပ်တအုပ်အတွင်း ပတ်လည်ဝိုင်းထားလျက် ရှိနေသည်ဟုသာ တွေးမိသည်။
၎င်းမရှိလျှင် ငါ့ဘဝ မပြည့်စုံ။
ဤစာအုပ်၊ ဤကဗျာသည်
ငါ ပြုလုပ်သမျှ အရာအားလုံး၏
မူလအရင်းအမြစ် ဖြစ်သည်။
ကျွန်ုပ်တို့သည် မြို့ထဲ၌
အကောင်းဆုံး ကော်ဖီကို ရှာဖွေရန်
လမ်းလျှောက်၊ လမ်းလျှောက်ကြသည်။
မြို့သည်
ငှက်သီချင်းများကို
ကော်ဖီခွက်တခွက်ပေါ်တွင်
သီဆိုနေသည်။
ထိုနောက် တနက်ခင်းတခုတွင်
မိုးကောင်းကင် အပြာရောင် နေမင်း မရှိတော့။
အပြာအစိမ်းတောင်တန်းများ
အနီရောင်သို့ ပြောင်းလဲသွားသည်။
ကျွန်ုပ်တို့သည် စောင့်သည်၊ လမ်းလျှောက်သည်၊
ကော်ဖီကို စောင့်သည်။
ငှက်သီချင်းသည်
အသံကျယ်ကြီး တဝိုင်းသံသို့ ပြောင်းလဲသွားသည်။
ထိုနောက် တနက်ခင်းတခုတွင်
လမ်းမီးများ တုန်ခါလှုပ်ရှား၍
တောင်တန်းများ မီးလောင်နေသည်။
ကော်ဖီသည်
မီးလောင်မည်းနက်သွားသည်။
ငှက်သီချင်းသည်
ညည်းညူသံ ဖြစ်သွားသည်။
ကော်ဖီခွက်တခွက်ပေါ်တွင်
အရာများကို ကြားနိုင်သည်။
ပင်လယ်သံကို မကြားနိုင်။
မြစ်သံ၊ လေသံ၊ မြက်သံ၊ သစ်ပင်သံ၊ ကြယ်သံတို့ကို မကြားနိုင်။
သို့သော်
မြက်ပေါ် လေတိုက်သံကို ကြားနိုင်သည်။
သစ်ပင်ပေါ် လေတိုက်သံကို ကြားနိုင်သည်။
အရွက်များ ကျသံကို ကြားနိုင်သည်။
ကော်ဖီ ခွက်မှ လှိုင်းထွက်သံကို ကြားနိုင်သည်။
သင့်သွားကွက်တင်းသံကို ကြားနိုင်သည်။
မြေ၏ အသံနှင့် ကောင်းကင်၏ အသံကိုပါ ကြားနိုင်သည်။
တခါတရံ လူသည်
ကမ္ဘာ၏ အလယ်ဗဟိုတွင် ရှိနေသော်လည်း
ဘာမျှ မပြုလုပ်နိုင်။
ခွက်၏ အနားကျော် မမြင်နိုင်။
တခါတရံ
ဤအရာပင် ကမ္ဘာကို လှပစေသည်။
အနားများသည်
အမှန်တကယ် လှပသည့်အရာ မဟုတ်။
၎င်းတို့သည်
အနားများသာ ဖြစ်သည်။
သို့သော် အားလုံးတူညီကြသောကြောင့်
၎င်းတို့သည် တန်ဖိုးရှိသည်။
သင်သည် ဤနေရာ၌ ရှိသည်။
ကမ္ဘာသည် သင်လက်တွင် ကိုင်ထားသော
ကော်ဖီခွက်တခွက် ဖြစ်သည်။
ကမ္ဘာသည် ဘာလဲ။
ခွက်နှင့် ကောင်းကင်၊
သင့်လက်တွင် ကိုင်ထားသော ခွက် —
ထိုအရာများပင် မဟုတ်သလော။
ကမ္ဘာသည်
ကော်ဖီခွက်တခွက် ဖြစ်သည်။
သင်သည် ငှက်များ၏ ကမ္ဘာ၊ ပိုးမွှားများ၏ ကမ္ဘာအကြောင်း ပြောဆိုရာတွင်
အမြဲ သံသယတစိတ် ပေါ်ပေါက်တတ်သည်။
ထိုအခိုက်အတန့်တွင်
သင် အသက်ရှူယူ၍
အားလုံးကို ယုံကြည်ရန် ဆုံးဖြတ်သည်။
ထိုအခိုက်အတန့်တွင်
သင် ကော်ဖီကို တချက် သောက်၍
အားလုံးသည် တန်ဖိုးရှိသည်ဟု ဆုံးဖြတ်သည်။ ။
ဒေါက်တာတင့်ဆွေ
Comments
Post a Comment