တခါတရံ အင်းယားကန်မှာ

- အင်းယားနားက မြို့သမိုင်း အင်းလျား တဲ့ မွန်တွေ အခြေပြု အင်းနဘေးမှာ နေထိုင်စဥ်က တောင်နဲ့မြောက်သာ ခပ်မျောမျောအလျားလိုက် အင်းကြီးမို့ အင်းလျားခေါ်သတဲ့။ ၁၈၈၂-၈၃ အင်္ဂလိပ်ခေတ်ကြ(ကျ)တော့ ပိုထူထပ်လာတဲ့ မြို့လူဦးရေ နဲ့အမျှ လိုအပ်တဲ့ ရေအရင်းအမြစ် ပြည့်မှီ(မီ)ဖို့ရာ အင်းယားက ရေကို ကန်တော်ကြီးထိ သွယ်ယူခဲ့ရတယ်။ ပြုပြင်ထိန်းသိမ်းတာတွေ လုပ်အပြီးမှာ ဝိတိုရိယကန် တဖြစ် ပြောင်းလဲခေါ်ကြပြန်တယ်။ နောင်နှစ်များ ကြာလာတော့လည်း ဝိတိုရိယဆိုတာ ရာဇဝင်ထဲမှာ ကျန်ခဲ့ပြီး မူရင်း အင်းလျားကိုပဲ အင်းယားလို့ ယ အသံထွက်ပြောင်းလဲ ခေါ်လိုက်တာ ဒီနေ့ထိပါပဲ။ 

- မင်္ဂလာပါ ဆရာ။ အင်းယားကန် နဲ့ အင်းလျားကန် ဘယ်ဟာက သတ်ပုံမှန်ပါသလဲခင်ဗျ။ မင်္ဂလာဆောင်ဖိတ်စာမှာ မူရင်းသတ်ပုံ သုံးချင်လို့ပါဆရာ။ ကျေးဇူးပါ။

၁။ အင်းယားကန်သို့အိုကုတို့ ကဗျာစာအုပ်ကို ဆရာ မင်းသုဝဏ် ၁၉၂၆ မှ ၁၉၇၂ အတွင်း ရေးသားထားတဲ့ ကဗျာတွေကို ဇွဲစာပေရိပ်မြုံက ဖြန့်ချိသည်။

၂။ ဆရာတင်မိုးက ဒေါက်တာဂျော်နီကဗျာမှာ တခါတရံ အင်းယားကန်မှာလို့ ရေးပါတယ်။

၃။ မိုးမိုး (အင်းလျား)။ ကလောင်အမည်။ အမည်တွေကို ကိုယ့်သဘော စာလုံးပေါင်းကြလေ့ရှိတယ်။

၄။ ချစ်ရက်ရှည်ရှည်အင်းယားမြေ (တွံတေးသိန်းတန်)

ကျောင်းဖွင့်ချိန်

စိန်ပန်းတွေလဲ မြေမှာကျဲပြန့်နေ

ဂန့်ဂေါ်ပန်းတွေနဲ့အတူ သူနဲ့တွေရာမြေ

တက္ကသိုလ် သို့မဟုတ် မြကျွန်းသာအင်းယားကန်နယ်မြေ

အချိန်ညနေချမ်း နေခြည်ဖျန်းရင်လေ

မြေနီလမ်းကလေးမှာ အပန်းဖြေ အပန်းဖြေ

ချစ်စရာအလှပစကားများပြောကြတာတွေ

ချစ်သောမောင့်ချစ်သူရေ

အင်းယားကန်က မောင်တို့မောင်တို့မေတ္တာမြေ

သိုသိပ်ဝှက်ကွယ်ထားတဲ့ မေတ္တာတရားတွေ

ရင်ထဲမှာ ကိုယ်စီကိုယ်ငှပေ

ချစ်စရာနုတ်ခမ်းများမှ စကားများလဲမပွင့်လင်းကြပေ

သဇင်တွေဖူးပါတဲ့ဆောင်းဦးကိုလဲ ကျော်ခဲ့ပြီမေရေ

ရာသီတွေပြောင်းပေမယ့် မောင်တို့နှစ်ဦးရဲ့မထူးမထူးတဲ့အခြေ

ချစ်စိတ်တွေရင်မှာ အစဉ်သာသိမ်းကာထားခဲ့ပေ

နွေဦးလေရူးတွေလဲမြူးပြီလေ ဂန့်ဂေါ်တွေလဲဖူးလို့နေ

သစ်ရွက်ကြွေမြေမှာလူးကာ

ဥသြငှက်တွေတွေ့တော့ချစ်ရက်တွေရှည်

ဒီအခါဒီသမယ ခွဲကြရမယ့်အခြေ

အချိန်တန် အိမ်ပြန်ကြပေမယ့် ကိုယ့်လိပ်ပြာကမင်းရဲ့ထံမှာနေ

အင်းယားကိုလဲမမေ့နိုင်ပေ။   ။

ဒေါက်တာတင့်ဆွေ