ဒဏ်ရာလေးကို သက်သေတည်မယ်

(ကာတွန်း မြင့်သိန်း - စံရွှေမြင့်)

မလိမ်ပါ မညာပါ - မှန်ရာကိုသာပြောရရင် သံယောဇဉ်တမြှင်ကြိုးနဲ့ သူ့ကိုပင် ဆုံးတသက် ရုန်းမထွက်နိုင်အောင် တမင် အထပ်ထပ် ရစ်ပတ်ချည်နှောင်လိုက်စမ်းချင်

သြော် ဒါပေမယ့် ကျမအနုပညာရှင် မီးရောင်အောက်က ဇာတ်သမလေးမို့ပင် စိုးရွံစိတ်လဲလွန်ကဲချင် မတွေးမဆ အဆိုးမြင်ဝါဒနဲ့ နောင်တကယ် ရှောင်ဖယ်ခဲ့ရင် အနာဂတ်မရှိ ပစ္စုပ္ပန်မှောင်အတိ မချိပင်ပမ်း နွမ်းနွမ်းလျလျ တမ်းတလို့ မနေချင်

ဒါကြောင့်မို့ သူ့လို တခုပြောချင် ခိုင်သင်းကြည်ဇာတ်သမမို့ မေတ္တာ မေတ္တာ အကို့မေတ္တာကို မမျှစေချင်

ကျနော်နဲ့ မြတ်ဟာ သမီးရီးစားဘဝကနေ အကြင်လင်မယားဖြစ်လာကြတဲ့အထိ အများတကာ စံထားလောက်အောင် တဦးကိုတဦး အကြင်နာအယုယပိုခဲ့ကြတယ် မဟုတ်ပါလား

ဒီတော့ သားတည်းဟူသော ကြိုးကလေးကြောင့် စွန်တည်းဟူသော မြတ်ရဲ့ရစ်ဘီး ကျနော်ဟာ ဘယ်လောက်ပဲဝေးဝေး တချိန်ချိန်မှာဖြင့် ပြန်လည်ဆုံစည်းရဦးမှာပါ ကိုငြိမ်းမောင်ရယ်

သံယောဇဉ်တမြှင်ကြိုး၊ ဆုံးတသက်၊ တမင်၊ နောင်တကယ်၊ တခုပြောချင်၊ တဦးကိုတဦး၊ အများတကာ၊ တဦးကိုတဦး နဲ့ တချိန်ချိန်မှာဖြင့် သတ်ပုံကို တင်ပြပါတယ်။ ပင်ပန်းနဲ့ မျှင်လို့က ပိုသင့်မယ် ထင်ပါတယ်။

ကျွန်တော်နဲ့ အသက်မတိမ်းမယိမ်း နှစ်ယောက် ကွန်မင့် ရေးကြတာ ဖတ်ရတယ်။

- စံရွှေမြင့်ခေတ်မီသူတွေဆို ခြောက်ထိပ်စည်းတွေဖြစ်လောက်တယ်

- ၇၀ ကျော် ငယ်သူငယ်ချင်းတွေကလဲ မှတ်မိနေကြသေးတယ်

သူတို့က ကာတွန်းကို လွမ်းဆွတ်သတိရနေကြတယ်။ ကျွန်တော်ကတော့ သတ်ပုံကိုပါ ဖတ်တာ။ အရင်ဟာတွေ မှားတယ်လို့ နောက်လူတွေက ပြင်ကြသတဲ့။ တိုင်းပြည်ရဲ့ လွတ်လပ်ရေးကလည်း ၇ ထိပ်စည်း မဟုတ်ပါလား။ လွတ်လပ်ရေးကျောက်တိုင်မှာ သတ်ပုံ မှန်တယ်။

ဒေါက်တာတင့်ဆွေ

Comments

ပဲ နဲ့ ဘဲ ဋီကာ

၁။ ပဲမှန်သမျှ ဘဲလား ဆရာခင်ဗျ အငြင်းအနေနဲ့မှ ဘဲ သုံးရတာလားဗျ ခွဲခြားမသိလို့ပါဆရာ ၂။ ဆရာခင်ဗျာ 'ပန်းပန်လျက်ပဲ' မှားတယ်ဆိုတော့ ပဲနဲ့ဘဲ အသုံးလေးရှင်းပြစေလိုပါတယ်ခင်ဗျာ ၃။ ပဲ နဲ့ ဘဲ သုံးတာ ပုံထဲကအတိုင်း မှန်လား မှားလား ဆိုတာ သိချင်ပါတယ် ဆရာ။ ၄။ ချောင်းအစွယ်လား ချောင်းအဆွယ်လားဆရာ မူကွဲတွေကလည်း ကွဲဘဲကွဲနိုင်လွန်း ၅။ မနက်စာ စားပဲဖြစ်ဖြစ် အဆာပြေလေးဖဲဖြစ်ဖြစ် - ဖဲဆိုတာ ဖဲရိုက်တာ။ ၆။ အထင်ကရအစားအစာ တစ်ခုဖဲလေနော် - တခုပဲ (ဘဲ) လေနော်လို့ ရေးရ။ ‘တစ်ခု’ ဆိုရင် မျိုမကျတဲ့အစားအစာ။ ဖဲဆိုတာ ဖဲရိုက်တာ။ ၇။ ငါပဲလုပ်မယ်လားဗျ ပဲ လား ဘဲ လား ဇဝေဇဝါဗျ ၈။ ပဲနဲ့ဘဲကို အမြဲမှားပါတယ် ဒါပဲလို့ပြောယင် အမှားပါလားရှင် - ပန်းပန်လျက်ပဲ မှားတယ်။ ဆိတ်အုပ်ကဗျာ။ - သူငယ်ချင်းလို့ပဲ ဆက်၍ခေါ်မည်ခိုင် မှားတယ်။ သူငယ်ချင်းလို့ပဲ ဆက်၍ခေါ်မည် ဆိတ်မ။ ဗေဒါလမ်း ညိုပြာပြာ လတာပြင်ခြေရင်း လှိုင်းတက်ရာ ဗေဒါတက်၊ လှိုင်းသက်ရာဆင်း။ ဆင်းရလဲ မသက်သာ အုန်းလက်ကြွေရေပေါလော၊ မျောစုန်လို့လာ အဆင်းနဲ့အလာ၊ ဗေဒါမ အထွေး အုန်းလက်ကြွေ သူ့နံဘေး၊ ဆောင့်ခဲ့ရသေး။ ဆောင့်ခဲ့လဲ မသက်သာ နောက်တချီ ဒီတလုံးက၊ ဖုံးလိုက်ပြန်ပါ မြုပ်လေပေါ့ ပေါ်မလာ၊ မဗေဒါအလှ တလံကွာ လှ...

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

ဂဏန်းရေးနည်း သင်ပုန်းကြီး

တရာ မှာ တယောက်လား တစ်ရာ မှာ တစ်ယောက် လား ဆရာ ပို့စ် တင်ပါမည်။ ၅-၁၀ ကြိမ်လောက်တော့ တင်ပြထားပြီး။ ဂဏန်းရေးနည်း ဘတ်နည်း ပုံစံ တစ် ၁ နှစ် ၂ သုံး ၃ လေး ၄ ငါး ၅ ခြောက် ၆ ခုနစ် ၇ ရှစ် ၈ ရှစ်ကိုး ၉ တဆယ် ၁၀ Numbers မှား မမှန် လွဲ လျှာရှည် https://burmese-spelling.blogspot.com/2023/06/numbers.html Numbers ဂဏန်းရေးနည်း (၂) https://burmese-spelling.blogspot.com/2022/08/numbers.html Numbers ဂဏန်းရေးနည်း (၃) https://burmese-spelling.blogspot.com/2024/01/numbers.html ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog