Collateral Damage ဘေးနားက မိသားစုဝင်တွေပါ သေကုန်ကြ၏

တစ်ဒင်္ဂ နဲ့ တဒင်္ဂ ရေးလိုက်ပြီးပြီ။ အဲလို တ နဲ့စတဲ့စာလုံးတွေ မနည်းမနောရှိတယ်။ တဒင်္ဂဆိုတာ ပါဠိ။ ပါဠိ-မြန်မာအဘိဓာန် လှန်ရတယ်။

တက္က = ရက်တက်ရည်

တက္ကဏ = ကြံဆခြင်း

တက္ကရ = သူခိုး

တက္ကလ = သစ်ပင်အစေး

တက္ကသိလ နဂရ = တက္ကသိုလ်ပြည်

တင်္ခဏေ = ထိုခဏ၌

တစသာ = အဆင်းအရေဖြင့်

တစ္ဆ = လက်သမား

တဇ္ဇ= ထို့ကြောင့်

တဏှာ = တပ်ခြင်း

တတိယ = သုံးခုမြောက်

တထ = မှန်သည်

တထာ = ထိုအတူ

တဒင်္ဂ = ပထမဈာန်တည်းဟူသော အစိတ်အင်္ဂါဖြင့် ကိလေသာတို့၏ငြိမ်းခြင်း

တဒါနိ = ထိုအခါ၌

တပန = ပူခြင်း

တယ = သုံးခုအပေါင်း

တရ = ကူးသည်

တရဏ = ကူးခြင်း

တရိ = လှေ

တရုဏ = ငယ်သည်၊ နုပျိုသည်

တလ = အပြင်

တသ္မာ = ထိုကြောင့်

တဟိံ = ထိုအရပ်

တပေါ = ခြိုးခြံသောအကျင့်

တမော = အမိုက်မှောင်

တယော = သုံးခု

တဿ = ထိုသူ၏

တနု = ပါးသည်

အဲဒါတွေမှာ တကိုစသတ်လို့ကတော့ ပဠိလည်းပျက်၊ မြန်မာစာလည်းပျက်ရော။ ၁၉၉၁ လောက်ကစပြီး မြန်မာစာ သတ်ပုံကျမ်းကို ပြင်ထုတ်တယ်။ တ စာလုံး ၈၀% လောက်ကို စသတ်တယ်။ အဲဒီပြင်ထုတ်ကိုသာ မဖြစ်မနေလိုက်နာစေတာ အခုထိ နိုင်ငံတော်မူဖြစ်နေတယ်။

ဆေးတွေမှာ ဆိုဒ်အဖက် ခေါ် ဘေးထွက်သက်ရောက်မှုတွေ ရှိတယ်။ ကျမ်းမာရေးမှသာမဟုတ် ဘာလုပ်လုပ် နောက်ဆက်တွဲဖြစ်တာကို ကွန်ပလီကေးရှင်း သို့မဟုတ် ကွန်စီးကွင့်စ် လို့ခေါ်တယ်။ နှိမ်နင်းသတ်ဖြတ်လိုတဲ့ပစ်မှတ် နဲ့အတူ ဘေးနာက လူတွေ မိသားစုဝင်တွေကိုပါ ထိခိုက်သေစေတာကို ကိုလက်ထရယ်ဒဲမေ့ချ် လို့ခေါ်တယ်။

မြန်မာစာသတ်ပုံကို လျှာရှည်ပြီး တတွေကို စသတ်ခိုင်းလို့ ဆိုဒ်အဖက်တွေ အများကြီး။ ကွန်ပလီကေးရှင်းတွေ ကွန်စီးကွင့်စ်တွေ အများကြီး။ ကိုလက်ထရယ်ဒဲမေ့ချ်တွေ အများကြီး။

ဒေါက်တာတင့်ဆွေ

Comments

ပဲ နဲ့ ဘဲ ဋီကာ

၁။ ပဲမှန်သမျှ ဘဲလား ဆရာခင်ဗျ အငြင်းအနေနဲ့မှ ဘဲ သုံးရတာလားဗျ ခွဲခြားမသိလို့ပါဆရာ ၂။ ဆရာခင်ဗျာ 'ပန်းပန်လျက်ပဲ' မှားတယ်ဆိုတော့ ပဲနဲ့ဘဲ အသုံးလေးရှင်းပြစေလိုပါတယ်ခင်ဗျာ ၃။ ပဲ နဲ့ ဘဲ သုံးတာ ပုံထဲကအတိုင်း မှန်လား မှားလား ဆိုတာ သိချင်ပါတယ် ဆရာ။ ၄။ ချောင်းအစွယ်လား ချောင်းအဆွယ်လားဆရာ မူကွဲတွေကလည်း ကွဲဘဲကွဲနိုင်လွန်း ၅။ မနက်စာ စားပဲဖြစ်ဖြစ် အဆာပြေလေးဖဲဖြစ်ဖြစ် - ဖဲဆိုတာ ဖဲရိုက်တာ။ ၆။ အထင်ကရအစားအစာ တစ်ခုဖဲလေနော် - တခုပဲ (ဘဲ) လေနော်လို့ ရေးရ။ ‘တစ်ခု’ ဆိုရင် မျိုမကျတဲ့အစားအစာ။ ဖဲဆိုတာ ဖဲရိုက်တာ။ ၇။ ငါပဲလုပ်မယ်လားဗျ ပဲ လား ဘဲ လား ဇဝေဇဝါဗျ ၈။ ပဲနဲ့ဘဲကို အမြဲမှားပါတယ် ဒါပဲလို့ပြောယင် အမှားပါလားရှင် - ပန်းပန်လျက်ပဲ မှားတယ်။ ဆိတ်အုပ်ကဗျာ။ - သူငယ်ချင်းလို့ပဲ ဆက်၍ခေါ်မည်ခိုင် မှားတယ်။ သူငယ်ချင်းလို့ပဲ ဆက်၍ခေါ်မည် ဆိတ်မ။ ဗေဒါလမ်း ညိုပြာပြာ လတာပြင်ခြေရင်း လှိုင်းတက်ရာ ဗေဒါတက်၊ လှိုင်းသက်ရာဆင်း။ ဆင်းရလဲ မသက်သာ အုန်းလက်ကြွေရေပေါလော၊ မျောစုန်လို့လာ အဆင်းနဲ့အလာ၊ ဗေဒါမ အထွေး အုန်းလက်ကြွေ သူ့နံဘေး၊ ဆောင့်ခဲ့ရသေး။ ဆောင့်ခဲ့လဲ မသက်သာ နောက်တချီ ဒီတလုံးက၊ ဖုံးလိုက်ပြန်ပါ မြုပ်လေပေါ့ ပေါ်မလာ၊ မဗေဒါအလှ တလံကွာ လှ...

ဂဏန်းရေးနည်း သင်ပုန်းကြီး

တရာ မှာ တယောက်လား တစ်ရာ မှာ တစ်ယောက် လား ဆရာ ပို့စ် တင်ပါမည်။ ၅-၁၀ ကြိမ်လောက်တော့ တင်ပြထားပြီး။ ဂဏန်းရေးနည်း ဘတ်နည်း ပုံစံ တစ် ၁ နှစ် ၂ သုံး ၃ လေး ၄ ငါး ၅ ခြောက် ၆ ခုနစ် ၇ ရှစ် ၈ ရှစ်ကိုး ၉ တဆယ် ၁၀ Numbers မှား မမှန် လွဲ လျှာရှည် https://burmese-spelling.blogspot.com/2023/06/numbers.html Numbers ဂဏန်းရေးနည်း (၂) https://burmese-spelling.blogspot.com/2022/08/numbers.html Numbers ဂဏန်းရေးနည်း (၃) https://burmese-spelling.blogspot.com/2024/01/numbers.html ဒေါက်တာတင့်ဆွေ

ပြုတ် နှင် ပြုပ်

ဆရာခင်ဗျ ဒုတိယတန်းမြန်မာဖတ်စာမှာ ပြုတ်နဲ့ ပြုပ် ဘယ်ဟာကမှန်ပါသလဲ တရုတ်စံကားပင် နွားတင်းကုပ်နားမှာရှိသည်။ အပွင့်ကိုပြုတ်ပါ။ လက်သုပ် သုပ်စားရအောင်။ အဲ့ဒီမှာ ပြုတ်လို့ရေးထားပါတယ် ပြုပ်မဟုတ်ဘူးလားခင်ဗျ။ ကျေးဇူးပြု၍ရှင်းပြပေးပါခင်ဗျ ပြုတ်က မှန်တယ်။ ပြုတ် ချက်ပြုတ်၊ ပြုတ်ဆန်၊ ပြုတ်တူ၊ ပြုတ်ဖတ်၊ ပြုတ်ပြုတ်ပြုန်း၊ ပြုတ်ရှပ်ရှပ်၊ ပြုတ်လုတဲတဲ၊ ပြုတ်ကြွေ၊ ပြုတ်ကြော်ဟင်း၊ ဖြုတ်၍ပြုတ်၊ အစပြုပ်၊ အပြုတ်တိုက်။ ပြုပ် ပြုပ်ထ၊ ပြုပ်ရှပ်ရှပ် ပြုပ်ဆတ်ဆတ် (မနူးမနပ်) ဖါးပြုပ် အရေတွန့်ရှုပ်၊ ဖါးပြုပ်ကိုယ်နှယ်။ ဝမ်းမှာ ပိုက်ထုပ်၊ ခေါ် ဖါးပြုပ်၊ ရစ်အုပ် ပ ကိုသတ်။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog