Renaming အမည်ပြောင်းခြင်း

အိန္ဒိယက မွန်ဘိုင်းကို အရင်က ဘုံဘေလို့ ရေးတာ ဖတ်ဘူးပါတယ်ဆရာ။ အဲ့ ၂ခု အတူတူပါဘဲလားခင်ဗျ။

အိန္ဒိယနိုင်ငံဟာ မြန်မာပြည်လိုပဲ ဗြိတိသျှကိုလိုနီဖြစ်ရာကနေ လွတ်လပ်ရေးရတယ်။ သူတို့ဆီမှာ အင်္ဂလိပ်စာနဲ့ အင်္ဂလိပ်ယဉ်ကျေးမှု ပိုပြီး အမြစ်တွယ်တယ်။ လွတ်လပ်ရေးရပြီးနောက် အင်္ဂလိပ်လက်ထက်ကအမည်တချို့ကို ပြောင်းလိုက်တယ်။ တချို့ကို ၁၉၄၇ ကတည်းကပြောင်းတယ်။ မကြာခဏ နောက်အမည်တွေပါပြောင်းတယ်။

Bombay ဘုံဘေ ကို Mumbai မွန်ဘိုင်း (၁၉၉၅)၊

Madras မဒရပ်စ် ကို Chennai ချနိုင်း (၁၉၉၆)၊

Cochin ကိုချင် ကို Kochi ကိုချီ (၁၉၉၆)၊

Calcutta ကာလကတ္တား ကို Kolkata ကိုလ်ကာတား (၂၀၀၁)။

ပြည်နယ်အမည် တချို့ကိုလည်း ပြောင်းထားတယ်။

Travancore-Cochin ကနေ Kerala (1 November 1956)

Madhya Bharat ကန Madhya Pradesh (1 November 1959)

Madras State ကနေ Tamil Nadu (14 January 1969)

Mysore State ကနေ Karnataka (1 November 1973)

Uttaranchal ကနေ Uttarakhand (1 January 2007)

Orissa (သြရိသ) ကနေ Odisha (4 November 2011)

ပြောင်းဖို့ကြိုးစားနေတဲ့အမည်တွေလည်းရှိတယ်။

Kerala ပြည်နယ်ကနေ Keralam ပြည်နယ်၊

West Bengal ပြည်နယ်ကနေ Bangla ဘင်္ဂလားပြည်နယ်၊

Goa (ဂိုအာ) ပြည်နယ်ကနေ Govapuri ပြည်နယ်၊

Nagaland (နာဂလန်း) ပြည်နယ်ကနေ Naganchi ပြည်နယ်စသဖြင့်။

သူတို့ဆီမှာ ကိုလိုနီခေတ်ကအမည်ကို လက်မခံချင်တာနဲ့ ဒေသဆိုင်ရာ အမျိုးသားရေးစိတ်ကြောင့် ပြောင်းတာ ဖြစ်ပါတယ်။

အိန္ဒိယမှာ ပြည်နယ်နဲ့ မြို့အမည်တွေပြောင်းတာကို ဒီမိုကရေစီကျင့်စဉ်အရနဲ့ ဥပဒေပြုမှုအဆင့်ဆင့်အရ လုပ်ရတယ်။

မြန်မာပြည်က စစ်အစိုးရလက်ထက်က အမည်ပြောင်းနဲ့ သတ်ပုံပြောင်းတွေဟာ ငါအုပ်ချုပ်နေတာ ငါ့သဘော လုပ်ထားတာ။ အစိုးရအဆက်ဆက်မှာ ကပ်ဖါးပညာရှင်တွေကလည်း များတယ်။ ဘယ်အစိုးရလက်ထက်ကြည့်ကြည့် သိပ်မထူးလှဘူး။ သတ်ပုံတွေ ကမောက်မဖြစ်တာ ပညာရှင်ဆိုသူတွေနဲ့ ပိုဆိုင်တယ်။

ဒေါက်တာတင့်ဆွေ

Comments

ဝိဘတ်များ

ရေး မြို့ကကြိုဆိုပါ၏ နဲ့ ရေးမြို့မှ ကြိုဆိုပါ၏ ဘယ်ဟာအမှန်လဲဆရာ ရန်ကုန်မြို့က ကြိုဆိုပါ၏စာကို တင်တယ်။ ကွန်မင့်တွေလည်း များတယ်။ မက်စင်ဂျာကနေလည်း လာတယ်။ တချို့က နားမလည်။ အမှားကိုသာ မှန်တယ်ထင်ပြီး ရေးကြတယ်။ မတတ်နိုင်။ မှ နဲ့ က ကို ၂၀၁၇ ကတည်းက တင်ပြထားပြီးပါပြီ။ ကို နဲ့ အား လည်းရေးထားတယ်။ ရ နဲ့ က မှားနေကြပြန်တယ်။ နာမ်၊ နာမ်စားတို့၏ နောက်၌တည်၍ ၄င်းတို့သည် ကတ္တားဖြစ်သည်၊ ကံဖြစ်သည် စသည်ကိုလည်းကောင်း၊ ကြိယာ၏ နောက်၌တည်၍ ၄င်းကြိယာ၏ ကာလနှင့် အမျိုးအစားကို လည်းကောင်း ဝေဖန်ပိုင်းခြားပြသော စကားလုံးကို ဝိဘတ်ဟု ခေါ်သည်။ ဝိဘတ် (၂) မျိုး ရှိသည်။ ၁။ နာမ်ဝိဘတ် ၂။ ကြိယာဝိဘတ် နာမ်ဝိဘတ် နာမ်၊ နာမ်စားတို့၏ နောက်၌တည်၍ ၄င်းတို့သည် ကတ္တားဖြစ်သည်၊ ကံဖြစ်သည် စသည် ဝေဖန်ပိုင်းခြားပြသော ဝိဘတ်ကို နာမ်ဝိဘတ်ဟု ခေါ်သည်။ နာမ်ဝိဘတ် (၁၇) မျိုး ရှိသည်။ 1. ကတ္တားဝိဘတ် 2. ကံဝိဘတ် 3. ထွက်ခွာရာပြဝိဘတ် 4. ရှေးရှုရာပြဝိဘတ် 5. ဆိုက်ရောက်ပြဝိဘတ် 6. အသုံးခံပြဝိဘတ် 7. အကြောင်းပြဝိဘတ် 8. လက်ခံပြဝိဘတ် 9. နေရာပြဝိဘတ် 10. အချိန်ပြဝိဘတ် 11. ပိုင်ဆိုင်ခြင်းပြဝိဘတ် 12. လိုက်လျောပြဝိဘတ် 13. ယှဉ်တွဲပြဝိဘတ် 14. ခွဲထုတ်ရာပြဝိဘတ် 15. ရည်စူးချက်ပ

ပဲ နဲ့ ဘဲ ဋီကာ

၁။ ပဲမှန်သမျှ ဘဲလား ဆရာခင်ဗျ အငြင်းအနေနဲ့မှ ဘဲ သုံးရတာလားဗျ ခွဲခြားမသိလို့ပါဆရာ ၂။ ဆရာခင်ဗျာ 'ပန်းပန်လျက်ပဲ' မှားတယ်ဆိုတော့ ပဲနဲ့ဘဲ အသုံးလေးရှင်းပြစေလိုပါတယ်ခင်ဗျာ ၃။ ပဲ နဲ့ ဘဲ သုံးတာ ပုံထဲကအတိုင်း မှန်လား မှားလား ဆိုတာ သိချင်ပါတယ် ဆရာ။ ၄။ ချောင်းအစွယ်လား ချောင်းအဆွယ်လားဆရာ မူကွဲတွေကလည်း ကွဲဘဲကွဲနိုင်လွန်း ၅။ မနက်စာ စားပဲဖြစ်ဖြစ် အဆာပြေလေးဖဲဖြစ်ဖြစ် - ဖဲဆိုတာ ဖဲရိုက်တာ။ ၆။ အထင်ကရအစားအစာ တစ်ခုဖဲလေနော် - တခုပဲ (ဘဲ) လေနော်လို့ ရေးရ။ ‘တစ်ခု’ ဆိုရင် မျိုမကျတဲ့အစားအစာ။ ဖဲဆိုတာ ဖဲရိုက်တာ။ ၇။ ငါပဲလုပ်မယ်လားဗျ ပဲ လား ဘဲ လား ဇဝေဇဝါဗျ ၈။ ပဲနဲ့ဘဲကို အမြဲမှားပါတယ် ဒါပဲလို့ပြောယင် အမှားပါလားရှင် - ပန်းပန်လျက်ပဲ မှားတယ်။ ဆိတ်အုပ်ကဗျာ။ - သူငယ်ချင်းလို့ပဲ ဆက်၍ခေါ်မည်ခိုင် မှားတယ်။ သူငယ်ချင်းလို့ပဲ ဆက်၍ခေါ်မည် ဆိတ်မ။ ဗေဒါလမ်း ညိုပြာပြာ လတာပြင်ခြေရင်း လှိုင်းတက်ရာ ဗေဒါတက်၊ လှိုင်းသက်ရာဆင်း။ ဆင်းရလဲ မသက်သာ အုန်းလက်ကြွေရေပေါလော၊ မျောစုန်လို့လာ အဆင်းနဲ့အလာ၊ ဗေဒါမ အထွေး အုန်းလက်ကြွေ သူ့နံဘေး၊ ဆောင့်ခဲ့ရသေး။ ဆောင့်ခဲ့လဲ မသက်သာ နောက်တချီ ဒီတလုံးက၊ ဖုံးလိုက်ပြန်ပါ မြုပ်လေပေါ့ ပေါ်မလာ၊ မဗေဒါအလှ တလံကွာ လှ

အဘရောဂါ ကျဆုံးပါစေ

ဒီစာကို ခေါင်းစဉ်အမျိုးမျိုးနဲ့ အခါတရာလောက်တင်ပြီးသား။ စစ်ယူနီဖေါင်းနဲ့လူတွေ့တိုင်း အဘခေါ်ခိုင်းတာ နဝတ ခေတ်ကစတယ်။ နောက်တော့ လူတွေ့တိုင်း အဘဖြစ်လာတယ်။ ကိုယ့်အဖွားမှာ အိမ်ထောင်ဘက်တွေ များရော။ မလုပ်ကောင်းပါ။ ကန်တော့။ မြန်မာစာမှာပါ အဘရောဂါ ကူးစက်လာတယ်။ အခုဘဲ တယောက်က အဘ။ အဘအသုံးဟာ ယဉ်ကျေးမှု စသဖြင့် အရင်လူတွေရေးသလို ရေးလာပြန်တယ်။ အဘအသုံး နည်းလာပြီ။ အသစ်က Hi နဲ့ နော်။ စောစောက ထပ်မံတင်ပြသေးတယ်။ သားနဲ့ သမီး။ ကျွန်တော်၊ ကျနော်၊ ကျမ၊ ဗျ၊ ခင်ဗျ၊ ခင်ဗျာ၊ ရှင်၊ ရှင့် အသုံးတွေ ပျောက်ကွယ်လာလာတာအတွက် အင်မတန် နှမြောပါတယ်။ အဘမခေါ်ရမနေနိုင်သူတွေ ကျွန်တော့ဆီတော့ စာမရေးသားကြစေလိုပါ။ အခေါ်ခံချင်သူတွေ အများကြီး။ သူများကိုအဘခေါ်သူတွေ ကြီးလာရင် အဘလိုလုပ်ကြလိမ့်မယ်။ အဘရောဂါ ပျောက်ပါစေသတည်း။ အဘခေတ် ကျဆုံးပါစေသတည်း။ ယဉ်ကျေးမှုဖြစ်တယ်၊ ဘာဖြစ်တယ် ညာဖြစ်တယ် ပြန်မရေးစေလိုပါ။ ဆရာဝန်ကို ဆရာလို့ မခေါ်ချင်သူတွေလည်း မမေးကြစေလိုပါ။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog