Black Matpe Bean မတ်ပဲ

ဟိုတနှစ်က တူမတယောက်က ပဲကြော် တင်ထားတယ်။ သူ့အမေ ကြော်တာလားတော့ မသိ။ မေးကြည့်တယ်။ မတ်ပဲလား။ တခု တမတ်လား။

ကျွန်တော်တို့ကျောင်းသားဘဝမှာ အကြော်တခု ၁၀ပြား။ တမတ်ဖိုး ၃ ခုရတယ်။ ခုခေတ်တမတ်က ဘာမှ မသုံးမကျ။

တိုက်ဆိုင်တာဘဲ။ ကနေ့ အိမ်မှာလည်း မတ်ပဲကို အလုံးလေးတွေလုပ်ကြော်တယ်။ နေ့ခင်းမှာ အကြော်အတိုင်း စားသူကစား။ ညစာကျတော့ နန်းကြီးမုံတီနဲ့စားကြတယ်။ ကောင်းတယ်။

တခြားတိုင်းပြည်တွေမှာနေရတော့ မြန်မာပြည်က ပဲအမျိုးမျိုးထက်မက စားရတယ်။ ကနေ့ ပဲထမင်းတဲ့။ အဆင်သင့် ရောထားပြီးသား အထုပ်ကို ချက်ရတာ။ လွယ်သတဲ့။ ကျွန်တော်ချက်တာ မဟုတ်။ ပဲနီကို အနေတော် ခွဲပြီးသား။

စွန်တာနီပဲကို ကျောက်ပြားဝိုင်းကြီးနှစ်ခုနဲ့ ကြိတ်တာမျိုး ဘယ်တိုင်းပြည်မှ မတွေ့ပါ။ ကိုယ့်ဆီမှာသာရှိတာ။

ပဲစားသူတွေ နေကောင်းကြပါစေ။

မတ်ပဲဆိုတာ မြန်မာ (ဗမာ) စကား မဟုတ်။ တခုတမတ်လည်း မဟုတ်။ အိန္ဒိယန်းစာလုံးတဲ့။ Indian Black Gram Matpe, Vigna Mungo, Black Gram, Urad Bean, Minapa Pappu, Mungo Bean တဲ့။ 

ဒေါက်တာတင့်ဆွေ