ပန်းကံ့ကော်

- ဂန်ကော်ပန်းလေးတွေပွင့်လာပြီပေါ့ - ကံ့ကော်ပန်းလို့ ရေးရ။

- ကန့်ကော်ပန်း မွှေးမြမြ - ကံ့ကော်ပန်းလို့ ရေးရ။

- ကံကော်တောစာကြည့်တိုက်လို့ တွေ့တယ်။ လိုဂိုကတော့ ကံ့ကော်ပန်း။ ကံကော် နဲ့ ကံ့ကော် မတူပါ။

- ကံကော်က စားသောက်ဆိုင် (ချိန်း) တခု အမည်ဖြစ်ပါတယ်။

- တချို့က အတိတ်နဲ့ နိမိတ်ဆောင်ပြီး ကံကော်ပန်းလို့ ရေးကြသုံးကြတော့ ကံ့ကော်ပန်းဆိုတဲ့ အမည်ကို အမှတ်မှားကုန်ကြတယ် ဆရာ

- ဆရာ ကံကော်ပန်းလား၊ ကံ့ကော်ပန်းလားရှင့်။

ကံ့ကော်ပင်၊ ကံ့ကော်ပန်းဖြစ်တယ်။ ကိုယ်ထင်သလို လွဲရေးတာတွေ မနည်းမနောရှိတယ်။ မှားတယ်။ လူအမည်၊ ဆိုင်အမည်တွေကို ကိုယ့်သဘော မှည့်ခေါ်နိုင်တယ်။ အမည်ရင်းတွေကို မပြင်အပ်ပါ။ မြန်မာကို အဓိပ္ပါယ်ဖွင့်ကြတယ်။ မြန်တယ်၊ မာတယ်တဲ့။ မဟုတ်ပါ။ အရင်က မြမ္မာလို့ရေးခဲ့တာရှိတယ်။ ဗမာလို့လည်း ရှိတယ်။

တန်ခူးမိဿ၊ စိတြ၊ လနှင့်ယှဉ်ပြိုင်ထွန်း။ ရင်းခတ် ကံ့ကော်၊ ထုံသင်းပျော်၊ ပွဲဲတော်အတာညွှန်း။ (ကင်းဝန်မင်းကြီး)

ဟောင်းရွက်ညှာ ခါလစ်လို့၊ တာသစ်ကယ်တဲ့နံ့ကြိုင်၊ သုတ်ဖြူး လေဆော်က၊ ပန်းကံ့ကော် ဝတ်မှုံကျင်း၊ သင်းပျံ့လှိုင်လှိုင်၊ ကြယ်နှစ်ပြိုင် သွယ်ဆိုင်ပဝင်း၊ စိတြငယ်နှင့် ငွေသော်တာတို့၊ ယုဂန်ချာေ တာင်တော်စွန်းမှာ၊ ထွန်းထိန်လို့လင်း။ (စာဆိုတော် ဦးမင်း)

ပန်းကံ့ကော် ရွှေစကား၊ ငွေသားနု စပယ်မှန်၊ မြတ်လေး ခေတ္တာနှင့်၊ ရွှေယင်းမာ ကြာ ခဝဲ၊ ဖွဲစနှင်းလျှံ၊ သဇင်ကျန်၊ ခွါတံနှင့် ပေါက်လဲ၊ ပွင့်ဝတ်ကယ် ရွှေဖီနှင်း သင်းထုံနံ့ကဲ။ (ကင်းဝန်မင်းကြီး)

ကံ့ကော်လို့ရေးပြီး၊ ကံ့သံ ထွက်လေ့မရှိပါ။ ဂန့်ဂေါ်သံထွက်တယ်။ အဲတာမျိုးကသာ ရေးတော့အမှန်၊ ဖတ်တော့အသံ ထုံးနဲ့ ညီတယ်။ တစ်ခါတစ်ရံကို တခါတရံသံထွက်ခိုင်းတာ မှားတယ်။ လွဲတယ်။ မမှန်။ ရန်ကုန်တက္ကသိုလ်ရာပြည့်ရန်ပုံငွေ ကံ့ကော်(တစ်)ရာ အနုပညာပွဲတော်လို့ တွေ့တယ်။ တက္ကသိုလ်က (တစ်ကသိုလ်) တွေ ဖြစ်နေပြီး၊ ပညာမှာ တစ်နေတော့တယ်။

Indian rose chestnut, 

Ceylon ironwood (Mesua ferrea)

Petaling Jaya, Selangor, Malaysia.

Mesua ferrea L. Calophyllaceae, also placed in Clusiaceae. 

Cobra's saffron, Na, Nahar, Nahor. Native to Indian Subcontinent (India, Nepal), Indo-China (Myanmar, Thailand, Vietnam), Malesia (Indonesia, Malaysia). Tree can grow up to ca 30 m height; leaf simple, narrow, oblong, dark green leaves 7–15 cm long, with a whitish underside; the emerging young leaves are red to yellowish pink and drooping. The flowers are 4–7.5 cm diameter, with four white petals and a center of numerous yellow stamens. Uses as timber and folk medicine.

မြန်မာစာ ကံ့ကော်ပန်းလို မွှေးပါစေသတည်း။

ဒေါက်တာတင့်ဆွေ