ယင်အန်း ဟာ တရုတ်ကွန်မြူနစ်ပါတီ ရဲ့ ခရီးရှည်ချီတက်ပွဲ နောက်ဆုံးပန်းတိုင်မြို့ဖြစ်ပါတယ်။ ယင်အန်း ဟာ တပ်နီတော် အမှတ် (၈) စစ်ကြောင်း ရဲ့ နောက်ပိုင်း စစ်ဌာနချုပ်လည်းဖြစ်တယ်။ တရုတ်ကွန်မြူနစ်ပါတီ ရဲ့ ဗဟိုဌာနချုပ်လည်း ဖြစ်တယ်။ အရှေ့ဘက် ပင်လယ်ဝါ နယ်စပ်အထိ၊ မြောက်ဘက် မန်ချူးရီးယားအထိ ကျယ်တဲ့ ဂျပန်ဆန့်ကျင်ရေး လှုပ်ရှားမှုတွေကို ညွှန်ကြားနေတဲ့ ပြောက်ကျားဌာနချုပ်လည်းဖြစ်တယ်။
ဒါတွေတင်မကပါ ယင်အန်းမှာ ကိုယ်ပိုင်အမြင်နဲ့ ရပ်တည်တဲ့ ပညာတတ်ကမ္ဘာလေးလည်းရှိပါသေးတယ်။ တော်လှန်ရေးသမား ဆိုတာ ပညာတတ်ဖို့လိုတယ် ဆိုတာကို ဥက္ကဌမော်စီတုန်း ဦးဆောင်တဲ့ တရုတ်ကွန်မြူနစ်ပါတီ က မေ့မထားပါဘူး။ ကွန်မြူနစ်ပါတီ မရောက်လာခင် က ယင်အန်းဟာ တရုတ်ပြည် မှာ လူမသိသူမသိ မြို့ပေါက်စလေးသာဖြစ်တယ်။ ကွန်မြူနစ်တွေ ရောက်လာပြီး လွတ်မြောက်နယ်မြေ ယာယီအစိုးရ အခြေချတဲ့အခါ မှာ တရုတ်ပြည်ပညာရေး အတွက် ဗဟိုဌာနတစ်ခုဖြစ်လာခဲ့တယ်။ မြို့ပေါ်က တက္ကသိုလ်ကျောင်းသား တွေဟာ ယင်အန်းက တော်လှန်ရေးတက္ကသိုလ်တွေမှာ ပညာသင်ဖို့ တဖွဲဖွဲ ဝင်ရောက်လာနေကြတယ်။
မော်စီတုန်းရဲ့ ဆရာဖြစ်ခဲ့တဲ့ ချန်ရှားက နော်မန်ကျောင်းဆရာဖြစ်သင်တန်း ကျောင်းအုပ် ဆူတေ့လီ က ပညာရေးစနစ်သစ်အခြေခံမူတွေ ရေးဆွဲခဲ့တယ်။ ဂျပန်ခုခံစစ်မတိုင်ခင်က ယင်အန်း တည်ရှိရာ
မြောက်ပိုင်းရှန်းစီးပြည်နယ်မှာ စာသင်ကျောင်း ၁၂၀ သာရှိခဲ့တာဖြစ်တယ်။ ဂန္တဝင် ကျမ်းလေးကျမ်းမှအပ ဘာမှမသင်ပေးဘူး။
၁၉၃၉ မှာ ယင်အန်း လွတ်မြောက်နယ်မြေမှာ မူလတန်းကျောင်း ၇၇၃ ကျောင်း၊ စံပြမူလတန်းကျောင်း ၇၈ ကျောင်းရှိလာတယ်။ သက်ကြီးစာသင်သားတွေ အတွက် ညကျောင်း ၂၀၈ ကျောင်း၊ အထက်တန်းကျောင်း လေးကျောင်းနဲ့ ကောလိပ်ကျောင်းသုံးကျောင်း ရှိလာတယ်။ အနုပညာတက္ကသိုလ်တစ်ခု(တခု)၊ စက်မှုလေ့ကျင့်ရေးကျောင်းတစ်ကျောင်း(တကျောင်း) နဲ့ လူငယ် သက်မွေးပညာ လေ့ကျင့်ရေးကျောင်း တစ်ကျောင်း(တကျောင်း) လည်းရှိတယ်။ တပ်နီတော်စစ်တက္ကသိုလ်ကိုတော့ ဂျပန်ခုခံရေးနှင့် နိုင်ငံရေးတက္ကသိုလ်လို့ နာမည်ပြောင်းပြီးဖွင့်လိုက်တယ်။ အဲ့ဒီတက္ကသိုလ်မှာ နှစ်စဉ်ကျောင်းသား နှစ်ထောင် အနည်းဆုံးတက် ကြပြီး ယင်အန်းတစ်ဝိုက်(တဝိုက်) တောင်စောင်းတွေပေါ်က ဂူတွေထဲမှာစာသင်ခန်းတွေဖွင့်ထားပါတယ်။ အမျိုးသမီးတက္ကသိုလ်တစ်ခု(တခု)လည်း ယင်အန်းမှာရှိပါတယ်။
ကိုးကား -
၁။ မီးလောင်မြေ (မြသန်းတင့်)
၂။ ဒီရေမြင့်သစ် (မြသန်းတင့်)
Myo Tayzar Maung
မနေ့က ကျွန်တော့ဆီကို ပညာရေးအတွက် အကြံတောင်းတယ်။ သူတို့လည်း လွတ်မြောက်နယ်မြေတခုမှာ ပညာရေးအတွက်ကြိုးပမ်းနေကြသတဲ့။ နေရာလည်း ပြောပါတယ်။ နယ်စပ်တွေမှာ မဟုတ်ပါ။ သူတို့လုပ်နေကြတာကိုလည်း ပြောတယ်။
ကျွန်တော်က ပညာရေးနယ်ကမဟုတ်လို့ ပေးတဲ့အကြံက အဆင်မပြေလောက်ပါလို့ ဖြေပါတယ်။
အခုစာကို သတ်ပုံပြင်သလို မြန်မာစာ စာလုံးပေါင်းက ဂွကျတယ်။ အမှန်အတိုင်းသင့်ပါလို့ ပြောမဖြစ်သေးတဲ့ကာလ။
ကျန်းမာရေးနဲ့ စီးပွါးရေးတွေ ဘယ်အစိုးရတက်နေနေ လုပ်ကြတာဘဲ။ အခုထိတော့ ညံ့တာနဲ့ ဆိုးတာသာ ကွာတယ်။ တိုင်းပြည်ကို ပညာရေးနဲ့ တည်ဆောက်ရမယ်။ သင်ပုန်းကြီးက စရမှာ။
ဒေါက်တာတင့်ဆွေ
Comments
Post a Comment