Hieroglyphic Burmese/Myanmar Writing အရုပ်စာ

မြန်မာစာ အဘယ်ကြောင့် မှားနေကြသနည်း မှတ်ချက်တခု ရတယ်။ 

မြန်မာစာမှာစာတည်းအဖွဲ့ (မြန်မာစာအဖွဲ့ + စာပေစိစစ်ရေး) ပေါ်လာပြီးကတည်းက အားလုံးပြောင်းကုန်တယ် မဆလဥက္ကဋ္ဌဦးနေဝင်းကခိုင်းတာတဲ့

ကျေးဇူး။

မြန်မာစာ ဘာ့ကြောင့် မှားနေကြသနည်းစာ တင်ပြထားပါတယ်။ ဦးနေဝင်းက အဓိကကျတာ မှန်ပေမဲ့ လက်ညှိုးထိုးစရာ တဒါဇင်ရှိပါတယ်။

မြန်မာစာ အဘယ်ကြောင့် မှားနေကြသနည်း ထပ်ဖြည့်စရာတွေ ရှိသေးသည် https://burmese-spelling.blogspot.com/2023/04/blog-post_114.html

မြန်မာစာ အဘယ်ကြောင့် မှားနေကြသနည်း https://burmese-spelling.blogspot.com/2022/08/blog-post_644.html

အခုစာအတွက် ပုံသုံးချင်လို့ ဂူဂယ်လ် မှာ ရှာတော့ အဲဒီပုံသာ တွေ့ရတယ်။ ဘားမိးစ် ဆိုတာ ကြောင် တဲ့။ ပျောက်ကွယ်သွားသော ဘာသာစကားများ နံပတ် ၁၀ ဖြစ်သွားပြီလို့ ထင်ရတယ်။

ဖေ့စ်ဘွတ်မှာ Emotion icons အီမိုရှင်းသင်္ကေတတွေကို သုံးနေကြတယ်။ ကျွန်တော်တော့ တချို့အရုပ်တွေကို ငိုတာလား၊ ရယ်တာလားမခွဲခြားတတ်ပါ။ Egyptian hieroglyphs အီဂျစ်အရုပ်စာခေတ်ကို ပြန်သွားနေသလိုပဲ။ 

• တကယ်ပါ = ဂယ်ပါ 

• ကိုယ့်ဟာကိုယ် = ကွကို 

• မြန်မာစာ မြန်မာစကား = ရေးတော့အမှန် ဖတ်တော့အသံ၊

• ဘာသာစကား အလေးမထားသူများ = ပြောတော့အမှား ရေးတော့အလွဲ၊

• မြန်မာစာ မြန်မာစကား အလားအလာ = မှား၊ လွဲ၊ ပျောက်ကွယ်၊ သေ။

• ကမာ္ဘမှာ Dead Languages သေသွားသလောက်ဖြစ်နေတဲ့ ရှေးဟောင်းဘာသာစကားတွေရှိတယ်။

၁။ Ancient Greek ရှေးဟောင်းဂရိ၊

၂။ Latin လက်တင်၊

၃။ Old Norse အိုက်စလန်၊ နော်ဝေ၊ ဒိန်းမတ်၊ ဆွီဒင် နို့စ် လက်ဟောင်း၊

၄။ Ancient Egyptian ရှေးဟောင်းအီဂျစ်၊

၅။ Sanskrit ဆန်းစ်ခရစ် (သင်္သကရိုက်၊ သက္ကတဘာသာ)

၆။ Middle English အလယ်ခေတ် အင်္ဂလိပ်၊

၇။ Aramaic အရှေ့အလယ်ပိုင်းဒေသ အာရာမစ်၊

၈။ Coptic ရှေးဟောင်းအီဂျစ် ကော့်ပ်တစ်၊

၉။ Biblical Hebrew ကျန်းစာသုံး ဟီဘရူး၊

နံပါတ် (၁ဝ) မှာ Myanmar မြန်မာစာမြန်မာစကား ထည့်ရမလားမသိပါ။ မြန်မာစာမြန်မာစကား သေမသွားစေချင်ပါ။

Ancient Egyptian Hieroglyphic Writing အရုပ်စာ 

ကွန်မင့်မှာဖြဟစ်ဖြစ် မက်စင်ဂျာကနေဖြစ်ဖြစ် စာနဲ့မရးဘဲ အရပ်တွေလာတယ်။ တချို့အရုပ်တွေက ဘာဆိုလိုသလဲ သိပ်နားမလည်။ ငီုသလား ရယ်သလား။ လက်ပြနှုတ်ဆက်တာလား ပါးချချင်တာလား။ 

တချို့အရုပ်တွေက နေရာကျဉ်းကျဉ်းလေးထဲမှာ ဘောလုံးကွင်းလောက်ကြီးမာတယ်။ လိုက်ဖျက်နေရတာ အလုပ်တခု။ အရောင်တွေကလည်း တဝင်းဝင်းနဲ့။ မျက်စိနောက်တယ်။

ဒါလည်း ကျေးဇူးတင်ရဦးမယ်။ စာနဲ့ရေးတော့ သတ်ပုံက မမှန်။ 

ဒါလည်း မပြည့်စုံသေး။ ရယ်ဒီမိတ် ဆုတောင်းစာတွေမှာ မြန်မာလိုရေးတာ သတ်ပုံမှား၊ အင်္ဂလိပ်လို စပယ်လင်မမှန်။ 

အရုပ်ခေတ်ကို ရောက်ရင်လည်း ခက်ဦးမှာ။ မြန်မာစာ။

ဒေါက်တာတင့်ဆွေ