တိရစ္ဆာန်

မင်္ဂလာပါဆရာ တိရိတ္ဆန်ကို စာလုံးပေါင်းအမှန်နဲ့စာလုံးပေါင်းရင် အသံထွက်ဘယ်လိုပေါင်းရမလဲဆရာ ကျောင်းနေကတည်းက ဆရာမပေါင်းပြတာ မကြားမိသလိုပဲ

စာလုံးပေါင်း = တိရစ္ဆာန်

အသံထွက် = တိရိတ်ဆန်

၁။ မင်္ဂလာပါဆရာ တိရစ္ဆာန် နဲ့ တိရိစ္ဆာန် ဘယ်ဟာအမှန်ဆိုတာ သိချင်လို့ပါဆရာ (တိရစ္ဆာန်)

၂။ ကျောင်းမှာ တိရိစ္ဆာန်လို့သင်ပြီး စာမေးပွဲမှာ တိရစ္ဆာန်လို မေးတယ်ဆရာ ဘယ်ဟာကအမှန်ဖြစ်မလဲလို့ ကလေးကမေးလို့ပါ (တိရစ္ဆာန်)

တရားစာတခုမှာ စကြာရေးတာ မှားနေတယ်။ စကြာဝဠာလို့ ရေးရ။ မြန်မာစာမှာသုံးနေတဲ့ မာဂဓဘာသာကို အခြေခံတဲ့ မြန်မာစာလုံးများကို ပါဠိသက် စကားလုံးများလို့ ခေါ်တယ်။

ပါဠိသက် စကားလုံးများ

ကထိန - ကထိန်

ကန္န - ကန်ရာသီ

ကမ္မ - ကံ

ကာယ - ကိုဝ် (ယ်)

ဂဏန - ဂဏန်း

ဂန္ထ - ကျန်းဂန်

ဂဟ - ဂြိုဟ် (သကဋ)

ဂုဏ - ဂုဏ်

ဂေါမုတ္တ - ဂေါမုတ်ကျောက်

စကြာဝတေးမင်း

စကြာဝဠာ

စက္က - စကြာ (သကဋ)

စျာန - စျာန်

စာရိတ္တ - စာရိတ်

စေတသိက - စေတသိက်

ဇနပဒ - ဇနပုဒ်

ဇာတက - ဇာတ်

ဉာဏ - ဉာဏ် (န်)

ဌာန - ဌာန်

တိရစ္ဆာန - တိရစ္ဆာန်

ဒါန - လှူဒါန်း

ဓမ္မပထ - ဓမ္မပဒ

ဓာတု - ဓာတ်

နက္ခတ္တ - နက္ခတ်

နာမ - နံ

နိယာမ - နိယံ

ပံသုကူလ - ပင့်သကူ

ပဉ္စယံ - ပစ္စယံ

ပဋိလောမ - ပဋိလုံ

ပဋ္ဌာန - ပဋ္ဌာန်း

ပဒ - ပုဒ်

ပဒ - ပုဒ်

ပယောဂ - ပြယုတ် (သကဋ)

ပရိသ - ပရိသတ်

ပါသာဒ - ပြသာဒ် (သကဋ)

ပုဂ္ဂလ - ပုဂ္ဂိုလ်

ပုထုဇန - ပုထုဇန်

ပုရောဟိတ - ပုရောဟိတ်

ပေတ - ပြိတ္တာ

ဗလ - ဗိုလ်

မဂ္ဂ - မဂ်

မဟာသမတ - မဟာသမတ်

ရူပ - ရုပ်

လောကဓမ္မ - လောကဓံ

သံယောဇန် - သံယောဇန် (ဉ်)

သကဒါမိ - သကဒါဂမ်

သဏ္ဌာန - သဏ္ဌာန်

သုဝဏ္ဏ - သုဝဏ်

သုဝဏ္ဏသာမ - သုဝဏ္ဏသျှံ

ဟံသာဝတီ - ဟင်္သာဝတီ

အဓိပတိ - အဓိပ်

အနာဂိမိ - အနာဂါမ်

အနုလောမ - အနုလုံ

အန္တရာယ - အန္တရာယ်

အပါယ - အပါယ်

ဥဒါန - ဥဒါန်း

အရုဏ - အရုဏ်

သမုဒ်ဧရာ၊ မြစ်ငါးဖြာမှ၊ ဆုံလာလှည့်ဝိုက်၊ ရစ်၍့ဆိုက်သား၊ လိုက်လိုက်ဖြိုးဖြိုး၊ ဖြန့်မိုးစကြာ၊ အဝါဟူးဟူး၊ နေထက်ထူးမျှ၊ ပန်းဦးမဉ္ဇူ၊ ဆက်လှူသဘင်၊ မြသီးတင်ဟု၊ (နတ်ရှင်နောင်)

စကားထာနဲ့ ပဟေဠိများကို ပြောပြကြတယ် https://dr-tint-swe.blogspot.com/2022/07/blog-post_239.html

ပဌမ နှင့် ပထမ https://dr-tint-swe.blogspot.com/2021/05/blog-post_77.html

အဆင့်ပါစာလုံးများ https://dr-tint-swe.blogspot.com/2021/12/blog-post_120.html

အန္တရာယ် https://dr-tint-swe.blogspot.com/2021/12/blog-post_450.html

အဓိဋ္ဌာန် သန္နိဋ္ဌာန် https://dr-tint-swe.blogspot.com/2022/02/blog-post_264.html

ဋ္ဌ နဲ့ ဠ မှားရေးထားတယ် https://dr-tint-swe.blogspot.com/2022/08/blog-post_266.html

ပြီးခဲ့တဲ့အပတ်က ကွန်မင့်ကနေ အမျိုးသမီးအမည်နဲ့ အကောင့်တခုက အရုဏ် ကို အာရုဏ်လို့ရေးလည်း မှန်တယ်လို့ ၃ ခါလောက်လာငြ်းတယ်။ ဘုန်းကြီးတွကိုမေးပါလို့လည်း သက်သေထူသေးတယ်။ ဝါဝါမြင်တိုင်း သင်္ကန်းမှတ်နေပုံရတယ်။ 'အရုဏ်' ဆိုတာ 'အရုဏ' ကနေလာတယ်။

အရုဏ = ရှေးဦးတက်လာသော နေရာင်။ အရုဏ်။

အရုဏ = စဉ်းငယ်နီမြန်း။

အရုဏ်ဟူသည်မှာ အရုဏ ဟူသော ပါဋ္ဌိ(ပါဠိ)မှ ဆင်းသက်သော မြန်မာဝေါဟာရဖြစ်၍ နီမြန်းသော (ဝါ) ရှေးဦးစွာ တက်လာသော နေ၏အရောင်ဟု ဆိုလိုပါသည်။

ဂူဂယ်မှာ 'ပါဠိ' ကို 'ပါဋ္ဌိ' လို့မှားရေးထားတယ်။ စာမတတ်သူတွေက အဟုတ်မှတ်ကြဦးမှာ။ သူတို့လည်း ဝါဝါမြင် ဆနွင်းမှုန့် (နနွင်းမှုန့်) မှတ်ကြသူတွေ။

ဒေါက်တာတင့်ဆွေ