ပြည်ပနိုင်ငံရေးထဲက မိတ်ဆွေတဦးတင်တာ။ ရင်းနှီးသူဖြစ်လို့ ရေးလိုက်မိတယ်။
Women's World Cup မှတ်လို့ဗျာ။ ပေါ့တန်တန်ဖြစ်သွားလို့ ဆောရီး။
သတင်းတွေကြားလို့ သတိထားမိအောင်ပါဆရာ။ ဘောလုံးပွဲ မဟုတ်ဘူး။ ဝိညာဉ်ချင်း ချည်ပြီး ရိုက်တဲ့ပွဲ။ ကြားရတာသာမှန်ရင် ကြောက်စရာ အံ့ဩစရာပါဆရာ။ သမိုင်းတဖြတ်သံယောဇဉ်နဲ့ ကောလဟလ ဖြစ်ပါစေ။
သူက တိုင်းရင်းသားခေါင်းဆောင်တဦး။
တချိန်တည်းမှာ ကွန်မင့်တခုလည်းရတယ်။
လူငယ်တွေအတွက် နိုင်ငံရေးသဘောတရား အတွေ့အကြုံလေးတွေတင်ပေးပါအုံး။
တင်ပြချင်ပါရဲ့ ဒါပေမဲ့ -
ကျွန်တော် မေးလို့ဖြေရတဲ့ အင်တာဗျူးတွေမှာ ပြောခဲ့တာလည်း များပြီ။ အသစ်ဖြစ် 'ပျက်' မှုတွေလည်း ရှိလာတယ်။
တမြန်နေ့က ဒီမြို့မှာ နိုင်ငံရေးဆွေးနွေးပွဲတခုက ဖိတ်လို့ တက်ရပါတယ်။ နွေဦးတော်လှန်ရေးထဲက လူသိများတဲ့သူတွေလည်း လာကြတယ်။ ကျွန်တော်က နည်းနည်းတော့ ပြောရတယ်။ အခြေခံသာ ပြောတယ်။ တိုင်းသူပြည်သားတွေ ပညာရည် (ပညာရေး) နိမ့်ကျလို့ (နှိမ့်ချခံထားရလို့) စဉ်းစားတွေးခေါ်မှုပါ ကျဆင်းနေတယ်။ 'ဒီအက်စ်အေ' မှာ သင်တဲ့သမိုင်းက လူတွေသင်တဲ့သမိုင်းနဲ့ မတူဘူး။
တာဝန်ရှိသူတဦးက ပညာရေးမူသစ်မှာ သမိုင်းဘာသာ ချန်ထားဦးမယ်တဲ့။
ဘာကြောင့်လို့ အတန်အသင့် နားလည်နိုင်ပါတယ်။ သမိုင်းစာအုပ်ကောင်း (မှန်) မရှိသေးပါ။
နယူးဒေလီမှာ နေစဉ်က ပညာသင်ဆုအတွက် အင်တာဗျူးလုပ်တော့ မြန်မာပြည် ဘယ်ကိုလိုနီအောက်ကနေ လွတ်လပ်ရေးရသလဲမေးတာ့ ဖြေတဲ့သူက တရုပ်လက်အောက်ကတဲ့။ ဖြေတဲ့သူက အင်္ဂလိပ်စာတော့ ကောင်းပါတယ်။
တခြားတိုးတက်တဲ့နိုင်ငံတခုသွားပြီး ပညာသင်ရသူတယောက် လှမ်းမေးပါတယ်။ သူတို့ကျောင်းမှာ မြန်မာပြည်အကြောင်း မေးကြတော့ မဖြေတတ်လို့တဲ့။ 'ဖဆပလ' ဆိုတာ။ 'မဆလ' ဆိုတာဘာ။ 'နဝတ-နအဖ' ဆိုတာ ဘာ။ 'အင်နယ်လ်ဒီ' က ဘာ။ ဘိုလို ရေးပေးရတယ်။
ကနေ့ ဘိုလိုတတ်သူတွေများလာပြီ။ သမိုင်းမသိသူတွေသာမက မြန်မာစာ မသိသူတွေလည်း များလာပြီ။
ဒေါက်တာတင့်ဆွေ
Comments
Post a Comment