Block လိုက Block နိုင်ပါသည်

ကွန်မင့်တခု = ဘလော့သည် မြန်မာစာမဟုတ်ပါ။ မြန်မာလို ဘလော့ဟု ရေးခြင်းအားဖြင့် Blog,Vlog,Block.. စသဖြင့် အမြင်မှားနိုင်ပါသည်။ ဆရာအနေဖြင့် မြန်မာဆန်ဆန် "ပိတ်ပင်တားဆီးပါမည်" ဟု သုံးမှသာ မှန်ပါလိမ့်မည်။

အဲဒီကွန်မင့်ကို သဘောကျနေသူက ၁၀ ယောက်ရှိပြီ။

ပိတ်ပင်တားဆီးပါမည်ဆိုရင် ကျွန်တော်က လမ်းပေါ်မှာ ကားယားကြီးလုပ်နေသလိုဖြစ်ပါတယ်။

ခေတ်သုံးစကားလုံးတွေ -

ဖေ့စ်ဘွတ်၊ ရှယ်၊ ပို့စ်၊ ကွန်မင့်၊ အင်တာနက်၊ ဝိုင်ဖိုင်၊ ကွန်ပြူတာ၊ အိုင်ဖုန်း၊ တက်ဘလက်၊ ဂိမ်း စသည်။ တချို့က အန်တဲ့၊ အက်တဲ့။ 

အိမ်သုံးစကားလုံးတွေ -

ရေဒီယို၊ တီဗွီ၊ ကား၊ ပန်ကာ၊ အေစီ၊ ဆိုဖာ စသည်။

ကျန်းမာရေးသုံးစကားလုံးတွေ -

ကိုဗစ်၊ အာထွာဆောင်း၊ ကင်ဆာ၊ ခီမိုသာရာပီ၊ စကန် စသည်။

စားစရာတွေ -

အာလူး၊ စမူဆာ၊ စထောဘယ်ရီ၊ ပူရီ၊ ကော်ဖီ စသည်။

အဲဒီစာလုံးတွေကို ဘိုလို ရေးရမှာလား။ ခေတ်ကလည်း ကင်ဆာမေးခွန်းတွေမှာ အင်္ဂလိပ်စာလုံးတွေ ဖောခြင်းသောခြင်း ရေးနေကြတာ။ တခါတခါဆရာဝန်တောင် လိုက်မမီ။ 

ဘန်ကောက်၊ ဒေလီ၊ စင်္ကာပူ၊ အမေရိကန်၊ အင်္ဂလန်၊ အာဖရိက၊ သြစတေးလျ၊ ဂျာမဏီ တွေကို ဘိုလိုရေးစေချင်တာလား။

အင်္ဂလိပ်ဆိုတဲ့စာလုံးကိုပါ အေဘီစီ နဲ့ ရေးချင်ပါသလား။

ကား = ဘီး သုံး၊ လေး၊ ဆယ်ဘီးပါသည့် စက်တပ်ထားသော လှည်းထက် မြန်သည့် ခေတ်မီယာဉ်တမျိုး။

မြန်မာလိုရေးလိုက်၊ အင်္ဂလိပ်စာလုံးလေးတွေထည့်ရေးလိုက်၊ ကပြားရေးလိုက် ရေးနေသူကို Block လိုက Block နိုင်ပါသည်။

Adopted Words မွေးစားစာလုံးများ https://burmese-spelling.blogspot.com/2023/01/adopted-words.html

ဒေါက်တာတင့်ဆွေ