ပင်လုံစိတ်ဓာတ်မှသည် စစ်မှန်သောဒီမိုကရေစီ ဖက်ဒရယ်ပြည်ထောင်စု တည်ဆောက်ရေးဆီသို့

ဒီ အရေးပါတဲ့စာအုပ်ကို ခွန်မာရ်ကိုဘန်းက ရေးသားပြုစုပါတယ်။ အဲဒီရက်တွေမှာ ကျွန်တော်လည်း ထိုင်းနိုင်ငံ၊ မဲဆောက်မြို့မှာရှိတဲ့ သူနေထိုင်ရာနေအိမ်မှာ တည်းခိုနေစဉ်က ဖြစ်ပါတယ်။ 

စာအုပ်ပါ ဗမာ နဲ့ မြန်မာ စာမျက်နှာ ၂ ခုကို တင်ပြပါတယ်။ အကြောင်းအရာဟာ နိုင်ငံရေးအရ အရေးပါသလို စာအုပ်ထဲက မြန်မာစာကလည်း မြန်မာစာအတွက် သက်သေခံအထောက်အထားတခုလည်း ဖြစ်ပါတယ်။ 

- မြန်မာစာ စာလုံးပေါင်းသတ်ပုံတွေလည်း မှန်တယ်။

- စာအုပ်ကို ရေးသားပြုစုသူက တိုင်းရင်းသားလူမျိုးတမျိုး ဖြစ်ပါတယ်။ ကယန်းလူမျိုး။

- အကြောင်းအရာ အချက်အလက်တွေကလည်း စာရေးသူတဦးတည်းရဲ့ သဘောထား မဟုတ်ပါ။ 

- တိုင်းရင်းသားလူမျိုးစု တခုတည်းရဲ့သဘောထားလည်း မဟုတ်ပါ။ 

- နိုင်ငံရေးအဖွဲ့စည်းတခုတည်းရဲ့ သဘောထားလည်း မဟုတ်ပါ။

ခွန်မာရ်ကိုဘန်းဟာ NCGUB အမျိုးသားညွန့်ပေါင်းအစိုးရရဲ့ တိုင်းရင်းသားရေးရာဝန်ကြီးအဖြစ် အစအဆုံး တာဝန်ယူခဲ့သူဖြစ်ပါတယ်။ နအဖ ကနေစီစဉ်တဲ့ အမျိုးသားညီလာခံ အစပိုင်းမှာလည်း သဘာပတိတဦး ဖြစ်ပါသေးတယ်။ အမျိုးသားညီလာခံကနေ စွန့်ခွါပြီး မာနယ်ပလောကို ရောက်လာသူ ဖြစ်ပါတယ်။ 

အဲဒီကာလမှာ KNU ဗိုလ်ချုပ်မြ၊ KIA ဘရန်ဆိုင်း၊ NMSP နိုင်ရွှေကျင်၊ KNPP ဗိုလ်ချုပ်အောင်သန်းလေး အပါအဝင် တိုင်းရင်းသား လက်နက်ကိုင်အဖွဲ့အစည်း ခေါင်းဆောင်တွေ သက်ရှိထင်ရှား ရှိကြပါသေးတယ်။ NDF, CRDB, ABSDF, NLD/LA, NCGUB စတဲ့ အဖွဲ့အစည်းပေါင်းများစွာလည်း မာနယ်ပလောမှာ အခြေစိုက်ကြပါတယ်။ နောက်ပိုင်းမှာ DAB နဲ့ NCUB တပ်ပေါင်းစုတွေလည်း ရှိလာတယ်။

- သမိုင်းအမှန်မသိရင် အလိမ်အညာခံရတတ်တယ်။ 

- သမိုင်းမှန်ကို အခြေမခံသူတွေနဲ့လည်း တိုင်းပြည်တည်ဆောက်လို့မရနိုင်။ ပြုပြင်လို့ မရသင့်။

- လက်နက်အားကိုးနဲ့လည်း မရသင့်ပါ။ 

- နိုင်ငံရေးအင်အားနဲ့ ပြည်သူလူထုအင်အား လိုအပ်တယ်။

ဒေါက်တာတင့်ဆွေ