ရိုးတလျှောက် ခွန်းတောက်

ပ​တ္တမြား​ရောင် ဖားက​ပေါင် သံလွင်လွင်နဲ့​ ရွှေညံပင်ရှုပ်မရှင်းတယ် အဓိပ္ပါယ်ကိုရှင်းပြပါဆရာ။

ရိုးတလျှောက်ခွန်းထောက်ကို ဦးကြီးရေးတာလို့ ထင်ရှားပေမဲ့ တချို့က အမည်မသိရှေးစာဆိုလို့ ဆိုပါတယ်။

ကိုးကားကြတာတွေ၊ ပြန်ထုတ်တွေ၊ ကျောင်းသုံးပုံနှိပ်တာတွေနဲ့ အွန်လိုင်းမှာတင်တာတွေက စာလုံးပေါင်းသတ်ပုံ မှန်တာ ရှားတယ်။

ရိုးတလျှောက်

ဖြိုးမောက်ပါတဲ့ လယ်ပတူ။

အရွက်ချွန်း ကန်စွန်း ပုစွန်စာနှင့်

လွန်တရာ ကညို့ပေါတယ်

တောဖြစ်လို ထူ။

မှိုနတို ငွေရောင်ပျော့ငယ်နှင့်

ရွှေကနဖော့ ကြာရိုးဖြူ

ချိုးယူလို့ မကုန်ခန်း။

ပတ္တမြားရောင်

ဖားကပေါင် သံလွင်လွင်နှင့်

ရွှေညံပင် ရှုပ်မရှင်းတယ်

ကွင်းပြည့်ကမန်း။ ။ (ဦးကြီး) 

ခွန်းတောက်ကို ၄ တန်းမှာလည်း သင်သတဲ့။ ကျောင်းသုံးစာအုပ်ဆိုပြီးတင်ကြတာ မူရင်းကဗျာအတိုင်း မှန်တာရယ်လို့ မတွေ့ပါ။ မူရင်းကဗျာပါ စာလုံးပေါင်းသတ်ပုံတွေကို မှားအောင်ပြင်ထားကြတယ်။ မလုပ်ရပါ။ နိုင်ငံတော်ကြီးက ကျောင်းသားတွေကို အမှားသင်ပေးနေတာဖြစ်တယ်။ 

ကျောင်းပြဋ္ဌာန်းစာအုပ်မှာ ကညှို့လို့ ရေးထားတယ်။ ဟထိုးပါနေတယ်။ ကညို့ကသာ မှန်ပါမယ်။ 

ရိုးတလျှောက် ကို ရိုး(တစ်)လျှောက် မှားရေးထားတယ်။

လွန်တရာကို လွန်(တစ်)ရာ မှားရေးထားတယ်။

အဲဒါမျိုးတွေကိုသာသင်ယူရတဲ့ ကလေးတွေက အခု ဆရာကြီးဆရာမကြီးတွေ လုပ်နေကြလို့ စာကိုမှန်အောင်မရေးတတ်ကြပါ။ 

- တချို့က စာရေးဆရာတဲ့။ 

- တချို့က ကဗျာဆရာတဲ့။ 

- တချို့က နည်းပညာဆရာတဲ့။ 

- တချို့က ဒီဇိုင်းဆရာတဲ့။ 

- တချို့က မြန်မာစာဆရာတဲ့။

မှားတဲ့သူကိုဆရာတင်တဲ့ အကျင့်စရိုက်လည်း ဖြစ်လာနေတယ်။ အရေအတွက်အင်မတန်များတယ်။ တိုင်းပြည် နာတယ်။

ကညို့ဆိုတာ လယ်ကွင်းမှာပေါက်လေ့ရှိတဲ့ အတို့အမြှုပ်အဖြစ်စားရတဲ့ ရိုးတံနီ ပင်ငယ်တမျိုးဖြစ်တယ်။ ကညွတ်ဆိုတာက အက်စပါးရိဂတစ် ခေါ် အစို့အညှောက်ကို ချက်စားရတဲ့ အပင်ငယ်ငယ်တမျိုးဖြစ်တယ်။ 

သတ်ပုံမှန်ခေတ်ကအတိုင်း ရွှေသွေးဂျာနယ်များကနေတင်ထားတာ မှန်တယ်။

https://www.youtube.com/watch?v=BOtcneEi0UA

https://soundcloud.com/zawminooewnefs/mp3-1

ရိုးတလျှောက် ဖြိုးမောက်ပါတဲ့လယ်ဗဒူ (ခွန်းထောက်-ဦးကြီး) https://www.youtube.com/watch?v=BOtcneEi0UA

https://soundcloud.com/maungko/c5tuf02uqibg?in=thant-zin-ခွန်းထောက် - ရိုးတလျှောက် (ဦးကြီး) oo-457579042/sets/vw2so2kzbtfh

လယ်ပတူ = အသံထွက်လယ်ပဒူ။ ရေစပ်စပ်ရှိသော မြေကွက်များတွင် အလေ့ကျပေါက်လေ့ရှိသော တို့စရာအဖြစ် စားသုံးရသော ပင်နိမ့်တမျိုး။

မှတ်ရန် - ကဗျာ သီချင်းတွေကို ရွတ်ဆိုတဲ့အခါ အသံထွက်ကို ယူပါတယ်။

သီချင်းဆိုတတ်သူနဲ့ မဆိုတတ်သူ ကွာသေးတယ်။ ဝတ်ကောင်းစားလှတွေ၊ မိတ်ကပ်တွေ၊ ဆံပင်ရှည်တွေ၊ ဘောင်းဘီရှည်တွေနဲ့ဆိုကြလည်း မှန်အောင်ဆိုတတ်သူက ရှားတယ်။

ကစွန်း ကန်ဇွန်း ကန်စွန်း https://burmese-spelling.blogspot.com/2024/05/blog-post_799.html

ကညွတ် ကညို့ https://burmese-spelling.blogspot.com/2024/09/blog-post_596.html

ပုစွန်စာရွက် https://burmese-spelling.blogspot.com/2024/09/blog-post_852.html

ဒေါက်တာတင့်ဆွေ