မြန်မာစာသတ်ပုံမှန်ခေတ်က “တချိန်” လို့သာ တတိုင်းတပြည်လုံးက ရေးသားကြတယ်။
“တချိန်” ကနေ “တစ်ချိန်” ဘယ်တော့ဖြစ်သွားရသလဲ
ဆရာဝန်ဆိုတာ ရောဂါတခုစီတိုင်းကို အဲလိုလေ့လာရပါတယ်။
သိအောင် အတော်ကြိုးစားရှာရတယ်။ လက်ထဲမှာ ၁၉၉၁ ခု စက်တင်ဘာလထုတ် မြန်မာအဘိဓာန်ရှိတယ်။ ဒိထက်စောမယ်လို့ ထင်ထားတယ်။ ပဌမအကြိမ် စစ်တပ်ကအာဏာသိမ်းပြီး မဆလ မကျဆုံးခင် နှစ်အနည်းငယ်လောက်မှ သတ်ပုံမှားတွေ ပြောင်းတယ်ဆိုတာကို သတိထားမိတယ်။ ကျွန်တော်သိတာ နည်းနည်းနောက်ကျတယ်။ သေချာအောင် လိုက်ရှာပါတယ်။
"တိုင်တစ်ရာ"
နိုင်ငံရေးကြောင့် ၁၉၉၀ ခုနှစ်အကုန်မှာ တိုင်းပြည်ကနေထွက်ပြေးရကတည်းက ပြန်တွင်းကစာအုပ်တွေနဲ့ အဆက်ပြတ်သွားပါတယ်။ စာအုပ်မှာလို့မရ။ စာပို့လို့မရခဲ့ပါ။ နဝတ စစ်အစိုးရက သူလို့အာဏာ တည်မြဲစပြုလာတော့ တင်းကျပ်မှုတွေ နည်းနည်းနည်းနည်းလျှော့လာတော့ စာအုပ်တချို့ နယူးဒေလီအထိ မှာယူလို့ရလာတယ်။ အဲဒီမှာ မျက်လုံးပြူတော့တာဘဲ။
၂၀၁၀၊ အောက်တိုဘာလထုတ် မြန်မာသစ် ရသစုံမဂ္ဂဇင်း၊ စာမျက်နှာ ၉၉ မှာ သာရဝေါစိုးကြည် ရေးသားတဲ့ အမျိုးသားပညာဝန် ဦးဖိုးကျားဆောင်းပါးမှာ ကျောင်းနာမည်ဟာ “တိုင်တစ်ရာ” လို့ရေးထားတွေတယ်။ တသက်လုံး တိုင်တရာ၊ ပန်းမျိုးတရာ၊ လမင်းတရာ၊ နှစ်တရာလို့သာ ရေးလာဖတ်လာခဲ့တာ။ တသက်နဲ့တကိုယ် တရာကို စသတ်နဲ့ရေးတာကို ပဌမဦးဆုံး ဖတ်ရခြင်းဖြစ်ပါတယ်။
မြန်မာ့စွယ်စုံကျမ်း၊ အတွဲ ၇၊ စာမျက်နှာ ၂၉၂-၂၉၃ မှာ အမျိုးသားပညာရေးလောကတွင် ဦးဖိုးကျားသည် ကျော်ကြားသောခေါင်းဆောင်ကြီးတဦးဖြစ်သည်။ မြန်မာစာပေလောက၌ ထင်ရှားသောပုဂ္ဂိုလ်တဦးလည်း ဖြစ်သည်။ ပုသိမ်မြို့ တိုင်တရာ စကောကရင်ကျောင်းတွင် ဆက်လက်ပညာ သင်ကြားလို့ပါတယ်။
"တစ်ရောဂါ" ဘယ်တုန်းက တရားဝင်စလဲ
တလောကမှ Myanmar Digital News မှာ တင်ထားတာကို ဖတ်ရတယ်။ ၁၉၈၆ ကတည်းက စတယ်လို့ မြန်မာစာအရာရှိကြီးတဦးက ဆောင်းပါးရေးတော့မှ ၁၉၈၆ ခုနှစ်ကို သိပါတယ်။
“မြန်မာစာကို မတတ်ဘဲနဲ့ မြန်မာစာနဲ့ပတ်သက်ပြီးတော့ Facebook တို့ဘာတို့မှာ အလကား လျှောက်ရေး နေကြတာတွေရှိတယ်။ မြန်မာစာကိုတန်ဖိုးမထားကြဘူး၊ အထူးသဖြင့် မြန်မာစာ စာလုံးပေါင်းသတ်ပုံကျမ်း ဆိုတာ ၁၉၈၆ ခုနှစ်ကနေ နိုင်ငံတော်က ပြဋ္ဌာန်းထားတာ အခုဆိုရင် ၃၆ နှစ် ရှိသွားပါပြီ။”
ဆောင်းပါးထွက်ပြီး သိပ်မကြာခင်မှာ စာရေးဆရာဆိုသူတယောက်က ဂျာနယ်တခုမှာ အဲလို “တစ်တာ မှန်ကြောင်း” ဘုန်းတော်ဘွဲ့ရေးပြန်တယ်။ အဲဒီစာရေးဆရာအမည်ကို ဘယ်သူကတင်တင် တွေ့တိုင်း ဘလော့တယ်။
သတ်ပုံတွေ ဘယ်တော့ ပြန်မှန်မလဲ
ပြန်မှန်တဲ့နေ့စွဲကို နောက်လူတွေက သတိထားစောင့်ကြည့်ကြစေချင်တယ်။ ကျွန်တော်ကတော့ မမီလောက်ဘူး ထင်တယ်။ မှားအောင်လုပ်တာက အမိန့်စာတခု ထွက်ရင်ရတယ်။ ပြန်မှန်ရေးဆိုတာတိုင်းက ကြာတယ်။
ဒေါ်မှား အသက် ၃၆ နှစ်တဲ့။
ဒေါက်တာတင့်ဆွေ
Comments
Post a Comment