Correction အမှားပြင်ဆင်ခြင်း

ကွန်မင့်တခု = ဆရာ့အရေးအသား အဖြတ်အတောက်တွေ တချို့နေရာတွေမှာလွဲနေတာတွေ့ရတယ်ဆရာ မြန်မာစာမှာ သတ်ပုံမှန်မှမဟုတ်ဘူး အဖြတ်အတောက်လွဲရင်လဲ အဓိပ္ပါယ်အများကြီးလွဲသွားနိုင်ပါတယ်ဆရာ

ခဏခဏ ထပ်ခါထပ်ခါ တင်ပြထားပါတယ်။

ကျွန်တော်စာရိုက်တာ တခါတခါမှားရိုက်မိတယ်။ ဆောရီး။

ကိုယ်အမည်တောင် မှားရေးမိသေးတာ။

အမှားကို ထောက်ပြပြင်ပေးနေသူ ၂ ယောက် ၃ ယောက် အမြဲရှိတယ်။ သူတို့က စည်းကမ်းနဲ့ ယဉ်းကျေးမှု ရှိကြတယ်။ မက်စင်ဂျာကနေ မှားနေတဲ့နေရာကို ဝိုင်းပြ၊ မျဉ်းသားပြတယ်။ ကျေးဇူး။

တကယ်လို့ ကွန်မင့်နေထောက်ပြတာဆိုရင် ကျွန်တော်က မှန်အောင်ပြင်ပြီးတာနဲ့ သူတို့ကွန်မင့်ကို ဖျက်ပေးကြတယ်။ ကျေးဇူး။

အရင်နှစ်တွေကရေးတာမှာ အမှားပိုများတယ်။ ဆောရီး။ မှားမှန်းသိတာနဲ့ မှန်အောင်ပြင်ပါတယ်။

ညအိပ်ခါနီးတင်တဲ့စာ ပိုမှားတယ်။ တရေးနိုး၊ ဒါမှမဟုတ် မနက်ထတော့ ပြင်ရတယ်။ ဆောရီး။

ကျွန်တော်ဆိုရှယ်မီဒီယာမှာ စာရေးနေတာ ၁၅ နှစ်ကျော်ပြီ။ ပုဒ်ရေ ထောင်သောင်းများပြီ။ 

ဘယ်စာထဲက ဘယ်နေရာမှာလို့ ထောက်မပြရင် ပြန်ရှာရတာ ခက်တယ်။

အဖြတ်အတောက် ခေါ် ယတိ စနစ်မတူတာလည်း ရှိတယ်။ မူရင်းစာအတိုင်း သတ်ပုံတွေကို မှားအောင်မပြင်ဘဲ တင်သူတွေရဲ့ ကဗျာတွေကို ကူးယူတင်ပြတိုင်း ကျွန်တော်က အဖြတ်အတောက်တွေကို ပြင်ပါတယ်။

1-2-3 တွေကို ၁-၂-၃ လို့ ပြင်ပါတယ်။

ပန်ကျူယေးရှင်းသင်္ကေတတွေ မထည့်ပါ။

ပုဒ်ထီး ပုဒ်မ ရှေ့မှာ တကွက် မခြာရပါ။

ပုဒ်ထီး ပုဒ်မ နောက်မှာ တကွက်ခြာရတယ်။ တကွက်ထက်လည်း မပိုရပါ။

ဒေါ့ ခေါ် ဖူးလ်စတော့ တွေကို ပြင်ပါတယ်။ မြန်မာစာမှာ ဖူးလ်စတော့ မရှိပါ။

ပန်းရုပ်၊ အကောင်ရုပ်၊ ရယ်၊ ငို၊ လက်မ စတဲ့ အရုပ်တွေကို ပြင်ပါတယ်။ မြန်မာစာက ရှေးဟောင်းအီဂျစ်စာ မဟုတ်ပါ။

စာရေးတာ စာရိုက်တာ ကိုယ့်မူနဲ့ကိုယ်တော့ ရှိပါတယ်။

လက်ရေးမူ မဟုတ်ရင် ပုံနှိပ်တိုက်မူဖြစ်တယ်။

ထပ်ပြောပါဦးမယ်။ ကျွန်တော်က ၁၀၀% တော့ မမှန်ပါ။ ဆောရီး။

Punctuation မြန်မာစာ ပန်ကျူယေးရှင်း https://burmese-spelling.blogspot.com/2023/11/punctuation.html

Punctuation Marks မြန်မာစာ ပန်ကျူယေးရှင်း အမှတ်အသားများ https://burmese-spelling.blogspot.com/2022/08/punctuation-marks.html

မြန်မာစာရေးနည်း သံခိပ် နိယံ (လယ်တီ အရှင်ကေလာသ) https://burmese-spelling.blogspot.com/2022/12/blog-post_175.html

ပန်ကျူယေးရှင်း https://burmese-spelling.blogspot.com/2022/10/blog-post_398.html

ဒေါက်တာတင့်ဆွေ