Venus de Milo ဗီးနပ်စ် ရုပ်တု (အဆက်)

Aphrodite of Melos လို့လည်း ခေါ်တယ်။

ဒီအကြောင်းကို ဘာသာပြန်ပြီတင်ထာတာကြာပြီ။ တတိယအကြိမ်တင်တော့ တယောက်က နတ်မင်းကြီးကဒဏ်ခတ်လို့ လက်ပြတ်နေတာဆိုပြီး ရေးတယ်။ 

မဟုတ်ပါ။

ဗီးနပ်စ် ရုပ်တုဟာ ဂရိ မာဘယ်ကျောက်လက်ရာအကောင်းစားတခုဖြစ်ပါတယ်။ Hellenistic period ခေတ်ကာလက ထုလုပ်ထားတာ။ ခုနှစ်အတိအကျ အခုထိမသိကြသေးပါ။ ဘီစီ ၂ ရာစု (ဘီစီ ၁၆၀ - ၁၁၀) လို့ အများက ယူဆကြတယ်။

ရုပ်တုကိုရှာဖွေတွေရှိတာက ၁၈၂၀ ခုနှစ်က။ ဂရိနိုင်ငံ Milos ကျွန်းမှာ တွေ့ပါတယ်။

ရုပ်တုကို ပြင်သစ်နိုင်ငံ Louvre Museum မှာ ၁၈၂၁ ခုနှစ်ကတည်း ပြသထားတယ်။

ဗီးနပ်စ် ရုပ်တုဟာ Aphrodite ခေါ် နတ်သမီးပုံထုထားတာလို့ ယူဆကြတယ်။ အဲဒါက Greek goddess of love အချစ်နတ်သမီး။ ရိုမန်လို Venus ဗီးနပ်စ်။

Parian marble ကျောက်သားနဲ့ ထုထားတယ်။ အမြင့်က 2 metres (6 ft 7 in) သာမန်လူ့အရပ်ထက် မြင့်တယ်။

ရုပ်တုကို စတွေ့ကတည်းက လက်နှစ်ဘက်လုံးပြတ်နေပါတယ်။ ခုထိရှာမတွေ့သေးတဲ့ မူလလက်အနေအထားက ဘယ်လိုလဲ မှန်းဆချက်တွေသာ ရှိတယ်။

အယူအဆတရပ်ကတော့ နတ်သမီးဟာ ပန်းသီးတလုံးကိုင်ထားမယ်။ ရှာဖွေတွေ့ရှိစဉ်က မာဘယ်ကျောက်နဲ့ ပန်းသီးကိုင်ထားတဲ့လက်ပြတ်ကိုလည်း တွေ့လို့ ယူဆတာဖြစ်တယ်။ ဒါပေမဲ့ မူရင်းအစစ်အမှန်ကို အတည်ပြုချက် မရှိသေးပါ။

ဇီးယပ်စ်နတ်မင်းကြီးက ဒဏ်ခတ်တယ်လို့ အင်္ဂလိပ်လိုရေးသားတာ မတွေ့ပါ။

ဘယ်အကြောင်းအရာကိုမဆို ခိုင်မာတိကျတဲ့ အထောက်အထားမပါသေးဘဲ အလွယ်တကူထင်မှတ်တာ မှားလေ့ရှိတယ်။

Venus de Milo ဗီးနပ်စ်ကို လက်သစ်မတပ်ပါနဲ့ https://burmese-spelling.blogspot.com/2023/03/venus-de-milo.html

Greek Mythology ရှေးဟောင်းဂရိ ဒဏ္ဍာရီ https://burmese-spelling.blogspot.com/2024/08/greek-mythology.html

ဒေါက်တာတင့်ဆွေ