Chauvinism အမေးရှိက ဖြေဆိုရ၏ (၂)

ဆရာ ဗမာ လူမျိုးကြီးဝါဒ ဆိုတာပြောပြ ပေးပါ

တတ်သိသူတွေက ရေးကြပါတယ်။ ကျွန်တော်လည်း ခပ်ငေါ့ငေါ့ တခါရေးဖြစ်သေးတယ်။ အားနာလို့ ထပ်မရေးဖြစ်သေးပါ။

ဗိုလ်နေဝင်းက လူကောင်းလူတော်တဲ့။ ‘ကောင်း’ စာလုံးနဲ့ ‘တော်' စာလုံးကို အားနာရပါမည်။

မင်းရဲဒိဗ္ဗ သတ္တိကောင်းသတဲ့။ ‘သတ္တိ’ စာလုံးကို အားနာရပါမည်။

ဗိုလ်ခင်ညွန့်နဲ့ထောက်လှန်းရေးက လက်စောင်းထက်သတဲ့။ ‘ထက်’ စာလုံးကို အားနာရပါမည်။

အဝတ်အစားလက်နှစ်လုံးလောက်သာဖုံးဝတ်တဲ့ မော်ဒယ်က လှသလဲ့။ ‘လှ’ စာလုံးကို အားနာရပါမည်။

လက်နက်နဲ့အာဏာသိမ်းထားသူက လက်နက်နဲ့ငြိမ်းချမ်းရေး လဲတဲ့။ ‘ငြိမ်းချမ်းရေး’ စာလုံးကို အားနာရပါမည်။

မဟာလူမျိုးကြီးဝါဒ တဲ့။ ‘မဟာ’ စာလုံးကို အားနာရပါမည်။

အဟုတ်ကြီးထင်မှတ်သူတွေကလည်း မနည်းပါ။

ကျွန်ုပ်တို့သည် စကားလုံးဝေါဟာရများကို နတ်သုဒ္ဓါသဖွယ် သုံးစားနေကြပါသည်။

၁၉၈၈-၂၀၁၂ ပြည်ပဒီမိုကရေးကာလမှာ ဗမာဖြစ်ခြင်း၊ ယောက်ျားဖြစ်ခြင်းနဲ့ လူကြီးသားသမီးဆိုတဲ့ နောက်ခံရှိသူတွေကို ဝိုင်းပယ်ခဲ့တယ်။

အခုတော့ တိုးတက်လာပြန်တယ်။

- အများစုကိုးကွယ်တဲ့ ဘာသာရေးကိုပါ ဝိုင်းပယ်သလိုလိုထိ ဖြစ်နေပြီ။ အများစုကိုးကွယ်တဲ့ ဘာသာထဲမှာလည်း မပြောမဖြစ်တာတွေ ဖြစ်လာနေတာကိုး။

- ဗမာစာလုံးရေးမိရင် နိုင်ငံရေး ရာဇဝတ်မှုသင့်သလိုဖြစ်နေပြီ။ ဖေ့စ်ဘွတ်ကနေပါ ဖျက်ခံရတဲ့အထိ ဖြစ်မလာလို့ မပြောနိုင်။

ဒေါ်နယ်ထရမ့်က ကက်ပီတော်ဟေးလ် ကို ဝင်စီးသူတွေက မျိုးချစ်တွေတဲ့။ ကျွန်တော်တို့ဆီကနေ ခိုးချတာ။

ခေတ်ဆိုတာ အဲလိုဘဲ။ ပိုကောင်းလာတဲ့ခေတ်နဲ့ ပိုဆိုးလာတဲ့ခေတ်လို့တော့ ရှိတယ်။

အမေးရှိက ဖြေဆိုရ၏ https://dr-tint-swe.blogspot.com/2021/09/blog-post_121.html

Dictatorship worship အာဏာရှင်ကို ကိုးကွယ်ခြင်း https://burmese-spelling.blogspot.com/2022/10/dictatorship-worship.html

New Nationalism အမျိုးသားရေးဝါဒသစ် https://doctortintswe.blogspot.com/2016/11/new-nationalism.html

A chauvinist is-: Markham, Marcella

ဒေါက်တာတင့်ဆွေ