လိပ်ခုံးခမ်းမ နှင့် လိပ်ကြီးပက်လက်လှန်ထားသလိုဖြစ်နေသော ပညာအဆင့်အတန်း

လိပ်ခုံးပါလားဟေ့နဲ့ အစချီထားတဲ့ ဆရာဋ္ဌေးရေးထားတဲ့စာကို DVB TV News ဖတ်ရတယ်။ ကျေးဇူး။

ဟိုအရင်က လိပ်ခုံးခမ်းမ မှာအဆင့်မြင့်ပညာဦးစီးဌာနဆိုတဲ့ အဆောက်အအုံရှိတယ်။ အဆင့်မြင့်ပညာဆီကို လိပ်ကလေးရဲ့ အလျင်နှုန်းနဲ့ သွားနေတာကိုး။

 အမေရိကန် အာကာသယာဉ်မှူးတဦးတောင် အာကာသပျံသန်းရေး အတွေ့အကြုံ ဟောပြောပွဲ ကျင်းပခဲ့သေးတယ်။ အင်းလျားဆောင်သူတွေရဲ့ မြန်မာ့ရိုးရာ ဆင်ယဉ်ထုံးဖွဲ့မှုပြပွဲ၊ နိုင်ငံတကာ စာတတ်မြောက်ရေး အထိမ်းအမှတ်ပွဲ၊ ပန်းချီပြပွဲ၊ စကားရည်လုပွဲ စတာတွေ ကျင်းပခဲ့ဖူးတယ်။ လိပ်ခုံးခန်းမ အဝင်ဝမှာတော့ ဗဂျီအောင်စိုးရဲ့ လက်ရာတရပ်ဖြစ်တဲ့ အလွန်လက်ရာမြောက်တဲ့ ဒေါင်းရုပ်ပန်းချီကားချပ်ကြီးရှိတယ်။ လိပ်ခုံးရယ် ဒေါင်းရယ် ပျားအုံသဏ္ဌာန် အဆောက်အအုံရယ်နဲ့ အလွန်ပဏာရလှပတင့်လို့ သောဘဏရသနဲ့ပြည့်စုံတဲ့ နေရာအဖြစ် တချိန်က ကမ္ပည်းတင်ခံရတဲ့ နေရာလေးပေါ့။

၁၉၅၄ မတ်လ ၃ ရက်နေ့မှာ ဝန်ကြီးချုပ် ဦးနုက အုတ်မြစ်ချပေးခဲ့တာ။ ၁၉၆၄ ထဲရောက်တော့ တက္ကသိုလ်ရဲ့ ပညာရေးစနစ်ဟောင်း ချုပ်ငြိမ်းသွားပြီး ဆေးတက္ကသိုလ် (၁) အဖြစ် ပြောင်းလဲသွားခဲ့ရပါတော့တယ်။ ၁၉၉၀ ခုနှစ် ရောက်တော့ လိပ်ခုံးအဆောက်အုံကြီးကို ကျပ် ၂၅ သိန်း ၁ သောင်းနဲ့ ရောင်းစားလိုက်တယ်။ ဆောင်းဘောက်မလိုဘဲ ရေနဲ့ အသံထိန်းညှိတဲ့ လိပ်ခုံးခန်းမ ရှိခဲ့ဖူးတယ်ဆိုတာ ဒဏ္ဍာရီတခုပင် ဖြစ်နေပါတော့တယ်လို့ အဆုံးသတ်ထားတယ်။

အထင်ကရ အသုံးကျခဲ့ အသုံးချခဲ့တဲ့ လိပ်ခုံးခမ်းမကြီး ဘဝဇာတ်သိမ်းခန်းဟာ တိုင်းပြည်အတွက်ပါ ရင်နာစရာ။ 

တဆက်တည်းမှာ မြန်မာစာသတ်ပုံကို ပေါ်လစီနဲ့ ပြင်ထားတယ်။ အင်္ဂလိပ်စာကိုလည်း မြန်ဂလိပ်လုပ်ထားတယ်။ 

ပညာအဆင့်အတန်းဟာ လိပ်ကြီး ပက်လက်လှန်ထားသလို။ လူတွေက ပက်လက်က အမှန်လို့ ထင်ကုန်ကြရော။ 

တချို့က ပက်သက် တဲ့။ တချို့က ပတ်သတ် တဲ့။ တချို့က ပက်သက် တဲ့။ သပြေတခက်နဲ့ နံ့သာစက်ဖြင့်၊ ဖျန်းပက်လိမ်းကျံ ပန်းလှပန်နှင့်။

ကသတ်/တသတ်/ပသတ် ဆိုင်ရာ အလွဲ ၁၀၀ https://dr-tint-swe.blogspot.com/2022/01/blog-post_274.html

ပတ်သက် စပ်လျဉ်း https://dr-tint-swe.blogspot.com/2022/05/blog-post_488.html

မြန်မာစာကတော့ လိပ်ကြီး ပက်လက်လှန်ထားသလို https://dr-tint-swe.blogspot.com/2022/06/blog-post_596.html

ပတ်သက်ကို မှားရေးတာတွေ အတော်ကို များတယ် https://dr-tint-swe.blogspot.com/2022/07/blog-post_595.html

Supine Position ပက်လက်လန် https://dr-tint-swe.blogspot.com/2021/07/supine-position.html

ဒေါက်တာတင့်ဆွေ

၃၀-၁၁-၂၀၁၈