ဟုတ်။ လက်တန်း ဖြေပါရစေ။
မြန်မာစာ သဒ္ဒါ၊ ဝါကျ၊ ယတိဘေဒ၊ ဝါစင်္က၊ စာလုံးပေါင်း၊ သတ်ပုံတွေအကြောင်းတော့ ထောင်ဂဏန်း တင်ပြထားပါတယ်။
AI ဖြစ်ဖြစ် Google ဖြစ်ဖြစ်မှာက သိုမှီးထာတဲ့ 'ဒေတာ' တွေအရ ထုတ်ယူဖြေပေးပါတယ်။
သိုမှီးထာတဲ့ 'ဒေတာ' တွေက မှန်နေရင် မှန်တဲ့အဖြေတွေ ထွက်လာမယ်။
မြန်မာလိုရေးထားတဲ့ သန်းပေါင်းများစွာသော 'ဒေတာ' တွေရှိတယ်။် အဲဒီ အချက်အလက်တွေက ဘယ်လောက် မှန်သလဲ။ သုတေသနလုပ်လို့ မရလောက်အောင် ခဲယဉ်းတယ်။
မြန်မာလိုရေးထားသမျှထဲမှာ စာလုံးပေါင်းသတ်ပုံ ဘယ်နှစ်ရာခိုင်နှုန်း မှန်သလဲ၊ ဆန်းစစ်မှုလုပ်ရတာ အခက်ကြီးတော့ မဟုတ်ပါ။ အခုထိတော့ 'ဆာဗေး' လုပ်တာ မတွေ့ဘူးသေးပါ။
ကျွန်တော့ အတွေ့အကြုံအရ လက်တန်း ကောက်ချက်ဆွဲလို့ ရတာရှိတယ်။ မှန်တာ အလွန်နည်းပြီး၊ အမှန်တာ အဆမတန် များတယ်။ ၈၀-၉၀% သတ်ပုံ မမှန်ပါ။ ကန်တော့ + ဆောရီး။
အချက်အလက်တွေကိုတော့ ကျွန်တော်က မသိပါ။
အင်္ဂလိပ်လို Overwhelmed ဖြစ်နေကြတယ်။ အားလုံးကို လွှမ်းမိုးထားမှု များလွန်းနေတယ်။
အဲဒီ 'ဒေတာ' တွေကနေ 'အေအိုင်' နဲ့ 'ဂူဂယ်လ်' တို့က ထုတ်ယူအဖြေ ပေးနေတယ်။
'အေအိုင်' နဲ့ 'ဂူဂယ်လ်' တို့က ဝတ္ထုတွေ၊ 'သီးဆစ်' တွေ၊ လျှောက်လွှာတွေ၊ 'စတိုရီ' တွေ ရေးပေးနေပါတယ်။ အလုပ်အကိုင်တွေရ၊ ဘွဲ့လွန်တွေရ၊ ပစ္စည်းတွေ ရောင်းကောင်းနေတယ်။
'အက်ပ်' တွေ၊ 'အွန်လိုင်း' စာကြည့်တိုက်တွေ၊ 'အွန်လိုင်း' စာအုပ်တွေ၊ 'အွန်လိုင်း' စာလုံးပေါင်းသတ်ပုံ၊ 'ပီဒီအက်ဖ်ဖိုင်' တွေ လုပ်နေကြတယ်။
မှန်တာ ၁၀-၁၅% ထက်မပိုလောက်ပါ။ ဒါပေမဲ့ အလုပ်ဖြစ်နေကြတယ်။
'ဝီကီပီးဒီးယား' မှာ မှန်တာရော မမှန်တာတွေပါ ပါနေတယ်။ ပြင်ပေးလို့တော့ ရပါသတဲ့။ မှန်နေတာကို မှားအောင်လည်း ပြင်လို့ရတဲ့သဘော။
ပေစာ၊ ကျောက်စာ၊ ပုံနှိပ်စာအုပ်တွေ ခြစားနေပြီ။
စာအုပ်ကိုင်ဖတ်သူတွေက အသက် ၄၀ အောက်လည်း ရှေးလူကြီးတွေ။
သူတို့ဖတ်တဲ့စာအုပ်တွေက အသစ်တွေဖြစ်ဖြစ် ပြန်ထုတ်ဖြစ်ဖြစ် သတ်ပုံမှန်တာ ၁၀% ထက်နည်းတယ်။
'ဂူဂယ်လ်' နဲ့ 'အေအိုင်' ကနေ ထုတ်လုပ်ပေးတဲ့ ဆရာကြီး၊ ဆရာမကြီး၊ ပညာရှင်ကြီးတွေ များများလာနေတယ်။
သူတို့ခေတ်။
Overwhelmed? Do These 5 Things Today
ဒေါက်တာတင့်ဆွေ
Comments
Post a Comment