လူပြောများတဲ့ စားစရာများအကြောင်း

မနေ့ညက မာလာဟင်းအကြောင်း တင်ပြပြီးပြီ။ အများစုကတော့ တယောက်က မာလာတာနဲ့ မာလာနေပုံရတယ်။

ကိုင်းသီးတဲ့။ တယောက်ကိုင်းရင် လိုက်ကိုင်းကြတယ်။

ကိုင်းမြေမှာစိုက်တဲ့ ကိုင်းသီးနှံတွေက အမျိုးမျိုး။ သုတေသနလုပ်ပြီး ၃ ခါလောက် တင်ပြထားတယ်။

ငရုတ်ပုတဲ့။ တယောက်ပုတော့ လိုက်ပုကြတယ်။ 

သူတို့ပြထားတဲ့ ငရုတ်ပုဆိုတာကို တိုင်းကြည့်တော့ သိပ်မပုပါ။ ရွှေအပ်သီး ခေါ် မိုးမျှော်သီးထက် နှစ်ဆလောက်ရှည်တယ်။

သူတို့ပြထားတဲ့ ငရုတ်ပုဆိုတာက ပုလိပ်ငရုတ်နဲ့တူနေတယ်။ အတိအကျတော့ မသိပါ။

ကုလားအော်တဲ့။ ပုံထဲမှာ အလွန်ကြည့်ကောင်းတယ်။ နီနီရဲရဲ နဲ့ စိမ်းစိမ်းစိုစို။ ဘယ်ကလာ ကုလားအော် ဟုတ်ရမှာလည်း။ ပုံထဲပါ ငရုတ်သီးတွေက ရွှေလံဘို ခေါ် ကသည်း/နာဂငရုတ် ခေါ် မက်စီကန် တစ္ဆေငရုတ်သီးတွေ။ တတောင့်ကို တမိသားစု တနပ်နဲ့ မကုန်နိုင်။ ပုံထဲမှာ လေးငါးတောင့်။

ဆီမပါဟင်းတဲ့။ တယောက်အိမ်မှာ ဆီရှားတော့ လိုက်ရှားကြသလိုလို။ အညာသားကတော့ ဆီပါမှ။ ဆီမထည့်ရတာလည်း ရှိပေမဲ့ အတော်ရှားတယ်။ တခါတခါ ကောင်းပါတယ်။

ငရုတ်သီးဆားထောင်းတဲ့။ ငရုတ်သီးထောင်းတဲ့အခါ ဆုံထဲမှာ ဆားအရင်ထည့်ထောင်းမှ စင်တာပြုတာ သက်သာတယ်။

ငရုတ်သီးထောင်းတာ ဆားမပါတာ ရှိသလား။

အဲဒါတော့ တွေ့ဘူးတယ်။ မီဇိုရမ်မှာနေတဲ့ မီဇိုလူမျိုးတွေက ငရုတ်သီးထောင်းထဲ ဆားမတည့်ပါ။ ဂျင်းထည့်ကြတယ်။ သွေးတိုးကြောက်လို့တော့ မဟုတ်ပါ။ ဆားကို ပုံစားကြတယ်။

ကိုင်းသီးဋီကာ https://burmese-spelling.blogspot.com/2024/11/blog-post_772.html

ငရုပ်သီးထောင်းဋီကာ https://burmese-spelling.blogspot.com/2024/11/blog-post_423.html

Ma La မာလာ မာလာ မာလာ https://burmese-spelling.blogspot.com/2025/01/ma-la.html

Ghost Pepper Plant- Three (3) Live Plants - Each 75 Days Old - Not Seeds - Not in Pots - Premium Bhut

ဒေါက်တာတင့်ဆွေ