မှားရင် မှားတယ်လို့ ပြောပါတယ်

မှန်ရင် မှန်တယ်လို့ ပြောပါတယ်။

မူကွဲဆို မူကွဲလို့ ပြောပါတယ်။

ကွန်မင့်တခု = မှားတယ်လိုမပြောရဘူး မြန်မာနိုင်ငံမှာ တိုင်းရင်းသားပေါင်းစုံရှိကြတယ်မလား ဗမာ ရခိုင် မွန် အပြည့်အစုံမရေးဖြစ်တော့ဘူး သူရဲ့နေပေအသီသီ(နယ်ပယ်အသီးသီး) အသံအမျိုးမျိုးထွက်ကြတယ် ဖြစ်နိုင်ရင် မှားတယ်ဆိုတဲ့ စကားမသုံးပဲ လူတွေဒီထက်စာတတ်အောင် ဗဟုသုတရအောင် ဒီလိုပြောသက်(ပြောတတ်) ပါတယ် ဒါက ဘယ်လိုမျိုး အသံထွက် ဒါကသူတို့မှာ သုံးတယ် ဒါက ရခိုင်အသံထွက် ဒါက ဗိုက်(ဘို)အသံထွက် ဒါကဗမာ အသံထွက် ဒီလိုရေးရပါတယ်ဆရာ ဒါကပါဠိ အသံထွက်ရေးရတယ် စာရေးဆရာတွေက အမြင်‌‌ကြည်မှာ ဖတ်ရတဲ့လူ‌တွေက အမြင်ကြည်မှာပါဗျာ။

ကျွန်တော်က ဘာသာစကားမျိုးစုံကို တင်ပြပေးနေသူမဟုတ်ပါ။ မြန်မာစာနဲ့ အင်္ဂလိပ်စာ နည်းနည်းလေးလောက်ကိုသာ စာလုံးပေါင်း၊ သတ်ပုံ၊ အသံထွက်၊ အသုံး စတာတွေကိုသာ အကိုးအကား အထောက်အထားအခိုင်အမာနဲ့သာ တင်ပြတယ်။

အရေး၊ အသံထွက်၊ ကဗျာသုံး၊ သီချင်စာသားသုံး၊ ဆောင်ပုဒ်၊ ဒေသသုံးတွေကိုလည်း ခွဲခြားတယ်ပြတယ်။

အထောက်အထား အကိုးအကားတွေကိုလည်း တိတိကျကျထည့်သွင်းတင်ပြပါတယ်။

မှားတာကို မမှားဘူးလို့ မရေးပါ။ မှားတယ်လို့ ရေးပါတယ်။ 

ဥပမာ -

- ဒါဏ်ရာ မှားတယ်။ ဒဏ်ရာ မှန်တယ်။

- အန္တရာယ် မှန်တယ်။ အန္တရယ် မှားတယ်။

- တိရစ္ဆာန် မှန်တယ်။ တိရိစ္ဆာန် မှားတယ်။

- ဆဋ္ဌမ မှန်တယ်။ ဆဌမ မှားတယ်။

- စာဖတ်သည် မှန်တယ်။ စာဖက်သည် မှားတယ်။

- သစ်ပင်တက်သည် မှန်တယ်။ သစ်ပင်တတ်သည် မှားတယ်။

- အဆာသွတ် မှန်တယ်။ အစာသွတ် မှားတယ်။ အစာသွပ် မှားတယ်။

- ဗိုက်ဆာနေသည် မှန်တယ်။ ဗိုက်စာနေသည် မှားတယ်။

- ပက်သက်ပြီး မှားတယ်။ ပတ်သက်ပြီး မှန်တယ်။

မူကွဲများ

ကချေသည် နဲ့ ကခြေသည် မူကွဲ။

ကစွန်း နဲ့ ကန်စွန်း မူကွဲ။

ကျမ္မာ နဲ့ ကျန်းမာ မူကွဲ။

ကျေညာ နဲ့ ကြေညာ မူကွဲ။

ကြက်သရေ နဲ့ ကျက်သရေ မူကွဲ။

ကြာဆန် နဲ့ ကြာဆံ မူကွဲ။

ချီးကျူး ခြီးကျူး ခြီးကြူး မူကွဲ။

ငပိ နဲ့ ငါးပိ မူကွဲ။

စကားပန်း စံကားပန်း မူကွဲ။

စပယ်ပန်း နဲ့ စံပယ်ပန်း မူကွဲ။

ဆန်ခါ နဲ့ ဇကာ မူကွဲ။

ဒါး ဓါး ဓား ထား မူကွဲ။

ပဌမ နဲ့ ပထမ မူကွဲ။

ဖတ်စာနဲ့ ဘတ်စာ မူကွဲ။

ဖိနပ် နဲ့ ဘိနပ် မူကွဲ။ 

မြင့်မိုရ် နဲ့ မြင်းမိုရ် မူကွဲ။

မြမ္မာ နဲ့ မြန်မာ မူကွဲ။

မိမ္မ နဲ့ မိန်းမ မူကွဲ။

မုံ့ နဲ့ မုန့် မူကွဲ။

မုံ့ဟင်းခါး မုန့်ဟင်းခါး မုန့်ဟင်းငါး (မူကွဲ)

ယက္ကန်း နဲ့ ရက်ကန်း မူကွဲ။

ယ္ခင် နဲ့ ယခင် မူကွဲ။

ရက်ကန်း၊ ယက်ကန်း၊ ယက္ကန်း မူကွဲ။

လဘက် လက်ဖက် လ္ဘက် (မူကွဲ)

ဝေဘန် နဲ့ ဝေဖန် မူကွဲ။

သခွတ် နဲ့ သခွပ် မူကွဲ။ 

သင်္ခန်း နဲ့ သင်ခန်း မူကွဲ။

သန်ကောင် သန်ခေါင် သန်းကောင် မူကွဲ။

သမတ နဲ့ သမ္မတ မူကွဲ။ 

သမီး နဲ့ သ္မီး မူကွဲ။

သ္ခင် နဲ့ သခင် မူကွဲ။

အဘေနဲ့ အဖေ မူကွဲ။

အသျှင် နဲ့ အရှင် မူကွဲ။

ကျွန်တော်တင်ပြနေတာတွေကို လက်မခံ သဘောမကျပါက ဘယ်သူမဆို 'ဘလော့' နိုင်ပါတယ်။

ဝေဖန်မယ်ဆိုရင်တော့ တင်ပြထားတဲ့စာ အနည်းဆုံး ပုဒ်ရေ ၅၀-၁၀၀ လောက်ဖတ်ပြီးမှသာ ဝေဖန်သင့်ပါတယ်။

ကျွန်တော်က လူကြိုက်များအောင် မရေးတတ်။ လိုက်ခ် များအောင် မရေးပါ။ ဘလော့ ရတာ ၁၀၀၀ ကျော်ပြီ။ စာကိုမှန်အောင်ရေးလာသူလည်း ၁၀ ယောက်ကျော်ပြီ။

Bright Color Background Vector Art, Icons, and Graphics for Free Download

Dr. တင့်ဆွေ