အကို အမ မုန်းသူများသို့

၁။ အမနဲ့အစ်မ ဘယ်ဟာအမှန်လဲ သိချင်လို့ပါ။

အမနဲ့အစ်မ နှစ်မျိုးလုံး ရေးကြတယ်။ 

၂။ တခုလောက်မေးချင်လို့ပါဆရာ။ အစ်မမှာ စလုံးသတ်ပါပါသလားဆရာ။ ဒွိဟဖြစ်နေမိလို့ပါ။ အခုနောက်ပိုင်း စာတွေဖတ်ရင် တစ်နဲ့တတွေကို မရှာပေမယ့် သတိထားမိလာပါတယ်။ ကိုယ်တိုင်ရေးတဲ့အခါမှာလည်း သတိပိုထားခဲ့ပါတယ်။ ဗန်းစကားတွေကိုလည်း မကြိုက်ပါဘူးရှင့်။ သတ်ပုံမှန်တဲ့ အရေးအသားကိုပဲ နှစ်သက်ပါတယ်။ သတိထားလိုက်နာရအောင် အမြဲတင်ပေးလို့ ကျေးဇူးအများကြီးတင်ပါတယ်ရှင့်။

၃။ ဆရာ အမ (အစ်မ) က သတ်ပုံများ မှားနေသလားလို့ပါ။ အကြံပြုတာပါဆရာ။ ဆရာက မြန်မာစာပေ သတ်ပုံမှားတာကို မကြိုက်သူမို့ပါ။

၄။ အစ်မ၊ အစ်ကို ရေးတော့အမှန် ဖတ်တော့အသံလားဆရာ။

အမေ၊ အဖေသာရှိလို့ အမ က ပိုသင့်မှန်။

အကိုကလည်း အစ်ကိုထက် သင့်မှန်သည်။

အစ်ဒေါ်လည်း မရှိပါ။

အစ်ရီးလည်း မရှိပါ။

အစ်မျိုးလည်း မရှိပါ။

အစ်

ကွမ်းအစ်၊

ဆင်အစ်သည်

ဘကရီးအစ် (ဘက္ကရီးအစ်)၊

အစ်ထုတ်သည် (စကားထွက်လာအောင်)

အစ်အံ

အရင်ကထုတ်တဲ့ သတ်ပုံစာအုပ်တွေမှာ အကို၊ အစ်ကိုလို့ မပါခဲ့ပါ။ နောက်ထုတ်စာအုပ်တွေမှာလည်း အစ်ကို၊ အစ်မလို့ရေးကြတယ်။ အကို၊ အမလို့ ရေးလာတာလည်းရှိတယ်။

ရေးတော့အမှန် ဖတ်တော့အသံထုံးကို လိုသလိုယူသုံးနေကြတယ်။ တချို့ပြောတာတွေက မမှန်ပါ။ တစ်ခါတစ်ရံကို တခါတရံအသံထွက်လို့မရပါ။ သတ်ပုံမှားရေးနေသူတွေက အမှားကို ဖုံးဖိနေကြတာဖြစ်တယ်။ ခေါင်းကိုက်ကိုသာ ဂေါင်းကိုက်သံထွက်တယ်။

ရေးတာတော့ မမှား၊ ဖတ်ကား အသံဖြစ်ရပါတယ်။ ကျွန်တော်တို့တသက်လုံး ညီအကိုတွေ စာရေးရင် အကိုကြီး၊ အကိုလေးလို့သာ ရေးကြတယ်။

မြန်မာ့စွယ်စုံကျမ်းမှာတော့ အစ်ကိုလို့ ရေးတယ်။ ခေတ်သဘောအရ လွယ်အောင်ပြင်ကြတယ်။ အကို၊ အမသည်သာ သင့်မြတ်မယ်ထင်ပါတယ်။

အမကြီးတော့ အမိအရာ။

အမ အစ်မ အကို အစ်ကို

ပဉ္ဇင်းအမ (မာမာအေး)

အလှူ့အမ (မာမာအေး)

အကိုကြီးတော့အဖနေရာ - လူမင်း၊ ရဲတိုက်၊ မိုးဟေကို

1. အဖေ၊ အမေ၊ အကို၊ အမ၊ မောင်နှမတွေမှာ စ မသတ်ပါ https://burmese-spelling.blogspot.com/2024/10/blog-post_389.html

2. မြန်မာ့ဆွေမျိုးစပ် ဝေါဟာရများ https://burmese-spelling.blogspot.com/2023/03/blog-post_214.html

3. အဖေ၊ အမေ၊ အကို၊ အမ၊ မောင်နှမတွေမှာ စ မသတ်ပါ https://burmese-spelling.blogspot.com/2024/10/blog-post_389.html

4. 'အမ' သည် 'အစ်မ' မဟုတ် https://burmese-spelling.blogspot.com/2025/01/blog-post_503.html

5. အကို အမ https://burmese-spelling.blogspot.com/2023/09/blog-post_62.html

6. အစ်ကို အကို အစ်မ အမ https://burmese-spelling.blogspot.com/2023/09/blog-post_31.html

7. အလှူ့အမ https://burmese-spelling.blogspot.com/2023/11/blog-post_4.html

8. အမကြီးတော့ အမိအရာ https://burmese-spelling.blogspot.com/2024/03/blog-post_632.html

9. အဖေ အမေ အကို အမ https://burmese-spelling.blogspot.com/2024/05/blog-post_797.html

10. အဖေ အမေ အကို အမ (၂) https://burmese-spelling.blogspot.com/2025/03/blog-post_25.html

ဒေါက်တာတင့်ဆွေ