တိုင်းပြည်နဲ့ ဘာသာစာစကား ဖျက်ဆီးလို့ ပျက်စီးသွားပြီ

(ပျက်စီး နဲ့ ဖျက်ဆီး)

အတော်မှားရေးနေကြသည်။

မနေ့ကလည်း တခါတင်ပြပါသည်။ ဖျက်ဆီးခံရ၍ ပျက်စီးသွားပြီ။

1. တိုင်းပြည်ကို စကစ ဘယ်လိုဖျက်စီးခဲ့သလဲ (ဖျက်ဆီးသဖြင့် ပျက်စီးသွားပြီ။)

2. ဆရာ ကျွန်မအသက်က ၂၈ပါ။ ကျွန်မအခုဖြစ်နေတာက စီးစပ်ခုံက အောင့်လိုက်ပျောက်လိုက်ဖြစ်နေပါတယ်။ (ဆီးစပ်လို့ ရးရတယ်။)

3. ဆရာရှင့် ကျွန်မအသက် ၃၆ နှစ်ရှိပါပြီရှင်။ ဆရာရှင့် စီးစစ်တန်နှင့် စစ်တာ ကလေးမရှိဘူးပြနေတယ်။ (ဆီးစစ်တံလို့ ရးရတယ်။)

4. မန္တလေးမြို့ကပါဆရာ။ စီးသွားရင်လည်း တခါခါအဖြူရောင်တွေထွက်ပြီးမှ ပုံမှန်တိုင်းပြန်ဖြစ်သွားတယ်။ (သေး၊ ကျင်ငယ်ကို စီး လို့ မရေးရပါ။ ဆီး လို့သာရေးရတယ်။

5. နောက်ထပ်လွဲကြတာရှိသေးတယ်ဆရာ ပျက်စီး နဲ့ ဖျက်ဆီး

6. ဟုတ် ယောက္ခမနှစ်ဦးစလုံး ပျက်ဆီးကုန်ကြပါပြီ (ပျက်စီးကြပြီလို့ရေးရတယ်။)

7. ကျန်းမာရေးအဓိကထား ယနေ့ ကန်တပါတ် တနာရီကျော်ခရီးပေါက်။ ရောက်သည့်နေရာ ကြည့်နူးခံစားမျှဝေမိပါတယ်။ လူတိုင်းကျန်းမာ စိတ်လက်ကြည်သာပန်းဖြေနိုင်ရန်တွက် သဘာဝအလှတရားများ မပျက်ဆီးထိန်းသိမ်းနိုင်သောစွမ်းအားစေတနာ များစွာမြင်တွေ့ရလို့ ဝမ်းသာ/ဝမ်းနည်းခံစားမိ။

8. မပျက်စီးလို့ ရေးရ။ အားနာစရာလူမဟုတ်လို့ ပြင်ဦးမယ်။ ကျန်သတ်ပုံတွေ အကုန်မှန်။ ကွန်ဂရက်ကျူလေးရှင်း။

စီး

စီးစီးပိုးပိုး မပြောအပ်

စီးပွားရေးကောင်းပါစေ

တရားဘာဝနာ စီးဖြန်းပါ

ဘတ်စကား စီးသွားပါ

လှည်းတစီး ကားတစီး

အပျက်အစီး များတယ်

အသက်ကြီးပြီး အချိန်မစီးသူ မဖြစ်ပါစေနှင့်

ဆီး

ကလေးကို သင်္ကန်းဆီးပေးပါ

ကိုယ်ဝန်ရှိတာသိချင်ပါက ဆီးစစ်ပါ

ဆီးချိုရောဂါ စစ်ထားပါ

ဆီးချုပ်နေပါသလား

ဆီးချူပေးမယ်

ဆီးခုံက နာတယ်

ဆီးစပ်မှာ အလုံးရှိနေတယ်

ဆီးတန့်ထားလို့ ဆက်သွားမရပါ

ဆီးနှင်းတွေ ကျနေတယ်

ဆီးဖြူသီးစားမလား

ဆီးဝမ်းလေ မှန်ပါသလား

ဆီးသီးကောင်းကောင်းစားချင်တယ်

တားဆီးပိတ်ပင်ထားသည်

ပျက်စီးအောင် ဖျက်ဆီးခဲ့ကြတယ်

လူဆိုးကို ဖမ်းဆီးပါ

ဧည့်သည်ကို ဆီးကြိုပါ

ဆုံ ဆည်း စည်း စီး ဆီး https://dr-tint-swe.blogspot.com/2021/09/blog-post_107.html

ဖျက်ဆီးလို့ ပျက်စီးသွားပြီ https://dr-tint-swe.blogspot.com/2021/09/blog-post_839.html

စစ်အစိုးရတွေတက်တော့ မြန်မာစာကို ပျက်စီးအောင် ဖျက်ဆီးခဲ့ကြတယ်။ အခုထိ ဖျက်ထားတာကိုသာ အမှန်လို့ သင်ပေးနေကြတယ်။ ရေးသားနေကြတယ်။

ဒေါက်တာတင့်ဆွေ