ကျွန်တော့သားတယောက်က သင်္ချာအေားနပ်စ်။ တူနှစ်ယောက်က သင်္ချာပါမောက္ခတွေ။ ကျွန်တော်က ဆယ်တန်းမှာ သင်္ချာဂုဏ်ထူးမရခဲ့။
ကိုးတန်းအထိ ဦးပန်းရည်ဂဏန်းသင်္ချာစာအုပ်ထူကြီးကို သင်ရတယ်။ အဲဒီခေတ်မှာ သုံးချက်တွက်နည်း၊ ဈေးတွက်နည်း၊ စတော့ရှယ်ယာတွေပါ သင်ရတယ်။ ခြောက်တန်းမှာ အက္ခရာသင်္ချာကို မုန်းမိတယ်။ ပျင်းတော့ ဖျင်းတယ်။ ကိုယ့်ကိုယ်ကို ဆုံးမနည်းနဲ့ အက္ခရာသင်္ချာကို ဇွတ်ချစ်လိုက်တာ အဆင်ပြေသွားတယ်။ ဂျီသြမေထရီဆိုတာတော့ စိတ်ဝင်စားလို့ သီအိရမ်တွေ အလွတ်ရတယ်။
ပိုက်သဂိုးရ်စ်ကို Pythagoras လို့စာလုံးပေါင်းမှန်းတော့ မသိခဲ့ပါ။ ဒေါင့်မှန်တရိဂံတခုရဲ့ မျဉ်းသုံးခုပေါ်က စတုရန်းတွေ ဆက်စပ်မှုကို သင်ခဲ့ရတယ်။ ပိုက်သဂိုးရ်စ် ဂရိပညာရှင်ကြီးဟာ ပလေတိုနဲ့ အရစ္စတိုတယ်တို့ထက် စောတယ်။
သင်္ချာကို ဗြိတိသျှလို မက်စ် သံထွက်တယ်။ အမေရိကန်တွေက မက်သ် တဲ့။ သူတို့ဘိုစာတွေက အတော်ဂွကျတယ်။
အိန္ဒိယမှာ ဂဏန်းပေါင်း လက်ချိုးနည်းက ဗမာတွေနဲ့မတူပါ။ အမေရိကန်ကန်နည်းက ကာလ်ကူလေတာ။
ကျွန်တော်တို့သင်ခဲ့ရတဲ့ ဈေးတွက်ကို မိန်းမတွက်လို့လည်းခေါ်ပါသတဲ့။ ဈေးရောင်းတဲ့အမျိုးသမီးတွေက ဂဏန်းတွက်တာ မြန်တယ်။ အမျိုးထဲမှာ အမျိုးသမီးသင်္ချာပါမောက္ခ မရှိသေးပါ။ ဈေးသည်လည်းမရှိ။
အခုလေးတင် တယောက်က တသိန်းကို ဘယ်လိုရေးရသလဲမေးလို့ လင့်တခု ပို့လိုက်ပါတယ်။
Numbers ဂဏန်းရေးနည်း ဋီကာ https://burmese-spelling.blogspot.com/2025/05/numbers.html
မှတ်ချက် -
ကျောင်းမှာ မှန်အောင်မရေးနဲ့။
ဘဏ်မှာ မှန်အောင်မရေးနဲ့။
ရုံးမှာ မှန်အောင်မရေးနဲ့။
စာအုပ်ထုတ်ရင် မှန်အောင်မရေးနဲ့။
ပို့စ်တင်ရင် မှန်အောင်မရေးနဲ့။
ဒေါက်တာတင့်ဆွေ
Comments
Post a Comment