Skip to main content

"အားသစ်"

မှောင်လှချည့်ကွယ်

တိမ်နွယ် မဲချိပ်၊ အလိပ်လိပ်နှင့်

ပြွတ်သိပ်ခဲကာ၊ တက်တက်လာ၍

မိုးပြာကိုဖမ်း လွှမ်းလိုက်ပြီလေ။ ။

တကိုယ်တည်းမို့

ရွှေသည်းရင်ဖို၊ ကြောက်သလိုနှင့်

ဖေါ်ကို တ,မိ၊ တောင့်တ ဘိလည်း

မရှိ သခင် တကိုယ်ပင်တည့်။ ။

လ,မင်း စန္ဒာ၊ ရောင် မဖြာအား

ညဥ့်လွှာနက်နက်၊ သူ့ လက်ချက်ကြောင့်

မဲလျက် မှောင်ကာ မှောင် မှောင်သာတည့်။ ။

အပြင်ဘက်မှ

ညဌက် မ ဖို၊ တေး မဆိုဘဲ

ဝါးပျိုပင်နွဲ့၊ ဟိုသည်ငဲ့၍

ပြဲ့ပြဲ့ သံကြောင်၊ လေနတ်မောင်၏

ရန်ထောင်ကြုံးဝါး၊ ကြိမ်းသံကြားဝယ်

ရပ်နား မတည် တုန်ရီရီတည့်။ ။

တကိုယ်ချင်းလျှင်

မှောင်တွင်းနစ်ကာ၊ အားငယ်ရှာခိုက်

လျှပ်ဝါပြိုးပြက်၊ ဝင်းဝင်းလက်၍

ထစ်လျက်ချုန်းမြည်၊ မိုးကြိုးဟီသည်

ရင်ဆီ သဲနု ပြုတ်လုလုတည့်။ ။

တထိတ်ထိတ်နှင့်

ဒိတ်ဒိတ်ရင်မှာ၊ တုန်၍လာတည့်

တန့်ကာ မရပ်၊ စိတ်အားပြတ်၍

မိုးရင်တိမ်ပေါ်၊ ကြည့်လိုက်သော်လျှင်

“အော်…အော်” ဆိုမိ၊ အတပ်သိသည်

ပီပိ သေးသေး ကြယ်ကလေးလေ။ ။

တပွင့်ငယ်ငယ်၊ မှိတ်တုတ်ကြယ်လျှင်

မိုးလယ်တိမ်ကွက်၊ ပတ်ကြားအက်မှ

လင်းလျှက် တခါ၊ မှိန် တခါတည့်။

အကာအကွယ်၊ ဘယ်ဝယ်မရှိ

မိုး၏အလယ်၊ တိမ်စွယ်အကြား

ကိုယ့်စွမ်းအားကို၊ ထောက်ထားမျှော်ကိုး

ကြောက်စိတ်ချိုး၍

ဖြိုးဖြိုး မြင့်မြင့် စံပယ်လင့်၏။ ။

ငါနှင့် ကြယ်ငယ်၊ နှိုင်း၍ဆွယ်သော်

ရယ်ဘွယ်အတိ၊ ငါဖြစ်ဘိ၏

“ထွေးမိရှက်ဖွယ်၊ ငါ့ကိုယ်ငယ်” ဟု

စိတ်ဝယ်တိကျ၊ သိခဏ၌

နွမ်းလျှကျေပျောက်၊ အားသစ်ရောက်သည်

မကြောက်တော့ပြီ ပါတကား။ ။ (ငွေတာရီ)

#ရှေးစာကဗျာများ ကျေးဇူး။

ဒေါက်တာတင့်ဆွေ

Comments

Post a Comment

Popular posts from this blog

တ - စသတ်စရာမလိုတဲ့ တအသုံးများ

စသတ်စရာမလိုတဲ့ တ အသုံး ၃၉၈ လုံးရှိတယ် 1. ငတရော် (ရေစကြိုမြို့နယ်) 2. ငါ့တရော် (စစ်ကိုင်း မြို့နယ်) 3. တကတဲ 4. တကျွန်းကျ 5. တကယ်တမ်း 6. တကယ်အမှန် 7. တကွ (အတူတကွ) 8. တကွနက် = တပြိုင်နက် 9. တကွဲတပြား 10. တကာ = တတွေ = အများတကာ 11. တကားကား 12. တကုပ်ကုပ်လုပ်နေသည် 13. တကိုယ်တည်း 14. တကိုယ်ကောင်း 15. တကိုယ်ရေတကာယ 16. တကူးတက 17. တကူးတကန့် 18. တကဲ့အဟုတ် 19. တကျက်ကျက် ရန်ဖြစ်နေကြသည် 20. တကျည်ကျည် ငိုနေသည် 21. တကျိတ်တည်း တဉာဏ်တည်း 22. တကျူကျူငို 23. တခဏချင်း 24. တခဏပန်း 25. တခန်းရပ် 26. တချွင်ချွင်မြည်နေသည် 27. တချွတ်ချွတ်မြည်သံ 28. တခမ်းတနား 29. တခွင်တပြင် 30. တခါတည်း 31. တခါတရံ 32. တခါတခေါက် 33. တခါတလေ 34. တခိခိ တချိချိ ရယ်သည် 35. တခုခုစားပါ 36. တခုတလေ 37. တခုလပ် 38. တခို 39. တခဲနက် = တလုံးတစည်းတည်း 40. တခဲထွေ = တပေါင်းတစည်းတည်း 41. တချက်တည်း 42. တချက်လွှတ်အမိန့် 43. တချာ = ပေါင်း = တဝေး = တစုတရုံးတည်း 44. တချိုးတည်းလစ်ပြီ 45. တချို့တဝက် 46. တချို့တလေ 47. တငမ်းငမ်း 48. တငိုငိုတရီရီ 49. တစံ့ = အနည်းငယ်မျှ 50. တစုံ (သင်္ကန်း) 51. တစုံတခု 52. တစုံတရာ 53. တစုံတဦး 54. တစုံတယောက် 55. တစစီ (တခုချင်း၊ အ...
Post a Comment
Read more

ဒါပေမဲ့

  ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...
Post a Comment
Read more

ပဲ နဲ့ ဘဲ ဋီကာ

၁။ ပဲမှန်သမျှ ဘဲလား ဆရာခင်ဗျ အငြင်းအနေနဲ့မှ ဘဲ သုံးရတာလားဗျ ခွဲခြားမသိလို့ပါဆရာ ၂။ ဆရာခင်ဗျာ 'ပန်းပန်လျက်ပဲ' မှားတယ်ဆိုတော့ ပဲနဲ့ဘဲ အသုံးလေးရှင်းပြစေလိုပါတယ်ခင်ဗျာ ၃။ ပဲ နဲ့ ဘဲ သုံးတာ ပုံထဲကအတိုင်း မှန်လား မှားလား ဆိုတာ သိချင်ပါတယ် ဆရာ။ ၄။ ချောင်းအစွယ်လား ချောင်းအဆွယ်လားဆရာ မူကွဲတွေကလည်း ကွဲဘဲကွဲနိုင်လွန်း ၅။ မနက်စာ စားပဲဖြစ်ဖြစ် အဆာပြေလေးဖဲဖြစ်ဖြစ် - ဖဲဆိုတာ ဖဲရိုက်တာ။ ၆။ အထင်ကရအစားအစာ တစ်ခုဖဲလေနော် - တခုပဲ (ဘဲ) လေနော်လို့ ရေးရ။ ‘တစ်ခု’ ဆိုရင် မျိုမကျတဲ့အစားအစာ။ ဖဲဆိုတာ ဖဲရိုက်တာ။ ၇။ ငါပဲလုပ်မယ်လားဗျ ပဲ လား ဘဲ လား ဇဝေဇဝါဗျ ၈။ ပဲနဲ့ဘဲကို အမြဲမှားပါတယ် ဒါပဲလို့ပြောယင် အမှားပါလားရှင် - ပန်းပန်လျက်ပဲ မှားတယ်။ ဆိတ်အုပ်ကဗျာ။ - သူငယ်ချင်းလို့ပဲ ဆက်၍ခေါ်မည်ခိုင် မှားတယ်။ သူငယ်ချင်းလို့ပဲ ဆက်၍ခေါ်မည် ဆိတ်မ။ ဗေဒါလမ်း ညိုပြာပြာ လတာပြင်ခြေရင်း လှိုင်းတက်ရာ ဗေဒါတက်၊ လှိုင်းသက်ရာဆင်း။ ဆင်းရလဲ မသက်သာ အုန်းလက်ကြွေရေပေါလော၊ မျောစုန်လို့လာ အဆင်းနဲ့အလာ၊ ဗေဒါမ အထွေး အုန်းလက်ကြွေ သူ့နံဘေး၊ ဆောင့်ခဲ့ရသေး။ ဆောင့်ခဲ့လဲ မသက်သာ နောက်တချီ ဒီတလုံးက၊ ဖုံးလိုက်ပြန်ပါ မြုပ်လေပေါ့ ပေါ်မလာ၊ မဗေဒါအလှ တလံကွာ လှ...
Post a Comment
Read more