Burmese toddy sweets (ထန်းလျက်)

သို့မဟုတ် ထန်းသကြားခဲ သည် ထန်းပင်မှ ထုတ်ယူသော ထန်းရည်ကို ချက်ပြုတ်၍ ထူထဲသည့် အရည်ပုံစံ ဖြစ်လာအောင် ပြုလုပ်သော သဘာဝရိုးရာ ထန်းလျက်ဖြစ်ပါသည်။ အချို့တွင် အုန်းသီး၊ ထောပတ် သို့မဟုတ် ဆီးသီးတို့ကို ရောစပ်ကာ ပြုလုပ်ကြပါသည်။ တခါတရံ “မြန်မာ့ချောကလက်” ဟုလည်း ခေါ်ကြပြီး သတ္တုဓာတ်များ ကြွယ်ဝကာ လက်ဖက်ရည်နှင့်အတူ အများအားဖြင့် စားသောက်ကြပါသည်။

အရေးပါသော အချက်များ

ထုတ်လုပ်ပုံ — ထန်းရည်ကို စုဆောင်းပြီးနောက် အချိန်ကြာကြာ ချက်ပြုတ်ကာ အညိုရောင် ထူထဲသည့် အရည်အဖြစ် ပြောင်းလဲလာသည်အထိ လုပ်ဆောင်ပါသည်။ ထို့နောက် လုံးပုံသွင်းကာ လေထဲတွင် ခြောက်အောင် ထားပါသည်။

အမျိုးအစားများ — သန့်စင်ထားသော ထန်းရည်ချည်းသာဖြင့် ပြုလုပ်ခြင်းက အခြေခံဖြစ်သော်လည်း အရသာကွဲပြားစေရန် အုန်းသီးခြစ်၊ သီးပုပ်လှီးသားများ၊ ဂျင်း စသည်တို့ကို ရောစပ်ပြုလုပ်ကြပါသည်။

အသုံးပြုပုံ — အစားအသောက်အဖြစ် စားသုံးကြပြီး လက်ဖက်ရည် သို့မဟုတ် လက်ဖက်သုပ်နှင့်အတူ စားကြပါသည်။

ယဉ်ကျေးမှုဆိုင်ရာ အရေးပါမှု — အလယ်ပိုင်းမြန်မာနိုင်ငံတွင် အထူးသဖြင့် ပုဂံအနီးအနားဒေသများ၌ အရေးပါသော ရိုးရာအစားအစာတရပ် ဖြစ်ပါသည်။ သန့်ရှင်းသဘာဝဖြစ်၍ ဓာတုပစ္စည်း မပါသောကြောင့် အချောသကြားအစား ကျန်းမာရေး ပိုကောင်းသည့် အစားထိုးအဖြစ် သတ်မှတ်ကြပါသည်။

ဆေးဖက်ဝင်တန်ဖိုး — မြန်မာ့ယဉ်ကျေးမှုအရ ထန်းသကြားကို အစာချေကူညီစေရန် အသုံးပြုကြပြီး တချို့သောအခါ သံဃာတော်များကလည်း ရိုးရာဆေးအဖြစ် သုံးစွဲကြပါသည်။

ဆက်စပ်ထုတ်ကုန်များ

ထန်းစေ့ချိုပွဲ — ထန်းစေ့လှီးသားများကို ချိုရည်ထဲ ထည့်၍ အေးခန်းတွင် ထားပြီး ပြုလုပ်သော နူးညံ့သည့် ချိုပွဲတရပ် ဖြစ်ပါသည်။

ထန်းမုန့်ပေါင်း — ထန်းသီးအူများ၊ သကြားနှင့် (တချို့အခါ) အနံ့အရသာဆိုင်ရာ ပါဝင်ပစ္စည်းများကို ရောစပ်ကာ ပေါင်း၍ ပြုလုပ်သော နူးညံ့သည့် မုန့်ဖြစ်ပါသည်။

အာဟာရမှတ်ချက်

ထန်းလျက်အစိတ်သားတခုအတွင်းရှိ သကြားဓာတ်သည် သရက်သီးတလုံးအတွင်းရှိ သကြားဓာတ်ထက် ၃.၈ ဆ မှ ၄.၃ ဆ အထိ ပိုများပါသည်။

ကိုယ်တွေ့အမှတ်တရ

ကျွန်တော်သည် မြို့သာ (ယခင် ငါန်းဇွန်မြို့နယ်၊ စစ်ကိုင်းတိုင်း၊ ယခု တံတားဦးမြို့နယ်၊ မန္တလေးတိုင်း) တွင် ဆရာဝန်အဖြစ် စတင်လုပ်ကိုင်စဉ် ၆ နှစ်တာ ဝန်ထမ်းခဲ့ပါသည်။ လူနာအများစုမှာ ထန်းသမားများနှင့် ထန်းလျက်လုပ်ငန်း လုပ်ကိုင်ကြသူများ ဖြစ်ကြပြီး အားလုံးက အမျိုးတွေလို ခင်မင်သွားကြပါသည်။ ဆရာဝန်ကို ကန်တော့ကြသည့်အရာများမှာ ထန်းလျက်၊ နွားနို့၊ ချက်နို့ဆီနှင့် ထောပတ်တို့ ဖြစ်ကြပါသည်။

ထန်းလျက်ဆိုသည်မှာ မြန်မာပြည်၏ အကောင်းဆုံး ရိုးရာအစားအစာတရပ်ဟု ဆိုချင်ပါသည်—

ရိုးရိုးထန်းလျက်၊ မုံ့လုပ်ထန်းလျက်၊ နွားနို့ထန်းလျက်၊ ဆီးထန်းလျက်၊ ထန်းဖိုဦးထန်းလျက်၊ ထောပတ်ထန်းလျက်…။

ကျွန်တော်က ထန်းသမားများကို ဆေးကုသပေးခဲ့သည့် ဆရာဝန်တဦး ဖြစ်ပါသည်။ ယခုအခါတော့ ထန်းလျက်စားသူများ၊ ထန်းလျက်ရောင်းသူများ ရေးသားသော စာများကို မှန်ကန်အောင် ကုပေးနေသူ ဖြစ်လာပါပြီ။

နေကောင်းကြပါစေ။

ပုံအတွက် ကျေးဇူး။

ဒေါက်တာတင့်ဆွေ