တို့စာ တို့စကား တို့တိုင်းပြည်

၁။ အဲ့ ဒါဆိုဘယ်လိုရေးရမလဲ Links တွေမှာ ပါရှိ။ ကွန်မင့်ကနေ စုံအောင် ဖြေမရနိုင်။ ၂။ ဖြေးဖြေး ဖြည်းဖြည်း ဘယ်ဟာမှန်မပါသလဲ ဆရာ ၃-၄ ခါလောက် တင်ပြထား။ ကွန်မင့်မှာ စုံအောင်ဖြေလို့မရ Blog မှာရှိ။ ၃။ ဆရာ “း” ကျန်ခဲ့ပါတယ်ဗျ အလွန် ရိုင်း Thanks အဲဒီကွန်မင့်ကို ဖုန်းပေါက်စလေးကနေကြိုးစားပြီး ပြင်လိုက်ဖျက်လိုက်ရေးရတာ။ အိပ်တော့မယ်။ ည ၁၂ နာရီ ၇ မိနစ်။ ဒီအချိန်မှာစာရေးရင် ပိုမှားတယ်။ အမှားတွေကို ကွန်မင့်တွေက ယဉ်ယဉ်ကျေးကျေးပြင်ပေးသူ၊ ရိုင်းရိုင်းပျပျရေးတာတွေကို မနက်ထတာနဲ့ လိုက်ရှင်းရပါတယ်။ Good night, Thanks နဲ့ မြန်မာလို ဆောရီးလို့ရေးတာတွေကို ရန်ရှာကြတယ်။ ဖုန်းကို ဇော်ဂျီနဲ့ အခြေခံထားတော့ မြန်မာလို ကျေးဇူးစာရေးရတာ မလွယ်။  ကွန်ပြူတာကလည်း ဇော်ဂျီ။ စာရေးတိုင်း ဖောင့်ကွန်ဘာတာ သုံးရတာ အဆင့်ဆင့်။ အောက်ကမြစ်တလုံးကျနေရင် တချို့က ပြောမပြီးတော့ဘူး ဒေါက်တာတင့်ဆွေ

ဆရာ့စာတွေမဖတ်ရတာကြာပီ(ကြာပြီ) နေ့စဉ် ညအိပ်ချိန် ၈-၁၀ နာရီ၊  ထမင်းစာချိန် ၁၅ + ၁၅ မိနစ်နဲ့  လက်ဖက်ရည်ဆိုင် တပတ်တခါထိုင်ချိန်တွေကလွဲရင် စာတွေ တင်ပါတယ်။ နေမကောင်းမဖြစ်တာလည်း နည်းနည်းကြာပြီ။  ဘုန်းကြီးကျောင်းလည်း မရောက်ဖြစ်တာ နည်းနည်းကြာပြီ။ တခါတခါမှသာ ခရီးသွားရတယ်။ နေ့ချင်းပြန်သာ သွာရတာ များတယ်။ ဖေ့စ်ဘွတ်ကလည်း လူများများဆီမရောက်အောင် ကန့်သတ်ထားဆိုလား ရေးတာတခုရတာတော့ ကြာပြီ။ ဒေါက်တာတင့်ဆွေ

ဆရာရှင့် လူလွန်မသား ယဥ်ပါး လူမိုက်သား ရမ်းကား ဆိုတဲ့စကားပုံကို ကြားဖူးပါတယ်။ လူလွန်မ ဆိုတာ ဘာကိုဆိုလိုတာလည်းရှင့်။ “တုံးအောက်က တီတွန်၊ လူလွန်မသား၊ မုန့်ဆီကြော် အလယ်အက် ပြည်ဖျက်မယ့်သား” ဆိုတဲ့ တဘောင်ကတော့ သီပေါမင်းနန်းတက်ခါနီးမှာ ပေါ်ခဲ့ပါတယ်။ စနေသားဖြစ်လို့ သီပေါမင်းဟာ မြန်မာနိုင်ငံကြီးကို ကျွန်ဖြစ်အောင် လုပ်သွားခဲ့ပါတယ်။  “လူလိမ္မာသား ယဉ်ပါး၊ လူမိုက်သား ရမ်းကား” ဆိုသည်မှာ မိဘ၏ စရိုက်သည် သားသမီးများအပေါ် မည်သို့ သက်ရောက်မှုရှိကြောင်းကို ဖော်ပြသော ဆိုရိုးစကားဖြစ်သည်။ “လူလိမ္မာသား ယဉ်ပါး” ဆိုသည်မှာ “လူလိမ္မာ” (လိမ္မာသော မိဘ) ၏ “သား” (သားသမီး) သည် “ယဉ်ပါး” (ယဉ်ကျေးလိမ္မာ) တတ်သည်ဟု ဆိုလိုသည်။ လိမ္မာသော မိဘများသည် သားသမီးများကို ကောင်းမွန်စွာ ဆုံးမသွန်သင်တတ်သောကြောင့် သားသမီးများလည်း ယဉ်ကျေးလိမ္မာကြသည်။ “လူမိုက်သား ရမ်းကား” ဆိုသည်မှာ “လူမိုက်” (မိုက်မဲသော မိဘ) ၏ “သား” (သားသမီး) သည် “ရမ်းကား” (ရိုင်းစိုင်းခြင်း၊ မယဉ်ကျေးခြင်း) တတ်သည်ဟု ဆိုလိုသည်။ မိုက်မဲသော မိဘများသည် သားသမီးများကို ကောင်းမွန်စွာ မဆုံးမတတ်သောကြောင့် သားသမီးများလည်း ရိုင်းစိုင်းတတ်ကြသည်။ ဤဆိုရိုးစကားသည် မိဘ၏ အပြုအမူနှင့် ...

- ဆရာ မေတ္တာဖြန်းမှ လန်းဆန်းမယ် ဆိုတဲ့ သီချင်းမှာ ဖြန်း နဲ့ ဖျန်း ဘယ်ဟာ အမှန်လဲ သိပါရစေ။ - မင်္ဂလာပါ ဆရာ ဖျန်း၊ ဖြန်း စာလုံး အသုံးပြုပုံလေး သိလိုပါတယ် ဆရာ "မေတ္တာဖျန်းမှ လန်းဆန်းမယ်" သံသရာဘုံ မလွတ်ကင်းနိုင်ကြပုံ ဤကမ္ဘာမြေဝသုန် မေတ္တာနယ်တွင်း သက်ဆင်းကာကြုံ လွှဲရှောင်ကာမရပုံ မေတ္တာဆိုတဲ့တရားကကြီးမားတာအမှန်ယုံ သေချာစွာ စောင့်ထိန်းလို့သာမကုန် မညှိုးပန်းမာလာငုံ မိုးဆန်းပမာပုံ မေတ္တာဖျန်းမှ လန်းဆန်းမယ်သာယုံ ဖျန်း ဆွတ်ဖျန်း ဖျန်းဆွတ် ဖျန်းပက် ရေဖျန်း ဖျန်းသတ် (နံ့သာရည်ထုံစေ) ဖျန်းသတ် (မီးကိုရေဖြင့်...) ဖျန်းသပ် (နံ့သာရည်လိမ်းသပ်) ဖြန်း ညာဖြန်း လေးညှို့ ဖြန်း ဖြန်းလေသွေး ဖြန်းခနဲ ဖြန်းဖြန်းကျိုး ဖြန်းဖြန်းကွဲ ဖြန်းသန်းပြော စီးဖြန်း ရှက်သွေးဖြန်း အပျိုဖြန်း ကြက်သီးဖြန်းဖြန်းထ ရတနာဦး - မေတ္တာဖျန်းမှလန်းဆန်းမယ် https://www.youtube.com/watch?v=k0Ke9FnTYcI ဒေါက်တာတင့်ဆွေ

ဆံပင်အတုတခု  မှတ်ချက် အခုတော့ မြန်မာစာအတုခေတ် ကာတွန်း ​ငွေကြည်​ ရေးဆွဲသည် ရှုမဝမဂ္ဂဇင်း ၁၉၇၉-ခု၊ ဒီဇင်ဘာလ၊ အတွဲ ၃၃၊ အမှတ် ၃၉၁။ Listener's Heaven Audiobooks - အသံစာအုပ် ဒေါက်တာတင့်ဆွေ

ကွန်မင့်တခု = "ဆောရီး"ဆိုတဲ့စကားလုံးကမြန်မာစာမြန်မာစကားမှာမရှိဘူးထင်တယ်နော် ကာကာတို့ မင်မင်တို့လို ခေတ်ရေစီးကြောင်းအရ လူသုံးများပြီးဖြစ်လာတဲ့ စကားလုံးဆိုရင်တော့ မပြောတတ်ဘူး Facebook = မျက်နှာစာအုပ်။  Cancer = ၉၇ ပါးမြောက်ရောဂါ။ Doctor = ဆေးကုစားသူ။ Car = နွားမပါ၊ စက်တပ်၊ အသွားမြန်သော ဝူးဝူးဝူးဟုအော်သည့် ယာဉ်တမျိုး။ Phone = လူမှန်လျှင် မဝယ်ဘဲမနေနိုင်သည့် ခေတ်ပေါ် လက်ကိုင်၊ ဈေးကြီးသော ဆက်သွယ်ရေးစက်ငယ်တမျိုး။ AI = ကစျ။  Oxygen = လေသန့်။ Internet = အတွင်းနက်။ Auntie (Aunt) = ကျယ်မ၏အဒေါ်။ ဒေါက်တာတင့်ဆွေ