နိုင်ငံတော်သီချင်း

နိုင်ငံတော်သီချင်းကို တင်ထားတာ တွေ့တယ်။ မူရင်းသီချင်း မဟုတ်ပါ။ သတ်ပုံရော စာသားပါ မှားအောင်ပြင်ထားတာဖြစ်နေတယ်။ အမှန်ကိုသိသူ အတော်ကို ရှားသွားပြီ။နိုင်ငံတော်သီချင်း 

တရားမျှတ လွတ်လပ်ခြင်းနဲ့မသွေ

တို့ပြည် တို့မြေ

များလူခပ်သိမ်း ငြိမ်းချမ်းစေဖို့

ခွင့်တူညီမျှ ဝါဒဖြူစင်တဲ့ပြည်

တို့ပြည် တို့မြေ

ပြည်ထောင်စုအမွေ အမြဲတည်တံ့စေ

အဓိဋ္ဌာန်ပြုပေ ထိန်း သိမ်း စို့လေ။

(ကမ္ဘာမကျေ၊ ဗမာပြည်၊ တို့ဘိုးဘွား အမွေစစ်မို့ ချစ်မြတ်နိုးပေ) ၂

ပြည်ထောင်စုကို အသက်ပေးလို့ တို့ကာကွယ်မလေ။

ဒါ တို့ပြည် ဒါ တို့မြေ တို့ပိုင်နက်မြေ။

တို့ ပြည် တို့ မြေ - အကျိုးကို 

ညီညာစွာ တို့ တတွေ

ထမ်းဆောင်ပါစို့ လေ 

တို့ တာဝန်ပေ 

အဖိုးတန် မြေ။

မှတ်ချက် -

ပြည်ကို ပြေဟု ဖတ်ပါ။ တို့ ကို ဒို့ ဟာ ဖတ်ပါ။

နိုင်ငံတော်သီချင်း မူရင်း ဖြစ်ပါတယ်။ အခုတော့ ဗမာပြည် မရှိတော့ပါ။ တို့တတွေလည်း မရှိတော့ပါ။ သတ်ပုံမှန်တွေကို ဖျက်လိုက်ပြီ။

စစ်အစိုးရ ဒုတိယမျိုးဆက်မှာ ဗမာ နဲ့ မြန်မာ ဝေါဟာရကို အငြင်းပွားလာကြတယ်။ စစ်ထောက်လှမ်းရေးက စတာ။ ကနေ့အသုံး ဂျင်း (ချင်း) ဖြစ်တယ်။ တိုင်းရင်းသားအမျိုးမျိုးကလည်း ဗမာဆိုတာ တကောင်းကစခဲ့တဲ့ ပုဂံ (ပျူ) လူမျိုးနဲ့သာဆိုင်တယ်၊ မြန်မာကသာ တတိုင်းတပြည်လုံး (ပြည်ထောင်စုကြီးတခုလုံး) နဲ့ ဆိုင်တယ် ဆိုပြီး ဟိုအရင် လွတ်လပ်ရေးမရခင်ကတည်းက ရေးသား ပြောဆို သီကုံးလာတာတွေထဲက ဗမာစာလုံး နေရာမှာ မြန်မာစာလုံးကို အစားထိုး (ရီပလေ့စ်) လုပ်လိုက်ကြတယ်။ တကယ်လို့ ကျယ်ပြန့်တယ်၊ လူမျိုးအမည် အကုန်နဲ့ ဆိုင်တယ်ဆိုတဲ့ ရည်ရွယ်ချက်၊ ပြည်ထောင်စုသဘောရည်ရွယ်အတွက်သာဆိုရင် ရည်ရွယ်ချက်က ကောင်းပါတယ်။ အဲလို ဝေါဟာရနိုင်ငံရေးလုပ်နေခဲ့တာ နှစ်ပေါင်း ၃၀ ကျော်ပြီ၊ တိုင်းရင်းသားတွေ အများစုက ကျေနပ်ကြပါပြီလား၊ ပြည်ထောင်စုပုံစံ ပိုပြီး ပီပြင်လာပါသလား။ နိုင်ငံတော်သီချင်းကတော့ ပုံပျက်သွားပြီ။ သီချင်းဆိုတတ်သူတွေက ပိုသိမယ်။ ဗမာနေရာမှာ မြန်မာလုပ်လို့ အားမာန် ပိုပါသလား။ ပိုမြန်၊ ပိုသန်ပါသလား။ အီသီယိုးပီးယား၊ ဇင်ဘာဘွေ စတဲ့ ကိုယ့်အောက်ကနိုင်ငံတချို့က ကျော်တက်သွားပြီ။ စကားလုံးနိုင်ငံရေး ရေစုံမှာမျောပါနေကြဆဲ။ မေ့မြောနေကြဆဲ။

၁။ ကမ္ဘာမကျေဘူး ကမ္ဘာမကြေဘူး ဘယ်ဟာ အမှန်ရေးရလဲရှင့်

ကမ႓ာမကျေ (ကမ႓ာမကြေ)

၂။ ဆရာရေ တခုလောက်မေးချင်လို့ပါရှင့်။ တိုင်းပြည်တာဝန်ကို (ကျေပွန် / ကျေပြွန်) စွာထမ်းဆောင်ပါမည် ဆိုတဲ့စာသားထဲက (ကျေပွန်/ကျေပြွန်) ဘယ်တခုက အမှန်လဲရှင့်။

ကျေပွန်လို့ အများဆုံးရေးတယ်။ သတ်ပုံစာအုပ်ဟောင်းတအုပ်မှာ ကျေပြွန်လို့ပါ ပြထားတယ်။ ပို့စ်တခုက မယုံမရှိနဲ့ ကြွေးအကုန်ကြေတယ်တဲ့။ သတ်ပုံမှားနေတယ်။ အကြွေးကျေလို့ ရေးရတယ်။ အဲတာက နဂါးမယ်တော် ငါးဖေါ်တဲ့။ ဘုရားတဆူမှာ အကြွေးကြေလို့ ရေးထိုးထားတယ်။ အကြွေးကျေကသာ မှန်တယ်။ နဂါးဆိုတာ ဒဏ္ဍာရီပုံပြင်တွေထဲမှာသာရှိတာ။

ကျေ

ကမ႓ာမကျေ (ကမ႓ာမကြေ)

ကျမ်းကျေ

ကျိန်းကျေ၊

ကျေ (ပျောက်ကွယ်)

ကျေကျေနပ်နပ်

ကျေကုံ

ကျေချမ်း

ကျေညက်၊

ကျေညာသည် (မူလသတ်ပုံ)

ကျေနပ်

ကျေပ

ကျေပျက်

ကျေပျောက်

ကျေပွန် (ကျေပြွန်)

ကျေပွေ့ (ကျည်ပွေ့)

ကျေမွ

ကျေရာကြေကြောင်း

ကျေလည်

ကျေအေး

ကြွေးကျေ

စာကျေ

စိတ်ကျေ၊

စိတ်ကျေနပ်သည် (စိတ်ကြေနပ်သည်)

စိတ်မကျေပွဲ၊

ဆယ်လီကျေ

ဇယားကျေ

တာဝန်ကျေ

ဒဏ်ကျေဆေး

နောကျေ

ပျက်ကျေ၊

ပွတ်ခုံပွတ်ကျေ

ပဲတင်းပဲကျေ

မင်းတိုင်းကျေ၊

လောကွတ်ကျေ၊

ဝတ္တရားကျေပွန်

ဝတ်ကျေတမ်းကျေ

ဝတ်ကျေဝတ်ကုံ

သဘောတရားကျေညက်

သေကျေ

အခဲမကျေ

အသုံးလုံးကျေ

အောက်သက်ကျေ။

ဥဒါန်းမကျေ

ဧည့်ဝတ်ကျေ

ကြေ

ကမ႓ာကြေသော်လည်း ဥဒါန်းမကျေ (ကမ႓ာမကျေ)

ကြေ (မုန့်မုန့်ညက်ညက်ဖြစ်)

ကြေကြေလယ်လယ် (ကြေကြေလည်လည်)

ကြေကွဲဝမ်းနည်း၊

ကြေငြာ

ကြေညက်

ကြေညာ (နောက်သုံး)

ကြေပြုန်း

ကြေမြည့်

ကြေမွ

ကောလီကြေ

စိစိညက်ညက်ကြေ၊

စိတ်ကြေနပ်သည်

တွန့်ကြေ

ထုချေ၍ကြေသွားသည်

ထောင်းထောင်းကြေ

ဖွတ်ဖွတ်ကြေ

မြည့်မြည့်ကြေ

မွမွကြေ၊

မုန့်မုန့်ညက်ညက်ကြေ

လေကြေဆေး

သိသိကြေ

သေသေကြေကြေ (မိုက်မိုက်ကန်းကန်း)

အစာကြေဆေး

အစာကြေညက်

အညာ-အကြေ (အထက်အရပ်- အောက်အရပ်)

အတွင်းကြေကြေ

ဒေါက်တာတင့်ဆွေ