Vada ပဲဗယာကြော်

တင်ထားတာတခု တွေ့တယ်။ စာလုံးပေါင်းသတ်ပုံလည်း မှန်တယ်။ ကွန်ဂရက်ကျူလေးရှင်း။ 

ဘယာကြော် အတု၊ အစစ် ဂယက် လာပြန်ပါပြီ (ဒီတခါတော့ တနိုင်ငံလုံးပါ ငြင်းခုံနေကြပါပြီ) လူမှုကွန်ရက်မှာ အဖွဲ့ဝင်ဦးရေ တသန်းကျော် ရှိတဲ့ စားကြမယ်၊ ချက်ကြမယ် ဂရုမှာ ဘယာကြော် အခေါ်အဝေါ်နဲ့ ပတ်သက်ပြီး 

ကျွန်တော် အရင်ကရေးထားတာကို ထပ်မံတင်ပြပါဦးမယ်။

ဝေါဟာရ မူလအစလိုက်ရှာတာ တနေရာတမျိုး၊ တယောက်တမျိုး။ ကျွန်တော်လည်း တမျိုး။

ဗယာကြော် = ကုလားပဲခြမ်း၊ မတ်ပဲ စသည်ကို ရေစိမ်ထောင်း၍၊ ကြက်သွန်၊ ငရုတ်သီး၊ အမွှေးအကြိုင်စသည် ရောနယ်ကာ ဆီနှင့်ကြော်ထားသော စားစရာ။ (ဟိန္ဒီ) (မြန်မာအဘိဓာန် (၁၉၇၉)

ဗယာကြော် အော်ရီဂျင်ဟာ အိန္ဒိယတောင်ပိုင်းကဖြစ်တာ သေချာတယ်။ wada, vade, vadai, wadeh နဲ့ bara လို့လည်း ခေါ်တယ်။ အိန္ဒိယတောင်ပိုင်းမှာ ပဲနဲ့ကြော်ပြီး medu vada လို့ခေါ်တယ်။ အာလူးနဲ့ကြော်တဲ့ အိန္ဒိယအနောက်ပိုင်းက ဗယာကြော်ကို batata vada လို့ခေါ်ကြတယ်။

သူတို့က ဗယာကြော်ကို chutneys နဲ့ achars ခေါ် အချဉ်တမျိုးနဲ့ တွဲစားကြတယ်။ ကျွန်တော်က တယ်မကြိုက်။

သုံးတဲ့ပဲကလည်း အမျိုးမျိုး။ pigeon pea, chickpea, black gram နဲ့ green gram ပဲတွေဖြစ်တယ်။ အရသာ နည်းနည်းစီ ကွာတယ်။ မတ်ပဲ၊ မတ်ချွဲ၊ ကုလားပဲ စသည်။ ကြိုက်တယ်။

အိန္ဒိယတောင်ပိုင်း တမီးလ်ဒေသမှာ ဘီစီ ၁၀၀-၃၀၀ ကတည်းကလို့ သူတို့သမိုင်းက ဆိုပါတယ်။ အိန္ဒိယနွယ်လူမျိုးတွေ နေရာဒေသအမျိုးမျိုးကို ရောက်ကြပြီး အဲဒီစားစရာကို မွမ်းမံကြတာလည်းရှိတယ်။

ကျွန်တော်တို့နိုင်ငံက ၁၉၃၇ ခုနှစ်အထိ အိန္ဒိယနဲ့ တနိုင်ငံတည်းဖြစ်ခဲ့သေးတယ်။ ကိုလိုနီအစိုးရက အောက်ပြည်မှာ စပါးစိုက်ဖို့ အိန္ဒိယကလူတွေ အများကြီးခေါ်သွင်းတယ်။ အများစုဟာ အိန္ဒိယတောင်ပိုင်းကဖြစ်တယ်။ ယဉ်ကျေးမှု၊ စကား၊ အစားအသောက်၊ စတာတွေ ရောနှောခဲ့တာ နှစ်တွေအတော်ကြာတယ်။ အဲတော့ အိန္ဒိယတောင်ပိုင်း အစားအစာတွေနဲ့ ပိုပြီးရင်းနှီးတယ်။ ချစ်တီးထမင်း၊ ဗယာကြော်၊ စမူဆာ၊ ဒိုဆာ ခေါ် တိုရှည် စတာတွေ အများကြီး။

ကျွန်တော်တို့ကလည်း မော်ဒီဖိုင်း (ဗမာမှုပြု) ကြတယ်။ အချဉ်ဓါတ်ပါတဲ့ မုံ့ပေါင်းကလည်း အဲဒီကနေလာတာ။ ပဲကုလာဟင်း ခေါ် ပဲနဲ့ အသီးအရွက်တွေ (အာလူး၊ ဒန့်သလွန်သီး၊ ခရမ်းသီး၊ ပျဉ်းတော်သိမ်ရွက်) ရောချက်တာလည်း အဲဒီကလာတယ်။ ပဲဟင်းထဲ မန်ကျည်းသီးမှည့်၊ ငရုတ်သီးခြောက်တောင့်လေး ရောတာလည်း အဲဒီကလာပါတယ်။ တောင်ပိုင်းကုလားမတွေကို မန်ကျည်းသီးကုလားမလို့ခေါ်တယ်။ တောင်ပိုင်းသူတွေသာ ဗမာမတွေလို ပန်းပန်တယ်။ တခြားကုလားမတွေက ပန်းမပန်တတ်ကြပါ။

ကျွန်တော်က ဒေလီကအစားအစာတွေ သိပ်မကြိုက်ပါ။ မဒရပ်စ်က အရွယ်သေးသေး စမူဆာကို သတိရတယ်။ ငှက်ပျောဖက်ပေါ်မှာစားရတဲ့ ချစ်တီးထမင်းအစစ်ကိုလည်း သတိရတယ်။

Onion Samosa 

Patti Samosa

Tea Kadai Samosa 

Tea Kadai Samsa 

Vengaya Samosa

Chana dal vada 

Masala vada 

Masala vadai

Medhu vadai 

Medu Vada 

Ulundu vadai

Urad dal vada

Vada ပဲဗယာကြော်

- ဘယာကျော်နဲ့ ဗယာကျော် ဘယ်စာကအမှန်လဲဆရာ (ဗယာကြော်)

- လုပ်နည်းကအရမ်းလွယ်နေရောဘဲနော် အိမ်မှာကြော်စားတဲ့ ဘယာကြော် (ဗယာကြော်)

- ဘရာကြော် (ဗယာကြော်)

- ဗရာကြော်မုန့် (ဗယာကြော်)

- ဗယာကျော်လား ဘယာကျော်လား။ (ဗယာကြော်လို့ ရေးရ။)

- မတ်ပဲဗယာကျော်မစားရတာကြာပြီဆရာ။ (ဗယာကြော်လို့ ရေးရ။)

တချို့ပို့စ်တွေက စာမပါ ပုံသာပါလို့ သတ်ပုံမမှားကြပါ။ ကြည့်ကောင်း၊ စားကောင်း၊ ဖတ်ကောင်း။

1. Crispy Medu Vada

2. Dal vada recipe (chana daal) ကုလားပဲ

3. Masala Vada - Paruppu Vada - Chana Dal Vada Recipe 

4. Medu Vada (Marathi Recipe) - Urad dal မတ်ပဲ

5. Medu Vada (Ulundu Vadi) - Urad Dal

6. Medu Vada Recipe

7. Samak Medu Vada Recipe

8. Uzhunnu Vada (Kerala style Easy Recipe)

9. Vada recipe

10. Vrat ka Medu Vada 

အိန္ဒိယမှာ အသုံးပြုတဲ့ပဲက မတူကြပါ။ မြန်မာပြည်မှာလည်း မတ်ပဲ၊ မတ်ချွဲ၊ ကုလားပဲ သုံးကြတယ်ထင်ပါတယ်။

- Lentil ပဲနီလေး (ပဲရာဇာ)

- Green gram မတ်ပဲ

- Pigeon Peas ပဲစင်းငုံ

- Lima bean ပဲကျား (ပဲဖြူလေး)

- Mung bean ပဲနောက် (ပဲတီစိမ်း)

မတ်ပဲဆိုတာ မြန်မာ (ဗမာ) စကား မဟုတ်။ တခုတမတ်လည်း မဟုတ်။ အိန္ဒိယန်းစာလုံးတဲ့။ Indian Black Gram Matpe, Vigna Mungo, Black Gram, Urad Bean, Minapa Pappu, Mungo Bean တဲ့။ 

အရင်က မုံ့လို့သာရေးတယ်။ နသတ်နေတာကြာတော့ ဗယာကြော်က တူးသွားမယ်။

ဒေါက်တာတင့်ဆွေ