၁။ လေပြေဥသြသံချိုနှောတဲ့ ဂိမာန်လ ဒီရာသီဝယ်
လေပြည်လို့ရေးတာ ပိုမှန်ပါတယ်။
၂။ လေပြည် နဲ့ လေပြေ ဘယ်ဟာအမှန်လဲ စာပေမိတ်ဆွေတို့ရေ စာလုံးပေါင်းတဲ့အခါ အသံထွက်အတိုင်းလိုက်ပြီး “လေပြေညင်း”လို့မှားရေးတတ်ကြပေမဲ့ အမှန်ကတော့”လေပြည်ညင်း”ပါနော်။
ပြေ ကတော့ ပြေပြစ်တယ်ဆိုတဲ့အဓိပ္ပာယ်ပါ။ ဥပမာ-ပြေပျောက်၊ ပြေလည်၊ စိတ်ပြေလက်ပျောက် တို့ဖြစ်ပြီး
ပြည် သုံးချင်တယ်ဆိုရင်တော့ ပြည်ထောင်စု၊ လေပြည်ညင်း၊ ပြည်သူပြည်သား လို့သုံးမှမှန်ကန်ပါမယ်ရှင်။ (ရေးမယ် - Yay Mal Training)
၃။ စိုပြည် ကို စိုပြေ ဟု ရေးတာမှန်မမှန်
၄။ ပြေ နဲ့ ပြည် ဘယ်အရာက အမှန်လဲဆရာ
၅။ မေးချင်လို့ပါဆရာ။ စိမ်းလန်းစိုပြေလား ဒါမှမဟုတ် စိမ်းလန်းစိုပြည်လား။ အမှန်သိချင်လို့ပါ။ လေးစားပါတယ်ဆရာ။
၆။ စိုစိုပြည်ပြည်နဲ့ စိုစိုပြေပြေ ရှင်းပြပါလားဆရာ ကျေးဇူးတင်ပါတယ်။
အရင်ထုတ် သတ်ပုံစာအုပ်တွေမှာ စိုပြေရော စိုပြည်ပါ နှစ်မျိုးလုံးရေးထားတယ်။ မြန်မာအဘိဓာန် အကျဉ်းချုပ် (၁၉၇၈) ထဲမှာ စိုပြည်။ ခုခေတ်မှာ စကားပြောသလိုစာရေးနည်းပေါ်လာတဲ့နောက် စိုပြေလို့ ရေးတာတွေလည်း မနည်းပါ။
ပြေ
ငါးပြေမ(ငပြေမ)
စကားပြောပြေပြစ်သည်
စစ်ပြေငြိမ်း
စိတ်ပြေလက်ပြေ
နီပြေပြေ
ပြေစာဖြတ်ပိုင်း
ပြေပျောက်
ပြေပြစ် (ပြေပျစ်)
ပြေပြတ်ပြီ
ပြေပြေပျစ်ပျစ်
ပြေရာပြေကြောင်း
ပြေလည်သွားပြီ
ဖြေ၍ ပြေသည်
လေညှင်းလေပြေ
သပြေပန်း
ပြည်
ဆန်တပြည်
တိုင်းပြည်
ပြည်ကြီးပန်း (ဗေဒါပန်း)
ပြည်စွန်ရွာနား
ပြည်ဆံတော်ဘုရား
ပြည်တည်တည် (ပြက်ရယ်ပြုသည်)
ပြည်တန်ပတ္တမြား
ပြည်တီတီ (ပြက်ရယ်ပြုသည်)
ပြည်တော်ပြန်
ပြည်တော်သာ
ပြည်ထောင်စု
ပြည်ထဲရေး
ပြည်နှင်ဒဏ်
ပြည်ပန်းညိုပင်
ပြည်ပြေး
ပြည်ဖုံးကားချ
ပြည်မြို့
ပြည်ရှင်မင်းကြီး
ပြည်လုံးကျွတ်
ပြည်ဝတ်တည်
ပြည်သူပြည်သား
ရွှေပြည်စိုးငှက်
လေပြည်လေညှင်း
အနာပြည်တည်
လေပြည် ဇော်ဝင်းထွဋ်
အဝေးကမေ
တေးရေး မြို့မကိုပေါ
(ဆို ဝင်းဦး)
စိုစိုပြေပြေ ပင်ကိုယ်ချောလုံမေ
ရှင်းကျော့ကိုယ်ဟန်နေ မခို့တရို့ကလေးနဲ့လေ
ညှင်းသွဲ့သာယာပေ ကြည်နူးတဲ့စေ ရှုတိုင်းလဲမဝနိုင်ပေ
အဝေးကမေ - ဝင်းဦး https://www.facebook.com/100007274508999/videos/582282280266314
တိမ်ဦးလေပြည် မောင့်ကိုစေ ရေး/ဆို စန္ဒယားလှထွဋ် https://www.youtube.com/watch?v=7zupgHYU4aU
ဒေါက်တာတင့်ဆွေ
Comments
Post a Comment