မူရင်းကဗျာ ပုံနှိပ်မူကို ထပ်မံတင်ပြပါမယ်။ ၂၀၂၂ ကတည်းက တင်ပြထားတာ။
ထိပ်ဆုံးသို့
- June 10, 2022
တတောင်ပေါ် တတောင်ဆင့်
တောင်အမြင့် ပတ်ခြံရံ။
တတောင်ဆုံးပြန်တော့
တလုံး ကျန်ပြန်ပေသမို့
ဖန်ဖန်လေ အားအင်နှိုးလို့ရယ်
ကြိုး လျှောက်ရပြန်။
ခါတလေ တကယ်ပန်းတာကြောင့်
တော်ပါပြီ ဆက်မလှမ်းချင်ဘု
ရပ်တန်းက ရပ်မယ်ကြံ
အမှန်တော့ ဖြစ်နိုင်မလား။
စခဲ့မိဟာပေါ့
တနေ့မှာ ဆုံးရာရောက်ပါလိမ့်
အားလျှော့ကာ ဆုတ်ချင်စမ်းပါနဲ့
စိတ်နွမ်း အသာဖြေဦး
မာလာငွေ ကန်ရေအေးရယ်နှင့်
ငှက်တေးကို အာရုံဆင်လို့
မူတသွင် အားအင် သစ်လိုက်ပါ့
ချစ်ဖွယ့်လူသား။ ။ (ငွေတာရီ)
ဆဋ္ဌမတန်း မြန်မာဖတ်စာ
၁၉၈၇ ခုနှစ်၊ မေလ ထုတ်ဖြစ်ပါတယ်။ မဆလ ခေတ်က ကျောင်းသုံးစာအုပ်။ ကဗျာရေးသူအမည် ထည့်မထားပါ။ သတ်ပုံတွေ မှန်တယ်။ ၁၉၈၈ စစ်တပ်က ဒုတိယအကြိမ်အာဏသိမ်းပြန်တော့ မြန်မာစာဟာ တတောင်ပေါ် တတောင်ဆင့် ကနေ အောက်ကိုလိမ့်ကျတယ်။ အခုဆို အောက်ဆုံးရောက်နေပြီ။
မြန်မာစာ ထိပ်ဆုံးသို့ ပြန်ရောက်ပါစေသတည်း။
ဒေါက်တာတင့်ဆွေ
Comments
Post a Comment