Lobia beans နတ်တော်ပဲ

"နတ်တော်ပဲ" ကို ယောအခေါ် "နံကန်ပဲ" လို့သိရ။ ကျေးဇူး။

ကျွန်တော်ကတော့ ငယ်ငယ်ကတည်းက အသေမှတ်ထားတာတွေကို မမေ့ပါ။ အခုလိုဆောင်းရာသီမှာ မုံ့ပေါင်းစားရတယ်။ မုံ့ပေါင်းမှာ နတ်တော်ပဲကိုသုံးတယ်။ လကလည်း နတ်တော်လ။ အကြော်နဲ့တွဲစားရင် ဗယာကြော်။ 

အစားအသောက်တွေကို နေရာဒေသအလိုက် အခေါ်တွေ မတူကြပါ။ (မုံ့ = မုန့်)

၁။ ပဲလွန်း မုံ့ပေါင်း စားလို့ကောင်း ခုတော့ စားတော်ပဲနဲ့ဘဲလုပ်ကြတော့တယ်။

၂။ ကျနော်တို့ဒေသအခေါ်ဆိုရင် နတ်တော်ပဲဖြစ်ပါမယ် ဘိုကိတ်ကမီးခိုးရောင်အကြား ပဲလွန်းကပြုတ်ပြီး နီယောင်ယောင်ထွက်တာကို ခေါ်တယ်ထင်ပါတယ်

အဖေါ်ရပြီ။ ကျွန်တော်လည်း ငယ်ငယ်လေးကတည်းက နတ်တော်ပဲလို့သာ ခေါ်တယ်။ မုံ့ပေါင်းမှာလည်း အဲဒီပဲသာသုံးတယ်။ ကောင်းတယ်။

ခက်တာက တယောက်တမျိုး။ နတ်တော်ပဲလို့တင်ရင် တခြားအမည်တွေ လာပြောပြကြတယ်။ ပဲအမည်တွေကတော့ တဒေသတမျိုးခေါ်ကြတယ်။ ဘိုကိတ်ပဲ၊ ပဲလွန်း။ ဘိုကိတ်ပဲက အနီနဲ့ အဖြူရှိသတဲ့။

၃။ နတ်တော်ပဲနဲ့ စားတော်ပဲကအတူတူပဲလား ဘယ်လိုကွဲလဲဆရာရှင့်။

နတ်တော်ပဲနဲ့ စားတော်ပဲ အတော်ကို မတူပါ။ 

ပဲအကြောင်း ပဲထွက်တဲ့အညာသားတွေကပိုသိတယ်။ အညာမှာ မစိုက်တဲ့ပဲ ချင်းတောင်မှာတွေ့တယ်။ ၁၉၉၀ ခုနှစ်က အခုလို ဒီဇင်္ဘာလထဲမှာ ထွက်ပြေးရတုန်းက တညလုံးပြုတ်တာ မနက်လင်းတဲ့အထိ မနပ်။

အိန္ဒိယမှာလည်း တခြားပဲတွေရှိတယ်။ မက်ဆီကိုနဲ့ တောင်အမေရိကတိုက်မှာလည်း တခြားပဲတွေရှိတယ်။ ဒီမှာ လူမျိုးစုံ နေကြလို့ ပဲဝယ်ရတာ မခက်ပါ။ အိမ်မှာ ပဲမျိုးစုံ ပုံးနဲ့ နှစ်ပုံး။ 

အမေရိကန်တွေက ပဲဆိုရင် တမျိုးနှစ်မျိုးလောက်သာစားကြတယ်။ ပဲကြီးကို အလည်ပြန်တုန်းက ယူလာခဲ့သေးတာ။ ဒီမှာလည်း ဝယ်လို့ရပါတယ်။ ကိုယ့်ဆီကဟာကို ပိုကောင်းတယ် ထင်တယ်။

Blackeye Cowpeas နွားမျက်လုံးနက်နဲ့ တူတဲ့ပဲ

၁၁-၄-၂၀၂၃ စီအင်န်အင်န်သတင်းအရ ဒီပဲကို ကယ်လီဖိုးနီးယားမှာ ၇ လက္မထိရှည်အောင် စိုက်ပျိုးတော့မယ်တဲ့။ သူတို့ဆီမှာ California Blackeye Cowpeas လို့ခေါ်တယ်။ ပဲစေ့က ခပ်စိမ်းစိမ်းတဲ့။ Black-eyed peas နဲ့ Cowpeas လို့လည်း ခေါ်တယ်။ နွားမျက်လုံးနက်နဲ့ တူတယ်တဲ့။ ယူအက်စ်အေရဲ့ အရှေ့တောင်ပိုင်းမှာ အများဆုံးစိုက်ပျိုးတယ်။

ကျွန်တော်တို့ကတော့ အမည်နာမကိုသာ ငြင်းခုန်ကြပါတယ်။ ကျွန်တော်လည်းပါတယ်။ နတ်တော်ပဲလို့ ခေါ်တယ်။ 

"တို့အညာမှာ တလပဲလို့ခေါ်တယ်"

“မဟုတ်ပါဘူး၊ အဲဒါက ပဲဖြူလေးပါ”

အစားအသောက် အမျိုးအမည်တွေ ဒေသအလိုက် အခေါ် မတူတတ်ပါ။ ကျွန်တော်ကတော့ ပုံထဲကပဲကို ငယ်ကတည်းက နတ်တော်ပဲလို့သာ ခေါ်တယ်။ သီးသန့်ပြုပ်စားတယ်။ မုံ့ပေါင်းမှာ အပေါ်ကနေထည့်တယ်။ ကောက်ညှင်းအဖြူနဲ့ နတ်တော်ပဲပြုပ်နဲ့ တွဲစားတယ်။ ကောက်ညှင်းမှုန့်နဲ့ ရောကြော်တယ်။ တချို့က ချင်း (ဂျင်း) နည်းနည်းလေးပါ ထည့်ကြော်တယ်။ ပဲဟင်းချက်တာ ရှားတယ်။ ပဲထင်မင်းချက်တာလည်း ရှားတယ်။ ရှာလို့တွေတဲ့ အမည်ကွဲတွေ တင်ပြပါမယ်။ ရှိဦးမယ်။ ကျွန်တော်က အကုန်သိတာမဟုတ်။

Black Eye beans (Cowpeas) ပဲလွန်းဖြူ

Black Eye Beans ပဲလွန်းကြား

Black Eye beans ပဲလွန်းဖြူ 

Black Pelun Beans ဘိုကိတ်ပဲ

Brown Eye Beans ပဲလွန်းညို

Class White, Subclass Black-eyed pea

Class White, Subclass Brown-eyed

Cowpea Black Eyed Peas Lentils

Cowpeas (Lobia beans) နတ်တော်ပဲ

Google translation Black-eyed beans = မျက်တွင်းနက်ပဲ၊

Lobia beans (Black-eyed beans) ပဲလွန်းဖြူ၊ နတ်တော်ပဲလို့ ခေါ်ကြပါတယ်။

Matra beans စားတော်ပဲ

Red Black-Eyed Pea ပဲလွန်းနီ

White Black-Eyed Pea ပဲလွန်းဖြူ 

White Eye Beans ပဲလွန်းဖြူ 

ပဲလွန်း ရပ်စောက်ဒေသ အခေါ် ပဲလုံး

ပဲလွန်းပြာ (ကြက်ပြာ) 

1. Beans ပဲတွေအကြောင်း https://burmese-spelling.blogspot.com/2022/09/beans.html

2. Blackeye Cowpeas နွားမျက်လုံးနက်နဲ့ တူတဲ့ပဲ https://burmese-spelling.blogspot.com/.../blackeye...

3. Green gram မတ်ပဲ https://burmese-spelling.blogspot.com/.../12/green-gram.html

4. Lobia beans နတ်တော်ပဲ https://burmese-spelling.blogspot.com/.../lobia-beans.html

5. Vada ပဲဗယာကြော် https://burmese-spelling.blogspot.com/2023/01/vada.html

6. ပဲ သတ်ပုံ https://dr-tint-swe.blogspot.com/2021/12/blog-post_710.html

7. ပဲ သတ်ပုံ (၂) https://dr-tint-swe.blogspot.com/2022/06/blog-post_979.html

8. ပဲဋီကာ https://dr-tint-swe.blogspot.com/2021/05/blog-post_769.html

9. မန္တလေးပဲပြုတ် (လူထုဒေါ်အမာ) https://dr-tint-swe.blogspot.com/2022/06/blog-post_440.html

ဒေါက်တာတင့်ဆွေ