မောင်ရေခဲ မရွှေဖဲ

ကွန်မင့်တခု = ကျေးဇူးပဲဆရာ။ ကျနော်တို့တောင် ဒေါက်တာဂွမ်လျောင်(မောင်ဖြူး)ရဲ့ကဗျာ ဘာသာပြန်ကဗျာလေးဆွေးနွေးခဲ့တာ။ တိုက်ဆိုင်လိုက်တာ။ မူရင်းကဗျာရဲ့ rythm လည်းမပျောက်သွား၊ ကျစ်လျစ်ပြီး မြန်မာဆန်နိုင်သမျှဆန်အောင် ပြန်ဆိုနိုင်တာ တကယ်တော်သောပဲ။

ပြန်စာ

(၁) မောင်ရေခဲ

ဘယ်သွားနေလဲ မောင်ရေခဲ

ကန်တော်ကြီးကို ကားနဲ့ဆို

ဘာသွားလုပ်လဲ မောင်ရေခဲ

လေညှင်းခံဘို့ ဆိုပါစို့

ဘာမြင်ခဲ့လဲ မောင်ရခဲ

အများသူငါ စုံလို့ဗျာ

ဘာမြင်သေးလဲ မောင်ရေခဲ

အပျိုအအို မြင်သဗျို

ဘာလုပ်သေးလဲ မောင်ရေခဲ

ကန်တော်တပတ် ခရီးထပ်

ဘယ်သွားသေးလဲ မောင်ရေခဲ

ညစျေးတန်းကို သွားသေးဆို

ဘာစားခဲ့လဲ မောင်ရေခဲ

ခေါက်ဆွဲဆန်ပြုတ် ကြက်သားသုပ်

ဘယ်ချိန်ပြန်လဲ မောင်ရေခဲ

ညဉ့်နက်သန်ကောင် မနေပေါင်။   ။

ကန်တော်တစ်ပတ် မဟုတ်ပါ။

(၂) မရွှေဖဲ

ဘယ်သွားနေလဲ မရွှေဖဲ

ဘုရားပွဲကို လှည်းနဲ့ဆို

ဘာဝယ်ခဲ့လဲ မရွှေဖဲ

ပင်နီအင်္ကျီ ယောထမီ

ဘာစားခဲ့လဲ မရွှေဖဲ

ကြာဇံလက်သုပ် မုံ့ဖက်ထုပ်

ဘယ်လောက်ကုန်လဲ မရွှေဖဲ

စက္ကူတကျပ် ငွေတမတ်

ဘာမြင်ခဲ့လဲ မရွှေဖဲ

ဈေးသည် ဈေးဝယ် စုံလို့ကွယ်

ဘာလုပ်သေးလဲ မရွှေဖဲ

ဘုရားရှင်တော် ဖူးပါသော်

ဘာအမည်လဲ မရွှေဖဲ

မကွေးမြို့စွန် မြသလွန်

ဘာဆုပန်လဲ မရွှေဖဲ

နိဗ္ဗာန်ရွှေပြည် ဆုပန်သည်။   ။

မှတ်ချက် = စက္ကူတစ်ကျပ် ငွေတစ်မတ် မဟုတ်ပါ။

ပေါ်လစီလင်္ကာသစ် (၁)

ကန်တော်တစ်ပတ် 

လူညစ်ပတ်၊ 

စစ်တပ်ကိုလည်း စသတ်မည်။

ပေါ်လစီလင်္ကာသစ် (၂)

သတ်ပုံမှားခေတ်

စက္ကူတစ်

ကိုဗစ် ကိုလည်း စသတ်မည်။

မောင်ရေခဲ https://burmese-spelling.blogspot.com/2022/12/blog-post_138.html

မရွှေဖဲ နဲ့ မောင်ရေခဲ https://burmese-spelling.blogspot.com/2024/09/blog-post_18.html

မရွှေဖဲ ဘဝပြောင်းချိန် https://burmese-spelling.blogspot.com/2024/07/blog-post_225.html

မရွှေဖဲ မောင်ရေခဲ ပုံနှိပ် သတ်ပုံမှန် မူကွဲများ https://burmese-spelling.blogspot.com/2025/09/blog-post_10.html

ဒေါက်တာတင့်ဆွေ