မှတ်ချက်
သေ လို့လည်း ရေးနိုင်တယ်။ သတ် လို့လည်းရေးနိုင်တယ်။
မောင်ဘကို သတ်မယ်၊ မောင်လှကို သေစေမယ်၊ သေနတ်အရောင်းအဝယ် စတာမျိုးသာ မရေးရပါ။
အမှန်၊ အတည့်၊ အကောင်းတွေဆိုရင် စိတ်မဝင်စား။
လိမ်၊ ညာ၊ ဖြီးဖြန်းတွေကိုတော့ 'လိုက်ခ်'၊ 'ဆေ့ဖ်'၊ 'ရှယ်'၊ 'ဖေါ်လို' လုပ်နေသူတွေက များတယ်။
လိမ်တဲ့သူဦးရေထက် အလိမ်ခံချင်သူ အရေအတွကက ပိုများတယ်။
ကြာတော့ လိမ်ညာခြင်းနဲ့ အလိမ်ခံရခြင်းမှာ သာယာလာကြပါတော့တယ်။
ဖေ့စ်ဘွတ်ပေါ်မှာ မြန်မာစာနဲ့ရေးတဲ့အသိုင်းအဝိုင်းကြီးဟာ "လူလိမ်လူညာတွေကြီးစိုးရာ" ဖြစ်နေပြီ။
အတည့်အမှန်ပြောသူတွေ ရန်လုပ်ခံရတယ်။
ဆဲလိုက်ရတာအတွက် ဂုဏ်ယူနေကြတယ်။
မသန့်ရှင်းသော လူနေအသိုင်းအဝိုင်းများ (Dirty communities) သည် အမှိုက်စီမံခန့်ခွဲမှု မကောင်းခြင်း၊ အမှိုက်ပစ်ပယ်နေခြင်း၊ အခြေခံအဆောက်အအုံများ ပျက်စီးပျက်ကွက်နေခြင်းတို့ကြောင့် ဖြစ်ပေါ်တတ်သည်။ ထိုကဲ့သို့သော ပတ်ဝန်းကျင်များသည် လူမှုရေးနှင့် ကျန်းမာရေးအတွက် အန္တရာယ်များစွာ ဖြစ်စေနိုင်သည်။
ထိုနေရာများတွင် —
Cholera (ဝမ်းပျက်ဝမ်းလျှောရောဂါ)
Typhoid (တိုက်ဖွိုက်ဖျား)
Malaria (ငှက်ဖျား)
ကဲ့သို့သော ကူးစက်ရောဂါများ ပိုမိုဖြစ်ပွားနိုင်သည်။
ထို့အပြင် မသန့်ရှင်းသော ပတ်ဝန်းကျင်များသည် —
ကြွက်၊ ခြင်၊ ယင် စသော ပိုးမွှားများ ပေါများလာခြင်း
စိတ်ဖိစီးမှုနှင့် စိတ်ပူပန်မှု တိုးလာခြင်း
အိမ်ခြံမြေတန်ဖိုး လျော့ကျလာခြင်း
ရာဇဝတ်မှုများ တိုးလာနိုင်ခြင်း
တို့ကိုလည်း ဖြစ်ပေါ်စေနိုင်သည်။
ထို့ကြောင့် သန့်ရှင်းသော ပတ်ဝန်းကျင်နှင့် အမှိုက်စီမံခန့်ခွဲမှု ကောင်းမွန်မှု သည် လူမှုကျန်းမာရေးနှင့် လူနေဘဝ အရည်အသွေးကို တိုးတက်စေရာတွင် အလွန်အရေးကြီးသည်။
မြန်မာစာနဲ့ စာရေးသူတွေ သန့်ရှင်းသောနေရာဌာနတွေမှသာ နေထိုင်ကြရပါစေသတည်း။
ဒေါက်တာတင့်ဆွေ
Comments
Post a Comment