Let My Country Awake

(ရှာဖွေ၊ ကူးယူ၊ တင်ပြတာ ဖြစ်ပါတယ်။ ကွဲလွဲချက်ရှိပါက ကူးယူသူ၏တာဝန်သာ ဖြစ်ပါတယ်။)

အကြင်အရပ်၌

စိတ်သည် ကြောက်ရွံခြင်း ကင်း၏

ဦးခေါင်းကို မော်၍ မော့ထားနိုင်၏။

အကြင်အရပ်၌

အသိပညာရှာရာတွင်

အတားအဆီးမရှိ လွတ်လပ်၏။

အကြင်အရပ်၌

ကိုယ့်အချင်းချင်း မကြင်မနာ မကျဉ်းမြောင်းသော

တံတိုင်း အကာအရံတိုဖြင့်

ကမ္ဘာလောကကို အစိတ်စိတ် အမွှာမွှာဖြစ်အောင်

ခွဲခြားထားခြင်းလည်း မရှိ။

အကြင်အရပ်၌

ပြောဆိုသော စကားတို့သည်

သစ္စာအနက်မှ စီးဆင်းယိုထွက်၏။ **

အကြင်အရပ်၌

မလျှော့တက်ကြွ ဇွဲလုံလသည်

အပြီးအပြောက် အကောင်းအမွန်သို့ ရောက်အောင်

တက်လှမ်း ချီတက်လျှက်ရှိ၏။

အကြင်အရပ်၌

သတိသမ္ပဇဉ် စမ်းရေကြည်သည်

ဓလေ့ကောင်း ညှိုးမှိန်စွာ

ခြောက်သွေ့သော သဲကန္တာရ၌

လမ်းစမပျောက်ဘဲ နေသေး၏။

အကြင်အရပ်၌

အမြဲသဖြင့် တွေးခေါ်ကျယ်ပြန့်

မျှတယူဆ ပြုမူကြအောင်

အဖသခင် ကျေးဇူးရှင်သည်

သူခပ်သိမ်းကို

ဦးဆောင်လျှက်ရှိ၏။

အဖသခင် ကျေးဇူးရှင်

ထိုအရပ်၌

ကျွန်ုပ်၏ နိုင်ငံတော်သည်

နိုးထပွင့်လန်းပါစေသတည်း။

(ရာဘင်ဒြာနတ် တဂိုး)

ဂီတဉ္စလီကဗျာ ပိုဒ်ရေ ၃၅ ကို ဆရာဇော်ဂျီဘာသာပြန်ထားခြင်းဖြစ်ပါသည်။

မှတ်ချက်။ ။** ပြထားသော အပိုဒ်ကတော့ ဆရာ မြသန်းတင့်ဘာသာပြန်ခဲ့တာ ဖြစ်ပါတယ်။

ဆရာပါရဂူ ၏ ၂၀၁၀ ဧပြီလထုတ် ကလျာမဂ္ဂဇင်းပါ ဆောင်းပါးကောက်နုတ်ချက်။

ဒေါက်တာတင့်ဆွေ

Comments

တ - စသတ်စရာမလိုတဲ့ တအသုံးများ

စသတ်စရာမလိုတဲ့ တ အသုံး ၃၉၈ လုံးရှိတယ် 1. ငတရော် (ရေစကြိုမြို့နယ်) 2. ငါ့တရော် (စစ်ကိုင်း မြို့နယ်) 3. တကတဲ 4. တကျွန်းကျ 5. တကယ်တမ်း 6. တကယ်အမှန် 7. တကွ (အတူတကွ) 8. တကွနက် = တပြိုင်နက် 9. တကွဲတပြား 10. တကာ = တတွေ = အများတကာ 11. တကားကား 12. တကုပ်ကုပ်လုပ်နေသည် 13. တကိုယ်တည်း 14. တကိုယ်ကောင်း 15. တကိုယ်ရေတကာယ 16. တကူးတက 17. တကူးတကန့် 18. တကဲ့အဟုတ် 19. တကျက်ကျက် ရန်ဖြစ်နေကြသည် 20. တကျည်ကျည် ငိုနေသည် 21. တကျိတ်တည်း တဉာဏ်တည်း 22. တကျူကျူငို 23. တခဏချင်း 24. တခဏပန်း 25. တခန်းရပ် 26. တချွင်ချွင်မြည်နေသည် 27. တချွတ်ချွတ်မြည်သံ 28. တခမ်းတနား 29. တခွင်တပြင် 30. တခါတည်း 31. တခါတရံ 32. တခါတခေါက် 33. တခါတလေ 34. တခိခိ တချိချိ ရယ်သည် 35. တခုခုစားပါ 36. တခုတလေ 37. တခုလပ် 38. တခို 39. တခဲနက် = တလုံးတစည်းတည်း 40. တခဲထွေ = တပေါင်းတစည်းတည်း 41. တချက်တည်း 42. တချက်လွှတ်အမိန့် 43. တချာ = ပေါင်း = တဝေး = တစုတရုံးတည်း 44. တချိုးတည်းလစ်ပြီ 45. တချို့တဝက် 46. တချို့တလေ 47. တငမ်းငမ်း 48. တငိုငိုတရီရီ 49. တစံ့ = အနည်းငယ်မျှ 50. တစုံ (သင်္ကန်း) 51. တစုံတခု 52. တစုံတရာ 53. တစုံတဦး 54. တစုံတယောက် 55. တစစီ (တခုချင်း၊ အ...

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog