အမျိုးသမီးသမိုင်းလ (Women's History Month)

၁၉၈၇ ခုနှစ်တွင် အမျိုးသားအမျိုးသမီးသမိုင်းစီမံကိန်း (National Women's History Project) ၏ တောင်းဆိုချက်အရ အမေရိကန်ကွန်ဂရက်လွှတ်တော်က အက်ဥပဒေ (Pub. L. 100-9) ကို အတည်ပြုခဲ့ပြီး၊ ၁၉၈၇ ခုနှစ် မတ်လကို အမျိုးသမီးသမိုင်းလအဖြစ် သတ်မှတ်ခဲ့ပါသည်။ ၁၉၈၈ ခုနှစ်နှင့် ၁၉၉၄ ခုနှစ်အကြားတွင် ကွန်ဂရက်လွှတ်တော်က နှစ်စဉ်မတ်လကို အမျိုးသမီးသမိုင်းလအဖြစ် ကြေညာရန် သမ္မတအား တောင်းဆိုသည့် ဆုံးဖြတ်ချက်များကို ထပ်မံအတည်ပြုခဲ့ပါသည်။ ၁၉၈၈ ခုနှစ်မှစ၍ အမေရိကန်သမ္မတများသည် မတ်လကို အမျိုးသမီးသမိုင်းလအဖြစ် နှစ်စဉ် အခါအားလျော်စွာ ထုတ်ပြန်ကြေညာခဲ့ကြပါသည်။

အမျိုးသမီးသမိုင်းလသည် အမေရိကန်အမျိုးသမီးများ၏ အောင်မြင်မှုများနှင့် ပေးဆပ်မှုများကို ဂုဏ်ပြုသောလ ဖြစ်ပါသည်။ ၎င်းသည် ၁၈၅၇ ခုနှစ်၊ မတ်လ ၈ ရက်နေ့တွင် နယူးယောက်စီးတီးရှိ အထည်ချုပ်နှင့် ရက်ကန်းစက်ရုံများမှ အမျိုးသမီး ရာပေါင်းများစွာက ကြမ်းတမ်းသော လုပ်ငန်းခွင်အခြေအနေများကို ဆန့်ကျင်ကန့်ကွက် ဆန္ဒပြခဲ့ကြသည့်နေ့မှ စတင်မြစ်ဖျားခံခဲ့ခြင်း ဖြစ်ပါသည်။

အမျိုးသမီးသမိုင်းလသည် သမိုင်းဖြစ်ရပ်များနှင့် ခေတ်သစ်လူ့အဖွဲ့အစည်းအတွင်း အမျိုးသမီးများ၏ စွမ်းဆောင်ချက်များကို မီးမောင်းထိုးပြရန် နှစ်စဉ်ကျင်းပသော အထိမ်းအမှတ်လ ဖြစ်ပါသည်။ အမေရိကန်ပြည်ထောင်စု၊ ဂျာမနီနှင့် ဩစတြေးလျနိုင်ငံတို့တွင် မတ်လ ၈ ရက်နေ့၌ ကျရောက်သော အပြည်ပြည်ဆိုင်ရာ အမျိုးသမီးများနေ့နှင့်အညီ မတ်လတွင် ကျင်းပကြပြီး၊ ကနေဒါနိုင်ငံတွင်မူ အောက်တိုဘာလ ၁၈ ရက်နေ့၌ ကျရောက်သော လူသားများနေ့ (Persons Day) အထိမ်းအမှတ်နှင့်အညီ အောက်တိုဘာလတွင် ကျင်းပကြပါသည်။

၁၉၇၈ ခုနှစ်တွင် ကယ်လီဖိုးနီးယားပြည်နယ်၊ ဆိုနိုမာခရိုင် (Sonoma County) ၌ တပတ်ကြာ ကျင်းပခဲ့သော အထိမ်းအမှတ်ပွဲကို ဂါဒါ လာနာ (Gerda Lerner) နှင့် အမျိုးသားအမျိုးသမီးသမိုင်းမဟာမိတ်အဖွဲ့ (National Women's History Alliance) တို့က အမျိုးသားအဆင့် တပတ်တာအထိမ်းအမှတ် (၁၉၈၀) အဖြစ်လည်းကောင်း၊ ထို့နောက်တွင် အမျိုးသားအဆင့် တလတာအထိမ်းအမှတ် (၁၉၈၇) အဖြစ်လည်းကောင်း အသိအမှတ်ပြုခံရစေရန် ကြိုးပမ်းခဲ့ကြရာမှ အမေရိကန်ပြည်ထောင်စုအတွင်း စတင်ခဲ့ပြီး နောက်ပိုင်းတွင် နိုင်ငံတကာသို့ ပျံ့နှံ့သွားခဲ့ခြင်း ဖြစ်ပါသည်။

ကယ်လီဖိုးနီးယားပြည်နယ်၊ ဆန်တာရိုဆာ (Santa Rosa) ရှိ ပညာရေးသမားများသည် လူ့အဖွဲ့အစည်းအပေါ် အမျိုးသမီးများ၏ စွမ်းဆောင်ချက်များကို ပိုမိုသိရှိနားလည်စေရန်အတွက် ၁၉၇၈ ခုနှစ်၊ မတ်လတွင် အမျိုးသမီးသမိုင်းပတ် (Women's History Week) ကို ပထမဆုံးအကြိမ် ကျင်းပခဲ့ကြပါသည်။ စီစဉ်သူများသည် မတ်လ ၈ ရက်နေ့ရှိ အပြည်ပြည်ဆိုင်ရာ အမျိုးသမီးများနေ့နှင့် တိုက်ဆိုင်စေရန် မတ်လအစောပိုင်း တပတ်ကို ရွေးချယ်ခဲ့ကြခြင်း ဖြစ်ပါသည်။

မြန်မာပြည်မှာလည်း ထင်ရှားကျော်ကြားတဲ့ အမျိုးသမီးတွေ သမိုင်းမှာ ရှိပါတယ်။

သမိုင်းဘာသာရပ်ကိုတော့ စိတ်ပါဝင်စားသူ နည်းလာတယ်လို့သိရတယ်။

စစ်အုပ်စု ဒုတိယဆက်မှာ နောက်ကြောင်းမပြန်နဲ့လုပ်ထားတယ်။

သမိုင်းမသိရင် အလိမ်ခံရမယ်။

သမိုင်းမှန်ကိုမသိဘဲ ကောင်း၏ ဆိုး၏လို့ ပြောနေသူတွေက များတယ်။

သမိုင်းမသိသူတွေက လိမ်နေကြတယ်။

ဒေါက်တာတင့်ဆွေ