ကကတစ် နှင့် မြန်မာ့စွယ်စုံကျမ်းအား အလွဲသုံးစားပြုခြင်း

- ကတ်ခုရံ(ကကူရံ၊ ကကူရံ) ငပုတ်(ငပုပ်) စစ်စစ် ၃ ကောင်ရပါ့မယ် ငပုတ်‌ခြောက်(ငပုပ်ခြောက်) ကြိုက်သူများ မြန်မြန်လေးသာ ဖုန်းခေါ်လိုက်တော့နော်

- ကပ်ခူရံ(ကကူရံ၊ ကကူရံ)ခြောက် ရောက်ပါတယ် 

- ကပ်ကူယံ(ကကူရံ၊ ကကူရံ) ငပုပ်ခြောက်အကောင်လိုက် တပိသာ 75000 အသားပါး

- ကပ်ကူယံ(ကကူရံ၊ ကကူရံ) ငပုပ် အသား သီးသန့် တဆယ်သား 10000 အသားပါး

ကကူရန် မှန်အောင်ရေးတာ ရှားတယ်။ 

ကကတစ် ကကူရံ

ဒီနေ့တော့ ကတ္တတစ်လေးကောင် ဈေးကဝယ်လာတယ်။

ကကတစ်လို့ ရေးရ။

မြန်မာအဘိဓာန် အကျဉ်းချုပ် (၁၉၇၈) မှာ ကကူရံလို့ ရေးတယ်။ ကကုရံသည် ပင်လယ်ငါးမျိုး ဖြစ်၍ ရခိုင်ပြည်ဖက်တွင် ငလက်ခွာဟု၎င်း၊ ထားဝယ်ဖက်၌ ငကွဲယင်ဟု၎င်း တွင်သည်။ နိုင်ငံခြားတွင်မူ အိန္ဒိယဆာမန်ဟု ခေါ်လေ့ရှိကြသည်။ ပါဏဗေဒ အလိုအရ ကကုရံသည် ငပုဏ္ဏားနှင့် အတူ “ပေါ်လီနီမီဒို” မျိုးရင်းတွင် ပါဝင်၍ ဤငါးနှစ်မျိုးလုံးပင် မြန်မာနိုင်ငံ၌ လူကြိုက်များသဖြင့် အရောင်းတွင်ကျယ်လေသည်။ ကုကုရံသည် ခြောက်ပေ ကျောက်ကျောက်အထိ ရှည်နိုင်သည်။ နှာယောင်ပွ၍ ဝိုင်းသည်။ မျက်လုံးကြီးသည်။ ပါးစပ်ကြီး၍ ပါးစပ်နက်သည်။ ကျောဆူးတောင် နှစ်ခါပါ၍ ထင်ရှားပေါ်လွင်သည်။ အမြီးခွနက်သည်။ အနားကြမ်းမျိုးဖြစ်သည့် အကြေးများမှာ သေးငယ်၍ ထောင်လိုက်ပေါက်သော ဆူးတောင်ဖျားမှာ အစိမ်းနှင့် ရောစပ်ထားသော အရောင်မျိုးဖြစ်၍ ကိုယ်နံဘေးနှင့် ဝမ်းပိုက်ပိုင်းတွင် ဖြူဝါရောင်သို့ ပြောင်းသွားသည်။ ကျောနှင့် အမြီးဆူးတောင်ထိပ်ဖျားတို့မှာ မည်း၍ သေးငယ်သော အမည်းပြောက်ကလေးများပါသည်။ ဝမ်းနှင့် စအိုဆူးတောင်တို့၏ အနားတလျှောက်မှာ အဝါနုရောင် သန်းနေ၏။ ပါးဟက်ဖုံးပေါ်တွင် အမည်းကွက် တခုစီပါရှိသည်။ ကကုရံကို အဆိပ်အတောက်ကင်းသည်ဆိုကာ လူဖျားလူနာများ စားသုံးနိုင်သော ငါးမျိုးစားရင်းတွင် ထည့်သွင်းထားသည်။ ကကုရံကို မြန်မာနိုင်ငံပင်လယ်မှာ အမြောက်အမြား ဖမ်းဆီးရမိလေ့ရှိသည့်အတိုင်း၊ လတ်လတ် ရောင်းချရန်ထက် ပိုလျှံနေသော ငါးများကို ငါးပုပ်ခြောက်များ ငါးခြောက်များ ပြုလုပ်၍ စားသောက်လေ့ရှိကြသည်။ (မြန်မာ့စွယ်စုံကျမ်း)

မြန်မာ့စွယ်စုံကျမ်းအား အလွဲသုံးစာပြုကြတယ်။

မြန်မာ့စွယ်စုံကျမ်း အတွဲ ၁၊ စာမျက်နှာ ၁ မှာ ကကူရံ လို့ ရေးပါတယ်။  ဝီကီပီးဒီယားမှာ ကူးတင်တော့ ကကတစ် အောက်မှာ စားငါးတမျိုးကို စသတ်ထားတယ်။

ကကုသန်မြတ်စွာဘုရား အောက်မှာ တဂါဝုတ်မြင့်သောကို စသတ်ထားတယ်။

မြန်မာ အဘိဓာန်အကြောင်းတင်တာကို ဖတ်ကြည့်ပါတယ်။ မြန်မာ့စွယ်စုံကျမ်း၊ အတွဲ ၁၀၊ စာမျက်နှာ ၃၇၄၊ ၃၇၅၊ ၃၇၆ ပါ မြန်မာ အဘိဓာန်အကြောင်းမှာ မြန်မာစာ သတ်ပုံတွေ အကုန်မှန်တယ်။ ဥပမာ အဆုံးပိုဒ်မှာ - ကျမ်းပေါင်း တသောင်ကိုးထောင်ကျော်လို့သာ ရေးပါတယ်။

အကိုးအကားအတွက် မြန်မာ့စွယ်စုံကျမ်းကို အသုံးပြုကြရတယ်။ ကောင်းတယ်။ ဒါပေမဲ့ အကိုးအကားပြုသူတွေက မူရင်းမြန်မာ့စွယ်စုံကျမ်းပါ သတ်ပုံတွေကို မှားအောင်ပြင်နေကြတယ်။ မလုပ်ကောင်း။ ဝီကီဒီဒီယားမှာလည်း ကူးတင်ကိုက မှန်နေတာကို မှားအောင်ပြင်တင်ထားတယ်။ မလုပ်ကောင်းပါ။ မြန်မာ့စွယ်စုံကျမ်းတစုံကို ပီဒီအက်ဖ် ဖိုင်နဲ့ တင်ကြတယ်။ မှန်အောင်တင်တာ ၂ နေရာတည်းသာရှိတယ်။ 

၁။ State Pariyatti Sasana University (Yangon) နိုင်ငံတော်ပရိယတ္တိ သာသနာ့တက္ကသိုလ် (ရန်ကုန်) မှန်တယ်။

၂။ Library Alpha မှန်တယ်။

မြန်မာ့စွယ်စုံကျမ်း ၁၅ တွဲကို အွန်လိုင်းမှာ တင်ထားကြတယ်။ မူရင်းကျမ်းပါ သတ်ပုံတွေကို တမင်တကာ ပြောင်းထားတာ တွေ့ရတယ်။

• တ မှန်သမျှ ၉၀%လောက်ကို တစ်၊

• ၎င်း ကို လည်းကောင်း၊

• ပဌမ ကို ပထမ၊

• သမတ ကို သမ္မတ စသည်။ 

အများစုက မူရင်းသတ်ပုံမှန်တွေကို တမင်ကာမှားစေအောင် ပြင်တင်ထားကြတယ်။ မြန်မာ့စွယ်စုံကျမ်း အတွဲ (၁) ကို နမူနာသက်သေပြပါမယ်။

ကကတစ်။

ခေါင်း၏ဘေးတဘက်တချက်၊ ဝမ်းပိုက်တလျှောက်၊ တပေခွဲသာ၊ တခါတရံ၊ 

ဒေါင်းလုဒ် = တ အားလုံးကို စသတ်ထားတယ်။

ကကုသန်မြတ်စွာဘုရား။

ပဌမဆုံးပွင့်တော်မူသော 

ဒေါင်းလုဒ် = ပထမလို့ ပြင်ထားတယ်။

အတွဲ (၆)၊ စာမျက်နှာ (၁၈)။

မူရင်း = နူးရန်းဗာ့မြို့၏ သာယာသည့် ရှုခင်းတရပ်

ဒေါင်းလုဒ် = နူးရန်းဗာ့မြို့၏ သာယာသည့် ရှုခင်း(တစ်)ရပ်လို့ ပြင်ထားတယ်။

မြန်မာ့စွယ်စုံကျမ်း https://burmese-spelling.blogspot.com/2022/11/blog-post_292.html

မြန်မာ့စွယ်စုံကျမ်း နှင့် မြန်မာ့စွယ်စုံကြမ်း https://dr-tint-swe.blogspot.com/2022/07/blog-post_684.html

မြန်မာ့စွယ်စုံကျမ်း (နှစ်ချုပ်) https://dr-tint-swe.blogspot.com/2022/08/blog-post_10.html

မြန်မာအဘိဓာန်သမိုင်း https://dr-tint-swe.blogspot.com/2022/06/blog-post_563.html

မြန်မာ့စွယ်စုံကျမ်း (၁၁) https://dr-tint-swe.blogspot.com/2022/05/blog-post_38.html

ဒေါက်တာတင့်ဆွေ