(၁)
ငါးရံ့အူချက်ရင် ကြက်သွန်နီ လုံးဝမသုံးရပါဘူး ညှီစော်နံတတ်ပါတယ် ဂျင်း ငရုတ်သီးကို ညက်အောင်ထောင်းပြီး ကြက်သွန်ဖြူကို ကွဲရုံထောင်းပြီး ဆီသတ်ပါ မွှေးပြီး အရောင်ပြောင်းလာရင် ငံပြာရည်ပေါက်ပါ။ ငါးရံ့အူထည့်ပါ။ ပျဉ်းတော်စိမ်းရွက်ထည့်ပြီး အိုးမကပ်အောင် အပေါ်အောက်လှန်နေရင်း အရသာထည့်ပါ။ ထပ်ထပ်လေးဖြစ်လာရင် ရေနွေးလောင်း အဖုံးအုပ်ပြီးတည်ပါ။ ၂ ရေလောက်တော့ တည်ပေးပါရှင့်။ ငါးရံ့အူက ပျဉ်းတော်စိမ်းနဲ့ အရမ်းလိုက်ဖက်ပါတယ်။ ညှီနံ့ကင်းပြီး အရမ်းလည်း စားကောင်းပါတယ်ရှင့် (ဆီသတ်နဲ့ လိုက်ဖက်ရေးတာ မှန်တယ်။ ကွန်ဂရက်ကျူလေးရှင်း)
ပျဉ်းတော်သိမ်လို့ခေါ်တယ်။ သူ့နေရာနဲ့သူ အလွန်လိုက်ဖက်တယ်။ အိန္ဒိယမှာ အလွန်သုံးတယ်။ ဒါပေမဲ့ တောင်ပိုင်းနဲ့ အနောက်ပိုင်းမှာသာ အသုံးများပြီး ဒေလီသားတွေက အသုံးနည်းတ
(၂)
ဟောဒီက မတ်ပဲကြော်
လွယ်လွယ်ကူကူအပေါက်ဖောက်နည်းလေးပါပါတယ် ကြည့်လိုက်နော်။ မတ်ပဲရေစိမ်၊ ပွရင်ရေစစ်၊ ဘလန်ဒါထဲထည့် ဂျင်းထည့်ပြီး ရေနဲနဲထည့်ကြိတ်၊ ညက်ရင် ဇလုံထဲထည့်၊ ပျဉ်းနော်သိမ်(ပျဉ်းတော်သိမ်)ရွက် ညှပ်ထည့်၊ မုံညှင်းစေ့ထည့်၊ ဇီယာအစေ့ထည့်ဆားထည့်မွှေ၊ တနာရီလောက်နှပ်ထားပြီးရင် ပြထားတဲ့အတိုင်း လက်ဖက်ရည်စစ်တာလေးနဲ့တင်ကြော်ကြည့်နော်။ အရည်က အုန်းသီးရယ်၊ ကြက်သွန်ဖြူတတက်လောက်ရယ်၊ ဆားရယ် သကြားရယ်၊ ပဲမှုံ့အကျက်ရယ်၊ ရေရယ်ထည့်ပြီး ဘလန်ဒါနဲ့ကြိတ်လိုက်။ ပြီးရင်ဇလုံထဲထည့်ထား၊ ဒယ်အိုးထဲဆီနဲနဲထည့်၊ ဇီယာစေ့ရယ် မုန်ညှင်းစေ့ရယ်၊ ပျဉ်းနော်သိမ်ရွက်ရယ်၊ ငရုပ်သီးခြောက်ရယ် ထည့်ပြီးမှ မီးဖိုပေါ်တင်၊ ဆီဆူလာပြီး ခန(ခဏ)လေးနေရင် ကြိတ်ထားတဲ့အထဲ လောင်းထည့်လိုက်ရင် အရည်ရပြီ
တနာရီ မှန်၊ တတက် မှန်။ ကွန်ဂရက်ကျူလေးရှင်း။ ကျွန်တော်ကတော့ ဇီယာနံ့ မကြိုက်ပါ။
(၃)
ပန်းစရာ့ ဂနိုင်
ရော… သည်တခါ
ငါ ဖေဂျီ မြန်းခဲ့သည့်
ပန်းစရာ့ ဂနိုင်
ရွှန်းလို့သာ မြိုင်ရော့
မပြိုင် ဖော်ကွေ တကိုယ်တမ်းသူတို့
စိတ်ပန်းလို့ ပွေလောက်ကဲ့
စီးတွေတွေ ရေတံခွန်
ရေပြွန်နှင့် ရေပြွတ်
ကျောက်စက်နှင့် စိမ့်စမ်း
မိုးနွေလ မခန်း
ခင်တန်းက ကွေ့ဝိုက်မြှောင်
ဖိုးခေါင်က ကြော်ကြွေး
တအေးအေး ရင့်ရူ
သဲလို့သာ ဆူရော့
ကြိမ် ကျူ ဝါးရုံ
စေး ခြုံ နွယ်ခင်
တပင်က အခက်
တပင်မှာ ရောယှက်
အထက်ရှုပ် အောက်ခြေရှင်း
မြေတလင်း သဲမွေ့ရာ
နတ်လာလို့ ခင်းသည့်နှယ်
မြေခင်းလည်း သာပေ့
ကြောင်လျှာနှင့် နဘဲ
လက်ထုတ်နှင့် အော်လဲ
ရှင်ကစ္စည်းနှင့် ရှင်ဗာကူ
လဲလူ မ ဖို
ကုက္ကိုနှင့် ကုတ်ဟည်း
မန်ကျည်းနှင့် သနပ်
ဒဟပ်နှင့် သန်းထိမ်
ကျဉ်းဖြူနှင့် ပျဉ်းတော်သိမ်
လွန် လိမ် ဖလံ
သီးပေါင်ပဲ့ ဆီး ခံ
လက်ပံနှင့် လက်ခုပ်
ကြက်မအုပ် ကြက်မောက်
တောရှောက် ခပေါင်း
ထနောင်းနှင့် ထောက်ရှာ
ယင်းမာနှင့် ယင်းတိုက်
သည်မြေနယ်တခိုမှာ စာဆိုနှင့် စိုက်သည့်နှယ်
ပျော်ပိုက်စရာ့ တောပေပဲကဗျာ။ ။ (ဦးကြင်ဥ)
နယူးဒေလီမှာ နှစ်အတော်ကြာကြာ နေခဲ့ရတဲ့အိမ်ရှေ့မှာ ပင်ကြီးတရုံရှိတယ်။ တဖက်အိမ်ကအပင်။ အရွက်ခူးလည်း အပင်ကအားမနာရ။ ဒါပေမဲ့ သူတို့လူမျိုးတွေက ကို ကိုးကွယ်ကြလို့ မခူးဖြစ်ပါ။ အိန္ဒိယမှာ ဟင်းခတ်အမွှေးအကြိုင် သုဒကြတာ မတူပါ။ မြောက်ပိုင်းနဲ့ ဒေလီမှာ မလဆာသုံးကြတာများတယ်။ ဘုံဘေရှိရာ အနောက်ပိုင်းမှာ ပျဉ်းတော်သိမ်၊ ပျဉ်းတော်သိမ်။ အိန္ဒိယတောင်ပိုင်းနဲ့ အရှေ့ပိုင်းမှာလည်း ဒေလီလိုမဟုတ်။ အနံ့က မဆိုးပါ။ ဒေလီမှာ ပျဉ်းတော်သိမ်ရွက်ကို အိန္ဒိယတောင်ပိုင်းဆိုင်တွေကနေ ဝယ်လို့ရတယ်။ ပဲကုလားဟင်းနဲ့ ဗယာကြော်တွေမှာ ပါတယ်။ ကောင်းတယ်။
အရွက်အရောင်စိမ်းပေမဲ့ ပျဉ်းတော်စိမ်းလို့ မခေါ်ပါ။
ဒေါက်တာတင့်ဆွေ
Comments
Post a Comment