အင်ဒီယာနာပုလစ်မြို့ ဘုန်းကြီးကျောင်းဝင်းထဲက အပင်။ ကသစ်ပင်ကြီးလို့ထင်တယ်။ ဒေလီမှာရှိတဲ့ ကသစ်ပင်တွေက မတ်တတ်ရပ် ခူးကောင်းရုံသာမြင့်တယ်။ အခုအပင်ကြီးတွေက ဒီမှာပေါတဲ့ ဝက်သစ်ချပင်လိုအကြီးကြီး။
အဲဒီအရွက်ကို ရေနွေးဖျောပြီး ငါးပိကျော်နဲ့တို့စားတယ်။ ခဏနေအုံး့ ငါအရင်စမ်းမယ်ဆိုပြီး ဗော်လန်တီယာလုပ်တယ်။ အခုနေ့လည်အထိ ဘာမှမဖြစ်ပါ။ ကသစ် စစ်ပုံရတယ်။ အရွက်အရသာကတော့ ဒေလီမှာစားခဲ့ရတာထက် ပိုခါးတယ်။
ကသစ်ပင်ကို ရုက္ခဗေဒအခေါ် Erythrina arborescens နဲ့ Erythrina suberosa လို့ ဖတ်ရတယ်။ မြန်မာအဘိဓာန်မှာ ပင်လယ်ကစ်နဲ့ တောင်ကသစ်ရှိတယ်လို့ ဖတ်ရတယ်။ အိန္ဒိယမှာတွေခဲ့တာကို Himalayan Coral Tree လို့ခေါ်တယ်။ အဲတာမျိုးက ၅ မီတာအထိမြင့်တယ်လို့ ဆိုတယ်။
ဓါတ်ပုံက ၂၂-၁၀-၂၀၁၄ ရက်နေ့က ဆောင်းအဝင်မှာ တပင်လုံးဝါထိန်နေခဲ့တဲ့ အင်ဒီယာနပိုးလစ်၊ သရဏမဉ္ဇူဘုန်းကြီးက အပင်ကြီး။ ကနေ့ ဈေးရောင်းပွဲလုပ်ကြတယ်။ မြန်မာ့စားစရာတွေ အစုံ၊ အကုန်မစားနိုင်လို့ အိမ်ကိုဝယ်လာတယ်။ ဟိုမှာ ရှမ်းခေါက်ဆွဲတပွဲ။ စာရေးနေရင်း အကြော်စုံစားမယ်။
ကနေ့မှာ နှစ်ပတ်လည်စာအဖြစ် ပြန်ပေါ်လာတယ်။ ဒေလီမှာ အိမ်နဲ့မနီးမဝေး လမ်းဘေးမှာ အပင်ခပ်သေးသေးတွေ စိုက်ထားလို့ အရွက်နုလေးတွေကို ခူးပြီး ရေနွေးဖျောပြီး တို့စားခဲ့ဘူးတယ်။ ကောင်းတယ်။
ဒေါက်တာတင့်ဆွေ
၂၈-၅-၂၀၁၅
၂၈-၅-၂၀၂၃
Comments
Post a Comment