စွတ် နဲ့ ဆွတ် မှားနေသည်

၁။ မြေပဲတွေ နုတ်ပြီ၊ မြေပဲစွတ် လာလို့ရတယ်နော်။ (ရွှေကန်သူ/ရွှေကန်သားများ ဆုံစည်းရာ)

စွတ် နဲ့ ဆွတ် မှားနေသည်။ မြေပဲဆွတ်နေကြသည်။

၂။ လွမ်းစွတ်ကြတယ်လေ

စွတ် နဲ့ ဆွတ် မှားနေသည်။ လွမ်းဆွတ်ကြတယ်လေ။

၃။ အပေါ်က ပြောထားတဲ့ အသုံးအနှုန်း မှာ ဇွတ် နဲ့ စွတ် ဘယ်ဟာအမှန်လဲ ဆိုတာသိချင်လို့ပြောပြပေးပါဆရာရှင့်

၄။ ဆရာ စိုစွပ်လား (စိုစွတ်)လား သိချင်လို့မေးခြင်း ဖြစ်ပါတယ်ခင်ဗျာ။ 

၅ ဆပ်ပြာမှာ အရေပြား စိုစွပ်(စိုစွတ်) စေတာ ပါတာသုံးပါ။ 

၆ သခွါးမွှေး စွတ်ခူးပြီးခြံ လို့တင်ထားတာတခု တွေ့တယ်။ ဆွတ်လို့သာ ရေးသင့်တယ်။ 

၇ ဆရာ ချက်ကို ဆီစွတ်ပေးရင် တကယ်ပဲ အကျိုးရှိနိုင်တာလားဆရာ။ ဆီဆွတ်လို့ ရေးရတယ်။

၈ ရာသီလာရင်နာတာအတွက် အရက်စွတ်ပေးရရင် သက်သာတယ်ဆိုလို့ တကယ်ပဲ အကျိုးပါသလားလို့ ဆရာနဲ့ တိုင်ပင်ချင်လို့ပါ။ ဆေးနည်းလည်း မှား၊ သတ်ပုံလည်း မှားတယ်။ အရက်ဆွတ်လို့ရေးရတယ်။ 

၉ မင်္ဂလာပါဆရာ။ စွပ်နဲ့ စွတ်နဲ့ အသံတူတာလား ရှင်းပြပေးပါဆရာ။ ကျမတို့သူငယ်ချင်းတွေအငြင်းပွားနေကြလို့ပါ။

စွက်

စွက် = အနည်းငယ်ဖြည့်သည်။ ပူသားရေထက်၊ ရေချမ်းစွက်၍။ 

ဖြည့်စွက် (ရောစွက်) = ခတ်၊ ဖြည့်၊ ထည့်၊ လောင်း။

ရေစွက် (အွန်လိုင်းသတ်ပုံထဲမှာ ရေစွတ် ဖြစ်နေတာ မမှန်ပါ။)

ဇွတ် = မဆင်မခြင်။ အတင်းအဓမ္မ။ ဇွတ်တရွတ်။ ပုလိုက်စုလိုက်၊ ကိုက်လို့စားမည့်နှယ်၊ တရားအလွတ်၊ ဇွတ်ပြုမည့်နှယ်ဆိုလှာလျှင်။

စွပ်

ကွင်းစွပ်

ခြေစွပ်

ခေါင်းစွပ်

ခေါင်းမှာစွပ်

စွပ်ကျယ်အင်္ကျီ

စွပ်စွပ်မြည်သံ

စွပ်စွပ်ရွပ်ရွပ်

စွပ်စွဲသည်

စွပ်တံ

စွပ်ပြုတ်ဟင်းချို

စွပ်လိုက်ချွတ်လိုက်

ပန်းကုံးစွပ်

ယိုးစွပ်သည်

လက်စွပ်

လှံစွပ်

ဝင်ကစွပ်ကောင်

စွတ်

ခြည်ခင်စွတ်ငှက်

စွတ်ကယ်စွတ်ကယ်

စွတ်ကြောင်း

စွတ်ကြောင်း

စွတ်ခနဲထွက်သွား

စွတ်ခနဲထွက်သွား

စွတ်စွတ်ရွတ်ရွတ်လုပ်

စွတ်စွတ်ရွတ်ရွတ်လုပ်သည်

စွတ်စို

စွတ်စိုနေသည်

စွတ်ပြော (ဇွတ်ပြော)

စွတ်ဖား

စွတ်ဖါးလှည်း

စွတ်လုပ် (ဇွတ်လုပ်)

စိုစွတ်

နီနီစွတ်စွတ်

ဝက်မစွတ်မြို့စား

ဆွတ်

ချွေးဆွတ်

ဆွတ်ခြွေ

ဆွတ်ခူး

ဆွတ်ဆွတ်ကြင်

ဆွတ်ဆွတ်ဖြူ

ဆွတ်ဆွတ်လွတ်လွတ်

ဆွတ်ပျံ့

ဆွတ်ဖျန်း

ဆွတ်သူ

ဆုတ်ဆွတ်

ဖက်ဆွတ်ပင်

ဖက်ဆွတ်မိုး

ဖက်ဆွတ်ရေ

ရေဆွတ်

ရေမွေးဆွတ်

လွမ်းဆွတ်

ဒေါက်တာတင့်ဆွေ