ပဏ္ဏာ ပနာ ပနံ

- မိုးရေတက်ရေ တဖွေးဖွေး

- ကွင်းကျယ် အဝေးဝေး

- လယ်စောင့်တဲလေး ခြေတံရှည်

- မိုးကုပ်အောက်မှာတည်

- ကြာနီတပွင့် ဖြူတပွင့်

- တဲနှင့် ပနာတင့်။   ။

၁။ ပဏ္ဏာလားလို့ပါဆရာ

၂။ တဲနှင့် ပနာတင့် ကြာနီတပွင့် ဖြူတပွင့်ပို့စ်အောက်မှာ မေးတယ်။ ပနံတင့် မဟုတ်ပါဘူးလား။ ဆရာမင်းသုဝဏ်ရေးတဲ့မူရင်းကဗျာမှာ ပနာတင့်လို့သာဖြစ်ပါတယ်။

မေးစရာကောင်းပါတယ်။

ဒီကဗျာမှာ ပဏ္ဏာ မဟုတ်ပါ။

မြန်မာအဘိဓာန် အကျဉ်းချုပ် (၁၉၇၉) ထဲမှာ

ပနံစား

ပနံရ

ပနံသင့်

ကဗျာ၊ သီချင်း၊ ကာတွန်း။ ဆောငပုဒ် စတာတွေမှာ အသံ၊ ကာရန်၊ အားကိုယူပြီး ရေတာလည်း ရှိပါတယ်။ ဥပမာ ပန်းသည်ကဗျာကို သီချင်းသံသွင်းတော့ ဂီတသင်္ကေတစာရွက်မှာ ပန်းသယ်လို့ ရေးပါတယ်။ ဂီတသင်္ကေတစာရွက်မှာဘဲ သီချင်းခေါင်းစဉ်က ပန်းသည်။

ပဏ္ဏာ = (ပါ) ပဏ္ဏာကာရ၊ လက်ဆောင်။

ပနာစားတယ်

ပဏ္ဏာ = လက်ဆောင်ပစ္စည်း။ ပဏ္ဏာကာရ။

ထက်ဝန်းမင်းတို့၊ စင်းလျင်းစေပါ၊ ချစ်ခြင်းရာဖြင့်၊ ပဏ္ဏာလက်ဆောင်၊ မိန့်စာစောင်နှင့်။ ဟင်္သာ*၆၁။

မပြုံး တပြုံ့ ပြုံးတပြုံ့၊

 မထုံး တထုံ့ မင်ကေသီ၊

မဖုံး တဖုံ့ ရွှေထဘီဝယ်၊

 လျှံနေခြည်ရောင် လဲ့ပြောင်ဝင်း။

လှမျိုးသေတ္တု တပွင့်ရွှေငယ်၊

 ခင်ခင့်အမေ မွေးတတ်လိုက်လေခြင်း။ ။

သောင်းခွင်လေးရပ် ခရိုင်ဘူမှာ၊

 ပြိုင်သူဘက်ကွာ စံရှားကင်း၊

ခိုင်မဉ္ဇူခက်ညှာ မာလာမင်းသို့၊

 ပဉ္စာအဆင်း ပြစ်မဲ့စင်။

သမိုင်းရွှေစာ တင်ယူကုံးလောက်ကဲ့၊

 ယဉ်လုံး ယဉ်မျာ့၊

 ယဉ်ဆုံး ယဉ်ပ ယဉ်မှူးကေကျော့ခင်။ ။

လေးယောက်ခြောက်ကျိပ် ပဒုံစင်ကို၊

 တဂုဏ်ယှဉ်လျှင် သာဟန်ကြူးပါလိမ့်၊

ဝေယံဘုံမှူး သမိံပါ၊

 နှင်းဆက်လိမ့် ပဏ္ဏာ…။

ယဉ်ကျေး မူရာ့၊

သွင်သွင်း ရူပ၊

ခင်လေးသူဇာ့ သိမ်မွေ့သာသည်၊

 ဣန္ဒြေ့မာယာ အိုများပါဘိလေး။ ။

(ထပ်တွန့်ရှစ်ဆယ်ပေါ်တေးထပ်- ဇော်ဂျီ)

ဆုတောင်းပဏ္ဏာ တေးရေး ရွှေပြည်အေး တေးဆို ၀င်းဦး https://www.youtube.com/watch?v=PgMVCIOo1uY

ဒေါက်တာတင့်ဆွေ