ကိုင်းသီးဆိုတာ

ကွန်မင့်တခု = သည်ဘက်မှာကတော့ ခရမ်းချဉ်သီးကို ပုထုစင်သီးလို့ နောက်ပြောင်ခေါ်ကြတယ်။ ငယ်တုံးကပါ အငြိမ့်ထဲမှာတောင် ပြက်လုံးထုတ်ကြတယ်။ ဟို အရင်က ခရမ်းချဉ်သီးဆိုတာ ကိုင်းသီးခေါ် မြေပုံသီးသာအသုံးများကြတယ်။ နောက်ပိုင်းမှ မေမြို့သီးအသုံးများတယ်။ ခရမ်းချဉ်သီးက ထုလိုက်ရင် အရည်ရွှမ်းလို့ စင်ထွက်ကုန်ရော။ အဲဒါကို ပုထုစင်(ပုထုဇဉ်)ဆိုပြီး နောက်ပြောင်ကြပါတယ်။

ကိုင်းသီးလို့ မကြာခဏ တွေ့ရတယ်။ ကိုင်းမြေမှာစိုက်တဲ့ အသီးတိုင်းကို ကိုင်းသီးလို့ခေါ်ပါတယ်။

မြစ်ရေကျသောအခါပေါ်လာသောနုန်းတင်မြေနု။

မြစ်ပေါက်ချောင်းငယ်၊ စီးသွယ်လေတိုင်း၊ ကိုင်းကားဖြင့် ပြွမ်း။ မဂ်စိုး*၇၆။

မြေအမျိုးအစားများကို လယ်ယာမြေ စီမံခန့်ခွဲရေးနှင့် စာရင်းအင်း ဦးစီးဌာန (ယခင် မြေစာရင်း)မှ စိုက်ပျိုးမြေများ - (လယ်၊ ယာ၊ ကိုင်း၊ ကျွန်း၊ ဥယျာဉ်၊ ဓနိ၊ ရော်ဘာ၊ တောင်ယာ ဟူ၍ မြေမျိုးကြီး ခုနစ်မျိုး ထပ်မံခွဲခြားထားပါသည်။

K - အစဉ်အမြဲ ကိုင်းသီးနှံ (ဆောင်းသီးနှံ) စိုက်ပျိုးသော်လည်း မြေအခြေအနေ မတည်မြဲသည့် ရေလွှမ်းမိုးလေ့ ရှိသော မြေနုများ၊ KY - ကိုင်းယာ (သို့) အစဉ်အမြဲ ကိုင်းသီးနှံများ စိုက်ပျိုးလုပ်ကိုင်နိုင်သည့် မြစ်၊ ချောင်း၊ ကမ်းနား(သို့) မြေ အခြေအနေ မပြောင်လဲသော ရေလွှမ်းမိုးသည့် မြေရင့်များ (သို့)အမြဲကျွန်းများ၊ 

ကိုင်းမြေ မြေအမျိုးအစား  K/KA/KY

ဖေ့စ်ဘွတ်မှာ ကိုင်းသီးဆိုပြီး ရေးနေကြတာတွေက ရောကောသောကောတွေ ဖြစ်နေတယ်။ တယောက်က ကိုင်းဆိုတာနဲ့ လိုက်ကိုင်းနေကြသလိုဘဲ။

ကိုင်းစိုက်ပျိုးရေး

ကိုင်းစိုက်ပျိုးရေးဆိုသည်မှာ မြစ်ရေဝင်သော နေရာများ၌ ရေကျချိန်တွင် မြေကိုပြုပြင်ဖန်တီး၍ စိုက်ပျိုးခြင်း ဖြစ်သည်။ မြစ်ရေကျသွားသောအခါ မြစ်ကမ်းတဖက်တချက်တွင် ပေါ်လာသော နုန်းမြေနုများအပေါ်တွင် မြက်ရိုင်းများ၊ ကျူပင်ကိုင်းပင်များကို ခုတ်ထွင်ရှင်းလင်းပြီး ဆေး၊ ဗူး၊ သခွား၊ ဖရုံ၊ ပဲ၊ ခရမ်းချဉ်၊ မုန်ညင်း၊ မုန်လာဥ၊ ကြက်သွန်၊ ငရုတ်၊ နှမ်း စသည့်သီးနှံများကို စိုက်ပျိုးသည်။

မုံရွာ၊ ချောင်ဦးဘက်မှာတော့ မြေနုကျွန်းပေါ်မှာ ခရမ်းသီးလည်း စိုက်တယ်။ အလုံးတွေကြီးပြီး ရောင်းပန်းလှတယ်။ ချက်စား၊ မီးဖုတ်ပြီးသုပ်စားလို့ အင်မတန်ကောင်းတယ်။

ဒေါက်တာတင့်ဆွေ