ကိုဒေါင်း သက်တော်ရာကျော် ရှည်ပါစေသတည်း

မြန်မာနိုင်ငံက လူငယ်တွေ အတွက် စိတ်အားတက်စေမယ့် နှလုံးသား အာဟာရလို စာအုပ်မျိုးလေး ရေးတတ်ရင် ရေးပေးပါဆရာ။ ဒါမှမဟုတ် ဒုက္ခပင်လယ်ဝေနေတဲ့ လူငယ်တွေ အကျိုးရှိစေမယ့် ဆောင်းပါးလေးတွေ ရေးတတ်ရင် ရေးတင်ပေးပါ။ လတ်တလော မြန်မာလူငယ်တွေ လိုအပ်နေတာ အဲဒီလို စာပေမျိုးတွေပါ။

ဟုတ်။ အရင်ဆုံးတော့ မရေးတတ်ပါလို့ ဖြေပါရစေ။

မြန်မာစာပေထဲမှာ အာဘော်အမျိုးမျိုးနဲ့ ရေးသားကြပါတယ်။

တချို့က သမိုင်းမှာ ကိုယ့်ဘုရင်တွေ တန်ခိုးကြီးမားကြောင်း ဖွဲ့နွဲ့ ရေးသားကြတယ်။ အဲလိုသမိုင်းစာတွေကို ဒေါက်တာသန်းထွန်းက ထောက်ပြပါတယ်။

တချို့က ဘုန်းတော်ဘွဲ့တွေ ရေးကြတယ်။ မောင်တင်ကတော့ အဲလိုဟာမျိုးတွေကို သရော်စာ ရေးပါတယ်။

ကိုဒေါင်းကား သေလေပြီ၊ ကိုဒေါင်း သက်တော်ရာကျော် ရှည်ပါစေသတည်း (မောင်ထင်) 

ကျွန်ုပ်တို့ဗမာလူမျိုးများသည် နှယ်နှယ်ရရလူမျိုးများမဟုတ် https://burmese-spelling.blogspot.com/2024/02/blog-post_60.html

မောင်ထင်၏ သရော်စာမျိုးတွေကို မဖတ်ဘူးသေးသူတိုင်းက ကျွန်တော်တို့သည် ဗြဟ္မာကြီးနှင့်လည်းကောင်း သာကီဝင်မျိုးနှင့်လည်းကောင်း အမျိုးတော်သည်ဟုဆိုခြင်းအား ဒီအင်န်အေ စစ်ဆေးရန်မလိုဟု မှတ်ယူကြကုန်၏။

မဲရအောင်စည်းရုံးတဲ့ မိန့်ခွန်းစကားတွေကို ကြားဘူး ဖတ်ဘူးပါလိမ့်မယ်။ အနီးစပ်ဆုံးဥပမာတခုကတော့ အမေရိကန် သမတနှစ်ဦး။ ပြီးခဲ့တဲ့ ကြာသပတေးနေ့က စကားစစ်ထိုးပွဲမှာ ဒေါ်နယ်ထရမ့်ဟာ မုသားစက်သေနတ်ပစ်သွားတယ်လို့ အမေရိကန်မီဒီယာတွေက ဆိုကြပါတယ်။ ဒါပေမဲ့ သူ့ကိုဘဲ မဲပေးကြမှာ။ အမေရိကန်နိုင်ငံရေးက အဲလို။

မြန်မာပြည်က စိတ်ဓါတ်အား လိုအပ်နေသူတွေကို အားပေးရာမှာတော့ လက်တွေ့ဆန်သင့်တယ်လို့ ယူဆပါတယ်။ ကျွန်တော်ကတော့ အင်တာဗျူးတွေမှာ မဖြစ်နိုင်လောက်တဲ့ အလားအလာကို မဖြေပါ။ ပြည်သူလူထုဘက်ကနေ လုပ်ကိုင်ဆောင်ရွက်နေသူတွေကိုလည်း လူသိရှင်ကြား အပြစ်တင်ဝေဘန်ခြင်း မပြုပါ။ သင့်တော်တဲ့နည်းလမ်းနဲ့ အကြံပေးပါတယ်။

ဆေးပညာစာမဟုတ်တဲ့ ကျွန်တော်ရေးနေတဲ့စာတွေဟာ ပညာကိုအခြေခံပြီး စဉ်းစားတွေးမြင်မှု တည့်စေအောင် ရည်ရွယ်ပါတယ်။ ပညာကို ပညာနဲ့သာ ဆန်းစစ်အပ်ပါကြောင်း၊ အမိန့်ထုတ်ထားတာဖြစ်လို့ တရားဝင်သတ်ပုံဖြစ်တယ်၊ လိုက်နာရေးသားရမယ်လို့ ယူဆနေတာကို ပြန်လည်စဉ်းစားကြစေချင်လို့ ရေးပါတယ်။ အနှစ် ၄၀ လောက်ခိုင်မြဲနေတဲ့ အုတ်နံရံကြီးကို တွန်းရွှေ့ဘို့ ကြိုးစားနေရမှန်းလည်း သိပါတယ်။

ဒေါက်တာတင့်ဆွေ